~~~~~~~~~~~~~~~~







2014年7月23日 星期三




(這篇是新寫的)

一名戴了墨鏡的中年男士,他手拖行李篋,鬼鬼鼠鼠地出現在港澳碼頭,好似怕被人認到咁。他入閘後,電話響起,男人連忙接聽。

女聲︰「有無人跟蹤你?」
男人左右望︰「無!」
女聲︰「你同你老婆講你去邊?」
男人︰「我話去澳門見客,咁妳老公呢?」
女聲︰「哈哈!佢噚晚飛咗去美國開會。」
男人︰「嘻嘻!咁澳門見,我攞咗房之後whatsapp妳房間號碼。」
女聲︰「嗯,拜拜。」
男人收線後,登上飛翔船,向澳門出發。

        * * * *

男人出了澳門碼頭,坐接駁巴士,來到這座拉斯維加斯式的大酒店。男人取房後通知女人房間號碼。他上房後把行李放下,落地玻璃外,是澳門傍晚景色,已經差不多七時了。電話傳來whatsapp,女人寫︰「知道」。

15分鐘後,女人敲門,男人開門迎她入來,閂門後兩人立即擁在一起。兩人「前後腳」由香港來到澳門,終於在酒店房間中會合。

他們沒有立即「搞嘢」,兩人將會在這裡一起過夜,長夜漫漫唔使咁喉急。他們稍作梳洗休息後,外出去高級餐廳吃正宗葡國菜。

     * * *

飲飽食醉,兩人夜遊濠江一會後,便回酒店了。

女士先洗澡,男的在看電視。他翻看電話,沒有人致電找他。女的洗完後,輪到男士入浴室。女的躺在床上,她翻看電話,也沒有人找她。

戲肉嚟喇!他們調暗了燈光,飲啖紅酒後,上床搞嘢啦!可惜搞嚟搞去,男人都「萬事起頭難」,十分咀喪。

正當兩人都有點氣餒之際,男士電話響起,他眼尾望到「來電顯示」是「太太」後,男士大驚,立即停止所有動作,連忙接聽。

男士︰「係…今日無乜特別嘢….見完客...返到香港再call….拜拜。」

女士晦氣地︰「邊個嚟架?」
男士︰「我諗住玩得逼真啲,我叫公司秘書今晚十一點打俾我,我save佢個名做『太太』啫。」
女士懷疑地︰「真嘅?」
男士肯定地︰「當然真!配合遊戲吖嘛。」

原來呢對男女係一對已婚十年的老夫老妻。有感於近來男的身體不行了,醫生建議他們應該找點生活情趣和刺激。於是太太建議和老公一起「玩偷情」,兩人扮「奸夫姦婦」背著 (虛擬的另一半)去澳門偷情,希望尋求刺激中,再有起色。

結果呢結果呢丈夫仍未受到新環境刺激而有起色,正式宣佈「行動失敗」。兩夫妻唯有相安無事,安心瞓覺。

     * * * *

第二天,兩夫婦吃完早餐後,搭船回港。男士趁太太去洗手間時,男士重撥電話中的「太太」聯絡人,電話通了。

男士︰「作死呀妳!我叫咗妳夜晚千祈唔好打俾我!」
女生撒嬌地︰「哦伊士胡枝得咗,貓事嘛?(我一時唔記得咗,無事嘛?)
男士︰「有事我就打唔到俾妳啦…(下刪二百字)

原來男士近期搭上小三,精力全給了小三,怪不得他回家對住老婆時已經筋疲力盡。他驚小三來電,昨天出發到澳門時特地把小三的聯絡名稱改為「太太」,以防萬一。

世界變了,男人背著小三跟正印去外地偷情,果然太陽之下。




二少爺說︰故事靈感來自電影《北京愛情故事》。其中有一句對白︰「婚姻初期是愛情,後期是親情,中間的就只有婚外情。」

14 則留言:

  1. 男人真係一種過份自大的動物, 搞嘢搞到無哂精力, 仲諗住可以繼續嚟. 應該一早預備偉哥啦.

    回覆刪除
    回覆
    1. 森林定律︰雄性動物廣為交配繁殖,驚絕種嘛

      刪除
  2. 卡臣,咁有冇例外架?有冇婚姻可以永遠都是初期?
    我剛剛開始初期乍喎>.<!

    回覆刪除
  3. 睇開頭真係畀你誤導咗,以為去到夜晚番酒店有鹹故睇添。暪住小三去同老婆偷情,而家真係世界變喇。

    話時話,有冇睇過無馬賽克的馬賽,佢跳得唔錯喎?佢應該係做人小三太過份,而家畀人整蠱定喇。

    回覆刪除
    回覆
    1. 無馬賽克的馬賽....有睇過啊! 跳得唔錯,果然聲色藝俱全,不過做人都係要小心d,留下証據。

      刪除
    2. 話晒港姐喎,點都有d才藝嘅,爛船都可以飛兩粒釘喇。

      正所謂「屌還屌,唔好用手new; 跳還跳,不要被拍照」嘛。

      刪除
    3. 哈哈~~~好句好句,有文釆,有道理,幾時寫個詩集

      刪除
    4. 如果我出詩集,應該會蝕到pk。不過去生果報應徵作新聞,我諗會勝任嘅。 :p

      刪除
    5. 作新聞? 提供我每天的娛樂,功德無量

      刪除
  4. 卡臣:

    嗰個專家一定喺無牌嘅!通常試過男人不舉嘅原因,喺咪生理因素造成,一定要搵隻雞嚟試。搵固定女伴或老婆,一定試唔到嘅!嘻嘻!

    回覆刪除
    回覆
    1. 呢個專家已經釘牌了,你來指導他們好過喇

      刪除

LinkWithin

Blog Widget by LinkWithin