~~~~~~~~~~~~~~~~







2013年3月22日 星期五

兩花生 – 第十一節 - 平行時空的決定 – 世純



兩花生 – 第十一節  -  平行時空的決定 世純

Calvin走到床邊接聽這個該死的電話,究竟誰人這般煞風景?Calvin:「喂!…係…仲未瞓…吓?…哦?邊隻牌子呀?…OK啦…俾咗啦!…」

Betty將購買「限量紀念版T-Shirt」的差事交附完畢,順道說明天星期一晚,會到香港機場接Calvin的抵港班機。叮囑兩句後,Betty說聲晚安後便收線。接著,Calvin欲言又止的把MD機及今天在秋葉原買的暖風機交到Kathy手上,Kathy沒有把禮物即時拆開,只放入袋中。Kathy望一望手錶後說要趕火車尾班車,要告辭了。臨離開房間前,Calvin相約Kathy明天早上12時於新宿火車站見面。

Kathy帶著莫名的失落,一步一蕩地走過長長的走廊,孤寂地站在14樓的大堂等電梯。一會兒後,電梯的門徐徐打開,Kathy失望地步進電梯後,轉身去按那「關門」鍵。電梯門完全關上的一刻,感性的耳朵彷似聽到Calvin在外叫了一聲「Kathy,唔好走喇。」,但理性的大腦卻告訴她,這是幻覺。Kathy用手輕敲一下自己的腦袋後,深深的呼了一口氣。電梯到達地下大堂,她拖著累極的驅體離開酒店大堂,涼風迎面襲來,冷得Kathy退回酒店內,從手袋中取出絲巾。

另一邊廂,Calvin把大門關上後,思路忽然清晰、膽子亦大了起來。他想起常常被Betty使喚,每次出差都要替Betty的女同事購買不同的物品,做著這些吃力不討好的事情,心中越想越不忿。他下定決心,要在此時此刻,來一個大反擊。

遠在香港的Betty,她萬萬也想不到,這個電話竟然為Calvin打了一枝強心針,鼓勵了他的出軌行為。現在,Calvin的腦海除了想著Kathy,他還想著Betty。不過並不是掛念Betty的成熟世故、文靜斯文,而是她當年送給自己的一句座右銘!

「如果你知道有啲嘢而家唔做,日後一定會後悔嘅話,咁你就立即去做啦!」

Calvin不再猶豫,立即去做,打開房間的門後便向電梯的方向直奔。跑至14樓的電梯大堂,電梯的門已接近完全關上,他從門縫中隱約見到Kathy,於是他不理後果的嘗試將手伸進門縫,可惜他的速度太慢了。他呆呆的站在14樓的電梯大堂,對著電梯說了一聲「Kathy,唔好走喇。」

不知道是上天對Calvin的憐憫,還是上天對Betty的殘忍,Calvin說完之後,另一部電梯的門開了。他心急如焚的走進電梯內,並按下「G」鍵。電梯很快地將他送到酒店的大堂,電梯的門打開後,他在燈光幽暗的大堂內,看到Kathy一邊步回酒店,一邊從手袋內取出絲巾。Calvin心想,自己真的如有神助,涼風把Kathy吹回來了。想到這裡,他不禁由心的笑了出來。

Calvin一個箭步跑到Kathy面前,準備說出情深的一句把她留住。剛巧Kathy此刻抬起頭來,兩人四目交投。不過,他們並沒有如電視劇的情節般接吻。兩人相互對望,呆呆的站在酒店門前,最後由Kathy主動地開口打破沉默。

Kathy一邊玩弄著髮端,一邊腼腆的說:「你...你咁急走落嚟做咩呀?」

Calvin聽著她的說話,表白的勇氣瞬即消失得無影無踪,他彷如一個大細路般砌詞說:「我......我一個人喺房怕黑嘛,所......咪落嚟搵.........

