~~~~~~~~~~~~~~~~







2014年3月17日 星期一

曼谷瑪利亞


曼谷瑪利亞

穿上乾濕大褸的眼鏡蛇,站在保齡球場的儲物櫃前,在儲物櫃中取出一個雞皮紙袋,走進洗手間內拆開A4雞皮紙袋,把入面的相片、資料、機票等逐一細看。把機票袋好後,然後把其餘的紙張和信封用打火機燒毀。把火舌高舉到天花板的「防火感應器」。「喳」一聲,噴水聲連消防鐘響起。眼鏡蛇一早已穿上防水的乾濕褸,趁混亂之際,好有型咁離開了保齡球場。

* * * * * *

眼鏡蛇今次的任務要他出埠,飛去泰國曼谷殺死一位富商太太:Maria瑪利亞,落order的人正是Maria的丈夫:郭先生,因為郭太Maria背夫偷漢,郭先生難忍這頂綠帽。

Maria這個周未會獨自由香港飛去曼谷拜神,實情跟情夫偷情渡假。郭先生選擇這個外遊機會,叫眼鏡蛇剷除這對奸夫淫婦。郭先生包埋眼鏡蛇酒店連機票,入住Maria投宿的那間五星級酒店,方便下手。

眼鏡蛇打電話到旅行社,買多一張飛曼谷機票給太太Jessica。他貪小平宜,買多一張機票便可以跟太太來個曼谷短假期,橫豎有食宿供應。再者,有太太同行,減低他獨行殺手的形象和可疑性。

Jessica不知自己丈夫的職業是殺手,以為老公咁錫自己。二人於周未出發,眼鏡蛇由機場開始,一路暗中跟蹤Maria和奸夫。

眼鏡蛇和Jessica抵達曼谷市中心,於酒店check in後,如尋常夫妻般外出遊覽。其實眼鏡蛇已經暗中跟蹤目標人物,Maria和奸夫進入一餐廳,眼鏡蛇照跟。

眼鏡蛇未做殺手之前,曾做過扖手和爆竊犯,他跟隨奸夫入洗手間,再用閃電手法,神不知鬼不覺之間,便偷走了奸夫的酒店房間的門鎖咭。奸夫和Maria在曼谷吃喝玩樂了一整天,奸夫仍不察覺遺失了門鎖咭。

* * * * * *

當晚眼鏡蛇在房間內,望着講「嘰喱咕嚕」泰文的電視機,望一望手錶,凌晨一時,正是時候落手了。他預計需要15分鐘左右,便可完成任務。

眼鏡蛇向Jessica藉詞說落街抽煙、順道去便利店買幾支啤酒和零食回來。Jessica正忙於做mask,她隨口應了眼鏡蛇一聲後,便繼續做mask

* * * * * *

眼鏡蛇帶著奸夫的房間門鎖咭,先經lobby去便利店,故意給酒店接待員看見、再到便利店給閉路電視拍下自己,替自己製造不在酒店的證據後,再從後門潛入酒店返上房間。

眼鏡蛇根據奸夫的房間門鎖咭,來到Maria房間,先打聽房間內的動靜,咦?好靜喎!畢竟Maria和奸夫都50幾歲,都凌晨一點啦,唔後生啦,仲有鬼力咩?門縫又沒有透出燈光,相信房內的人已經關燈入睡。

眼鏡蛇用門咭輕聲開門,潛入漆黑的房間,憑他的經驗,他察覺到房內只有Maria一人睡在床上,奸夫不見了,可能外出。如今只好先殺死Maria,容後再殺奸夫。

用槍會發出聲響,眼鏡蛇決定用枕頭焗死Maria。他站在床邊,正準備落手

漆黑中,Maria突然紥醒大嗌:「打我喇!快啲姦我喇!姦死我喇!無好停呀!」
眼鏡蛇大驚!乜Maria當咗自己係奸夫呀?咁……好唔好先乘機抽水,然後再殺Maria呢?

咦!?但係,點解會係Jessica把聲?!

