~~~~~~~~~~~~~~~~







2014年1月8日 星期三

鐵鎚



鐵鎚


(這篇是新寫的)

一幢舊樓,因為太殘舊,遭地產商全座收購再發展,大部份業主已經遷出,現在十室九空。晚上顯得份外陰深。

某單位著了燈,住了一對中年夫婦。他們沒有孩子,只養了一隻大丹狗。他們仍和地產商就收購價討價還價,死守著單位。

兩夫婦感情冷淡,無乜兩句,家中只有電視聲。太太知道丈夫出面有個女人,但無人提出離婚,太太決定暫時「隻眼開隻眼閉」,等待機會再反擊丈夫。

    * * * * *

這晚,丈夫的弟弟來到單位投靠哥哥,弟弟要求暫住一星期。兩男一女共處一室。

叔仔對阿嫂眉來眼去,阿嫂趁丈夫不在,貪叔仔有氣有力又口甜舌滑,兩人搞埋一齊。事後太太起了殺機,決定要殺夫。

太太在廚房找出那座塵封的「壓力煲」、把家裡大丹狗斷糧兩天。

晚上,當丈夫去廁所洗澡時,她把電視機聲浪校大,拿出十磅鐵鎚,靜靜步入廁所,用鐵鎚從後偷襲丈夫,一扑得手,用力狂揼,血漿四淺……

「噗」壓力煲發出的蒸氣,太太把丈夫在浴缸放血後,再用菜刀肢解屍體,用煲煮熟,再餵給飢餓的大丹狗。在旁協助太太處理屍體,還有叔仔。

    * * * * *

叔仔和阿嫂繼續在單位內雙宿雙棲。好景不會每日常在,兩人感情來得快、去得更快。兩人感情急速轉淡,無乜兩句,家中只有電視聲。

阿嫂發覺叔仔出面新識咗個女人,阿嫂好嬲!頓起殺機,決定要殺死叔仔。既然她已殺過人,罪孽已在,唔爭在殺多一次。

阿嫂拿出「壓力煲」、把家裡大丹狗又斷糧兩天。

晚上,當叔仔去廁所洗澡時,她把電視機聲浪校大,拿出十磅鐵鎚,靜靜入廁所,用鐵鎚從後偷襲叔仔……

    * * * * *

「噗」壓力煲發出的蒸氣,屍體被煮熟後,再餵給飢餓的大丹狗。在旁協助叔仔處理屍體的,還有叔仔的新女朋友。

叔仔早己察覺阿嫂對自己起了殺機,他在廁所早已收藏起一支二十磅大鐵鎚,等待阿嫂開門入來時,叔仔揮鎚兜頭劈下….

叔仔和新女朋友繼續在單位內居住,叔仔和地產商還價後,成功達成交易。


二少爺說︰弒兄奪妻,古代中國偶有發生。

20 則留言:

  1. 嘩,卡臣兄,我睇你個blog咁耐,呢篇嘢最重口味喎,好變態呀。 :o

    故事仲有少少㗎......

    交易結束後,叔仔與新女朋友買了一枝紅酒回愛巢慶祝,叔仔飲至酩酊大醉,睡在梳化中。此時新女朋友確定叔仔熟睡不醒後,致電與另一姦夫。

    不消十分鐘,姦夫到達現場,壓力煲再次發出「噗…噗…噗…」聲。

    回覆刪除
    回覆
    1. 哈哈!咁樣故事真係完唔到
      姦夫再有姦婦
      姦婦又有姦夫
      呢個單位寃魂不散,鬼魂結集。

      刪除
    2. 係呀,一個循環不斷嘅恐怖故事。

      成個故事裡面,我諗最開心係隻大丹狗喇,餓兩日又可以大「人」大肉咁食喇。 :)

      刪除
    3. 人肉喎,咁好味,大丹狗都話值得等待。

      刪除
    4. 其實呢個故事係「壓力煲」的植入廣告。

      刪除
  2. 卡臣:

    呢個故事,全部人物都是狼心狗肺!嘻嘻!

    回覆刪除
    回覆
    1. 最實至名歸的「狗肺」╴是屬於大丹狗的。

      刪除
  3. 香港鐵鎚事件拍得住德州殺人事件呀~

    回覆刪除
  4. 哎呀!血腥到极点,千其咪攞黎拍戏,等阵D痴线友照版煮碗就惨哉咯!

    回覆刪除
  5. 大丹狗最後點呀?叔仔有無養埋佢架?

    回覆刪除
    回覆
    1. 叔仔見天氣凍,要進補,自此,大丹狗再沒有出現。

      刪除
  6. 唔怪得我睇完篇嘢之後內心好有衝動去買個「壓力煲」喇,原來我中咗植入廣告陷阱。 :o

    回覆刪除
  7. 卡兄,
    所謂「禍福本無門,唯人自招致」,即係唔衰攞黎衰。
    善哉,善哉。

    回覆刪除

LinkWithin

Blog Widget by LinkWithin