~~~~~~~~~~~~~~~~







2014年3月19日 星期三

我愛萬人迷


我愛萬人迷

傍晚時份,天快黑齊。眼鏡蛇懸身掛在18樓大廈的外牆水渠上。他伸頭探望某單位的玻璃氣窗外,偷窺室內的一對正在交歡的男女。男的賤肉橫生:叫「豬肉榮」,女的是湖南妓女,藝名叫「圍圍」。他們之間的關係,只是妓女和嫖客的買賣。

* * * * * *

這名湖南妓女,原名叫徐慧,持雙程證來港做「一樓一鳳」。她在「叫雞指南網頁」上,刊登自已驕人的三圍相片,所以改了個下海藝名做「噴血圍圍」。

今天早上,圍圍的門鐘響起,原來是女同鄉「清清」上門造訪。清清明天回湖南,圍圍託清清帶些現金回鄉給自己父母。她藉詞到港當餐廳侍應,給父母賺錢起屋,她要用姿色脫貧,改變命運。

清清也是鳳姐,她坐低後猶有餘悸。原來她昨天險些給嫖客打劫。幸而該名打劫嫖客十分騰雞,連刀都揸唔穩,刀都跌埋,立即走人。

清清攞出一份報紙,頭條寫「鳳姐殺手,再奪一命」。近日有「鳳姐連環殺手」出現,已經連奪三命。清清叫圍圍要打醒十二分精神。圍圍暗嘆:「希望快些儲夠錢,告別皮肉生涯。」圍圍愛看愛情小說,她做得辛苦時,就會用幻想安慰自己,她幻想終有一天,一個精壯猛男,會從天而降,從火坑中用強勁手臂拯救她出來,從此從良,埋街食井水。

* * * * * *

眼鏡蛇接了一單生意,目標人物叫「豬肉榮」,超級雞蟲一名,每日都有性需要,每日都召妓。眼鏡蛇跟蹤豬肉榮,知道他正幫襯「噴血圍圍」。眼鏡蛇未做殺手前當過爆竊匪,最拿手爬大廈水渠。他在大廈牆外水渠監視住豬肉榮,等待時機落手。

眼鏡蛇的太太Jessica剛送了一部新的智能電話給他。突然電話響起,太太打來,眼鏡蛇馬上接聽。太太約眼鏡蛇放工吃飯,眼鏡蛇話自己正在OT,遲少少到餐廳會合。眼鏡蛇認為要完成這單任務,應該不太費時吧。

眼鏡蛇收線後,探頭觀察屋內情況,見到豬肉榮突然攞起床邊的皮帶,想勒死圍圍!

眼鏡蛇雖然是殺手,但正所謂「盜亦有道」。如果目標人物是女人和小孩,眼鏡蛇就唔會接該單生意。

眼鏡蛇見到面前這個女人可能被殺,立即破窗而入,從天而降。跟豬肉榮搏鬥。三兩吓手勢就將豬肉榮勒死。圍圍感動到熱淚盈眶,夢想中的英雄終於出於了。仲喺自己命懸一線、千鈞一髮之際出現,救咗自己條命。

圍圍用半鹹半淡廣東話問眼鏡蛇:「先生,你叫乜嘢名呀?」眼鏡蛇見豬肉榮放在床邊的T-shirt球衣,印著「Beckham 23」,眼鏡蛇想起碧咸是「萬人迷」,隨口說:「妳可以叫我:萬人迷」,跟著好型咁奪窗而出,再經另一氣窗跳入大廈後樓梯。

眼鏡蛇又到時候做「完成任務的signature」,咁啱袋中無現鈔,只好拾起後樓梯地下的報紙風月版,撕碎四揚,好有型啊。跟著Keep住呢個mood,懶有型咁去餐廳會合老婆吃晚飯。

豬肉榮死咗,圍圍報警,向警方詳述事情經過。警方懷疑豬肉榮就是「鳳姐連環殺手」。因為搞出人命,圍圍為了保護眼鏡蛇,向警方亂咁描述眼鏡蛇的外貌和身材。

* * * * * *

眼鏡蛇去到餐廳,見到怒氣沖沖的太太Jessica,眼鏡蛇問她發生了什麼事?太太大怒︰「點解我打咁多次電話,你都唔聽呀?」眼鏡蛇摸一摸褲袋,弊家伙!電話應該在跟豬肉榮搏鬥時,跌咗喺圍圍房間內。眼鏡蛇不能說出真相,只好推說:「頭先OT好忙,一搞掂我就立即趕嚟,漏咗部電話喺office,聽朝返工攞番。」晚飯完畢後,兩人看完電影後才回家。

