~~~~~~~~~~~~~~~~







2014年3月4日 星期二

升降機 - 下集



升降機 - 下集

Neo步行至9樓的後樓梯時,在他毫無心理準備之下,在轉角處,碰見站在那裡的Lydia,被迫跟她打個照面。

Lydia手執薄荷煙,在後樓梯抽(2006年未實施全面禁煙)LydiaJoe夜夜笙歌,染上煙癮。她於工作時間內,偷到後樓梯抽煙。因為Joe不在場,Lydia表現熱情點,問好:「Neo好耐無見!」Neo見到右手持煙的Lydia,反而關心她起來,
Neo勸諭說:「唔好食煙啦!對身體唔好!」
Lydia聽罷,好乖咁馬上把手上那支煙擠熄。因為在這段關係中,Lydia覺得自己始終負了Neo,所以Neo對自己作出的勸告,她毫不猶豫便接納,算是對Neo的一種精神上的補償。

Neo心諗:「做唔成情侶啫,做返普通朋友都得啩?」於是他鼓起勇氣問:「搵日食餐飯吖?」Lydia答:「好呀!搵日吖!」

Neo再說:「妳把聲好似有啲沙,唔好咁夜瞓啦!」Lydia聽入耳中,以為Neo妒忌自己和Joe晚晚蒲到三更夜半。Lydia安撫他說:「唔使擔心,我會去少啲夜街啦。」Neo得到Lydia正面的回應,微笑起來。

Lydia好奇地問:「你做乜行樓梯?乜電梯壞咗咩?」Neo一時語塞,無理由如實直說話自己患上恐懼症。Neo立即編了一個藉口:「係呀!我趕時間去見客,等好耐都無lift,咪行樓梯囉!」Neo需要配合劇情,扮趕時間,所以講完之後便向Lydia怱怱告別,然後經樓梯往下衝。

Neo落到地下時收到WhatsAppLydia寫:「我會戒煙」,Neo回覆「支持妳!」其實Lydia沒有打算戒煙,因為阿Joe喜歡吸煙,愛屋及污。她知道那個WhatsApp會令Neo多一點安慰。從那天相遇後,Lydia改到女廁廁格內抽煙,自此以後,Neo再沒有在後樓梯遇上過Lydia了。

    * * * * *

Neo覺得自己已經克服了「電梯恐懼症」,可以再次步入電梯,坦然面對LydiaJoe。但他發覺自己的肚腩開始縮細,傷風喉咳少咗,都是拜「行樓梯運動」所賜。打後三個月,他每天必要行過樓梯,身體才感到舒服。三個月總共減去50磅。原本五官端正的他,現在鍛鍊得一身肌肉好線條。他從情傷中康復過來,加上外表的提昇,令他重獲自信心。
 
分手後第四個月,Neo從網上知道有一個「跑樓梯的慈善比賽」將要舉行,他決定參加,既可做善事又可測試自己的實力。離比賽還剩下一個月,Neo每天加緊鍛鍊。

    * * * * *

一個月後,比賽正式舉行。結果Neo在比賽中奪得亞軍,冠軍是一名西洋男士、季軍是一名香港女OLNeo在頒獎禮上重新肯定自己的能力。

第二天,Lydia閱讀網上報紙時,看到慈善比賽的報導,從照片中見到眼前一亮的Neo站在頒獎台上,人有自信就會靚仔。Neo現在又fit又有自信,好charm呀!Lydia不相信自己曾經拋棄的Neo,如今竟然脫胎換骨,變成大隻型男。

她記得四個月前,Neo曾經在後樓梯說過會約她吃晚餐聚舊,Lydia撥電話找Neo見面,兌現承諾。Neo樂意赴約,當晚在商業大廈附近一間餐廳見面。

    * * * * *

Neo準時出現,修身後的他,Lydia覺得他很迷人。兩人交換近況後,Lydia說她已戒了夜蒲也戒了煙。最重要的是,就是她宣佈已回復單身。

她跟Joe分手剛好一星期,因為JoeLydia在同一間公司內工作,備受同事的指指點點,說三道四。雖然晚晚都去蒲,但蒲得多都厭啦!最終LydiaJoe提出分手,Wet仔性格的Joeeasy come easy go,無乜所謂啦。

此刻Lydia眼濕濕望着Neo,楚楚可憐咁搏同情,低聲問:「不如我哋再重新開始吖?」

這時Lydia的電話突然響起,她立即打開手袋取出電話接聽。Lydia顯得不耐煩,敷衍回答:「唔好意思,我無呢個需要喎!」之後cut線。原來是電話推銷員的貸款cold callNeo把頭望向餐廳窗外的街景,若有所思。

十秒後,Neo回頭向Lydia說:「唔好意思,我都無呢個需要!」Lydia聽後,終於嘗試到被人拒絕的滋味,又真係幾難受喎!

