~~~~~~~~~~~~~~~~







2013年3月11日 星期一

兩花生 – 第五集 – 世界和平


兩花生 第五集 世界和平

Calvin問:「可唔可以話俾我聽妳啱許個乜嘢願呀?」CalvinKathy剛才許了什麼願望充滿好奇。Kathy面對突如其來的問題臨危不亂,想了兩秒便回答,仲加多兩分演技:「?願望講出嚟就唔靈架啦!」

Calvin見自己的要求未能得逞,他見到右邊有個大木架,架上掛滿很多寫滿日本字的小木牌。他腦筋一轉,向Kathy示意右邊那些祈褔小木牌,他說:「唔係喎!佢夠寫哂願望出嚟俾人睇啦,可能講出嚟仲靈現呀!」

Kathy不服輸說:「我講都得,不過要你講先!」兩人你推我讓一番。雖然Calvin出盡千方百計也拿她沒辦法。但他十分享受和Kathy進行這種幼稚的鬥嘴,因為Betty只會用邏輯理性的方法跟Calvin解決意見上的分歧。

最後經過一輪爭議之後,兩人達成一個妥協方法:大家把願望寫在紙上後,再交換給對方看。因為Kathy是大學生,她的袋內常備有原子筆和memo紙。他們坐在長椅上,每人手拿一張小小粉藍色memo紙,背對背寫下各自的願望在memo紙上。

兩人寫完後,馬上跟對方交換手中的memo紙。Calvin提議在揭曉答案前,不如先估吓對方許了一個什麼願望?Calvin笑著說:「我估妳希望快啲搵到新男朋友。」Calvin的背後意思是:「希望那個新男朋友係我啦!」輪到Kathy,她笑說:「我估你希望賺多啲錢!」Kathy的背後意思是:「希望Calvin多些機會來日本見客,那就可以順道探訪自己」。

兩人相望一笑,差不多同一時間說:「你估答案梗係錯啦!」Calvin:「好!數三聲後開嚟睇,3 – 2 – 1」兩人急不及待,立即揭開手上的memo紙,大家看後頓時無言。

Calvin寫:「希望世界和平!」Kathy寫:「祈望世界和平!」不知道他們是否如實寫下自己真正許過的願望,但這份巧合已令他們呆了。Calvin相信在茫茫人海中找到一個跟自己想法相似的人是十分難得。

Dead air了幾秒,接上是一陣大笑聲,Calvin笑說:「唓!妳擺明敷衍我啦!」,Kathy笑說:「你擺明偷睇我啦!」兩人在笑聲中,離開淺草寺。經商議後,下一站是涉谷,潮流百貨的總匯。

* * * * * *

他們中午在涉谷一間咖哩專門店吃午飯。Calvin喜歡這裡,好多後生仔女,充滿青春活力氣息。午飯後他們逛涉谷的商場和百貨公司。Kathy喜歡穿日本潮流時裝飾物,跟愛穿歐美OL服裝的Betty截然不同。就形象上來說,Calvin比較喜歡這個充滿青春魅力的Kathy

下午茶時間,他們光顧一間在百貨公司11樓的雪糕夾餅店。座位倚落地玻璃旁,可以望到窗外如螞蟻的路人在斑馬線上蠕動。

當侍應奉上美味的雪糕甜品後,Calvin望着雪糕,不經意地問Kathy:「妳細個嗰陣,會唔會同家姐爭雪糕食?」Calvin想借這條問題試探兩姊妹的感情關係。

Kathy說:「我同家姐從來唔會爭嘢食爭嘢玩,因為自細媽媽講咗一件事俾我哋兩個知道。」原來母親自幼身體虛弱,婚後曾經試過一次流產。醫生說母親再懷這對孿女是十分危險。結果早產三週,母親亦險些送上性命。孿女不足磅,需要留在氧氣箱內一個月。三人最終跨過鬼門關。

兩姊妹週歲時,體弱不足磅,身形細小如豆,膚色又黑,如像兩粒花生一樣。母親比喻她們像兩粒花生,藏身在花生殼中等待果實成熟後,兩粒花生攜手爬出泥土,來到這個世界。母親在孿女開始懂性的時候,告訴她們初生時的艱辛經歷,兩姊妹自幼給灌輸了這種命懸一線、相親相愛的倫理觀念,所以兩姊妹從來不爭東西,有嘢大家分享。

Calvin聽後不禁被兩姊妹的身世故事感動了,原來她們險些活不過來。Betty從來沒有向自己提及她的身世故事,再一次證明Betty是比較內向、愛收藏起自己。

