~~~~~~~~~~~~~~~~







2013年3月5日 星期二

兩花生 – 第二節 - 尾班火車



兩花生 第二節 - 尾班火車

Kathy笑問Calvin:「你可唔可以當我係Betty呀?」

Calvin一邊以笑盡量拖延時間,一邊思考她發問這個問題的背後動機。他盤算如何回答才算是「進可攻退可守」。

Calvin心想如果回答:「好呀!我就當妳係Betty。」這個答案的好處是:暗示Kathy的身份已由女朋友的妹妹提昇成自己女朋友,Calvin將會以男朋友的身份來對待Kathy。但壞處是:如果Kathy想測試自己對家姐是否忠誠的話,這樣的回答就會令到自己誠信破產,等於自殺。

Calvin想多一步,如果回答:「我唔可以當妳係Betty。」好處是:這回答的潛台詞是Kathy的為人性格更勝過Betty,把Kathy來當作Betty是對Kathy的一種降格或貶低。但壞處是:如果Kathy真的對自己有意思、好感,那麼Calvin這樣決絕的回答,就等如把自己的大門關上。唉~ 如何回答是好呢?

他唯有避重就輕的方法,盡量迴避問題的重點。Calvin拐一個彎回答:「我梗係唔可以當妳係Betty啦,因為妳識日文,Betty唔識。」因為今夜晚飯由Kathy用流利日語跟侍應點菜。Kathy聽後,先皺起眉頭,隨即大笑起來。Calvin一頭霧水。

其實Kathy剛才問:「你可唔可以當我係Betty呀?」因為席間Calvin多次叫錯了KathyBetty。可能餐廳太嘈雜,Calvin聽少了個「」字,就把問題的意思完全倒轉。Kathy最初唔明為何Calvin的答案會答非所問,但聰明的Kathy很快便想出當中的原由,為這個誤會大笑起來。

Kathy再次把問題重覆,Calvin才知道自己表錯情,面都紅哂。尷尬情況幸而得前來結帳的侍應打破了。雖然Calvin也有爭付賬,但Kathy堅持要一盡地主之誼,最後由她來請客。

* * * * * *

晚飯後他們在新宿一帶夜遊。電子遊戲機中心、波子機中心、街邊日本小食檔、便利店內的雜誌都無錯過。飽覽歌舞伎町的地道風貌。

晚上十一時,他倆仍未想歸去,接近深夜的新宿街頭降至10度。他倆覺得需要補充一些熱量。兩人坐在Mr. Doughnut店內吃冬甩和飲熱咖啡。他倆望店舖落地玻璃外的深夜街景,因為是星期六晚上,街外仍然熱鬧。Kathy輕奮地談及她初來東京時候,言語不通的尷尬事情。

兩人經過這一夜的相處後,Calvin終於體會到「相逢恨晚」是什麼意思。上次在香港見Kathy時,一來時間短、二來不是單獨相處,現在相處下才知兩人原來咁夾。心想如果能夠先認識Kathy就多好,故事就可重新編寫。

這刻CalvinKathy的面部只相距兩尺,Calvin有一刻衝動想衝前偷吻Kathy。是因為KathyBetty外表太相似?還是他真的喜歡了KathyCalvin一想到面前的Kathy是女朋友的孿生妹妹時,他馬上把臉移向街外,心裡自責一番:任何越軋行為都會摧毀了彼此於今夜建立好的關係。

他一想到Kathy是女朋友的妹妹時,更有可能是未來的「姨仔」,怎可能輕舉妄動?立即自覺地拉開彼此的距離,坐開一點。

Kathy今晚重新發現Calvin的可愛一面,對他不抗拒之餘,更對他產生一點興趣。但她一想到Calvin是家姐的男朋友,更有可能是未來姐夫,如果有什麼差池,日後如何面對家姐,作出交待?

Calvin在談及昨天在大阪跟客戶開會時候,因為言語不通而鬧出的連番笑話,Kathy被逗得笑過不停。Calvin要求Kathy教授少許日語傍身,Calvin第一句想學的日語是「我愛你」。Kathy唔覺意說出「あいしてCalvin哈哈大笑!他經常用這這些招數佔來女生平宜,自我滿足一番。

隨後Kathy再教他一些日常用語,Calvin的極不標準發音令到Kathy啼笑皆非。Kathy偷望手上腕錶,收起笑聲,驚呼:「弊!十一點九啦?就快無火車搭,我要走啦!」

Kathy說要回家,Calvin當然意猶未盡。無奈真的已經接近夜深,有什麼理由能夠攔着別人不讓她歸家呢?在香港時,Calvin在約會後一定會送Betty回家,「送Betty回家」已是Calvin的慣性約會動作。 此刻,Calvin對著面前這個貌似BettyKathy,慣性地說:「不如等我送妳返屋企?」

Kathy聽後瞳孔放大,輕聲:「?你送我返屋企?」有人相伴送回家當然可以解悶,又可繼續傾多一陣。但若果讓Calvin送自己回家,多了一層含意,會否令Calvin產生不必要的誤會?

Kathy思前想後,說:「我

待續

二少爺說:繁忙時間乘日本火車非常擠迫,希望身邊是一個女乘客。

49 則留言:

  1. 呢一集改多咗少少喎 :)

    如果Calvin真係錫咗落去的話,唔知Kathy會點呢?估唔到兩個人一夜之間咁快會對大家心生好感,但係最可惜嘅係Calvin係Kathy家姐嘅男朋友。如果Calvin只係Kathy個朋友嘅男朋友,事情就好辦好多喇 :o

    二少爺,你想做電車痴漢乎?

