~~~~~~~~~~~~~~~~







2015年3月20日 星期五

Confession - by Sara


Confession - by Sara

我叫Sara22歲,無業。

這是我離開呢個世界的最後獨白,我今晚要自殺,離開呢個不知所謂嘅世界。

我在單親家庭長大,父母離婚後,我跟母親生活。我12歲時遭後父性侵犯,我告訴母親,母親竟然反咬我色誘我後父,我討厭這個是非歪曲的世界,我討厭男人!後父因為欠下巨債,很快便「著草走佬」。

我升上男女中學,只喜歡睇女仔,我發現自己是女同性戀者。不知是否跟被男人侵犯有關?我踏入青春反叛期,我破壞公物,發洩出我心中對這世界的不滿,更學人吸煙飲酒、打交偷嘢、自殘界手,

我在學校有TB圈子,邊個男同學背後叫我們「豆腐黨」,我必會報仇!我書包常備有界刀,拿出來唬嚇,他們立即變鵪鶉唔敢出聲。記著:我有仇必報!仲要雙倍奉還。

不要估我經常到訓導處或被記大過,我是「智慧型」。高買偷錢吸煙濫藥,從不留下證據,所以好少被校方捉到。唔似啲傻仔有勇無謀,玩兩玩就被學校「記過」、「趕出校」甚至「被拉上差館」。

咪以為我咁粗魯,我都有我鐘意嘅對象。佢就係Mandy,雖然佢唔靚,但佢呢款「魯芬型」就正正係我杯茶。我知道Mandy是異性戀者,我的性格是:「唔輸得」,所以我選擇暫時唔向她表白,被人拒絕的滋味是很難受。

某天,我在學校電腦房碰到Mandy,我用她剛用過的電腦,算是一種間接的親近。我發現電腦中她忘記log out的一個blog,原來Mandy化名「didi」寫個人網誌,記錄她每天的感受。

呢個無心發現太好了!我每天都有看didiblog,從中了解Mandy。因為Mandy化了名的關係,她毫無顧忌地寫出她心裡的真正感受。

原來Mandy討厭做Michelle的「丫環」,MichelleMandy態度好差。Mandy點解肯啞忍呢?因為做Michelle的「丫環」,Mandy才有男生肯主動前來接觸,再傳話給Michelle。所以Mandy對這個角色,又愛又恨,想放棄又唔捨得。

我看到MandyMichelle欺負這一段,心中對Michelle產生憎恨感,覺得我有責任要替Mandy出一口氣。

某晚,從Mandyblog知道她暗戀的DanielMichelle拍拖,她十分之難過。OK,我立即做嘢。第二天,我主動去扮溝Daniel,破壞他和Michelle的關係。哈哈!結果兩個好快就玩完,Mandyblog中說她很開心,哈哈!我總算替Mandy做了點事情。

我在Mandyblog中知道Michelle是極度「恐懼同性戀」,哈哈!係時候去幫Mandy出一口氣。我扮追求Michelle,死纏難打,果然嚇到佢死,見佢一副愁眉苦臉,我真的心涼。我恐嚇她不要告訴任何人,否則會毀她我容,嚇到她面青,我相信佢塊面對佢嚟講好重要。

在學校,Michelle有好多男仔追之餘,也有很多TB喜歡她。有人話我和Michelle嘅面型輪廓有啲相似,畢業之後,我做化妝學徒,我仿照Michelle的模樣,改變自己的化妝髮型,驟眼都幾相似。果然多咗好多女仔鐘意我,我一直Keep住這個造型。

在我工作的地方,有一個更啱我口胃的TB出現,我便和她開始,轉眼間我便把Mandy忘記一乾二淨,沒有興趣再找她。

有一次,我跟媽媽吵大鑊,佢叫我唔好認佢做女,Fine!我一向好激!第二日我去人民入境改埋身分證個名,改乜名好呢?一於改Michelle個中文名啦。你千祈唔好以為我鐘意Michelle喎,因為我覺得我可以變成另一個人,豁出去做盡壞事,這些罪名由Michelle來扛,不關我事。

我有班TB朋友,晚晚夜蒲,間中認識到新朋友。有一晚,一名新相識,她竟然是Michelle大學宿舍同房,哈哈!竟然給我無意中找到Michelle

我化了少少錢叫那個新相識找來Michelle娘家的地址,寄了一封信和相片給她,讓她知道她走不出我的手指。我選擇寄去她娘家,讓她知道我可以傷害她家人。其實我跟Michelle沒什麼仇厚,當然不會花時間去騷擾她,只不過嚇吓Michelle,我就覺得十分過癮。

講咗咁耐,我未話俾大家聽:今年我學人炒「孖展」,仲借「貴利」去補倉。而家一舖清袋,貴利上門追數,淋油放火。我好攰啦,係時候離開呢個不知所謂嘅世界。各位,面前有一個碳爐等緊我,永別了世界。


二少爺說:真心喜歡這首歌。

6 則留言:

  1. 股票害人,影響一生呀,Sara咁就拜拜了。 :(

    佢溝得Daniel,質素都應該唔差喎,不過心理戀態,呢D人都係唔好嘢佢喇,佢因愛成恨就大鑊了。

    《Confession》精髓在每人講少少故事,要拼湊埋先睇到whole picture,第二篇駁到第一篇嘅真相,第三篇駁到第番第二篇嘅真相,到第四篇先完全了解成個故事。

    回覆刪除
    回覆
    1. 多謝你分析得咁好,我都無你咁頭腦清析。

      咁多個之中,當然MICHELLE最好命喇

      刪除
    2. Daniel同Michelle都好命,兩人都完成自己嘅夢想,Daniel做到出色嘅演員; Michelle嫁個有錢人做少奶奶。

      不過我認為Daniel更好,把握機遇彰顯才華,靠自己; 而Michelle則靠老公,如果有天大樹倒下,或者老公變心,Michelle就慘喇。

      另外,靠打拼而獲得嘅成功,滿足感更大。

      刪除
    3. Daniel攞咗「最佳男角獎」,希望可以殺入電視箱,再入電影圈
      MANDY憑魯芬形象入電影圈,同Daniel合作

      刪除
  2. 卡臣:

    愛情點激都唔會死,但炒股票就會無命。嘻嘻!

    回覆刪除
    回覆
    1. 濫交都會無命,一係精盡 一係aids 嘻嘻!

      刪除

LinkWithin

Blog Widget by LinkWithin