~~~~~~~~~~~~~~~~







2014年1月22日 星期三

陰陽路 - 酒店房間


陰陽路 - 酒店房間


Alan計劃跟女朋友到大阪旅行,他在香港書局買了一本自助旅遊書,訂機票酒店做自由行。兩人有共識:只會留在酒店房間內僅8小時供睡覺之用,不如將貨就價,預訂了一間不豪華的舊Business Hotel。貪佢近地鐵站,又近商業購物區,唔需要極級設施或豪華裝修。兩人踏上東瀛旅程。

由機場乘機場鐵路去到大阪downtown。兩人拿著Travel agent提供的地圖,按圖索驥,總算找到該Business Hotel。九層樓高的灰色建築物,門口Check in地方狹窄,雖然唔係靚裝但尚算整潔。

Check in後,沒有Bell Boy,自攜行李乘電梯上5樓的房間,電梯和走廊比較窄和暗,每層樓都設置自動販賣機。

Alan用「門鎖咭」打開房門後,只見微型房間內僅可容納一張床加小廁所。他隨即放低手上的行李,Alan慣性地打開電視機,讓房間有點聲音。

他拉開窗簾,窗外是對面大廈的後巷,他終於明白Business Hotel是供生意人公幹投宿之用,別遑論什麼享受或景觀。

此時,原本望著窗外的Alan,突然回頭向女友說:「弊傢伙!頭先入房唔記得先叩門添!」

Alan在香港看過電視靈異節目,教觀眾入陌生酒店房間前要先叩門,讓房內的「靈界朋友」先迴避一吓。女友安慰:「唔緊要啦!呢啲信則有,不信則無。」Alan立即向房內四角合十膜拜,補番數。

Alan和女友不需要休息,急不及待想立即落街逛逛。正當他們想出門口之際,女友說要先去一去洗手間。

因為他們沒有跟團,女友叫Alan先落酒店大堂取該區簡易地圖及地鐵路線圖。Alan先行一步,女友稍後跟他再在酒店地下大堂會合。

女友入了洗手間後,聽到Alan」一聲閂門,相信他已離開房間。女友解手之際,房內原本發出「梳嗲是架」日語的電視機,突然之間,沒有了聲響,房內死寂一片……

女友以為Alan整蠱自己,大嗌:「Alan!係咪你呀?」
沒有回應之餘,廁所的燈亦突然熄滅,廁所內漆黑一片。

女友自幼怕黑,立即驚叫!打開廁所門衝出房外,頭也不回,裙拉褲甩,拚命走到電梯走廊,大力按電梯掣,希望有電梯快些到來拯救她。

30秒後,女友跳入電梯,心裡咀咒Alan剛才忘記入房前叩門,結果得罪了「污糟嘢」,仲報將報應報落落自己身上!

女友在大堂見到Alan,如怒海中見到救生艇一樣撲前,將剛才的驚險經歷,口震震咁向Alan和盤托出。無論如何,她一定要換房,必要時換酒店都要。又怨Alan無入房前叩門。

Alan聽完情緒有點失控的女友一輪機槍式申訴後,Alan好冷靜、又好內疚咁細細聲同女友講:「er…..er…..我頭先出房門口….唔覺意順手擝走咗條keysorry!」(拔出門鎖咭後,房內電源數秒後自動關閉,為了慳電緣故)。

14巴港女」的情境,終於有了海外版,讓日本人有機會親眼見識一下港女的英姿。


二少爺說︰酒店大堂有戲睇。



12 則留言:

  1. 呢篇陰陽路唔夠驚嚇喎。

    攞走匙咭之後,我必定求其攞張紙摺到硬硬哋,插番落去個插位度,確保唔會有電力中斷嘅情況發生嘅。

    Alan早d咁做,咪唔會賴嘢囉。 ;)

    回覆刪除
    回覆
    1. 果然醒目!

      如果ALAN有你咁醒, 就唔會俾人摑14巴

      刪除
  2. 吓,喺酒店大堂畀人摑14巴,唔係咁好喎,Alan要振夫剛先得。

    Alan之後去了日本商店潮「性」,買了些針對「性」道具及洋燭,晚上回酒店房間好好招呼女友,整番個浪漫嘅candle light dinner畀女友嘆吓,同時透過縄藝活動調節教育佢。

    回覆刪除
  3. 點知真係引來一隻日本鹹濕幽靈,玩人鬼3P,Alan被五花大綁滴蠟,14巴加14巴,如喪家之犬, 陰公

    回覆刪除
    回覆
    1. Alan受過這次鬼畜凌辱調教後,決定上山學藝學捉鬼,誓要收盡世上所有淫鬼邪魂。經三年刻苦修練,成為現袋驅魔人。

      刪除
    2. 專捉「現袋鬼」,收鬼於袋中。

      刪除
  4. 有次在倫敦一間舊酒店投宿,半夜看見窗前(guillotine式開關)一個人頭!
    嚇壞!其實歐洲古老小旅館氛圍真係有d 恐怖,張床it it聲,盞燈忽明忽暗,電視突然鬼影重重....

    回覆刪除
    回覆
    1. 咁多年歷史,幢屋一定聚集唔少幽靈,最好河水不犯井水,和平共存

      刪除
  5. 卡臣:

    呢個情況唔同十四巴港女喎!咁樣嚇法,個女朋友嗰晚會春情大發㗎,將阿倫「抽乾」都有份。嘻嘻!

    回覆刪除
    回覆
    1. 港女一晚要14Q先肯停╴男的精盡人亡,客死異鄉

      刪除
  6. 唔覺意擝走條key? 教訓都係要付出代價...

    回覆刪除

LinkWithin

Blog Widget by LinkWithin