~~~~~~~~~~~~~~~~







2015年8月5日 星期三

最後蛋糕


最後蛋糕

陳家一家四口,加上一名外籍女傭,五人住在東涌某大型屋苑。陳生陳太每朝晨早出中環灣仔上班,一對子女亦回荃灣上學。留下傭人在家中打掃放狗買餸煮飯。一家五人關係一直良好。

傭人合約快將完結,她跟陳生說要回國搞點小生意,不再續約。陳生曾經挽留,無奈傭人去意已決,月尾便執行李搭飛機,衣錦榮歸。

* * * * 

轉眼又到月尾,傭人今天傍晚便要乘夜機返家鄉。傭人對陳家有點依依不捨,傭人決定要親手做一個蛋糕送給陳家,作為臨別秋波的心意。傭人一整便整了兩個蛋糕,一個送給陳家,另一個則帶回家鄉送給家人。

傭人把兩個蛋糕放進雪櫃裡,一個放進紙盒內,方便自己傍晚帶走。另一個蛋糕留待陳家今晚晚飯後作甜品。

下午6時,傭人拖著行李,要離開這個工作了幾年的地方。循例上陳生要check吓傭人的行李,睇吓傭人有無帶走任何並非屬於她的東西。陳生check過,一切無異。陳家揮手告別這位服務多年的傭人。

* * * * 

當晚十時,陳家小兒子嚷著要吃蛋糕。陳太從雪櫃取出蛋糕。兒子搶著要切蛋糕。兒子一刀切下去,刀鋒碰有硬物,心諗唔通有個「連殼合桃」留在蛋糕內?咦?刀鋒有金屬碰撞聲音,陳太急不及待搶過刀來,一刀將蛋糕切開。見到蛋糕中心內藏有鑽石戒指金鏈等首飾。陳家舉家四人,目瞪口呆!

兒子先出聲報告:今天下午,兒子入廚房打開雪櫃,在好奇心驅使下,打開紙盒看一吓傭人的蛋糕。兒子覺得傭人蛋糕的士多啤梨較多較大粒,兒子偷龍轉鳳,把陳家的蛋糕放入紙盒內,讓傭人帶走,多士多啤梨的蛋糕則留待今晚自己飯後享用。

原來陳太無乜手尾,首飾用完便隨處亂放。而且又無乜記性,買過什麼珠寶都不是記得十分清楚。所以讓傭人有機可乘。

今天Last day,傭人將偷回來的珠寶放進蛋糕內,以為可以神不知鬼不覺,一拼拿走回國。結果給貪吃士多啤梨的兒子成功攔截,邪不能勝正。



二少爺說:這篇不是要去抹黑外籍勞工,香港人比她更衰更奸的大有人在。

15 則留言:

  1. 呢個傭人唔夠醒,應該整兩個唔同味嘅蛋糕嘛。一個就係主人鍾意食嘅味道;另一個就係用嚟收金嘅,咁咪萬無一失囉。

    回覆刪除
  2. 陳生對工人既信任就係咁比佢破壞哂

    回覆刪除
  3. 卡臣:

    好似聽過外傭用衛生巾來炒菜。

    回覆刪除
  4. 主人暗装CCTV影到,印尼女佣猛煲电话粥,瞓系地下嘅BB喊,印佣即刻塞只脚趾入BB口中。

    回覆刪除

LinkWithin

Blog Widget by LinkWithin