Kathy聽到他的幼稚答案後,她才知道電梯中聽到的說話是真實的。她咀角微微向上,口中嬌爹的說了一句「傻瓜」後,便將身驅柔柔的靠向他的胸膛。Calvin收到這個期待以久的綠燈訊號,自然的張開雙臂,情深的抱著伊人。

雖然Kathy的身驅與Betty差不多,但對Calvin的感覺是完全不同的,他輕輕地嗅著她的秀髮,呼吸著重拾初戀的新鮮味道。而Kathy則依偎在Calvin 42吋胸肌裡,感受著那份久遺的溫暖安全感,像沉醉於熱戀之中。

擁抱過後,兩人手拖著手的步入電梯,回到1412號的房間。

待續……

世純說:未來姐夫與妹妹,算得上是兄妹嗎?

兄妹 陳奕迅
作曲: 徐偉賢
作詞: 林夕
編曲: 劉志遠

對我好 對我好 好到無路可退
可是我也很想 有個人陪
才不願把你得罪 於是那麼迂迴

一時進 一時退 保持安全範圍
這個陰謀讓我 好慚愧
享受被愛滋味 卻不讓你想入非非

就讓我們虛偽 有感情 別浪費
不能相愛的一對 親愛像兩兄妹
愛讓我們虛偽
我得到 於事無補的安慰
你也得到 模仿愛上一個人的機會
殘忍也不失慈悲
這樣的關係你說 多完美

眼看你 看著我 看得那麼曖昧
被愛愛人原來 一樣可悲
為甚麼竟然防備 別人給我獻媚

不能推 不能要 要了怕你誤會
讓我想起曾經 愛過誰
我所要的她不給 好像小偷一樣卑微

42 則留言:

  1. 吓...'完結篇'之後仲有'待續'...即係仲有'下文'...卡兄crossover世純開始咗?

    回覆刪除
    回覆
    1. 係呀,世純思如泉湧,欲罷不能。

      明晚還有下集大結局。

      刪除
    2. 奕山:

      呢個係另一個結局,Calvin選擇「抱緊眼前人」 :)

      刪除
  2. 好嘢呀! Calvin終於踏出第一步,不再是無花果了!

    你的第十一集嵌入我原文的部分文字,令到這個平行時空結局更如幻似真。
    果然照顧了作者的感受。

    首歌又揀得好,男女攻防的歌詞

    兩人回酒店房呀? 死啦,會唔會變「趣味小品」架?!
    不過你做人有分寸嘅,我放心。

    男有情、女有意,男人通常在外國做啲唔理後果的行為。
    明晚期待十二集大結局,兩人命運交俾你啦

    結局有take two

    回覆刪除
    回覆
    1. 我啱啱喺呢度睇番篇嘢,感覺好有趣,好似睇緊別人嘅作品咁呀。 :o

      你嘅作品咁多精句,梗係要引用番出嚟喇,我好鍾意Betty同Calvin講嗰句「座右銘」。 :)

      你真了解我,我辦事,請你放心。不過Calvin辦事,我就真係替Betty擔心喇。 :p

      男人去了外國,就如脫彊嘅野馬,放任「賓」馳。

      最後,你似乎代入了角色,完全忘記了Betty喎,係三人嘅命運呀,哈哈。 :p

      刪除
    2. 係呀,我都試過在別人地方見自己的字,真正crossover

      嗰句「座右銘」...我朋友講開,她一shopping就會咁催眠自己,大手筆買嘢

      Calvin佢禮貌賓賓,應該以禮相待啩

      係喎,三人三角關係,明晚來個大了結

      刪除
    3. 先禮而後兵,合乎社交禮儀呀。 :)

      可能Kathy同Calvin一上到房,關埋度門之後,即時變臉,一巴掌咁車埋Calvin塊面度,之後講:

      「頭先我喺酒店大堂試探吓你咋,我係你女朋友個妹嚟o架,你竟然做埋d咁嘅嘢,我話畀家姐知。」

      咁Calvin今次就真係大大鑊喇。 :o

      刪除
    4. 劇透呀?

