~~~~~~~~~~~~~~~~







2013年3月9日 星期六

兩花生 – 第四集 - 不能說的願望


兩花生 第四集 - 不能說的願望

兩人站在淺草寺前的馬路,等待交通燈綠色公仔出現的時候,Kathy突然伸手挽著Calvin的左手,Calvin全身觸電。Calvin立即把頭轉向KathyKathy沒有望他。她含羞地微笑著,目光只對著交通燈。

CalvinKathy挽手,可算是對Betty一種不忠。但眼前作主動的是Kathy,自己只是處於被動位置。如果Betty日後要追究的話,怪也只好怪她的妹妹。一想到這裡,Calvin就沒有打算鬆開Kathy的手。

當交通燈綠色公仔亮起,Kathy繼續挽着Calvin的臂彎橫過馬路。步入淺草寺,Kathy回頭往後探望一番之後,立即鬆開手,並向Calvin道歉自己剛才的失儀。她急不及待向Calvin解釋事情經過。

兩人在寺中找一張長坐下來。Kathy說在6個月之前,於新橋一間喫茶店當兼職侍應。在那裡工作時認識了一位男兼職侍應。他也是從香港來日本留學。兩人開始約會拍拖。但Kathy基於感情未穩定,從來沒有告訴家姐Betty或父母。

兩人維持了情侶關係大約4個月後。男方貪高薪轉到涉谷一間卡拉OK當侍應,在卡拉OK內認識一位女服務員。她是由廣州到東京,掛名讀書實質搵錢。她衣著性感、身材出眾、性格開放。幾天內便搶走了Kathy男朋友。

雖然Kathy跟男友在和平的氣氛下分手,但Kath始終是遭男友拋棄,難免會感到傷心難過。Kathy為了遠離傷心地,便向喫茶店辭職,轉到日墓里的言語學校當廣東話教師。

由分手至今差不多兩個月,Kathy開始放下這段感情之際,今天竟然在淺草寺門前再遇舊男友。他拖著廣州女友站在馬路另一邊。Kathy察覺前度的存在後,一時情急之下,把手繞到Calvin臂絡去。情況好像你去Party穿Yohji Yamamoto、我都有件Comme des Garcons。臨時借Calvin來向舊男友示威。

舊男友望見KathyCalvin把臂同行,沒有什麼反應,詐看不見Kathy,如像陌路人擦身而過後,各行各路。Kathy入寺後回頭探視,確定他們離開後,立即放開手和道歉。

Calvin聽完Kathy的舊情史和遭遇後,如一盤冰水淋頭,原來自己想多了。CalvinKathy說沒有介意,應該拔刀相助,不會舊男友示弱。

* * * * * *

他們在淺草寺中的五重塔前合照留念。路經寺內的小食售賣攤檔時,Kathy Calvin介紹一款北海道盛產的牛奶雪糕,非常之聞名。香港還未有得發售,難得身在日本,更加要試吓。

他們坐在長上,一人捧着一杯雪糕滋味地吃。雖然天氣凍,但這杯雪糕卻令Calvin越食越開心。因為在香港的時候,Betty不讓Calvin吃雪糕,Calvin的家族有隔代遺傳糖尿病的病例,Betty擔心他吃過多雪糕,糖分和高熱量會導致患上糖尿病的機會。如今Calvin可以盡情地吃雪糕,下意識要擺脫Betty的掣肘,盡情地放縱一吓,背女朋友造反。

* * * * * *

吃完雪糕後,兩人來到寺中的祈福神壇。Calvin要求Kathy講解祈福做法。Kathy教他先用100日元硬幣投進木箱,拍掌三後許下心願便成。

Calvin祈求Betty終有一天會變成擁有Kathy的性格。但正所謂:「江山易改、品性難移」,呢個願望怎會輕易實現?Calvin閉目想一想後,投下硬幣,三聲拍手後,祈求了另一個願望。Kathy也差不多在同一時間,傳出一聲硬幣撞擊聲和三聲拍掌聲。

兩人許願後,相望一笑。Kathy望一望手錶,已經差不多到中午1時。Kathy打算問Calvin中午喜歡吃什麼之際,Calvin已搶先問Kathy:「可唔可以話俾我聽,妳啱許個乜嘢願呀?」Kathy:「吓?我呀

待續

二少爺說:我認為「香港不快樂」多啲。

如果東京不快樂 楊千嬅
作曲: 陳小霞
填詞: 林夕

如果東京不快樂 鐵塔亦能快樂 巴黎無快樂
亦能用菲林充實我眼光
我願意 從天邊 找我的海角
即使風景不快樂 旅客亦能快樂 機場無快樂
任何伴侶都只是套晚裝
我願意 將英國 拿回來掛在客房
我 就算擁抱過後回頭沒海岸 也換來見聞觀光
我 就算不再相信北極有曙光 行雲流水亦愛看 #
假使春天不快樂 聖誕自然快樂 新年無快樂
就留在冰島想像到扎幌
我願意 將天國 拿來換美麗客房
我 就算一歲以後長住在沙漠 看白雲也能觀光
我 就算很想一世躲在你客房 仍然為天下嚮往

51 則留言:

  1. 卡臣:

    男人身上掛住一部價值港幣二萬多元的Nikon D800單反機,都會買部富士的復古相機.轉過頭,又會再買一部最新的Canon EOS M無反相機.

