~~~~~~~~~~~~~~~~







2014年1月10日 星期五

缺德辦公室



缺德辦公室


office的在職人士,每天平均需要花8小時或以上在辦公室內工作。如果辦公室內有很多缺德的同事,就一定會令自己好激氣。現在數吓辦公室內常見的缺德行為。

第十位:蒸餾水機無水
口渴時侯想去茶水間斟水,怎料蒸餾水機一滴水都無。最後斟水嗰位同事唔肯換水,亦唔打算搵人幫手換水。自己酙完最後一滴水就走人。認真無手尾。

第九位:偷A4紙文具
每人家中都有私人電腦,有些人家中添了printer,需要大量A4print私人,結果office影印房,經常有人鬼鬼祟祟出入,滿載而歸。如果有同事晚間讀書進修,自我增值,需要膠file、螢光筆、原子筆、塗改液等文具,他們的筆袋就會久唔久自動變得脹卜卜。

第八位:滿地薯片餅乾碎
同事們下午三四點開始搵嘢食,薯片、餅乾、紫菜、蛋捲、牛肉乾。他們一break的時候,拿着零食去別人的辦公桌relax,傾計又食嘢。結果就整到你張枱面、週地零食碎,惹蟻又惹曱甴,認真唔衛生。

第七位:共用file用後唔close
部門各同事需要到 server中用某個「共用檔案」,結果其中一位同事用完「共用檔案」之後又唔「關閉」。令到其他同事想使用時,檔案變成「唯讀的檔案」。要大聲嗌:「邊個開住個file未閂?」當然無人會承認責任,經手人立即暗地裡close file,仲喊賊捉賊,大聲問:「邊個咁無手尾呀?!」

第六位:影印機jam
去影印房,發現部部影印機俾人搞到jam紙後,不顧而去。只好落手抽出jam紙,結果雙手都是黑炭粉。另外,影印時如果唔睇清楚就按start,結果影出嚟變成幾十張、用A3紙、size放大縮小。原來上手影印時調教setting後,影完又忘記還原,而下手又無睇清楚啲掣,結果全單照收,浪費大量紙張。

第五位:雪櫃棄置食物
有同事買食物回來,存放於公司雪櫃,但有意無意地忘記了食物的存在。任由它長埋在雪櫃中,讓它過期變壞。結果一打開雪櫃,發出嗅味,要阿嬸清理。食剩的芝士、牛奶、糕點、水果、生日蛋糕,變黑變嗅變壞變型。

第四位:唔接聽他人電話
當某一同事的辦公枱頭,電話響起,其他同事借了聾耳陳隻耳,詐聽唔到,任由電話長響,唔幫人drop低口訊,可能令同事失去一單生意,又可能是客戶的投訴來電,總之各家自掃門前雪。

第三位:飯盒棄置廢紙籮
午飯時,吃完的飯盒有餸汁餸骨,最好棄置於茶水間的有蓋密封垃圾桶內,但係有人貪方便,隨手把飯盒棄置於寫字旁的廢紙籮,讓餸汁異味於辦公室內揮發。惹來昆蟲細菌滋生。

第二位:借文具唔還
當某同事的文具唔知放咗喺邊?最簡單直接的方法,就係向其他同事借,但用完之後就據為己有,一借無回頭。同事經常發現自己的文具出現在別人的桌上。又偷返佢,冤冤相報何時了?

第一位:傳播病菌
流行性感冒期間,有同事中招告假。但有一些同事責任心重,照返工,但唔戴口罩,在辦公室內照咳照打噴嚏,發放大量病毒,傳染同事。認真多得佢唔少。


二少爺說︰有病最好留在家中抖一抖。

18 則留言:

  1. 你真係好多題材發揮,勁呀!

    當然你呢篇我都好有共鳴!

    回覆刪除
  2. 卡兄,
    仲有一樣... 去完廁所唔沖水!!

    回覆刪除
  3. 卡臣:

    好閒咋喎!喺人都咁做㗎喇!嘻嘻!

    回覆刪除
  4. 我唔係缺德人,以上幾點我都冇份。 :p

    回覆刪除
    回覆
    1. 我估你深明「因果業報」的道理。

      刪除
    2. 你太高估我喇,我只係有少少同理心咋。 :)

      刪除
    3. 今時今日,有少少同理心,已經好難得

      刪除
  5. 最睇唔過眼係,飲水機冇水,睇住女流之輩去換嘅男人。

    回覆刪除

LinkWithin

Blog Widget by LinkWithin