      乜KATHY咁奸,最毒婦人心,勒索CALVIN一筆巨款呀
      呢粒花生有生意頭腦呀

      刪除
    5. 哈哈,你呢個係平行時空嘅第三個結局呀,名為「色字頭上的花生」。 :p

      劇情發展如下:

      Kathy講完之後,Calvin不但沒有退縮,反而霸王硬上弓,最後便拍下照片,倒過頭來勒索Kathy,迫她保守秘密。

      呢個係平行時空嘅第四個結局,名為「辣手摧花生的人」

      咁樣玩落去,最後出咗十幾個結局呀,呢個世界真複雜。 :o

      刪除
    6. Calvin霸王硬上弓,但馬上瘋死了。
      呢個係平行時空嘅第五個結局,名為「牡丹花生下死的人」

      Calvin霸王硬上弓,但遇上日本地震,豆腐花工程酒店塌下,死哂。

      呢個係平行時空嘅第六個結局,名為「豆腐花生下死的人」

      刪除
    7. 你呢兩個結局太悲觀喇,我整番個開心D嘅先。 :)

      Calvin將拍下的相片放上互聯網任人評頭品足。但Kathy骨格精奇,最後錯有錯著,被有名的時裝設計師賞識,從此踏上model之路,而Calvin則成了Kathy的經理人,大家有錢齊齊搵。

      呢個係平行時空嘅第七個結局,名為「花生貓步花生秀」

      刪除
    8. 好,整個開心先

      Calvin和Kathy事後叫room services, 太夜了,沒有room services,Calvin只得花生醬,塗上酒店房間的花生,成了她們之間的一個小秘密,一吃就想起對方

      呢個係平行時空嘅第八個結局,名為「花生醬塗花生」

      刪除
    9. 你都知我鍾意同你唱反調o架喇,你嘅花生醬結局,我幫你改一改。

      Calvin吃畢花生後,突然呼吸困難,全身抽畜。原來Calvin有「花生過敏症」而不自知。Kathy見狀即時報警,Calvin被送院搶救,最後幸好撿回小命,但卻成了報紙頭條,標題為「港男與女友妹床上偷食食出禍」。

      Betty看罷報紙,決定從今少了一個妹妹和一個男友。

      呢個係平行時空嘅第九個結局,名為「偷食花生醬塗花生的代價」

      刪除
    10. 哈哈哈哈!呢個結局最堅,勁like!
      玩食字玩到出神入化。

      Calvin突然想玩後庭花,但沒有潤滑劑,咁啱房內有一支日本花生油手信,立即借用。怎料效果甚好,Calvin 回港研發,申請專利,發咗。

      呢個係平行時空嘅第十個結局,名為「花生後庭花塗花生油的理由」

      刪除
    11. 「花生後庭花塗花生油的理由」 <-- 呢個結局「趣味小品」同重口味喎,講食字,你呢個真係贏我九條街喇,我都要寫番個絕D嘅先得。 :p

      除了行李、機票,Calvin在東京的住宿也是Betty打點的。Betty當初用心計劃,打算在最後一夜來到酒店,給Calvin一個驚喜,並帶著Calvin最愛的「咸脆花生」。

      怎料Betty打開1412房間的大門時,看到Calvin與Kathy在床上鬼混。她忽然覺得當時的畫面很有趣,像望著自己與Calvin交歡。於是,她靜靜地站在門邊,取出咸脆花生邊嘗邊觀賞這一幕。

      呢個係平行時空嘅第十一個結局,名為「花生姐邊嘗咸脆花生邊賞花生妹扑扑脆」

      刪除
    12.  無得頂!你才是食字之王!

