~~~~~~~~~~~~~~~~







2014年6月20日 星期五

國王的新袋


國王的新袋 

Vivienne在一間廣告製作公司當小秘書,她對占星術有濃厚興趣,閒來喜歡玩塔羅牌,來替自己的運程進行占卜。她一直想買一個價值四千元的King’s手袋,但衰在自己銀行戶口又唔爭氣。

她用塔羅牌占算到自己於將在年尾會有一筆橫財。她於11月起,期期六合彩都買,可惜只中空寶;她開始懷疑塔羅牌今次唔靈現了。 

今年10月,Vivienne的原本上司遞信辭職,Vivienne被調派做新任客戶經理 Wilson的秘書。11月,公司新請回來的Art Director是日本藉的吉川先生。他在日本曾屢獲廣告界各大獎項。傳聞中的吉川先生,為人好玄妙又高深莫測。公司內各部門主管知道將要跟吉川先生在工作上交手,大家都打醒十二分精神,迎接這位空降的「東瀛美指」。

* * * * * 

吉川先生終於上任,公司剛接到一單生意,老闆要試一試吉川先生的實力,交由他負責這條電視廣告片的美術指導。創作部、客戶部、製作部、美術部、各部門首次聚首開會brainstorm廣告片的idea。會議完畢後,由製作部先做一個Storybroad初稿,再給各部門主管俾意見。 

吉川先生看畢初稿,在e-mail回覆:「It is too resiplrendanto!」其他部門主管收到吉川先生的e-mail後,立即翻查字典,弊家伙!唔知resiplrendanto點解?嘩!聞名不如見面,佢真係高深莫測喎。又唔好意思認低威問吉川先生呢個英文字點解?大家都按兵不動,暫時唔覆e-mail

創作部主管心諗:吉川先生果然名不虛傳,唔係猛龍唔過江,可能佢專登用一個英文深奧生字嚟試探我哋香港人嘅實力,唔好俾日本人拋到,一於「大番佢轉頭!」。在民族主義驅使下,創作部主管不甘示弱,拍吓心口率先回覆:「But I think it is indegeniversal!」專登作一個複雜英文字,以其人之道,還冶吉川先生之身。 

創作部主管的e-mail一出,其他部門主管立即醒哂!唔能夠輸蝕俾吉川先生和創作部主管,紛紛扮高深咁覆e-mail。「It is antiordealitterary」、「should be more temonderessggive」、「it is over equivodignestatiive!」「Too  Compressspiritual!」一堆似是而非的堆砌形容詞,e-mail如「超級無敵馬拉松」般,評語越拖越長越深奧越難明。 

客戶經理Wilson於兩天後,便要向客戶present這個廣告的Storybroad,如今一個二個主管喺度玩高深,咁兩天後揾乜嘢同客戶開會呀?Wilson又唔想自己顯得咁無知,認低威問大家。一於叫新秘書Vivienne做爛頭卒,WilsonVivienne出一個e-mail提醒大家:「個Storybroad兩天後便要見客,如有更改,請於明天5時前完成。」

怎料初出茅廬的Vivienne入世未深,不懂辦公室政治。本著求知精神和在好奇心驅使下,她在e-mail最後一句,大膽地問眾人:「By the way, I cannot find it out from dictionary. What is the meaning of resiplrendanto? indegeniversalantiordealitterarytemonderessggiveequivodignestatiiveCompressspiritual?」 

Vivienne的電郵一出,Wilson眼都突埋,她這樣寫會得罪全世界。Wilson立即叫Vivienne入房先「炳一鑊」。Wilson苦思如何拆解Vivienne闖的禍,電腦發出收到e-mail的提示聲音「嘟~」,Wilson一邊嘆氣一邊睇吓邊位主管率先發難渣?

嘩!呢次大鑊啦!e-mail是由公司大老闆Larry發出的。他原本不在e-mailc.c.list中,為什麼Larry會出手搭嘴呢?Wilson立即打開e-mail看。咦?原來Larrye-mail中也問什麼是「resiplrendantoindegeniversal?…」 Wilson立即鬆一口氣,Vivienne的問題已變成大老闆的問題,找到一塊堅固的擋箭牌。

吉川先生是公司新聘請的Art DirectorLarry想知道吉川先生在新工作環境如何?叫大秘書forward他們最新的e-mail給自己看。嘩!呢堆乜嘢英文嚟架!?

吉川先生第一時間回覆Larry:「Sorrymy typo mistake, it should be Resplendent instead of Resiplrendanto.」吉川先生因為受日文「片假名」影響下,英語發音有偏差而把resplendent(華麗)打錯成Resiplrendanto。其餘部門主管知道吉川先生承認打錯字後,都紛紛回覆e-mail,解釋電腦出現的亂碼故障。 Wilson看罷,鬆一口氣,計時炸彈已經拆除。

事件平息後,又到公司分發年尾花紅的日子。Vivienne拆開糧單,嘩!除了一個月雙糧之外,再加多四千元Performance Bonus。原來Larry 直接發電郵給人事部主管,老闆私人獎賞四千元給Vivienne,因為她像童話故事《國王的新衣》中的勇敢小孩,不畏強權,夠膽講出真話,老闆向來對員工賞罰分明。

* * * * * 

Vivienne手中拿著心儀已久的名牌King’s手袋,向售貨員說:「唔該我要呢個吖。」一個四千元的King’s手袋便成為Vivienne的新年禮物。原來塔羅牌今次真係準架。



二少爺說︰誠實真是需要勇氣。

12 則留言:

  1. 鬼婆好信塔羅牌。。呢個故事叫我地有顆童稚之心。

    回覆刪除
  2. 勁,在今時今日比你作到個咁有意思嘅故事!提醒咗我,True,好聽又有意思,等我都貼下 ^_^

    回覆刪除
    回覆
    1. 多謝哂先

      這篇寫於2009年,那時候創作很多,而家就乾塘了

      最真....也是最勇敢.....不是人人做到,反而小孩就得

      刪除
  3. 卡臣:

    日本留學生,講英文差過香港小學生,但書寫英文,犀利過鬼仔!教授都話勁!這不是個別例子,是普遍日本留學生也是如此.

    回覆刪除
    回覆
    1. 而家香港新一代就英文寫講聽讀都麻麻。

      刪除
  4. 初生之犢果然敢言,呢個故事有教育意義,屬於格林童話類劇目。

    喺職場上,唔識扮識,到最後通常露底賴嘢,不如好似Vivienne咁謙虛d。

    回覆刪除
    回覆
    1. 係呀,不過好似Vivienne咁勇敢,背脊已經插了千支箭

      刪除
  5. 卡臣,
    可能當年安徒生都唔敢寫到尾......
    其實《國王的新衣》中的勇敢小孩最後有冇比人抄家或者保外就醫>.<!

    回覆刪除
  6. 因为公司D人,首先系罗卜头面前自我贬值,矮咗半截,所以就会搞出甘多笑话咯!

    回覆刪除
    回覆
    1. 係囉,否則第一個同事已經可以直接問日本人寫乜?

      刪除

LinkWithin

Blog Widget by LinkWithin