~~~~~~~~~~~~~~~~







2013年3月13日 星期三

兩花生 – 第六集 - 生日禮物



兩花生 第六集 - 生日禮物

CalvinKathy:「啲人話孿生姊妹喜愛口味好相似,妳同Betty會唔會鐘意同一樣嘢?」Kathy聽到Calvin的問題,敏感的她feel到這條問題背後的含意。Kathy本可以斬釘截鐵回答:「唔會」。但她又唔想答得咁決絕,她選擇了另一個「聲東擊西」的方法。

Kathy先假裝呆了,詐說:「我見到..我舊男友喺前面
正當Calvin朝那方向望去時,
Kathy說:「噢!sorry!原來我認錯人。」
Calvin:「唓!」
Kathy:「人有相似吖嘛。快啲過馬路啦!」
Calvin已忘記剛才的問題。Kathy一招分散視線,便替自己解圍。

* * * * * *

Calvin舉起手中的相機拍攝涉谷的街景。當Calvin舉手拍照時,Kathy留意到Calvin右手手腕上戴著的一隻銀色金屬手鈪。她覺得那隻手鈪很精緻,好奇地問Calvin這銀色手鈪在那裡購買?

Calvin說這隻Jean Paul Gaultier製的銀色手鈪,是Betty剛於4個月前送給自己的生日禮物。這手鈪是Jean Paul Gaultier今年夏季的新貨。Calvin十分喜愛這件生日禮物。由收到禮物的第一天起,他天天都配戴著它。一半原因是因為這隻手鈪確實十分配襯自己、另一半原是Calvin知道Betty喜歡見到他每天都戴着它。

CalvinKathy的目光,知道她對這隻手鈪十分有興趣。於是Calvin立即除下它。給Kathy試戴。Calvin的手腕比一般男士幼,Kathy戴上它雖有少少鬆,但都叫啱戴。Kathy覺得它很靚,左看右看。Calvin說:「借俾妳戴到今晚,等妳靚吓啦。」Kathy欣然接受他的建議,開心地擺出V字手勢。

* * * * * *

深秋的東京日短夜長,四時許太陽已經開始下山。涉谷已經行得七七八八,Calvin提議下一站到秋葉原。因為他想到秋葉原購買最新的電子遊戲光碟。Calvin是一個標準大細路。到日本搜購香港未發售的遊戲光碟。

臨離開涉谷前,Kathy建議不如去影貼紙相留念。Calvin記起上一次影貼紙相的時候,已經是中七考完高等程度會考那天。Calvin曾經向Betty建議一起去影貼紙相,無奈遭Betty以膚淺幼稚的理由而拒絕。

估不到Calvin要在東京才能如願以償,跟Betty一模一樣的Kathy去影貼紙相。當然,他很清楚貼紙相中的女仔是Kathy而不是Betty。跟Kathy影貼紙相才能開心盡情。

情況跟食雪糕差不多,Betty在香港的時候,不會陪Calvin去吃雪糕和影貼紙相,在東京,Kathy就陪他做齊兩樣。最妙的地方就是兩人的外貌都是一模一樣,Calvin好似發緊夢咁。

倆人站在貼紙相機前擺出各種趣怪的表情,邊笑邊拍。一起在貼紙相上加工,讓Calvin重溫中七的回憶。

* * * * * *

五時許,兩人拿着貼紙相,滿心歡喜地離開涉谷,乘JR線往秋葉原出發。Calvin對自己說:要好好保存這幾張貼紙相,是他們第一次的合照。照片中,大家都笑得好燦爛。十分登對。

兩人抵達涉谷JR車站,當Kathy走到售票機前,伸手投入硬幣購買車票時,她才驚覺右手上的Jean Paul Gaultier 銀色手鈪已經不翼而飛。

Kathy的失措驚動了在旁的CalvinCalvin張大眼睛,大為緊張:「吓!Betty送俾我隻手鈪唔見咗?」

待續

二少爺說:可以用以下呢一首歌概括這個《兩花生》故事。

Be My Valentine - 古巨基
作詞:林家敏
作曲:徐繼宗

是氣溫風速人物加心理 地方跟天氣
就置身東京談一天戀愛 運氣作比賽
身體感到天旋和地轉
就讓我對這天空說
always on my mind be my valentine
上野新宿經涉谷轉車到代官山街裡
貼紙相中找到一雙一對 大概也登對
高速的車廂內沉睡去
就讓我在耳邊講一句
always on my mind be my valentine
愛沒年期時限 一天可以戀一生的愛
這日微暖體溫 不知不覺
靠向了我的手臂
過了今晚 結束好戲
我會永遠記起東京的你
always on my mind be my valentine

30 則留言:

  1. 哎呀,我入晒局添,估唔到Kathy都玩心計呀 :o

    我最初估你會由Vivienne Westwood改做Bottega Veneta,點知你改咗為Jean Paul Gaultier。講開JPG,曾幾何時,我有一個呢個品牌嘅袋,當年覺得好型。

    如果Betty在香港的時候,不會陪Calvin去爆房,在東京,Kathy會否陪他做埋呢樣呢? :p

    Betty送畀佢嘅金剛圈都唔見咗,Calvin喺下一集會唔會豁出去,做一隻甩縄馬蹓,離棄唐僧呢 :p

    回覆刪除
    回覆
    1. 哈哈!kathy都唔弱架,識孫子兵法。

      點解係Jean Paul Gaultier? 我記憶中90年代,在日本買JPG比香港平,所以選了這牌子。加上這品牌在90年代很紅。

      請問你會唔會同你阿哥嘅女朋友去爆房呢?

