~~~~~~~~~~~~~~~~







2015年8月3日 星期一

分手


分手

大家好!又係我二少爺。今次重溫Suede1997年出版《Sci-Fi Lullabies》大碟中的Another No One》。一首描寫情侶分手的歌。

歌曲內容大致講:
一對同居情侶終於要分手了。女的執拾好行李,在一個清晨搬離前男友的住所。她電召一部計程車來接她走,她點起一支煙。雖然這刻她跟男友分手,但世界仍如常運轉。她心情平服地跟前男友說:「這段感情落幕了,終於玩完了,你再搵另一個人來代替我,去跟你呢個蘇州屎啦!」她在的士內感受車窗外的太陽。她打電話給母親告知一切。世界仍如常運轉,又是另一天的新開始。她感覺OK,世界仍然一切如常。

一個淡然的分手情景,因為Suede是英國樂隊,我幻想到歌曲畫面是發生在倫敦近郊某條蕭條的街上,一個晨曦初現的寒冷清晨,女的獨自把行李搬上黑色的計程車,把煙擠熄後,平靜地乘車離開這個曾經居住過的地方。

不要問人點解分手
我幾十歲人,我話無經歷過分手都係呃大家啫。不過,我的性格不是激動型,所以像電視劇中的「冒雨狂奔狂叫」的分手情節一概欠奉。無論被飛或飛人,我的分手故事都是淡淡然。既然大家都分手啦,就無謂「wher爛塊臉」互揭瘡疤啦,係咪?

我喜歡其中一句歌詞:「the world smiles」。雖然感情發生波折,但世界仍然如常轉運。偏偏有一些執迷的人把愛情看得好重,承受唔到分手的打擊,便先去殺人,之後畏罪自殺,成為報紙頭條。唉~ 何苦呢?



二少爺說:歌曲開首時有些背景聲音,是小朋友在公園的嬉戲笑聲,來對比女主角的分手心情。

12 則留言:

  1. 卡臣:

    咁平靜,唔究激呀!應該男的有冇早洩都放上女的臉書,公諸於世。嘻嘻!

    回覆刪除
  2. 「不要問點解分手」,其實一齊咗咁耐好多嘢雙方都心領神會,唔洗宣之於口。不過,有時講咗或聽咗個原因,可能係另一種釋懷嘅途徑。

    回覆刪除
    回覆
    1. 卡臣好嘢,又為我提供靈感了 :)

      刪除
    2. 喂~~唔好唔開心,搵佛爺帶我地去散下心

      分手藉口︰妳應該配一個比我更好的人

      刪除
    3. 你係打錯字呀???,你想講「搵佛爺帶我地去尋開心」呀? :)

      「妳應該配一個比我更好的人」嘅潛台詞係=我好人,但你唔鐘意」,咁即係叫我收分手版嘅好人卡喇。 :o

      刪除
    4. 「搵佛爺帶我地去尋開心」呀?
      好呀~~佛爺╴識做喇

      分手留下伏線﹐ 可能日後返兜呢

      刪除
    5. 唔伏喇,來來回回咗咁多次盞大家唔開心,留個美好回憶喇,我今次真係放下喇。

      刪除
    6. 任每天如霧過去,沉默裡任寒風吹

      刪除

LinkWithin

Blog Widget by LinkWithin