~~~~~~~~~~~~~~~~







2014年1月15日 星期三

摸手仔



摸手仔



雖然時代進步,男女關係的確比以前開放咗,但仍有不少「宅男」、「毒男」或「電車男」,唔知點樣可以親近異性,摸吓手仔都好吖。今次數吓有咩方法可以摸到心儀對象的手。

第十位:扮識氣功
正所謂︰「橋唔怕舊、最緊要受」。扮識氣功,可以從自己掌心輸出真氣給對方,有病醫病,無病強身。乘機跟心儀對象四隻手,掌心對掌心,享受一分鐘的手溫。如果對方迷信,可以幫對方驅魔僻邪都得。

第九位:物件交接
叫心儀對象傳遞物件給自己,例如叫對方找錢、遞刀叉、攞文件的時候,詐傻扮懵地好似唔覺意咁輕輕摸對方的手,扮嘢講句:「Oh sorry!我無心架!」揩一揩油,慰藉一下。

第八位:打麻雀
跟心儀對象打牌,終於輪到洗牌時,8隻手喺麻雀枱度任撞任揩任摸。這是中國傳統賦予的合法身體碰撞,無人會發覺你「醉翁之意不在酒」而在「手」。

第七位:Give me five
雖然大家都係中國人,但香港人愛扮西化。有時參加集體競技遊戲時,贏咗,走到心儀對象面前,興高采烈地嗌:「YoGive me five!」如果對方「騷」你,你就可以擁有一秒鐘的蜻蜓點水式異性接觸。

第六位:扮發燒
首先你要扮個病樣先,唔覺意走到心儀對象面前,扮成發燒咁,捉著她隻手摸自己額頭,問︰「係咪好慶?我係咪發燒?」如果對方發嬲,你立即扮病博同情,平息她的怒火。雖然佢已經縮番隻手,但你都享有2秒的接觸。

第五位:按mouse
如果心儀對象遇上電腦問題,你就自告奮勇上前幫手。一手揸落佢按緊mouse的玉手,按正確的command。她可能立即縮手,再用目光厲你一厲,但你始終幫她解決電腦問題,所以不會反面。你就成功騙走幾秒鐘的溫韾。

第四位:交通工具扶手
跟心儀對象乘搭巴士地鐵火車輕鐵,架車疾一疾,你就本能地要立即抓緊扶手,你的目標當然就是她已按在扶手上的玉手喇。一手按下去,講聲sorry!換取兩秒的觸電接觸。

第三位:多餘hand cream
如果你跟心儀對象算是相熟,冬天乾燥的季節,把很多hand cream塗在自己手上,走到她面前說:「我吱多咗啲hand cream喺手,益吓妳呀!」自己雙手觸到她的雙手,表面上把多餘的hand cream揩到她手上,實質是一種輕度的撫摸。

第二位:鬥手掌大小
跟心儀對象無聊吹水,話題扯到手掌的大細,反映心臟的size。提議比一比誰的手掌夠大。兩隻手拼在一起量度,有心者盡量用說話拖延時間,爭取多一秒的接觸。

第一位:打手背遊戲
跟心儀對象講「童年集體回憶」,重溫小學時候玩過的一種「鬥反應快的打手背遊戲」。兩人四隻手掌上下緊貼,下方的手心反轉拍打上方的手背,一方鬥快打、另一方鬥快縮手。如是者,做下方的你只要唔出手,你可以hold幾耐就hold幾耐,這一招是十種方法中最持久耐用的摸手方法。(如果對方未拆穿你的奸計。)

另外還有:「表演後牽手謝幕」、「紀律部隊手牽手做人鏈」、「牽手祈禱」、「幫人鬆手指骨」、「睇掌」等等,可供參考。


二少爺說︰I wanna hold your hand. 

25 則留言:

  1. 充滿毒味宅味啊
    正正經經識個女友咪得

    回覆刪除
  2. 呢篇嘢好毒喎,你可以開個「宅男脫毒」課程,呢篇嘢可以作為初班嘅指定讀物或者係教材呀。 :)

    回覆刪除
    回覆
    1. 我都想搵人教我除毒呀,你教呀不如。

      刪除
    2. 唔好玩我喎,你一d都唔毒喇,又多朋友又多活動。 :)

      宅男要脫毒,首先不自瀆

      刪除
  3. 毒男就是想愛/鍾意人又怕俾人知道,少女過少女。

    好瘀架嘛!

    回覆刪除
    回覆
    1. 無自信,所以怕失敗,怕失敗所以唔敢嘗試。要衝破一吓!

      刪除
  4. 卡臣:

    流感季節,專家話唔好同人摸手摸腳,好「毒」㗎!嘻嘻!

    回覆刪除
    回覆
    1. 如果有個AV女優係你面前,又睇你摸唔摸?

      刪除

LinkWithin

Blog Widget by LinkWithin