~~~~~~~~~~~~~~~~







2013年12月24日 星期二

又到聖誕,又到聖誕.....



又到聖誕、又到聖誕

聖誕爛gag︰

諱疾忌醫嘅人只肯接受乜嘢治療?





物理治療 (勿理治療) 
哈哈~~~


轉眼又過了12個月,2013年又要劃上句號。

轉了工作後,比以前忙了,不能再在辦公時間寫文,晚上回家又攰又懶,產量明顯減少。而且少了人睇BLOG,不知我這裡可以捱到幾時?姑且見步行步,時辰一到,要結束的自然要結束,有開始便會有結束,萬物皆是。

讓我在這裡,跟阿強及二少爺,祝大家

MANY KISS MUST

呢輯日本廣告拍得浪漫,每次相遇都是久别重逢88年至92年代連續5年的日本JR廣告,大家埋嚟睇,唔搭都睇吓!


26 則留言:

  1. 卡臣:

    聖誕快樂!今個聖誕,最大嘅禮物就有番電力供應,可以上網,已經心滿意足,有冇AV女已經唔重要㗎喇!飽暖至可以思淫慾。嘻嘻!

    回覆刪除
  2. 聖誕快樂呀,你呢個爛gag真係好爛喎。 :)

    乜你今年又轉工咩??

    回覆刪除
    回覆
    1. 無呀,不過份工2012年年尾上任,我叫它做「新工」啫。

      祝你今年寫多D!

      刪除
    2. 噢,我仲以為你做咗幾年添。 :o

      我都祝你讀者越嚟越多,收視越嚟越好。

      刪除
    3. 多謝先,你也是啊!

      又一年了,新一年又要拜託你了

      刪除
    4. 冇問題喇,不過呢排比較忙,可能要1月尾先畀到你。 :)

      刪除
    5. 唔急,馬年都未到,遲啲先
      thank you 先, dinner later

      刪除
  3. 祝你圣诞快乐!写慢D无相干架,最紧要唔好放弃甘就得喇!

    回覆刪除
    回覆
    1. 多謝妳多年來的支持

      為了妳一句,我努力下去吧!

      刪除
  4. 卡臣:

    多倫多地區還有七萬戶無電,其他地區有二萬五千戶冇電,只是安省,就有十萬戶人家要過黑色聖誕。現在凍至攝氏零下十五度,計𠹺風凍效應,猶如攝氏零下二十多度,嗰十萬戶家庭,唔知點頂?

    加拿大冬天是旅遊淡季,但呢幾日,啲酒店爆哂棚,一間房都無得租。酒店發過豬頭。

    我家附近有一家酒樓,過冬那晚被人包全場擺結婚酒,四萬多元加幣收入,因為停電,無哂!另有幾家酒樓的婚宴也全部取消。

    西人很少會冬天結婚的,喺華人至會咁奇怪。大把人喺度講,簡直大吉利是,結婚酒擇咗日㗎嘛,仲要再嚟過,啋!

    回覆刪除
    回覆
    1. 新聞話有人用碳爐取暖,吸入二氧化碳死亡,悲劇!

      乜酒店有電供應嗎?獨立發電機?

      冬至結婚無問題,鬼節結婚就話啫!結多次咪洞多次房囉。

      刪除
    2. 卡臣:

      有一位七十多歲的母親和她五十多歲的兒子,在家的密封車房開了柴油發電機。一氧化碳從車房的牆壁滲了入屋,他們家居也沒有安裝一氧化碳探測器,結果兩人都中毒而亡。

      專家警告過好多次,唔可以將柴油發電機放在室內,但每年都有人領嘢。唔知啲人諗乜?

      另有一家四口住在大廈,在客廳開燒碳燒烤爐取暖,結果四人感到不適,要送入院。喺屋企開燒烤爐,等於燒碳自殺。

      不是全個多倫多地區都無電,視乎那個地區的電纜被倒下的大樹壓毀。我大部份朋友家裡都無電。而我家居附近的食肆和商場就全部無電,走遠一點就有電,再走遠一些又無電,睇吓好唔好彩。

      酒店也是如此,有電力供應的酒店,就即刻爆哂棚囉。

      電力公司先救兩間無電嘅醫院,其次是人多的地區。人煙稀少的地區,就仲未維修囉。

      問題喺,宜家周圍都有斷了的大樹,相信要一段時間至可以將咁多大樹鋸去。

      十二月份好少落冰雨,冰暴好似未試過㖭,今次喺爆冷門。冰雨或冰暴,通常喺一月和二月份至會出現的。

      刪除
    3. 原來如此,咁有無電就睇運數,你就好彩,咁快有電,

      2012年12月22曰話世界末日,原來推遅了一年。咁反常的天氣,人類也要負責任。

      希望下年無冰暴

      刪除
  5. merry christmas,你轉左工咩?
    我情形同你一樣,工作忙左,無心無力,個blog只能當相簿用咋而家

    回覆刪除
    回覆
    1. 2012年第四季轉了,剛一年,少了創作時間。

      大家都好咗玩fb,blog夕陽了....

      刪除
  6. 唔係掛,卡臣/阿強/二少爺,我剛來你便說要走 ......

    見自己、見天地、見眾生 ........

    回覆刪除

LinkWithin

Blog Widget by LinkWithin