      我甘拜下風,咁勁!一於輯成一集先,crossover 不停,

      刪除
    13. 哈哈,誤打誤撞,竟然呢個變咗crossover第二回添。 :p

      刪除
    14. 哈哈哈哈!你呢個第十一結局最高,工整又有內容。我苦思都無力超越,只好認輸。

      唯有寫個題:「花生姐花了一生才看化花生妺的誤會全靠花生的比喻來化解兩花生的結怨」

      刪除
    15. 你呢個題好絕,我都投降喇,用嚟為呢個故事劃上完美嘅句號真係啱晒。

      如果畀Betty知道晒呢幾日Calvin同Kathy所發生嘅事,不論係你原先嘅結局,還是我剛寫嘅結局,的確係需要一D時間嚟看化嘅。

      呢次玩得好盡興,好有飲住啤酒食花生吹水嘅感覺,畀個like你先。

      刪除
    16. 識英雄重英雄,你才是有料到。

      如果這事發生在我身上,都要學會放下,否則成病。

      好開心呀呢次合作。哈哈哈哈!期待四月之作

      刪除
    17. 對呀,大家都咁吹得,哈哈。 :D

      如果發生喺我身上,我真係接受唔到囉。我諗我會選擇走咗去,費事眼冤,唉。

      刪除
    18. 果然係主動積極地解決問題呀,哈哈。

      刪除
    19. 哈哈,講得出呢句說話嘅人,通常屋企個衣櫃都係好大同埋好full嘅。 :p

      刪除
    20. 係就好囉,可以日日換衫。

      距離第十二集大結局還有1.5小時,好興奮呢

      刪除
    21. 講開換衫,有D男人鐘意同其他男人交換自己件衫嚟著,究竟係咩心態呀?我比較保守,接受唔到。

      57分鐘後,就知道Calvin同Kathy係咪喺Room 1412度創造小花生喇。 :p

      刪除
    22. 換衫心態:我件Giordano 想換你件Valentino

      還有50分鐘,就要剝花生啦!

      刪除
    23. 如果著開自己件slim fit,點知換咗件over size番嚟,咁咪好唔抵,著咗上身之後一定感到好空虛呀。 :p

      Calvin就好喇,仲有25分鐘就可以食花生。

      刪除
    24. 著咗衫鬆泡泡?咁就大鑊!無哂feel


      刪除
  3. 卡臣:

    乜「趣味小品」變了「淫品」的代名詞?嘻嘻!

    回覆刪除
  4. 世純:

    『Calvin聽著她的說話,表白的勇氣瞬即消失得無影無踪,他彷如一個大細路般砌詞說:「我...我...我一個人喺房怕黑嘛,所...所以...咪落嚟搵.........」』

    這裡轉接得好合乎人性.畢竟膽大是內心,做起來會變了另一回事.

    回覆刪除
    回覆
    1. 係呀,原作者卡臣描寫Calvin嘅性格係一個大細路,鍾意玩,膽細心又細。

      佢當時係受到一時嘅刺激先會衝落樓表白,當佢見到同自己女朋友一樣樣嘅Kathy,當然會縮一縮喇,咁咪亂講D藉口囉。

      刪除
    2. 嗰日我不停咁喺你個blog度坐時光機回到過去,你嗰日嘅瀏覽量係咪大增呢 :p

      刪除
    3. 原來係你,多謝先,果然做足準備工夫。

      刪除
  5. 卡臣、世純:

    你們連續幾個假設結局,真係什麼可能性也給你們構思了.

    回覆刪除
    回覆
    1. 佛爺:

      呢個平行時空嘅創作實在太好玩喇,腦裡面湧咗好多鬼主意出嚟。 :p

      卡臣:

      第六個結局你自己寫咗地震喇。

      刪除
    2. 係喎,補返個Betty 突飛到東京玩surprise

      刪除
    3. Betty玩驚喜嘅結局交畀我喇。

      如果你未有新作發佈,我建議將呢D平行時空嘅結局輯錄成一篇blog文喎,等大家笑吓都好,因為唔係咁多人會睇留言o架。

      刪除

LinkWithin

Blog Widget by LinkWithin