~~~~~~~~~~~~~~~~







2014年1月20日 星期一

的士速遞


的士速遞



(這篇是新寫的)



下午325分。


陳先生急急跳上一部的士,好緊張咁同司機講︰「同我跟著前面部的士呀!」

原來陳先生剛收到女朋友的分手短訊,陳先生立即趕去女友家,離遠見到女友正在大廈樓下搬行李入的士車尾箱,可能會離開香港。女友上車開走了,陳先生立即截的士追女友去。

下午330分。

一對年輕男女情侶在街上突然因小事嗌交,兩人氣沖沖分道揚鑣,各散東西。

男的跳上一部的士,同司機講︰「立即開車,同我兜哂一百蚊佢!」隨後把一百元扔進司機座旁邊,仲以為自己好型!典型的時下年輕人呢。

女的也截了一部的士,同司機講︰「立即開車,呢度一百蚊,同我兜哂佢!」隨即把一百元拋進司機座旁邊,仲以為好Cool!時下的年輕人啊。

下午335分。

「轟隆」一聲!四部Taxi在十字路口炒埋一齊。因為其中一個的士司機心急衝紅燈,結果引起四車連環相撞。幸而不是太嚴重,司機和乘客們僅受輕傷。他們落車等候救傷車到來。

四位乘客俟著的士車身,50歲的陳先生見到20歲的兒子,20歲的兒子見到剛才吵架的19歲女朋友,19歲少女見到26歲的家姐。家姐見到50歲的陳先生,

原來26歲家姐不想再做陳先生的情婦,決定要結束這段孽緣,加上她剛結識了新男朋友,今天搬行李去男朋友家中暫住,避開陳先生。

四人面面相覷,世事仲有無咁蹺呀?!大家都啞口無言。

下午340分。

第一名交通警察駕鐵騎趕到現場,打破了僵持的氣氛。交通警察除下頭盔,立即好緊張去檢視家姐的傷勢。原來該名警察就是家姐的新男朋友。

喂呀!作者。。你想點呀??


二少爺說︰世事往往喜歡作弄人。

32 則留言:

  1. 好似仲差咗一個好關鍵嘅人物未出場喎,出埋場嘅話就六國大封相喇。

    作者呀,唔該你寫埋陳太出嚟吖。 :)

    回覆刪除
    回覆
    1. 下午3時43分。

      60歲的士司機突然心臟病發暈倒地上。交通警察問圍觀群眾有無醫生在場? 一名中年女人走出來,她說︰我是護士,讓我替他急救。陳生呆了,原來該名女士就是陳太太友。

      刪除
  2. 會唔會19歲少女同26歲家姐個老豆同陳太在另一架的士裡面...
    咁就更加精彩咯^^!

    回覆刪除
    回覆
    1. 下午3時46分。

      陳太替的士司機急救時,救護車來到。第一名救護員見到26歲家姐,大叫阿女,原來該名救護員士就是她爸爸。

      刪除
    2. 呢個接龍好玩喎 :)

      下午3時47分。

      救護員落車後,第一時間走向心臟病發的的士司機,他先向護士陳太了解情況。

      他驚訝地發現,眼前的陳太是當年一起讀救護的同學,兩人當年是一對戀人。

      刪除
    3. 救護員被背後的陳先一叫,「祥仔!」
      原來救護員是陳生中學舊同學,畢業後沒有聯絡。

      刪除
    4. 交通警員聽到「祥」字特別留神,因為小時候他的媽媽常帶他與一位叫「祥叔叔」的男子飲茶食飯。

      那位他媽的祥叔叔在某次飯局中性侵他,令他有童年陰影。

      刪除
    5. 交通警認出救護員就是「祥叔叔」,正想上前查看時,20歲少年突然指著祥叔叫:係佢喇!

      刪除
    6. 那個20歲少年接著大叫:「呢個祥叔叔就係我細個時嘅救命恩人喇,就係佢幫我做人工呼吸㗎喇。」

      交通警聽後不知所措,呆呆望著祥叔叔。

      刪除
    7. 60歲司機死亡,靈魂出窺,上了陳生身,陳生突然脫下衣服,㚏去26歲女

      刪除
    8. 嘩,出到陰陽路添。 :o

      救護員見到咁嘅情況,本能地雙手合十,中指向天,大叫一聲「太上老君,急急如律令」後,便衝向陳先生...

      刪除
    9. 陳生被驅魔後暈倒,被抬上救護車,原來他詐暈,避開這個亂局

      刪除
    10. 陳生上咗救護車之後,就開始同祥仔聚舊,大談當年中學時代嘅事情。

      祥仔一時講得興起,唔小心爆咗當年中學畢業後,去讀救護時同陳太有過一手。

      刪除
    11. 陳先生無嬲祥仔,畢竟自己其身不正,陳先生想離婚,唆使祥仔去溝自己老婆,祥仔決定幫兄弟,

      刪除
    12. 祥仔成功番溝護士,陳太同陳先生離婚,改嫁變成祥嫂。

      交通警知道咗祥叔叔係未來外父,驚畀佢再性侵,所以飛咗佢個女。

      陳先生繼續同祥仔個女一齊,後來結婚添。

      最後,陳先生叫祥仔做外父,叫前妻做外母,今次真係一家親喇。 :)

      刪除
    13. Prefect! 好圓滿的大結局!無得頂!

      刪除
  3. 真係約埋都無咁橋
    係呢個時候, 最啞口無言既, 其實係四位的士司機大佬至真.

    回覆刪除
    回覆
    1. 原本四位的士司機大佬係雀友,尋晚先打完16圈。乘機又講下麻雀經

      刪除
  4. 真係七國咁亂!
    究竟邊個係主角?
    邊個係配角?
    去到醫院詳細驗傷
    原來其中一個醫生係19歲少年既三叔,另有一個護士係20歲青年既表姑姐。。。。



    回覆刪除
  5. 回覆
    1. 卡臣:

      加拿大捐精是會象徵式付車馬費,但每個男人大約只限生產五或十名「嬰兒」。現今的問題是,原來政府是有記錄每一位「試管嬰兒」的「生父」是甚麼人。但這個記錄是保密的。

      「損精男」是沒有「責任」撫養「試管子女」,他也不可「認領」自已的「試管子女」,也不知道那個女人接受了他的精子。另一方面,接受捐精的女人,也不知道是誰人損精的。

      第一代「試管嬰兒」已經長大成人,他們群起要求政府公佈誰是他們的「生父」。事件糾纏了一段時間,但政府始終不肯讓步。因公佈會引發很多法律訴訟等極為複雜的問題。

      刪除
    2. 多謝資料提供,
      生父不及養父大,搵返嚟做乜春?

      刪除
    3. 卡臣:

      就喺囉,成班「成年試管子女」簡直食法國大餐。知道粒精子從何而來又點,「生父」只喺陌生人一個,真喺三唔識七,見面都好戇居。

      刪除
  6. 载50岁老坑个的士司机,见到自己两个女牵涉系尼仲交通意外中,激动到血压飚升,几乎晕低。

    回覆刪除

LinkWithin

Blog Widget by LinkWithin