~~~~~~~~~~~~~~~~







2014年3月15日 星期六

我唔係「東亞病夫 !」


我唔係「東亞病夫 !

眼鏡蛇」由爆竊匪成功轉行做殺手後,繼續接job

巴渣」是一名在港出生的巴基斯坦藉人士,因他得罪了勢力人士,眼鏡蛇接了這宗生意去殺死「巴渣」。眼鏡蛇跟蹤巴渣至旺角某商業大大廈後巷,在鬧市中落手。為免槍聲引人注意,眼鏡蛇棄槍改用刀。眼鏡蛇見後巷四周無人,正當打算落手之際,自己的手提電話突然響起。是太太Jessica打嚟,她上星期剛剛考到車牌,現在揸車周圍兜,練吓車認吓路。

Jessica(電話):「喂!你喺邊呀?我揸車過嚟接你呀?」
眼鏡蛇:「我而家喺旺角,妳到咗call我呀。」
眼鏡蛇諗著任務完成後,有車接走,方便離開現場,叫Jessica揸車嚟旺角。

眼鏡蛇收線後要落手,揮刀就上。巴渣亦非善男信女,憑雙拳在重慶大廈打出「巴渣」這個霸氣名堂。眼鏡蛇低估了巴渣的反抗力,兩人在後巷作困獸肉搏鬥。

混亂中,巴渣扯爛眼鏡蛇上衫,見到眼鏡蛇背脊的紋身:「K I L L E R 」。巴渣大叫「Killer」!眼鏡蛇趁機一刀拮落巴渣大動脈,此時給巡邏中的大廈管理員叔見到,大嗌︰「救命呀!」後巷是掘頭路,出路被阿叔擋住,眼鏡蛇唯一出路,就是逃進商業大廈後門,往樓上跑。

「巴渣」倒在地上痛苦地抽搐,管理員幫手叫救護車。巴渣用微弱的聲音說:「背脊……有…Killer紋身…」跟著昏迷了。五分鐘之後,警員Sir碰巧在附近巡邏,接到call第一時間抵達現場。管理員向李Sir轉述巴渣那句「背脊有killer紋身」的情報。李Sir將情報報告總台後,立即進入商業大廈後門,在二樓樓梯跟眼鏡蛇,一上一落,撞個正著。

Sir緊張地大喝:「企喺度!舉高雙手!你嚟呢度做乜?」
眼鏡蛇:「阿Sir,我啱啱去三樓間Hip Hop舖買CD咋!」

眼鏡蛇把身分證、CDCD發票遞給李SIR。李SIR立即call回電台check身分證,再檢查CD發票,咦!收銀機發票日期時間是五分鐘前。那間Hip Hop舖位於商業大廈三樓,店主是一名Rapper,夜間在disco打碟,日間開舖賣滑板、自家錄製CDHip Hop衫褲、搞吓UFO外星人講座等。

電台總部回覆:「無案底」。眼鏡蛇取回東西想走人之際,李SIR喝停他。「扯高件衫俾我睇吓你背脊!」眼鏡蛇聽後,額角流下一滴汗。

眼鏡蛇:「我要有多一個警員在場,我先肯除衫。」
SIR拔出胡椒噴霧「除唔除呀!」
眼鏡蛇只好就範,除去上衣,展示他的背脊紋身……
I’ M NOT SICK ILLER
SIR問:「乜嘢意思?」
「阿Sir,解做『我唔係東亞病夫』囉!」
SICK ILLER 解病夫咩?乜英文嚟架?」
「我唔識英文架.....Sir.…個紋身師傅寫錯咗咩?」

原來眼鏡蛇逃走到三樓,見到有間Hip Hop舖,走入去俾500Hip Hop店主,叫他用黑色箱頭筆在自己背脊的「KILLER」之前加「IM NOT SIC」,變成「IM NOT SICK ILLER(我唔係東亞病夫)」。Hip Hop店主鐘意李小龍、又叻Graffiti,收錢後用黑色箱頭筆,寫上美術字體,成為眼鏡蛇的臨時紋身。眼鏡蛇買件新T-shirt穿在身上,及買多隻CD製造「在場原因」。