      古巨基首歌好啱,務請聽聽

      刪除
    2. 哈哈,我當然唔會喇,想兄弟反目咩,嚴重D家變都似呀 :o

      其實佢哋咁樣玩法,都好鬥智鬥力喎。你呢段寫得好正。兩人一方面理智上唔會亂嚟,感性上又想同對方享受一吓拍拖嘅感覺。

      加上你嘅上一個回應,我估最後兩個人會默契地決定嚟一段不會身體上出軌嘅戀愛。約定Calvin回港以後,兩人就讓呢一段短暫嘅美好時光永遠留喺東京同埋大家嘅心裡面。

      歌已聽了,二少爺講得好啱 :)

      刪除
    3. 嚴重D家變都似呀<--所以個故事的關口就在這裡,情義兩難存。

      你都估中大概。每個人心中都有一座斷背山(收藏的感情)
      大家都有...

      愛若難以放在手裡,何不將這愛放進心裡

      首歌做主題曲,度身訂造咁

      刪除
    4. 除咗斷背山之外,每個人都有一D不能說的秘密,就算係至親、知己,都唔會講嘅。

      回番一首畀你喇,呢首d歌詞唔錯 :)

      教我緊張得心跳這麼久
      到了這一刻終於望通透

      刪除
    5. 係呀,你千祈唔好酒後吐真言。否則好大鑊。

      回你四句:
      流水很清楚 惜花這個責任
      真的身份不過送運
      這趟旅行若算開心
      亦是無負這一生

      刪除
    6. 我唔會飲到畀自己醉嘅,去到差唔多就會停。不過,瞓覺發開口夢就避免唔到喇。

      你呢首好貼題喎,佢哋最後應該無悔喇。

      回你一首:
      就讓我們虛偽 有感情 別浪費
      不能相愛的一對 親愛像兩兄妹

      刪除
    7. 你呢首「兄妹」中哂呀!揀得好!

      我得到於事無補的安慰
      你也得到模仿愛上一個人的機會
      殘忍也不失慈悲 這樣的關係你說多完美

      林夕好嘢

      刪除
    8. 哈哈,林夕真係勁呀,寫極都仲有貨,而且仲好多佳作添。

      仲有「一時進 一時退 保持安全範圍」嘅猜心遊戲呀。

      刪除
    9. 夕爺好嘢,抵佢賺咁多

      諗諗下,兄妹隻歌都好啱這故事。

      刪除
  2. 卡臣:

    係咪Kathy將隻手鐲收埋佐?

    美國作家「馬克‧吐溫」有一句名言,每個人心底裡也有一個陰暗面,永遠不為外人所知悉.

    回覆刪除
    回覆
    1. 哈哈

      Kathy將隻手鐲收埋佐<--你都好世顧喎,諗到KATHY為了留念。

      我都識唔少偽君子,假道學。

      刪除
    2. 卡臣:

      女人為了情,或者嫉妒,會做出一些匪夷所思的事情.嘻嘻!

      刪除
    3. 男人也是,更會做出殘酷之事情。

      刪除
    4. 咁又係,男人妒忌上來,殘酷到無哂人性.

      刪除
    5. 在香港,男人被女飛,男會打,甚至殺,真係好狠毒。

      刪除
    6. 你咁講,令我即時作個故事回應吓你喇。

      有一對20多歲的兄弟在外租住一單位,弟弟的女友不時在此借宿。某日弟弟回家見女友衣衫不整,於是大興問罪之師。

      女友一時意氣,說與兄長有染,兩人因此而大吵。後來弟弟走進廚房,拿出一把刀。

      白刀子入,紅刀子出,三十多回。接著,弟弟自刎於死不冥目的女友旁。

      兄長及後回來,見狀即時報警,弟弟終被救回但被控謀殺。

      在法庭上,弟弟辯稱一時衝動,當時受挑釁而失去理智。

      最後,蒼天有眼,還了死者一個公道。


      刪除
    7. 嘩! 係咪Real case嚟架?
      好驚喎
      原來女友take 嘢亂講就大鑊,害死人

      今午那宗弒父母案件...恐怖,無血性

      刪除
    8. 我「吹水」㗎咋 :p

      故事中嘅女友冇take嘢,警察會喺現場影相。女死者真係「死不冥目」,我估邊個睇咗幅相,嗰個人都冇胃口食lunch呀 :o

      今日好忙冇睇新聞,殺父母天打雷劈呀,應該罰凌遲。

      刪除
    9.  係喎,忘記了你要「作故」喎,係吹下水啫。

      我想像到現場情況,唉,前世寃孽。

      今天單新聞:子弒父母,仲要肢解。
      殺人後,在facebook開group叫人幫手找父母,扮無事,好冷血

      刪除

LinkWithin

Blog Widget by LinkWithin