    回覆刪除
    回覆
    1. 真眼利,開頭改咗啲。

      男人可能本能地有雄性特質,喜歡異性十分容易。

      朋友妻不可窺,女朋友妺妺呢?哈哈

      呢個MV在東京拍攝,所以選用。

      刪除
  2. 人在異鄉,離開咗熟悉嘅環境,行為通常比較開放一點嘅。

    而家潮流興小三喎,既然呢個兩花生的2013年版本,不如整番個齊人之福嘅結局,嚟個一家親喇 :D

    原來係因為咁所以用呢個MV。我接觸日本文化大部份源自於日劇,所以一時誤會咗你想做痴漢 :p

    回覆刪除
    回覆
    1. 我寫有齊人之福?一定被女權份子抗議喎!
      唔係啦,講calvin揀定一個先。

      自從日本鐵路有女性專用車卡,我就少出沒了。

      刪除
    2. 唔知Calvin今次嘅選擇係邊個呢?期待中...

      其實香港都應該整番個,用嚟保障男女雙方。

      刪除
    3. 火車車卡最好分三類:男同性戀、女同性戀和異性戀,咁就happy 囉。

      刪除
  3. 真係好鬼死鐘意二少爺
    睇到好投入之際突然殺出嚟講句野~

    回覆刪除
    回覆
    1. 你也是日本火車的常客,隔離那位如果正,身貼身都咪話唔爽!

      刪除
  4. 卡臣:

    個男主角係度玩緊心理捉迷藏遊戲,好彩無自己跳出來!嘻嘻!

    回覆刪除
  5. 的確好大鑊,你令我想起「滿城盡帶黃金甲」的片尾曲,當中一句「菊花殘 滿地傷 妳的笑容已泛黃」 :o

    為咗唔會令乘客入錯車廂,我建議在車廂的自動門上印上號碼以茲識別。分別係00號車廂、01或10號車廂及11號車廂。

    回覆刪除
    回覆
    1. 哈哈哈!菊花仔和百花王子

      對呀!咁我就望實1O、咁就樂透

      刪除
    2. 菊花仔真係唔知邊個喎 :o

      有時00號車廂都好多高質素乘客o架,偶然上錯車都冇咩所謂 :o

      至於11號車廂,就真係睇路唔好上錯呀,否則後X自負呀 :p (都係自行填上x喇)

      係喎,我以為今日有第三集添,下集幾時出街?

      刪除
    3. 菊花仔,我亂噏啫。

      我梗係想入00,但條例唔俾我入吖嘛,咦,我易服入00咪爽死!!

      原本今晚放第三集,但諗下我無乜貨,不如隔晚放,可以「ar」耐啲,明晚第三集。

      刪除
    4. 你咪制呀,因住因小失大。

      我驚你未入00,就已經畀11夾咗入佢哋嘅專屬車廂喇 :p

      刪除
    5. 入咗11卡,真係要立即撳意外制通知車長,煞停架火車都要。

      刪除
    6. 你咪亂嚟添呀,此事可大可小呀。

      因為咁做可能會犯咗港鐵附例28A「不恰當操作設備」,最高罰款5千及監禁6個月。

      如果到時要坐監,咁你到時就真係畀人合法地開菊喇,嘻嘻 :p

      刪除
    7. 一講到觸犯法律,立即驚驚,唯有小心睇真啲先入車廂。

      刪除
    8. 哈哈,萬一入錯咗,唯有低調D,扮住自己人先,下個站即刻落車喇 :)

      刪除
    9. 哈哈,笑死我喇,咁嘅比喻你都諗到 :p

      一串「串燒」通常由食物+一枝竹籤組成。

      如果你唔想做食物,你就要快人一步,變成一枝竹籤喇。

      刪除
    10. 在11號車廂,怎可能變成竹韱?!毛蟲就有

      刪除
    11. 秃鷹有兩種,第一種如你所說,佢哋專食毛毛蟲;第二種係光秃秃冇毛毛的鷹。

      兩種皆為慾望極強,遇上嘅話要打醒精神呀 :o

      刪除
    12. 鷹乸就OK嘅,但都戰鬥力極強,可能死。

      刪除
    13. 你要搵埋加藤先生幫手喇,佢能用一隻手指就可以令鷹乸臣服呀 :p

      刪除
  6. 如果選擇Kathy, 最後可能兩個都無埋架喎...都係制唔過...

    回覆刪除
  7. 我覺得呢兩條友好鐘意玩曖昧,通常咁就會出事。

    回覆刪除
    回覆
    1. 卡臣:

      哈哈!我想寫個新故,可以孤男寡女,摟抱床上,乜都無做過架!嘻嘻!

      刪除
    2. 我信喎,我有男性朋友告訴我╴跟女人孖舖,乜都無發生過架!

      刪除
    3. 卡臣:

      咪住!你個男性朋友,係咪孿人先?

      刪除
    4. 唔係呀,男女都是異性戀者︿可能無FEEL啦,唔過電

      刪除
    5. 卡臣:

      咁,既然有真人真事,我可能會加埋落宜家篇故度.上床冇難度,不過有尺度,就係惦唔到.嘻嘻!

      刪除
    6. 好似粱祝咁樣,放三杯水在中間

      刪除
    7. 卡臣:

      係放三隻無綁鉗既生猛大龍蝦係佢地中間.嘻嘻!

      刪除

LinkWithin

Blog Widget by LinkWithin