就是因為這一秒鐘的遲豫,眼鏡蛇被Jessica反客為主,她一個翻身壓著眼鏡蛇,仲好快手咁用兩個手扣,將眼鏡蛇的雙手鎖係床兩邊鐵柄,眼鏡蛇動彈不得。之後Jessica在床邊取出皮鞭,狠狠招呼眼鏡蛇,大笑又大叫!打到眼鏡蛇半死之後,再跟他親熱。

我諗你都估到喇啩,眼鏡蛇搞錯自己跟奸夫兩張門鎖咭,竟然摸翻入自己間房。

Jessica看女性雜誌,專家教︰如果兩公婆外遊,提議在性方面玩得大膽啲突破啲,增進夫妻間感情和性趣。所以當眼鏡蛇外出後,Jessica立即關燈跳上床,拿出帶來的皮鞭手扣,等待丈夫回房時,給他一個big surprise

可憐的眼鏡蛇全身都是傷痕,Jessica也不知道原來自己平日抑壓的情緒,一旦爆發出嚟的效果,會是如此超乎想像。

* * * * * *

第二朝早上,眼鏡蛇醒過來,後悔錯過昨夜落手的好機會。今天中午Maria和奸夫便會check out,飛去布吉小島。唉~ 原本只需15分鐘的簡單任務,搞到要大費周章,再飛去布吉,找機會再落手。

* * * * * *

眼鏡蛇梳洗和包紮傷口後,離房去吃早餐。嘩!酒店Lobby塞滿泰國警員和酒店保安員,究竟發生了什麼事?眼鏡蛇向bell boy打聽之下,原來酒店昨夜發生意外,兩名中國藉遊客喪命於房中。

2014號房,一對中年男女心臟病發,全身赤裸暴斃在床上。一名泰國妓女則被手扣鎖在床上,該名女妓今晨清醒後,大叫求救。

原來,昨夜Maria和奸夫叫了一名女妓回酒店房玩3PMaria和奸夫服食軟性毒品助慶,怎料年齡已經唔輕,平日食嘢又唔節制,早已血管閉塞。結果負荷不了,引致隱蔽心臟病發,兩人香艷地赤裸死去。

而他們召的「泰女妓」則被手扣鎖在床上,早上起床才驚覺兩名嫖客全身冰冷。她落口供時說:昨夜應該還有一名「大隻泰鴨」正趕往前來一齊玩4P,不過那男妓在途中突然被人打劫,所以失場無到。

眼鏡蛇知道事情經過後,抹一額汗。如果他昨夜潛入Maria房,一定被誤當係那隻泰鴨,仲鎖埋喺床上玩4P,咁而家落緊口供嗰位就變咗係自己囉。

兩人步出酒店,走在曼谷街上的眼鏡蛇,心裡大笑起來。Maria和奸夫已死,酬金照收,慳水慳力,自己又無被泰警捉到,執返身彩。

咦!又係時候進行「任務完成signature」了,他在口袋中取出一張泰國鈔票,撕毀後順手一揚,紙碎隨風四飄,好型咁freeze咗自己呢個pose幾秒。

Jessica碌大雙眼,望實眼鏡蛇:「傻咗呀你?做乜撕爛自己張回程機票呀!」



二少爺說︰帶郭太搭國泰去泰國。

10 則留言:

  1. 眼鏡蛇成世都咁好運嘅,次次都咁好彩。 :p

    我鍾意入錯房嗰度,樂而不淫,非常搞笑呀。

    撕毀機票事少呀,如果撕毀泰國鈔票就大鑊喇,即係侮辱泰皇,要坐花廳o架。

    回覆刪除
    回覆
    1. 貫徹COPRA忘記數字或搞錯性格,所以摸返入自己房,差D誤殺自己老婆添呀

      原來撕毀泰國鈔票,侮辱泰皇,要坐花廳,
      咁好彩COPRA袋中無,否則入獄就要開花

      刪除
    2. 所以去泰國真係要小心D,唔好亂咁嚟呀。

      另外,曼谷瑪利亞呢首歌幾好聽,我都好鐘意,歌詞內容真係好唏噓。

      刪除
    3. 而家東南亞都好亂,唔好出門好啲

      SHINE有啲歌因為WYMAN填詞,所以唔錯

      刪除
  2. 回覆
    1. 要去泰國取景,大把廣告植入先可以BREAK EVEN

      刪除
  3. 鍾意「任務完成signature」呢一吓, 好型...

    回覆刪除
    回覆
    1. 集集佢都會做呢個SIGNATURE. 仲可以睇多幾次。

      刪除
  4. 卡臣:

    眼鏡蛇可能拜完四面佛,所以唔駛做,奸夫和淫婦就自動玩完。嘻嘻!

    回覆刪除

LinkWithin

Blog Widget by LinkWithin