Kathy補充:「家姐好錫我,如果有一樣嘢我好鐘意,而家姐又好鐘意的話,家姐最後都會讓俾我!」Kathy說這句話時,純粹建基於兩姊妹深厚的感情上,不過Calvin聽後對號入座,想多咗,不禁從心底裡笑了出來。

結帳後,兩人乘升降機回到地面。步出商場的大門口時,Calvin意猶未盡,不經意咁問Kathy:「啲人話孿生姊妹喜愛口味好相似,妳同Betty鐘意嘅嘢會唔會好相似?」Calvin的問題另有所指。

Kathy雖然聽到Calvin的問題,但她沒有反應,呆望著前面的人群。Calvin察覺到異樣,立即問Kathy發生什麼事?Kathy說:「我見到..我舊男友喺前面

Calvin:「吓?咁蹺?」又係喎,她的前度男友在涉谷一間卡拉OK當侍應

待續

二少爺說:表參道,名店多,消費主義下,人便迷失了。



迷失表參道 - 張敬軒
作曲: 常石磊
作詞: 林夕

不見得醉倒 怎會不小心跌倒
找要住的東武 何以竟可迷路
為何認錯路 商店都關得太早
找掛念的西武 曾經於此擁抱
找不到歸途 來到表參道
月色正打掃 黃葉在起舞
夜深表參道 讓我再起步
何處是旅途 隨處是旅途 
率性點更好 西武找不到也好
當我沒有命途 何以謂之迷路
就隨便散步 反正 街燈可細數
想找的找不到 忘了它多麼好

44 則留言:

  1. 許願呢一節,寫出咗兩個人沉醉於而家嘅曖昧關係,氣氛好好呀。

    用花生呢個比喻嚟講呢兩姐妹嘅關係,真係非常貼切,你係得嘅。

    又加多咗段新嘢喎,好引人入性 :o

    Calvin應該主動D,即刻企係商場門口,同Kathy打個車輪先,等佢舊男友睇到眼定定。咁就一來又幫到Kathy,二來又可以抽到水。話唔定Kathy一試難忘,最後以身相許呢。:p

    回覆刪除
    回覆
    1. 許願呢一節<--加強兩人心靈相通,性格好夾,搞到calvin覺得難尋如此合拍之女子

      花生<---哈哈!舊文講咗點解用花生,多謝你有口德,唔講點解用花生

      同Kathy打個車輪? 咁阿妹立即call家姐問o唔ok?

      刪除
    2. Kathy大個女喇,唔駛凡事都問咗家姐先喇。

      況且,Calvin身在外地無依無靠。Kathy更應該一盡地主之誼,同埋代替家姐照顧Calvin嘅一般性需要嘛。

      刪除
    3. Kathy要照顧下呢個未來姐夫的需要?果然是好姊妹,分甘同味。

      刪除
    4. 哈哈,孖生姐妹身型都應該差唔多。不過姐姐含蓄內向,妹妹活潑開朗,應該別有一番風味 :p

      刪除
    5. 妹妹好動,多做運動,體形更FIT, 家姐好靜,坐多啲,肥咗少少。

      刪除
    6. 睇咗五集,我鐘意妹妹多d :)

      忽發奇想,你可以寫個兩花生外傳喎,講吓Betty曾經受引誘但最後仍然選擇Calvin吖,細節與呢個故事相互交錯,一定好吸引呀。

      刪除
    7. 我喜歡妹妹多啲,wild 啲嘛。

      Good idea 呀,寫外傳,不過如果由你寫就更好,你寫心理描寫好,又是一種crossover, 一定好玩。

      刪除
    8. 唉,我呢排個腦便秘呀,成個月冇寫過故仔喇,剩係喺度食老本。

      不停諗不停諗都好似捉唔緊d idea咁,可能9413係我嘅絕作喇 :(

      刪除
    9. 下,唔好咁灰,楽觀啲啦!
      試下寫回憶,舊歌舊戲。
      再唔係,數下情史。

      好快又搵到寫作材料。

      刪除
    10. 呢排比較悲觀 :(

      可能會停一陣先喇,我空有idea,但係就寫唔出內文囉 :o

      刪除
    11. 吓? 要抖抖?