Lydia為了維持僅有的自尊,沒有爛自己塊面,死纏難打。晚餐餘下的時間,Lydia變得默言寡語。結帳後,Neo沒有送Lydia回家,免她會錯意。

Neo獨自踏上回家的途中,手提電話突然響起。
「喂!……真係?……多謝哂!……咁聽晚我哋見面啦!……
原來一名叫Pansy的少女,在波鞋街找到一隻Neo渴望以久的絕版波鞋,PansyNeo先購下波鞋,相約明晚見面吃晚飯,再把交波鞋交給Neo

Neo拒絕Lydia,唔多唔少都係因為Pansy。而Pansy就是當天「跑樓梯的慈善比賽」的季軍OL。他們在頒獎禮相識後,Neofacebook找到Pansyadd埋做朋友,繼而電郵傾偈,再相約見面、約會、一起做運動,繼而發展成一對情侶。Pansy的樣貌更勝Lydia,容易相處,性格更適合Neo

而另一個拒絕Lydia的原因:就是剛才Lydia在餐廳打開手袋取出電話接聽時,Neo偷望到Lydia手袋內有一包「特醇薄荷萬寶路」。Neo一來怕女人吸煙、二來最憎人講大話。如果又吸煙又講大話的女人就更罪無可恕。所以他就拒絕了Lydia,讓這段感情和記憶永遠定格於今晚最後一聲話別。

人每天需要做很多大大小小的決擇,有些決定是正確有些是錯誤。做了一個決定後,又會帶你去到下一個意想不到的地步。Neo當初受心理因素影響,做了一個苦嚟辛嘅痛苦決定:日日行樓梯。結果人又靚咗仲識到新女友,估唔到最後來個本利歸還。大抵這就是人生有趣的地方。



二少爺說︰什麼不是Ordinary Love呢?

24 則留言:

  1. 呢篇嘢好正面呀,搞到我聽日都想行樓梯,唔知會唔會撞到個靚女,之後慢慢培養出感情呢。 :)

    Neo真係好,搵到個樣貌更勝前度,容易相處,性格更適合嘅女朋友。

    Neo講「唔好意思,我都無呢個需要!」呢段,雖然有d寸,但係更有吐氣揚眉嘅感覺,very good,喺整個故事最勵志嘅部份。

    回覆刪除
    回覆
    1. 「唔好意思,我都無呢個需要!」肥仔(而家fit哂) fight back! 呢個故事<--政治不正確,人靚/瘦先有優勢控制權,cruel but true。

      咁...我哋都係keep fit keep sharp, 如果唔係,就俾人話事啦。

      刪除
    2. 我同意你一半喇,人靚/瘦先有優勢控制權,呢個單單適用於女人。

      至於男人方面,keep fit keep sharp用處唔大,最重要都係睇你有冇「財」華。

      而家呢個世代,冇「懷財不遇」o架,所以我哋都係keep住搵錢好d。 :)

      刪除
    3. 絕對同意啊
      男人無錢鬼騷你,好! 發奮搵錢!
      不過...接近你的女人其實為咗錢

      刪除
    4. 我又有新謬論喎。 :o

      所有女人愛一個男人無非是因為他有「X」,當「X」變成「非X」時,女人便不再愛他。

      如果x=上進、性格,我哋會讚佢喺好女仔。當男人不上進,那「好女仔」便會提出分手。

      如果x=金錢、地位,我哋會批評佢係物質主義嘅女仔。當男人冇晒錢,那「物質女」亦會離開他。

      客觀嚟睇,「好女仔」同「物質主義嘅女仔」嘅本質同愛你嘅動機都係一樣,就係「追求/貪你有X」。

      所以,我哋唔駛介意女人愛我是因為愛我的錢,亦都唔需要著緊於女人愛我是因為愛我的內在美。

      結論喺,與其在意「X」是什麼,倒不如諗吓點樣利用及提升自己的「X」,去X一些你想X的女仔。

      刪除
    5. 好嘢! 好有推斷邏輯,你會考數學一定攞A定喇。

      呢個X factor 認真多變。可以是很多可能性。
      你可以開一個series 玩推理啦

      刪除
    6. 我數學都係及格㗎咋。

      開個系列呢個提議唔錯喎,可以諗諗,專寫膠論,不過我驚畀人笑我太膠。

      刪除
    7. 我數學得E咋

      謬論唔驚噃,大家都知道認真便輸了 

      刪除
    8. 世純:

      你個X代數,先是名詞,後是動詞。嘻嘻!

      刪除
    9. 佛爺,卡臣:

      你哋兩位對詞類都好熟悉喎,我仲諗到一個,「X」可以係「連接詞」。

      刪除
  2. 飞左个贪钱贪玩嘅女人,换翻一身健康,仲识到志同道合嘅女友,真系好彩兼行运咯!

    回覆刪除
    回覆
    1. 舊的不去,新的不來,好彩新的勝舊,否則仲激氣。

      刪除
  3. 我日日都有「行樓梯運動」... 因為我住唐樓, 無電梯^^!

    回覆刪除
  4. 卡臣:

    世純講得啱,我睇過一個心理學家講,點解男人只喺鍾意樣靚身材正嘅女人,而女人就只留意到男人嘅荷包呢?呢個喺心理學到現時也無法解答嘅難題。嘻嘻!

    回覆刪除
    回覆
    1. 男人的動物基因,想多些繁殖下一代,所以鹹濕,見靚女就想上

      女人驚自己搵錢能力唔夠,所以搵個有錢男人好正常。easy money 又可以花來整容瘦身,吸引更有錢的男人

      刪除
  5. 乖仔有好報, 今次呢個結局令人開心!

    回覆刪除
  6. 2006 年冇。。。 what's app!:-P
    但我鍾意呢個故仔,柳暗花明又一村,簡直係轉角遇到愛!

    回覆刪除
    回覆
    1. 又係噃,一言驚醒,我都醒唔起故事SET 在2006年添

      轉角遇到愛<---台劇名喎,不過呢排,一定係韓劇嬴。

      刪除
  7. 真巧我數學也是E...
    好馬不吃回頭草
    明天又是新的一天!

    回覆刪除

LinkWithin

Blog Widget by LinkWithin