~~~~~~~~~~~~~~~~







2015年8月20日 星期四

別在窗前等我-下集


別在窗前等我-下集

晚上十一時,Grace發現一個男子在她家的樓下,默默守候,已經守候了好幾個晚上,那男子是她的前度男友:阿偉

* * * * 

一年前,Grace的男友阿偉搭上一名年輕女子,一腳踏兩船。紙包不著火,被Grace發現。貪新忘舊的阿偉,飛了GraceGrace十分傷心,發誓不會原諒花心的阿偉。

Grace半年後,從情傷中痊癒過來,因為她展開另一段新感情。她在健身室玩kick boxing時認識新男友。他叫「大輝」,是健身教練,為人性格激進,容易衝動。不過對Grace卻溫柔細心。

真是因果循環,一年後,阿偉被新歡甩了。Grace在阿偉的「共同朋友」口中得知阿偉被遺棄的消息,十分之心涼,佢都有今日,抵佢死!

厚顏的阿偉,竟然夠膽死,想跟Grace復合。Grace有新男友,她當然啋佢都傻,完全拒接聽阿偉的電話、不理會阿偉的短訊。

Grace一週前,發現阿偉竟然每晚十一時許,到家中對面街頭徘徊。嚇死Grace,感覺好像被監視。她跟父母商量後,原來父母見樓價飊升,早已放盤,有客睇樓,可能好快便會成交,搬離天光道。

因為Grace心歸又「黐家」,所以跟大輝的約會也不會玩得太夜。通常大輝十時前便會送Grace回家,之後便會離開。所以十一時前來的阿偉,不知道Grace已經另結新歡。

Grace十分擔心阿偉的騷擾,終於忍不住向男友大輝透露。大輝十分緊張女友,他為人魯莽,星期二晚,他竟然戴上口罩,操大陸口音扮「自由行劫匪」,希望可以嚇走阿偉。結果孔武有力的大輝,糾纏間竟然錯手殺死了阿偉。大輝立即逃走,在兩個街口外遭警方拘捕。幫女友出頭結果闖了大禍。

Grace當晚患感冒早睡,不知道大輝出了事。第二天起床看報紙,才知道大輝昨夜殺了阿偉,嚇到成杯熱檸茶倒瀉。Grace去拘留所探望大輝,責怪他為何那麼傻呢?大輝也很後悔!愛情真會令人迷去理智。

大輝被判誤殺罪名成立,入獄十二年。雖然大輝為Grace坐監,但Grace又點會浪費十年青春去等他呢?而且自己真的願意嫁給一個「監躉老公」嗎?

父母告訢Grace樓已成功賣出,賺了100萬。舉家搬去馬鞍山。Grace找到一份工作需要長駐在北京,專搞展覽會。Grace離開這個記憶傷痕累累的香港,到北京展開新生活。

在飛機上,Grace問自己是否「剋夫命」?怎麼阿偉和大輝都沒有好下場。希望自己去到北京後,會有新開始。

* * * * 

在開往杭州的高鐵車廂內,到杭州公幹的Grace,望著玻璃窗外的景色,腦海中又浮起自己是否「剋夫命」的老問題?想得入神之際,突然「砰」一聲,Grace被拋離座位,猛烈撞向玻璃,失去知覺。原來Grace遇上高鐵出軌意外,列車墮橋,125人不幸罹難,包括Grace


二少爺說:佛爺一定又話作者為人悲觀喇。

12 則留言:

  1. 成件事最陰公豬係大輝呀,為咗呢個咁嘅女仔就要坐12年監。

    「在開往杭州的高鐵車廂內…」  呢段好明顯係作者即興之作喇。Grace都係為自己打算啫,愛情又點會唔比現實世界所影響吖。其實佢冇做錯嘢,人之常情喎,作者點解要佢死咁殘忍呀。

    回覆刪除
  2. 其實又唔係懲罰女主角,反而想講好人叻人都會突然遇上意外,生活無常

    回覆刪除
    回覆
    1. 人生無常,好多時都唔知下一秒會發生咩事,我哋要活在當下呀,享受每一分每秒。

      正如一個80歲老翁去尋開心,出「征」未捷身先死,真係好無奈呀,最慘係個服務提供者,要去警館落口哄。

      另外,我喺飛機上寫好咗crossover第一集了,過幾日我番香港,到時一齊出「玩法簡介篇」,翌日我再出文,如何?

      刪除
    2. 去咗外國旅遊散心?充電一下
      有冇艶遇呀?
      好呀!玩crossover, 又交叉下先

      刪除
    3. 去咗食泡菜,今次真係堅經典喇。

      由決定出發、買機票、去上到飛機,前後只係用咗3個鐘,我諗番都覺得自己好癲,完全同我行事方式唔同呀。

      刪除
    4. 咁瘋癲?真的不似你,可能會結埋婚返港

      刪除

LinkWithin

Blog Widget by LinkWithin