~~~~~~~~~~~~~~~~







2014年3月6日 星期四

《曲終人散》



《曲終人散》

(這篇是新寫的)

大家好!我係二少爺。今次我要介紹一首27年前的廣東舊歌︰郭小霖在1987年出版的《曲終人散》。

由小田和正作曲,小美填詞的《曲終人散》,是我讀中學時的至愛心水歌,一首滄海遺珠,無乜hit過,不過我相信總有不少和我年紀相若的人,也跟我一樣識貨,默默地低調地鍾情著呢一首歌。

正所謂「江山易改,知己難求。」如果有一天我跟新相識的朋友傾計,而佢又認識同喜歡呢首歌,咁我哋就一定有「他鄉遇故知」的感覺。

記得當年我在深水埗黃金東急唱片舖租郭小霖的《午夜人狼》黑膠唱片,回家錄落TDK錄音帶。把唱片放在唱盤上,一邊聽一邊錄,當聽到Side A第五首《曲終人散》時,我真的成個人呆咗,乜咁X好聽嘅!

全首歌用弦樂編曲,我幻想到的歌曲畫面十分滄涼。歌曲完結前的弦樂演奏,更充滿電影感。好凄美的旋律,曲短情長。

這歌(mp3)一直存在我電話內,我久唔久都會攞出嚟聽吓。但要揀啲浪漫環境先好聽(例如半夜冷清街頭),如果眼前畫面同首歌唔夾,咪盞嘥咗呢首好歌。正如你都會喺揀喺啲開心喜慶日子先會開支靚酒飲一樣。

我成日幻想如果有一天我真的當了導演,我一定選這首歌做電影插曲。哼~不過都係得個講字。又或者,如果終有一日你看到一齣電影時聽到呢一首插曲,咁嗰套戲應該係我拍架喇。

年紀輕的你,如果未聽過這首歌,咁你就要快快趣聽吓喇。希望這首歌沒有令你失望。




《曲終人散》
作曲︰小田和正 / 填詞︰小美

何事共冷漠朝晚獨坐
人潮內我輕哼那首歌
跟她當天哼過
海邊相對坐
人去後落寞散佈
像獨奏散聚的悲歌

伴陪夜裡坐不再是我
無人和應的歌聲絕情歌
孤單真心一個
此刻知音欠在座
長夜冷雨 似在笑我
情漸散再沒可安歌

WOO...仍念記這段歌
WOO...重遇妳似未可

午夜夢迴沉醉是我
午夜夢迴求妳伴我

May be the last wish of my life



18 則留言:

  1. 呢首歌未聽過,經你介紹之後即刻聽咗一次,好淒滄喎,聽完有d唏噓嘅感覺。

    我祝你有天可以做導演喇,建議一d簡單嘅動作愛情片拍起,例如日劇嘅AV喇。

    故事講述一對男女,兩人由一夜情開始認識,慢慢發展為情侶。兩人也是「性上癮」的人,他們每次約會,都會激戰連場。

    後來兩人因性格而決定分開,他們透過最後一戰,來給大家一個美好嘅回憶。

    當男主角與女友激戰完,女友說了一句:「我哋分手喇」之後,女方穿回衣服先行離去。

    男主角光著身子,坐在床邊,抽著事後煙。呢個時候,背景播起呢首插曲。

    回覆刪除
    回覆
    1. 多謝你欣賞首歌先,我失戀必聽架

      你提供的電影橋絕對有參考價值,不過,由佛爺執導,才會如虎添翼

      我就想拍: 一對男女情侶好甜蜜,怎料女的要分手,女離去後,男落寞,到海邊播起這歌
      男睇唔開,跳落海自殺
      被人救回,送院,救返
      男愛上照顧自己的女護士,傾計下,原來女護士也十分喜愛這歌,兩人拍拖,
      女護士意外被車車死,男激動,衝出馬路殉情,
      被車撞死,撞死人的女司機,就是男主角的前度女友,(SORRY 呢排韓劇HIT呀)

      刪除
    2. 卡臣:

      你呢個故事悲無可悲喎,分手、自殺、車禍、殉情、坐監乜都有,仲慘過呢首歌。

      刪除
    3. 有見地!

      首歌騎完前的弦樂
      畫面好配死後升天的情境

      刪除
  2. 卡臣、世純:

    我未睇完呢個故事,已經想話做AV導演,點知比世純寫咗橋段,比卡臣講中咗。嘻嘻!

    回覆刪除
    回覆
    1. 咁你快啲坐言起行啦! 應承我套AV要播這首歌呀。

      刪除
    2. 卡臣:

      好。等我完成埋我嗰個淡到你口寡嘅故仔先。嘻嘻!

      刪除
    3. 佛爺、卡臣:

      拍AV嘅話,如果唔駛出樣,我都想參與一吓。我自薦做「執」男,執頭執尾咁喇。 :)

      刪除
    4. 嘩! 佛爺拍AV嘅話,如果唔駛出樣,我都想參與一吓Too,行過抽下水果隻囉,希望佛爺唔好搵D重口味的女優啦

      刪除
  3. 首歌真系好听,不过我地尼度好似都未曾介绍过尼个郭小霖窝!

    回覆刪除
    回覆
    1. 無辦法,郭小霖沒有紅到東南亞,就讓我介紹給妳,呢D叫緣份

      刪除
  4. 卡兄,

    今次又比你觸動我心靈啦...

    1) TDK 也是我喜歡的牌子, 多數買C90, 多數可以錄完一隻大碟...後來搬咗幾次屋, 唔見晒...

    2) 仲有除小鳯唱五輪真弓的"月色眼內浮"也是"賣非佛"...

    幾十年, 轉眼過... 真有點唏噓>.<!

    回覆刪除
    回覆
    1. 多謝有共鳴,大家話當年

      還有AD, SA帶,一面錄一隻碟。好正

      我未聽過「月色」首歌,立即上YouTube 聽,果然好正,副歌那段好80年代,現代人download 太容易,沒有我們年代的珍而重之。

      刪除
  5. 很悲伤的一首歌。。。失恋才听?

    回覆刪除
  6. 通常失戀都會以為是世界末日不能活下去,然而時間過去傷痛也治好了,從新去愛是人類的本能...

    回覆刪除
  7. 通常失戀都會以為是世界末日不能活下去,然而時間過去傷痛也治好了,從新去愛是人類的本能...

    回覆刪除

LinkWithin

Blog Widget by LinkWithin