~~~~~~~~~~~~~~~~







2015年6月1日 星期一

不如重頭嚟過


不如重頭嚟過

在酒店的宴會廳內,一對新人在台上跟親友合照,場地人員把燈光調暗,落地玻璃窗外的維港夜景,燈光璀璨。

在台下,一男一女怔著對望,兩人心情緊張,站姿崩緊。身後賓客侍應們快速行過,形成強烈對比。

男的叫Rick,女的叫Karen,是一對已經分了手四年的前度情侶。四年間兩人音信隔絕,不相往來,估不到今天竟然在舊朋友的婚宴中再遇,真係如電視肥皂劇的情節。

都是由男的先開聲:「Hi!」兩人再見亦是朋友,坐低傾一陣。互相交換生活近況。男的半年前跟女友分手,回復獨身。女的一年前跟前男友分手後,獨身至今。正是一個未嫁一個未娶

兩人交待完近況後,雙眼對望,泛起一抹尷尬。Karen放在枱下的手輕輕顫抖,緊張起來。跟著發生dead air。不知講什麼接下去。

Rick想起一句老套說話:「時間可以醫治一切」。他以為自己已經可以放低Karen。但今晚重逢,又勾起心底許多已隱藏的傷痛。原來未能全部放低。

四年前,他們因為性格不合而分手,兩人都是「火爆底」,見到對方有睇唔順眼的地方便立即「咇喱吧啦」。分手原因其實好雞毛蒜皮:為了去旅行的目的地爭吵。結果旅行去不成,雙方冷戰,大家硬頸,不找對方修好。 Block了對方的facebook、取消關注對方的微博,delete了對方的電話和電郵。從此兩人變成陌路人,無聲無色的分手,無疾而終的結局。

Rick在想:如果時間可以倒流,回到四年前當天的話,他一定會在爭吵後立即找Karen氹返佢。千方百計也要跟Karen和好。如果能夠冰釋前嫌,說不定今當婚宴的backdrop,要寫成Karen & Rick了。

Karen又想:四年前大家都是臭脾氣、「爆仗頸」。四年後,人大了成熟了。如果可以再來一次,她一定會包容體諒Rick。可能手上的無名指會戴上刻著Rick的結婚戒指。

Karen Rick同一時間想:在這浪漫婚宴跟對方重遇,已經要借助天意。如果冥冥中注定兩人要舊情復熾的話,這次真是個充滿戲劇性的復合。日後一定要講俾仔女孫兒知道幾十年前父母曾經發生過這一幕經典。

Rick想用婚宴的話題作為切入點,試探Karen對復合的想法。Rick指著台上「粉紅色心型大backdrop」,好唔經意咁問:「如果俾我搞,我一定唔用粉紅色。」 Karen一聽到,立即瞪大對眼,唔服氣咁回應:「粉紅色好呀!夠浪漫呀!」男的不禁示弱:「浪漫?幼稚就真,畫埋Hello Kitty吖笨!」兩人故態復萌,妳一言我一語,聲線越鬧越大,要驚動兄弟姊妹前來勸交。

Karen Rick吵得面紅耳熱,沒有心情留下來吃飯,兩人拂袖而去。一段良緣又再次擦肩而過了。

有時候,我們會想:如果有多次機會從頭嚟過,我一定會怎樣怎樣結果,咪又係本性難移,重轁覆轍囉。


二少爺說︰本故事改篇自以下呢首歌。

8 則留言:

LinkWithin

Blog Widget by LinkWithin