~~~~~~~~~~~~~~~~







2013年3月30日 星期六

少林功夫醒



少林功夫醒

少林功夫醒 (好好嘢)少林功夫勁 (係好勁)



我諗大家都對呢首歌耳熟能詳,無錯,係《少林足球》插曲,我就朗朗上口。由劉德華主演的《新少林寺》電影,我也有看過。如果有機會,我真的希望可以一睹少林工夫的厲害。


我上周就去了河南省旅行。到「嵩山少林寺」見識吓。


少林寺創建於北魏時期(495年)。民國初年,軍閥割據,1928年軍閥石友三火燒少林寺,大火延續四十餘天,寺內建築文物毀壞嚴重。文革期間,少林寺僧人被逼還俗,佛像被毀,寺產被侵。文革結束,少林寺得以修繕重建。聯合國教科文組織在2010年審議通過,將少林寺列為世界文化遺產。【維基百科】



我在少林寺見到少僧練武,好打得,唔係講笑。絕對不是周星馳/黃一飛式的跑龍套。


去河南省前,在香港睇當地天氣預告是1025度,只帶了件薄外套。結果呢….落雪


對於我呢個居住於南方的鄉下仔來說見到落雪當然興奮,但如果只穿件單薄的外套,就認真唔係講笑。山上又無時裝店買衫。唯有腦中不斷想像一些令人血脈沸騰的東西來保持體溫。幸好只落了一天雪。



西安洛陽是中國古都,真係滿眼都是幾千年歷史的文物。去了「龍門石窟」。


「龍門石窟」開鑿於北魏至北宋的四百餘年間,在一座山群鑿千幾個窟龕,窟龕內又鑿幾萬尊佛像。2000年「龍門石窟」被列為世界文化遺產。龍門石窟中最大規模佛像就是鑿建於唐朝(672- 675年)的「盧舍那大佛」。佛像按照武則天的形象塑造而成。【維基百科】



大家睇相可能無乜感覺,但當你親眼見到身高17.14米的佛像真身,就會覺得好宏偉。一千四百年前的唐朝古人,雕刻技術已經十分高超。



這次旅程的重頭戲位於西安市的秦始皇兵馬俑」秦始皇即位(公元前246年)後便開始興建自己的陵墓。修建過程經其一生。秦始皇陵墓總面積達到50平方公里。1974年陝西大旱,臨潼縣村民楊志發在水井打水時意外發現了兵馬俑碎片。
【維基百科】


90年代,我睇過張藝謀的電影《秦俑》。今天終於親眼見到展館內的兵馬俑。好壯觀呀二千二百幾年前,秦朝人已經有這樣的高度文明。唔怪得當時中國是「世界的中心」抵佢發嘅



睇新聞見到香港人去日本賞櫻花。原來洛陽周街都是櫻花,仲要係「怒放」嗰隻,果然開得好燦爛。唔怪得日本人要坐在櫻花樹下飲清酒賞花。唐朝「遺唐使」把櫻花帶去日本,Sakura卻成了日本國花。


還有其他的洛陽相片,吃方面呢饅頭和麵條為主。



完成河南省和陝西省之旅,上了寶貴歷史一課,觀看歷史遺址,慨嘆很多歷史文物在民國和文革期間遭到嚴重破壞,開國時又有很多盜墓賊,把文物偷走。唉~無奈


當我遊覽秦漢唐明清的遺址時,我會幻想當時古人的生活情況。引起我對中國歷史的興趣。回港後再找某些歷史故事翻閱,補吓課。



二少爺說:《少林足球》是2001年的作品,轉眼又12年。


32 則留言:

  1. 仲以为你会留系少林寺学番几度功夫添!

    回覆刪除
  2. 卡臣:

    隋唐歷史跟近代史是十分相似.南北朝就好似鴉片戰爭之後的清朝,大亂之後建立的隋朝和民國,也沒法長治,似是宿命.

    其實軍閥最威猛,連慈禧太后嘅墳墓都炸開,將佢件金線壽衣都拆埋,真喺威!

    大陸旅遊,最忌嗰啲廁所,真喺頂唔住.

    回覆刪除
    回覆
    1. 佛爺對歷史果然有研究

      現在大陸廁所改善了,不收費,衛生情況是可接受。可能我在旅遊區啦

      刪除
  3. 卡臣:

    今個春天,天氣反常,三月尾仲落雪,兼而溫度其低,原來河南都喺咁!

    回覆刪除
    回覆
    1. 卡臣:

      北韓條黐線仔,喺度玩自殺.當年佢阿爺唔喺蘇聯保住佢條命,老早死鬼咗喇,仲有佢呢個黐線孫咩!

      刪除
    2. 隨時核戰,都係及時行樂,玩咗先,錢快使

      刪除
  4. 好似話少林寺打算係香港開番間少林寺喎,到時可以入去功夫。 :p

    回覆刪除
    回覆
    1. 選址在西貢,聽聞只是一個變相theme park, 旅遊區

      刪除
    2. 可以同十八銅人影相,收50蚊一張。又可以打木人巷,成人100蚊,小童及長者半價,手抱嬰兒免費。

      刪除
    3. 還有「少林廚藝學院」和「夢遺大師」,

      刪除
    4. 卡臣:

      「夢遺大師」?真定假㗎?

      刪除
    5. 只要你找周星馳的《食神》看,當中就有「少林廚藝學院」和「夢遺大師」

      刪除
  5. 卡臣:

    秦始皇的阿房宮,仲有一啲頹垣敗瓦,不過就無人去睇,唔知你有無去睇過?啲人淨喺去睇楊貴妃嘅華清池。

    回覆刪除
    回覆
    1. 我沒有這樣深度旅行,去了一些較出名咋,

      見過楊貴妃的雕像, 肥過隻豬..

      刪除
    2. 卡臣:

      唐朝喺鍾意「珠圓『肉』潤」嘅!加上李唐喺半漢半胡,所以好畜牧業,養豬卦!嘻嘻!

      刪除
    3. 我細個睇電影:夏文夕的「唐朝豪放女」,應該搵欣宜做

      刪除
    4. 卡臣:

      咁有冇唐朝「豪放仔」,因唐朝喺中國歷史上,最多孿人嘅朝代之一。

      刪除
    5. 唐朝「豪放仔」...由「白花油皇子」出錢投資拍攝

      刪除
    6. 卡臣:

      白花油王子,可能飲多咗,以為自己揸緊車,將的士司機嗰度當波棍卦?嘻嘻!

      刪除
    7. 哈哈! 咁都俾你諗到,如果佢搵你做辯護律師,應該無罪。

      刪除
  6. 係咪去旅行預祝新戲叫好又叫座?
    祝復活節快樂!

    回覆刪除
  7. 嘩, 原來你一個星期去咗兩個省份. 西安, 有無去華清池浸下浴先?

    回覆刪除
  8. 令人血脈沸騰嘅野,例如有啲乜?係牛腩麵定星洲炒米?

    回覆刪除
  9. 最後個幾張其中一張係咪'大硬塔'?
    我去過之後就做咗'唐三藏'fans...
    話時話,西安又真係值得去...

    回覆刪除
    回覆
    1. 係呀!果然眼利,大雁塔/小雁塔都有去

      唐僧好堅呀,去天竺咁遠, 喜歡中國歷史朋友,值得去西安看看

      刪除

LinkWithin

Blog Widget by LinkWithin