* * * * * *

Jessica回家打開大門,眼鏡蛇坐在沙發上,開了電視機。Jessica發現家居PCCW電話的紅燈閃呀閃,有一段未聽的電話錄音留言。Jessica按掣:一把嬌嗲嗲女聲,用半鹹半淡廣東話:「你好呀,萬人迷,我係圍圍,你個手機留咗喺我度,你聽日過嚟攞番,我等你,拜拜~」

原來圍圍在房間內找到眼鏡蛇的手電,在通訊錄找出「Home」的電話,致電留下口訊。好一次當萬人迷遇上賣淫圍

眼鏡蛇聽罷電話留言,心臟差點跳了出來。!Jessica眼睛噴火:「你話去咗OT?原來去咗雞竇OT呀!」眼鏡蛇雖然好身手,但也有「打不還手」的時候。



二少爺說︰萬人迷之上,是億人途迷嗎?

14 則留言:

  1. 眼鏡蛇今次真係水洗都唔清喇,本來做咗件好事,點知畀老婆誤會咗,死咗隻死貓添。

    橫掂都畀老婆誤會,不如聽日上去搵圍圍,攞番電話之餘,順便食個免費餐,當係圍圍報恩喇。

    回覆刪除
    回覆
    1. 都好喎,噴血圍圍,唔講得笑
      現代都有「以身相許」,今次佢一定記得攞電話啦

      刪除
    2. 佢會次次都唔記得攞電話就真,如果唔係,邊有藉口再上去開餐呀。 :p

      刪除
    3. 我估現在少了男人召妓,因為太多電話溝仔溝女apps .不用花錢的一夜情

      刪除
    4. 其實我覺得召妓冇乜問題,明買明賣,解決「食慾」同「性慾」呢d都係人嘅基本需要,不咩分別。情況就好似人肚餓去餐廳食飯(召妓),或者係自己煮飯食(自慰)。

      反而溝仔溝女apps就有點那個,比較攻心計。雙方都只係為咗暗地裡攞對方著數,你算我算,男要呃蝦條,女要飲飲食食收禮物。

      至於單純嘅SP嘅關係,雙方都講到明係滿足大家嘅性需要,我認為亦都冇咩問題。

      以上嘅言論,絕對會畀站喺道德高地嘅衛道之士批評呀。

      刪除
    5. 我同意喎,如果召妓有問題,政府一早打壓啦
      好似禁毒反醉駕

      至於溝仔溝女apps...我唯有做花生友,男男女女在當中的攻防,看各自做化,願打就願捱,玩唔起的(如我),就隔岸觀火。

      單純嘅SP嘅關係,如打網球,雙方同意咪約去做運動囉

      刪除
    6. 做運動呢個比喻好正呀。 :)

      我呢d宅男,唯有一個人對住電腦MON,練習單人一米氣手槍射擊喇。

      刪除
    7. 喂!你咪發放假消息,你女朋友咁正。

      刪除
  2. 精彩... 咁會唔會有下集講眼鏡蛇去攞番個電話...

    回覆刪除
    回覆
    1. 唔講佢同圍圍啲瓜葛

      下集講眼鏡蛇去揸跑車(練車)

      刪除
  3. 卡臣:

    叫雞男人無少到,只喺街上流鶯少咗好多,因為產業轉型,通常都喺網上搵雞。嘻嘻!

    回覆刪除
    回覆
    1. 原來如此,又對喎,妓女提供的專業水準服務,又豈可和普通人相比。

      刪除

LinkWithin

Blog Widget by LinkWithin