SIR按工作指引,沒有足夠証據,只好放眼鏡蛇走。眼鏡蛇現在唯一擔心的,就是如果巴渣及時送院搶救,今次殺人任務便告失敗。

此時,電話響起,是Jessica來電:「老公呀!我撞車啊!呀!唔係,我俾人撞呀!」原來Jessica已經駛入旺角區,人車爭路,突然有一個拖著行李喼的自由行衝出馬路,Jessica急煞車,尾隨的救護車煞車不及,一嘢隊入Jessica車尾。這部救護車正正就是奉命來救巴渣。

根據工作指引,醫務人員需要call回總部,再派第二部救護車前來。就是這一阻,巴渣在血泊中流血過多,心臟停頓。眼鏡蛇的任務終告完成。

係時候又到眼鏡蛇作「完成任務的signature」。銀包內的500元現金已付給了Hip Hop店主,只好把CD發票撕過粉碎,隨手一揚,好型咁慢動作緩慢前行。離開現場。

眼鏡蛇去找Jessica,雖然車尾的「bumper」被救護車撞到「吊吊fing」,但眼鏡蛇多得它才能完成任務,所以決定不跟醫管局追究。登記資料後揸車走人。

眼鏡蛇在車廂內把新買的CD插入汽車Hi-Fi,播出強勁的Hip Hop音樂。眼鏡蛇駕車,繼續於公路飛馳,在強勁音樂下,眼鏡蛇十分興奮,唔覺唔覺不斷踩油,車速飊升。

「轟隆!」前面架車突然減速,眼鏡蛇撞到前車,「哎呀!我車頭條bumper都凹埋啦!shit~~」眼鏡蛇氣餒地說。



二少爺說︰Hip Hop音樂是來自中國的數白欖。

12 則留言:

  1. 好嘢,「I’ M NOT SICK ILLER」都畀你玩埋,呢集笑死。 :)

    回覆刪除
    回覆
    1. 2010年寫的,唔記得果陣點解我寫到呢個故事

      刪除
    2. 呢個故事好有創意,又緊張又有大量笑位,其餘幾集係咪排咗隊陸續翻叮先?

      刪除
    3. 正所謂︰「千金易得,知音難求」,我原本諗住翻叮四集,而家叮哂十集佢,

      多謝鼓勵....無你,呢幾集就唔會重見天日

      刪除
    4. 好嘢!你叮晒十集,實在係讀者之福呀。我估好多人未睇過你以前呢篇作品,定期翻叮係有必要嘅。

      另外,希望將「馴漢記」加入翻叮list,呢篇嘢好正,佈局又高明,最重要係有警世作用呀。

      刪除
    5. 好! 有求必應翻叮「馴漢記」

      遲遲唔翻叮「馴漢記」的原因,因為寫那時通訊沒有今天發達,仲用緊msn,驚今日讀者睇返覺得個故事好過時, 脫節

      刪除
    6. msn雖然冇咗,但佢係一個時代嘅icon,我相信好多網友都會睇得有共鳴嘅,仲會回憶番當年用msn嘅歲月添。

      你可以先寫幾句,簡單介紹一吓當年創作「馴漢記」嘅時代背景,之後先出故事。又或者將故事更新少少,由msn變為現今嘅「交友app」。

      刪除
    7. 我都想改寫, UPDATE佢,
      可惜呢篇的「溝女部份」就發展在當時技術限制,如果像今天通訊方便,男女主角一早見咗面,

      所以唯有寫個序,等大家有些心理準備。
      (以前通訊唔太發達,還有點曖昧,現在就明刀明槍,我的故事便不會發生)

      刪除
    8. 好吖,寫序都係一個理想嘅做法,我就坐定定等睇好戲喇。

      刪除

LinkWithin

Blog Widget by LinkWithin