    即係話,男人唔係貪新忘舊,而只係「縱情」,兩粒花生都想食埋咋嘛!

    Nikon D800係最好既,聖誕聚會,拿出來「曬冷」一次,農曆新年,心口掛住部Canon EOS M,唔代表男人唔緊張屋企部D800架嘛!你話係唔係?

    回覆刪除
    回覆
    1. 相機呢家嘢我唔識呀,係咪越貴越好呀?

      男人就係咁身痕,想買成間相機舖添呀。(連女model)

      刪除
    2. 卡臣:

      數碼相機貴在個感光器,可以咁講,越貴越好.不過咁,若果去旅行,由早至晚,掛住部Nikon D800,條頸會有疤痕.嘻嘻!

      刪除
    3. 磅數咁重又幾辛苦喎,去旅行都係輕巧啲好,偷拍攝影咁好

      刪除
  2. 呢位廣州女子果然利害,幾日就搶咗Kathy男朋友,佢嘅戰鬥力一定好高呀,我都想會一會佢 :p

    一對情侶分手以後,有幾多對能夠做得番朋友吖,大部份都會似陌路人。

    哈哈,唔怪得你上一集留言時話鍾意「北海道牛奶」喇,原來有玄機嘅。我再睇都係好鍾意食雪糕呢一段呀,寫出Calvin嘅潛意識,完全表達咗佢想作反嘅心。如果當時嘅Kathy見Calvin食得咁開心,主動地買多一杯畀佢食,咁就更絕喇,令Calvin有種被認同及鼓勵嘅感覺,我相信Calvin往後行事會更加大膽。

    「Calvin祈求Kathy終有一天會變成擁有Betty的性格。」 <-- 呢句嘅〝Kathy〞同埋〝Betty〞係咪掉轉咗呀?

    哈哈,今次輪到Kathy被殺個措手不及喇 :p

    回覆刪除
    回覆
    1. 世純:

      一個上海妹,在機場轉機,人生路不熟,搞錯佐,航機走佐.機場搵了一個鬼仔幫佢手,乘坐一日後的飛機.

      那個鬼仔就被佢乘虛而入,滾佐做佢老公.所以,卡臣這個廣州妹,要幾日至搶佐人地個男朋友,佢唔夠上海妹勁呀!嘻嘻!

      刪除
    2. 佛爺:

      唔係咁快手呀,呢位上海女子咁進取,唔通佢哋又係玩一見鍾情呀? :p

      點解小弟遇唔到D咁積極嘅女子嘅呢:o

      刪除
    3. 早晨/晚安!兩位

      世純講得啱呀,若果kathy買多cone 雪糕俾佢,等佢左手一啖,右手一啖,立即作反都似,果然情景交融。

      大陸妺為了改善生活(錢),當然積極進取,向有錢男人埋手,床上功夫一定好。溫柔若水。
      我們這些港爛唯有望門輕嘆!

      刪除
    4. 世純:

      呢D咁「積極」既女子,好快就會攪到你好「消極」架喇!好多大陸妹,能人所不能架!嘻嘻!

