~~~~~~~~~~~~~~~~







2014年6月9日 星期一

「唔等得」


「唔等得」

香港人出名無乜耐性,好怱忙但係唔知忙乜?睇見身邊啲人都趕,自己慢咗咪蝕底?所以乜都要「即刻有」,唔可以等。今次數吓香港人有乜嘢係「唔等得」:

第十位:餐廳埋單
這裡不是指食客在餐廳門前排隊唔等得,相反食客可以耐心企街等成幾粒鐘都得。這裡指餐廳為了一晚之內盡量「返枱」做多幾轉生意,當食客order的東西到齊後,侍應就千方百計想你盡快走,騰空張枱給下枱客人。伙計問你食完未?仲執到張枱面空空如也。舉例:當你用現金埋單時,如果你吃了325元,侍應會估計你用500元埋單,侍應一埋嚟,早就預備好175元零錢找俾你。毋求將埋單時間縮短,讓你盡快離開餐廳。

第九位:電腦速度
用電腦最「驟忌」就係「慢」,最怕見到「等候的icon」。Download嘢、click一個command、最怕就係等。睇Youtube條片「窒吓窒吓」仲停埋添,真係睇到狂拍Keyboard洩憤。公司電腦慢,拖延工作效率事小,搞到要O.T.就事大吖嘛。

第八位:八卦娛樂資訊
朋友同學同事吹水,最緊要有話題,話題最緊要係最新最update。如果人哋講乜自己唔知道、或者搭唔到嘴,咁就會俾人話「娘」。所以香港人慣咗久唔久就攞部電話睇吓,update一吓自己,一機在手,能知天下事。

第七位:減肥纖體
減肥廣告標榜「最快見效」,健康的身體,不應該於短時間內暴肥或暴瘦,但女士為了趕赴一個party或自己婚禮,需要喺最短時間內見效。最好唔使太辛苦,瞓喺度就可以以最短時間修到身。如果要慢慢節食加運動先至可以減到肥?咁寧願俾錢搞掂,仲要「零反彈」添呀。

第六位:電子產品
某些男士以「潮流達人」自居,手中要有最新的電子玩具,i-padi-phonenotebook、電話等。雖然他們知道電子產品等一陣就會跌價,但他們實在刻不容緩,一定要第一時間擁有最新產品,炫耀出那份用錢買回來的虛榮感。

第五位:小巴的士司機
小巴司機以走幾多轉和收入成正比。梗係想以最短時間走最多幾轉。而一些「八折的士司機」為了接多單Order,便會極速完成手上那支旗,再仆去下一單接客。如果你在一條單線行車馬路,遇上小巴或的士在你車尾,你車尾就一定俾啄實。只僅僅相差一吋距離,到馬路變成雙線行車,小巴的士就立即高速爬你頭,只得食塵的份兒。

第四位:電視煮餸示範
電視婦女節目教觀眾煮餸,又切又炆又焗又燉又炒用幾分鐘時間示範烹調過程的80%後,剩下20%是焗或者慢火燉。無理由叫觀眾一齊等成粒鐘,主持便會喺枱底攞出一件「完成品」,並笑着說:「因為時間關係,我哋已經準備咗一個完成品俾大家睇,嘩!好靚呀!」過程仲快過煮即食麵。

第三位:屋企等送貨
訂了傢私在屋企等人送貨,或者叫人上門整寬頻、電話水電煤等,對方公司只有一個時間範圍,用戶需於屋企內等候。例如約你9:00 11:00,如果對方於9:05到達,咁就恭喜你!但如果10:55才到,那麼這一小時五十五分就令人如坐針氈,狂打電話去Customer Services Centre追問幾時有人到。又或者當你遲咗少少9:10到,但他們說9:01已經到達,屋內無人所以走咗。

第二位:電話熱線
公營事業、政府部門、服務供應商都有電話查詢熱線,但用戶打去只會換來一肚氣,一係叫你按「x字」、「請你再次輸入」、「返回目錄」、「我哋收唔到你嘅訊息」,或等到斷線都無人接等等。所以好多人都放棄唔等。有些銀行或速遞公司針對此點,強調12秒內有真人接聽,在用戶眼中,立即成為怒海中的救生艇。

第一位:「打麻雀」
有華人的地方就有麻雀聲,打牌最怕什麼呢?就是最怕「輸錢」和「等」。「三缺一」那種等待已經煎熬。當揍夠腳喇,大家希望在有限的時間內打多幾圈,最怕遇上「站長」,摸完牌後左度右度,必遭上家下家對家狂鬧:「站站停,快啲打啦!」贏家贏緊錢,梗係想打快啲贏多啲,輸家因為要上訴,見你喺度慢吞吞,仲唔打快啲點可以翻本?



二少爺說︰乜唔係「愈是期待愈是美麗」咩?

12 則留言:

  1. 電子產品正所謂「早買早享受,遲買平兩舊」嘛,科技潮人梗係要第一時間享受喇。

    見你寫咗十個,回番一個畀你喇。有時唔係乜都快就都好o架,可能會錯失咗路上嘅風景,享受唔到個過程o架。 :)

    第N位:快槍手

    現今香港男士普遍缺乏運動,再加上飲食不定時,又煙又酒。導致沒有強健的體魄,嚴重影響戰鬥力。這些男士只精於打閃電戰,完全沒有持久作戰的能力。

    他們由踏上沙場,拔槍叫囂,到近身白兵戰,硬棍子入至軟棒子出,為時不足五分鐘。

    伴侶不滿說:「你咁唔等得o架,咁快嘅,我未到喎!」

    回覆刪除
    回覆
    1. 講得啱,不過我認為近期咁多男女打野戰同車震,真係要快D手,否則YouTube 見

      我想起一套90年代港產片,妓女叫個客可否快D,因為仲有好多客等緊。

      刪除
    2. 香港人而家大大小小嘅事都放上YouTube,真係見怪不怪喇。

      打野戰同車震比一般床戰多咗一份刺激感,令平時打開持久戰嘅壯士好快潰不成軍。

      刪除
    3. 可以身體差的男人,只約野戰,就算快都有藉口去賴啊

      刪除
  2. 打麻雀梗係用自動洗牌麻雀枱...真係打快30%. 洗牌搭牌都係一種等待.

    回覆刪除
    回覆
    1. 朋友説自動洗牌機,那些牌較重。

      我經歷過23分鐘曬相,已經算唔等得,估不到現在digital, 要立即睇

      刪除
  3. 香港人打聲乞嚏都要call白車,證明趕住去死係最唔等得。

    回覆刪除
    回覆
    1. 大陸仲勁,醫死人立即毀屍滅跡,火化,快到無人有

      刪除
  4. 卡臣、世純:

    在幽洞可以支持一分鐘以上,已經唔叫做早洩.現代人生活緊張嘛!嘻嘻!

    回覆刪除
  5. 卡臣,
    「唔等得」同「唔等使」只一字之差,但其實可以係兩回事。最慘就係有啲人將好多「唔等使」之事當做「唔等得」,搞到自己神經質......何必呢。

    回覆刪除
    回覆
    1. 好句~~認真有道理,將「唔等使」之事當做「唔等得」,自己辛苦,身邊人都受影響。

      刪除

LinkWithin

Blog Widget by LinkWithin