~~~~~~~~~~~~~~~~







2015年8月19日 星期三

我在窗前等妳-上集


我在窗前等妳-上集

阿偉在土瓜灣天光道某憧舊樓樓下,默默守候,守候一個女子。他的前度女友Grace

* * * * 

一年前,阿偉跟女友Grace的愛情,遭受考驗。阿偉見異思遷,搭上一名年輕女仔,一腳踏兩船。紙包不著火,被Grace發現。阿偉二揀一,貪新忘舊的他放棄了GraceGrace被飛後,十分傷心,發誓不會原諒花心的阿偉。

真是因果循環,阿偉的新歡其實十分之拜金,這年來花了阿偉不少金錢。一年後,女友搭上一個基金經理,狠狠撇掉阿偉。阿偉嚐到被飛滋味,人財兩空。

厚顏的阿偉,想起Grace往昔的好,竟然夠膽死想跟Grace復合。Grace當然啋佢都傻,完全拒接聽阿偉的電話、不理會阿偉的短訊。

阿偉想起電影《Romeo and Juliet》,他決定要仿傚男主角,每晚在Grace窗前等她。Grace住在土瓜灣天光道某憧舊樓的一樓,她跟父母同住。Grace的睡房窗口,望到對面街的街燈。阿偉每晚11時左右,便在燈柱下,仰望著Grace睡房的窗,希望她終會發現自己,並感動到她。窗簾布後隱約見到Grace,十二時關燈睡覺,阿偉便失望離開。

如是者,阿偉站了三天,但Grace沒有發覺。阿偉想留短訊給Grace通知她自己晚晚在窗前等她。不過這行徑有點「強迫症」,過了火反而會令Grace感到被監視或被跟蹤,分分鐘被標籤成變態佬。所以阿偉暫時按兵不動,觀察多兩天再作打算。

* * * * 

星期一晚十一時,阿偉又來到Grace家樓下。突然下雨,阿偉沒有帶雨傘。冒雨被淋到濕透,嘩!好電視劇啊!如果給Grace看到一定會好感動。可惜當晚Grace沒有靠近窗邊,阿偉無功而回,還患上了感冒。

星期二晚十一時,阿偉負病也來到Grace家樓下。等了半句鐘,一名戴了口罩的三十歲中國藉男子走近,拿出摺刀指嚇。用國語口音說:「拿出錢包!電話!快!」

阿偉最初嚇死,第一次被人打劫喎。不過諗深一層,終於等到一個千載難逢的好機會。只要他跟匪徒糾纏,甚至受傷,驚動警方,把事件張揚,Grace一定知道自己這個痴心漢的存在。

阿偉立下決心,奮勇抗賊,一手按著賊人揸刀的手,反抗賊人。嘩!賊人也不是好欺,兩人扭在一起,阿偉大叫救命!可惜午夜的天光道,十分冷清,舖頭都無間,搵個路人都無。

阿偉再沒有嗌救命了,靜下來。人無力倒下來。糾纏間,刀拮入阿偉的大動脈。一地是血,賊人立即逃走。在兩個街口外遭警方拘捕。原來剛才阿偉嗌救命時,警動住客報警,警方立即趕來,可惜阿偉最終失血致死。

Grace近日被阿偉的騷擾,需要服食安眠藥才可安睡。這夜她有少少感冒,所以十一時半便服安眠藥,上床休息。聽不到窗外的搏鬥聲。不知道有人受傷,更不知道世間上曾經有一個男人為她送上寶貴的生命。債始終都要還的。


二少爺說:不知有否女孩子視「有人肯為自己淋雨」為愛情指數的高低?

9 則留言:

  1. 阿偉咁就拜拜了,好可惜呀。我喺呢個故事度學曉咗三樣嘢,多謝卡臣。

    1. 唔好見異思遷貪新鮮,因為新鮮過後會變唔新鮮;
    2. 唔好揀拜金女做自己條女,一山還有一山高,一男還比一男富;
    3. 遇上持刀賊要乖乖投降,錢冇咗唔緊要,最重要保住條命仔。

    下集係咪用grace嘅角度去講故仔呀???

    回覆刪除
    回覆
    1. 都話你醒架啦! 睇到作者都睇唔到嘅地方。

      再一次都話你醒架啦! 下集用grace嘅角度去睇呀

      刪除
    2. 作者將道理隱含喺故事當中,我將佢哋畫公仔畫出腸啫。 :p

      刪除
  2. 咁下集應該係齊秦嘅別在窗前等我!

    回覆刪除
    回覆
    1. 你都好醒呀! 真係用齊秦嘅「別在窗前等我」,好聽!

      刪除

LinkWithin

Blog Widget by LinkWithin