      都好嘅,唔好逼自己夾硬寫。

      悲觀呀? 正常嘅,因這地方真的沒什麼值得開心,睇開啲,唔係好易鑽牛角尖...

      刪除
    12. 買D「淨身」口服液嚟食吓可能有D幫助 :o

      刪除
    13. 諗咗一陣先諗到,答案係關我X事 :p

      刪除
    14. 係呀,就係呢個談論國寶的淨心咯

      刪除
  2. 唔怪得个题目叫做“两粒花生”啦!

    回覆刪除
  3. 駁故先,有D花生得一粒肉架咋,呵呵

    回覆刪除
  4. 卡臣:

    「世界和平」可以有唔同演繹.Kathy可能叫Calvin唔好打佢主意.Calvin可以暗示比Kathy知,佢兩姊妹都要,咁就唔洗爭喇,所以,佢地兩個係「同句異心」,唔係一條心.嘻嘻!

    回覆刪除
    回覆
    1. 好嘢!果然是心理學學者,對呢句說話有深入的分析,更高層面的演繹。

      總之唔好世界大戰就好了。

      刪除
    2. 卡臣:

      「演繹」係做成人黐線的一個原因之一.我唔係心理學學者,不過係黐線佬,所以至有唔同的演繹.嘻嘻!

      刪除
    3. 你係黐線佬?唔怪得創意無限,否則只會是個悶人的衛道之士。

      刪除
    4. 卡臣:

      我係衛道之士,不過係守衛住「淫道」.嘻嘻!

      寫緊美國竹笙仔同上海女人的故事,等你地來評一下道理.

      刪除
    5. 淫道之興衰,靠你了。

      上海妹之故事,好期待呀

      刪除
    6. 卡臣,佛爺:

      「淫道」嘅外邊兩旁都係長滿雜草,狹窄及潮濕嘅,內裡仲有一D無形嘅吸力將意志薄弱嘅男生拉扯入內。要守護呢條道,定力小D都唔掂呀。

      我好期待呢個故仔,睇吓呢個上海姑娘點樣過分。

      刪除
    7. 好似霍金的宇宙黑洞論,乜都被扯入去,深不見底

      刪除
    8. 卡臣、世純:

      上海姑娘是否過份?真是見仁見智.整件事是從竹笙仔表姊講出,她也是在楓葉國土生土長,卻說得一口流利廣東話,連香港俗語也朗朗上口.

      刪除
    9. 成件事由第三者轉述,可能歪曲了事實,原來是一件羅生門事件,其實另有內情。

      刪除
    10. 內情只有當事人先知喇。

      不過,奶奶由好評變為劣評,當中一定發生咗D嘢嘅。

      呢個新故事係咪完咗「性格就是命運」之後先出街?係鹹定淡?

      刪除
    11. 卡臣、世純:

      我正寫著的上海戀賤,是另一件事件,與上海妹接袋員無關.上海接袋員是嫁了加拿大竹笙,而上海戀賤,就嫁了美國竹笙,而他表姊就是加拿大竹笙.

      我會把上海戀賤嵌入「性格就是命運」的下一集,因故事可以有助塑造綺珊的性格.而且,該位美國竹笙,真是性格就是命運.何苦呢?

      這故事點到即止,不會灑鹽花.

      刪除
    12. 上海戀賤,個名改得好過癮喎。

      唔好寫大陸人太衰喎,否則擔心你會被人聲討呀。

      熱切期待!

      刪除
    13. 卡臣:

      我會就住就住咁寫,因我唔想引起標籤效應.一來比人鬧,二來比人抽水.我多數不會用上海戀賤這名稱,只是暫用,費事多事幹.

      上海戀賤,竹笙仔個表姊,我覺得佢既意見幾中肯,唔覺得佢有偏袒的成份囉.

      刪除
    14. 佛爺果然有分吋,不慍不火,好嘢。

      刪除
  5. Calvin不斷地去試探Kathy, 好想去偷睇個結局

    回覆刪除
    回覆
    1. 忍唔住呢?我改動咗少少,都係睇新版好啲。

      刪除
  6. 回覆
    1. 係呀,不過我提議你等吓,因已作少少改動

      刪除

LinkWithin

Blog Widget by LinkWithin