      刪除
    5. 世純

      多謝指正,我寫錯,兩姊妹都搞到作者錯埋

      刪除
    6. 聽完兩位嘅高見,小弟都係唔好北望神州喇,我身、金都負擔唔起,盞到最後乜都冇。 :(

      何只「望門輕嘆」呀,直頭係「門外漢,門外看」,有得睇,冇得食 :o

      哈哈,我想睇Calvin作反呀 :D

      作者寫得太投入忘我喇,我明白喇 :)

      刪除
    7. 係呀,我們身、金、薪金都不夠,唯有吹下水算咯。

      嘩!你真了解我,做演員有「方法演技」,投入角色。我就為了表達孿生姊妹之難辨,作者率先搞錯,用心良苦呀,

      刪除
    8. 「方法演技」一詞成日聽,但係就唔係好明實際係咩意思喎。

      刪除
    9. 等我引維基資料先:

      方法演技是令演員完全融入角色中的表演方式,除了演員本人的性格之外,也要創造角色本身的性格及生活,務求寫實地演繹角色。

      方法演技由俄國戲劇大師史坦尼斯拉夫斯基提倡,他十分關注演員的表演方法,並認為演員必須精於觀察事實,揣摩現實生活中的行為,亦應對心理學有基礎認識,想像出演繹角色的心理狀況,演活角色。

      所以我都撈亂邊個係家姐邊個係啊妹

      刪除
    10. 舉個例,有個演員要演傷健人士,他就由開拍前一直坐在輪椅上生活,一天24小時,完成了解傷健人士的感受,去演這角色,有時可能拍完都抽身唔到出返嚟。

      刪除
    11. 噢,又學到嘢喇。

      傳聞說哥哥演完「異度空間」之後抽離唔到,唉,實在太可惜喇。

      如果係咁嘅話,我都有興趣學演戲喎,不過我只想演「二世祖」嘅角色 :)

      刪除
    12. 係呀,你完全明白哂,Robert de Niro做「狂牛」時,真的做了拳手。

      今年影帝Daniel Day Lewis ,拍 my left foot 時,最後真的懂得用腳畫畫。

      我想拍性沉溺的戲:)

      刪除
    13. 吓,咁你樣要為藝術而犧牲好大喎,我擔心你變人乾呀。

      刪除
  3. 卡臣、世純:

    有一個竹笙仔(北美土生土長華裔),佢阿媽周圍搵人介紹女仔俾佢識,佢都話唔鍾意.佢阿媽好擔心,周圍同人講,話個仔可能係孿人.

    後來佢地去大陸玩.係上海逗留三日,住在六星級酒店.就係酒店接待處,個仔就俾個上海妹接待員「撻著佐」,娶佐個上海妹回楓葉國.

    我話:『下!三日咋喎!仲要遊覽上海,有幾多時間可以比佢地「撻著」呀?唔通個仔係上海,淨係遊覽酒店大堂?』

    世純,就算你唔信神,你都要相信,上海有好多「不同凡響既風水,係命理書學唔到既」!嘻嘻!

    回覆刪除
    回覆
    1. 應該係她煮了馳名的上海菜給他吃,或灌以迷湯。小籠包和粗炒。

      加國的高頭大馬,虎背熊腰又唔合口胃。

      刪除
    2. 卡臣:

      佢阿媽係介紹華裔女仔比個仔認識.鬼妹?佢地心口「兩包米」都紮死個仔喇!嘻嘻!

      刪除
    3. 原來那個BBC喜歡「細細路,容易食」,唔怪之得喜歡吃小籠包啦

      刪除
    4. 卡臣、佛爺:

      我估唔關呢個竹昇仔鍾意食奶皇包或者係小籠包嘅事。

      佛爺咁樣形容佢哋嘅身材,我又諗起洗面奶了。另外,當年我去過上海出差幾日,眼睛不停吃冰淇淋,尤如鄉下仔出城呀 :p

      我認為關鍵之處係嗰位專業嘅「接待員」,佢嘅接袋技巧令當事人一試難忘,所以咁就畀佢收服咗喇。

      刪除
    5. 洗面奶...正呀
      雙皮奶、燉奶亦好呀!

      接袋員...果然是一行好職業喎
      食字佩服佩服!
