~~~~~~~~~~~~~~~~







2014年7月21日 星期一

Encore~


Encore~

紅館全場觀眾極度輕奮,不斷敲打手中的「Pong Pong棒」,口裡齊聲大叫「Encore ~ Encore ~」,House light又再dim暗,舞台中央的機關出口再次打開,Storm擺出一個好型格的姿勢,冉冉自轉上升。

幾支spot light打到他身上,令身上的珠片,閃爍不停。音樂又再響起,觀眾拍爛手掌大嗌:「Storm ~ Storm ~」演唱會已經第二次Encore了。因為觀眾盛情難卻,開了House light後,觀眾都不願離場。監製見群情洶湧,時間又許可,決定叫Storm出來唱多兩首歌,答謝樂迷。

Storm站在台上,向四面台的觀眾深深鞠躬,大聲問觀眾:「大家好high呀!」引來全場哄動。有人寧寧舍舍大嗌:「阿Storm!你~好~靚~仔~」Storm聽後立即拉開胸口,露出一條乳溝回饋fans,尖叫聲此起彼落。

Storm:「今晚我嘅Rundown要唱嘅歌都已經唱哂!點算好呢?」
樂隊領班突然開咪:「唔使驚!Storm隻隻歌我哋都有哂樂譜,你唱乜我就彈乜。」
全場一遍掌聲雷動!
樂隊領班諗著帶起互動氣氛,說:「不如我哋玩點唱,大家想聽邊首歌,Storm就唱邊首歌!」觀眾聽後,全場喧聲哄動。

Storm自信地:「大家想聽咩歌呀?」
四方八面的觀眾嗌出不同的歌名,一時間Storm都聽不清楚邊首打邊首,反而樂隊領班聽到一位較大聲的點唱後就搶先說:「好啦!一於唱『我甘心飛撲為妳擋子彈』。」這是一首慢版冧歌,全場女fans尖叫。

Storm面如青鐵,因為他最不熟悉的歌詞就是這首歌。樂隊領班好心做壞事,挑選這首歌詞最難記的歌。音樂intro奏起,Storm一時間都不知如何是好?

引樂來到要唱的位置,Storm把咪指向觀眾,揚起手叫觀眾合唱,嘩!全場大合唱,好感動的一幕!但Storm很清楚不能全首歌都交由觀眾大合唱的。

Storm的後褲袋突然有東西在震動,原來他的smart phone在震動,是助手專特放進去。Storm的「ear mon」除了讓他清晰地聽到伴奏外,還可以聽到演唱會導演的說話。導演叫Storm立即聽電話。

六神無主的Storm只好照辦,從後褲袋取出電話,電話5吋螢光幕發出光曇,觀眾見到,立即仿傚,全場觀眾高舉自己手中的電話,點點光茫如漫天星光,好震撼的現場畫面。

Storm見到電話有一條新whatsapp,是由導演發出,Storm立即手指一撥打開,原來是「我甘心飛撲為妳擋子彈」的歌詞,嘩!如沙漠中見到綠洲一樣。

不理黑色暴雨,高速飛車擺尾又扔彎,飛撲到妳身前擋子彈
不理身處多遠,只願能夠死在妳臂挽,一發子彈停頓了時間

Storm立即偷望電話屏幕跟著歌詞唱。Storm唱畢,將全場的浪漫氣氛推至最高。

Encoreshow後,Storm降回後台,抹一額汗。多謝助手有先見知明,令自己不出醜之餘、更製造浪漫氣氛。當晚台前幕後去慶功宴,大家鬧得熱烘烘,Storm飲到醉醺醺,攤抖在一角。

助手、經理人、導演和樂隊領班坐在另一張枱,偷偷碰杯,慶祝今晚行動成功。點解助手會咁醒預先放電話入Storm的褲袋?點解樂隊領班突然話玩點唱?點解樂隊領班揀那首歌?點解導演會sent whatsappStorm?因為全部都是四人預先夾定,每個情節的每一步,都是預早設定的。

原來Storm替為那品牌智能電話的代言人合約,將於下個月約滿。今夜,四人預謀的秘密行動,順利進行,令到該品牌的智能電話在Storm手中獲得不少media coverage。相信和電話生產商的續約機會甚高,又再袋袋平安。他們不事先告訴Storm,因為Storm是「戲屎」,驚他的反應浮誇咗而破壞了表演效果。

娛樂圈,從來都是我呃你,你又呃返觀眾,觀眾又呃返廣告大客戶的地方。



二少爺說︰點解主角叫Storm?因為當年寫這篇的時候韓星Rain剛紅起來,故事中原本寫助手send短訊,現在改了send whatsapp


18 則留言:

  1. Storm靚仔又大隻 (好似卡臣咁), 仲有乳溝添, 抵佢繼續有得做代言人啦

    回覆刪除
    回覆
    1. 你心地好,氹我開心,我做唔成storm, 只是mist

      刪除
  2. 回覆
    1. 多謝支持先!

      請參考下︰
      http://www.zuni.org.hk/new/zuni/web/default.php?cmd=performance_detail&id=338

      刪除
    2. 我上年有去支持,全場爆滿,座無虛席,想一睹巨星卡臣風彩嘅話,記得早d買飛呀。

      刪除
    3. 多謝哂先!大家以為你做媒添呀!

      不過都衷心多謝你購票支持!

      刪除
    4. 我遲遲唔敢回應,因為都驚以為我做媒。不過,進念作品,真係好睇架^.^!
      3-4,9-11,15-18/10 (Wed -Sat) 8pm
      4-5,11-12,18-19/10 (Sat, Sun) 3pm
      預留時間約人去啦,門票現於城市售票網公開發售。

      刪除
    5. 多謝你鼎力支持,仲幫我做宣傳,認真唔話得

      刪除
  3. 助手、經理人、導演和樂隊領班呢四個人雖然係醒,但都唔及作者喎,每個情節的每一步,都是預早設定的。

    一個看似簡單平鋪直敍嘅娛樂圈故事,可以畀你寫到咁有計劃,真係好嘢喎。其實係咪有少少個人經驗溶入咗落個故事度o架?

    回覆刪除
    回覆
    1. 多謝先,我邊有咁叻
      都係近年娛樂新聞啟發我,藝人約記者夾新聞,相比之下,這真是小巫見大巫。

      刪除
    2. 唔知coffee姐姐係咪約埋記者嘅呢。 :p

      刪除
    3. 係呀,的靚模擒富二代或權力人士,都用呢招提高自己知名度

      刪除
  4. 卡臣:

    咁即是一石二鳥,演唱會賺錢.跟住搵班粉絲推波助瀾,再賺埋手機代言人。

    回覆刪除
    回覆
    1. 一石二鳥? 我以為你會寫「一皇二后」喎

      刪除
  5. 好多年前,去睇周华健演唱会,D观众猛甘encore encore,华仔唱到太high,竟然跌咗落个癃到,好彩仲可以起番身行番上台!

    回覆刪除
    回覆
    1. 哈哈!周華徤也是唱得之人,可惜近年來少唱了。

      刪除

LinkWithin

Blog Widget by LinkWithin