      我以為踢波龍門有「接球員」啫,原來仲有「接袋員」、「摺信員」

      刪除
    6. 上文提及的接袋員(bellboy),提供兩項服務。第一種是酒店必須她們提供的,而另一種則是按客人的年齡、資產、外表等因素而由接袋員深思後決定。

      她們先從住客的手中接過行理或袋子,再帶領住客回到酒店房間。按個別客人的需要及實際情況,由接袋員自行決定是否需要提供另一「接袋」服務。 :p

      回番一個「接線員」畀你喇 :)

      刪除
    7. 解釋得好詳盡呀

      「接線員」....把她的時業線跟客人連接起來。

      回你一個「接生員」

      刪除
    8. 「接生員」....把她的生財工具跟客人接起來。

      再回一個「接單員」

      刪除
    9. 接了一單交易的人員

      回你「接納員」

      刪除
    10. 接管及收納的人員

      出埋呢個我投降喇,不過希望你唔好誤解喎 :p

      接種員 :)

      刪除
    11. 我估是:接踵而來的人員。

      我都投降了,多謝陪我玩先。

      刪除
    12. 卡臣、世純:

      果個上海妹接袋員,連竹笙仔個阿媽都話無得彈,樣靚,身材正,人品好.所以三日就拍板喇!

      刪除
    13. 哈哈,我原意係農務上接枝種植的人員,不過你嘅解法都好好。

      嘩,咁正,簡直係完美喎。仲有連媽媽嗰關都咁快過埋,我等只有羡慕的份兒呀 :o

      刪除
    14. 我一見到「農務」兩個字,立即想到「農x系」

      樣靚,身材正,人品好.<---遲啲就知...

      刪除
    15. 卡臣:

      「樣靚,身材正,人品好.<---遲啲就知...」

      唔洗遲D,我都知喇!竹笙仔結婚半年,佢阿媽就一改口風,上海妹由「超完美」變成「超超超」,其他人聽到,啞口無言.唔通踢爆竹笙仔個阿媽,前言不對後語咩!

      刪除
    16. 係咪攞到加拿大居留權便現真身?打回原型?

      刪除
    17. 卡臣:

      好似係一定時間唔可以離婚,否則失去居留權.

      竹笙仔是獨仔,上海妹「食住」個竹笙仔,當佢家婆無到,係竹笙仔面前陽奉家婆,係竹生仔背後就陰為,態度好惡劣,當家婆無到.

      無辦法喇!個仔係人地到讀書,學做人相公.

      三日就「撻著」的美滿情緣,這是小說,不是現實.嘻嘻!

      刪除
    18. 原來如此,糖衣包著的毒藥,希望佢地快啲有BB,等奶奶開心下

      刪除
  4. Kathy的願望係...同大陸妹一樣可以以身體作武器?

    回覆刪除
    回覆
    1. 哈哈!也是一種復仇,以其人之道。感受一下搶的滋味。

      刪除
  5. 其實睇落Calvin都好似唔係咁鍾意Betty...咁不如'將錯就錯'...都唔錯**!

    回覆刪除
    回覆
    1. 原本男女分手︿係好正常之事情
      但新女友是現任女友的妹妹,情況便複雜許多

      刪除
  6. 卡臣:

    突然想起農曆新年才聽番來,美國竹笙仔同上海女人的愛情故事,等我編入我個故仔到講.你睇完之後,要爆粗.

    回覆刪除
  7. 卡臣:

    「應該係她煮了馳名的上海菜給他吃,或灌以迷湯。小籠包和粗炒。」

    唔該哂!我諗錯佐,以為佢地淨係在酒店「上電」.上海妹放工後,可以帶竹笙仔出去夜蒲的,我諗漏佐這一點.

    回覆刪除
    回覆
    1. 正所謂:入得廚房,出得廳堂,上得大床,那就prefect了!

      刪除
  8. 由頭睇到笫四集,東京場景是我們熟悉的,讀起來如親身經歷。男女各自的猜想、疑惑。。。會發展至怎樣?仲有幾集大結局呢?

    回覆刪除
    回覆
    1. 這種曖昧跟妳和老爺在巴黎初相識差不多。嘻嘻

      全文十集,還有六集。

      刪除

LinkWithin

Blog Widget by LinkWithin