~~~~~~~~~~~~~~~~







2013年3月17日 星期日

兩花生 – 第八節 – 1412號房間



兩花生– 第八節 – 1412號房間

CalvinKathy:「妳家姐叫妳今晚跟我返酒店攞部MD機喎,好唔好呀?」Kathy眼睛一轉,說:「好吖!」Calvin出乎意料,Kathy竟然這麼爽快地一口答應。

Kathy性格率直,聽到Calvin說是家姐叫自己跟他回酒店房間。連家姐也不介意,如果自己推搪就顯得很小家。心想取回MD機便離開,Kathy覺得沒有什麼不妥,便答應了Calvin

Kathy說出「好吖!」這「兩個字」聽在Calvin耳裡,腦裡卻不斷聯想。Kathy答應跟自己回酒店,即表示她願意跟自己共處於一個私人空間內。如果他真的跟Kathy做了一些越軌行為,他們兩人將要如何面對Betty呢?

當一個人離開了他固有熟識的地方,身邊沒有相熟的人、自己好像可以變成另一個人。異國語言、自己講什麼也不怕旁人知道,個人的包袱和責任就會變輕。人在異地就大膽起來,嘗試做一些在香港不夠膽做的越軌事情。

Calvin記得Betty曾經勸勉他說:「如果你知道有啲而家唔做,日後一定會後悔嘅話,咁你就立即去做啦!」Calvin本著「唔試過唔知結果」的冒險精神,今晚一於帶Kathy回酒店,再作打算。

* * * * * *

他們於晚上9:45分離開六本木山,乘火車抵達新宿站時只是10:10分。步出新宿站西口時,Calvin說若果現在回酒店則略嫌太早,想再逛多一會。在外地用盡每一秒去旅玩,是香港遊客的典型心態。Calvin想去多一個地方。Calvin看日劇時,看到男女主角入夜後幫趁路邊流動麵檔,他想自己親自光顧一次,感受一下,模仿日劇中的男主角。

他們在馬路旁找到一檔,由於天氣冷的關係,檔內冒出陣陣白煙熱氣。他倆坐下吃熱騰騰的「關東煮」:魚蛋、豆腐、麵根之類。Calvin點了一瓶日本暖清酒,CalvinKathy飲點清酒,可以驅走寒意。其實他想用酒精令Kathy帶點醉意,減輕她的戒心。

酒後兩人的話題扯到日本年輕情侶如何消磨時間和東京拍拖勝地。其實Calvin想藉這個拍拖話題,去了解Kathy跟她的前度男友,如何在東京約會和消閒?

Calvin談到香港男女情侶去洗手間的情況,他投訴香港女廁格數不夠多,導致女士要排長龍,連累男友們也要像守衛般在女廁門外等待女朋友。Kathy說日本仍然盛行大男人主義,所以女朋友如廁後,自然會在附近自動找回男朋友。不會出現香港廁所門前男等女的情況。甚至女朋友購物後左一袋右一袋,男朋友也不會幫手替女友拎。Calvin聽後慨嘆說:「如果俾我能夠喺日本結識一個女朋友就幸福咯!」Calvin這句說話,是語帶相關。

Kathy聽得明他的意思,笑笑口地回答:「想識日本女朋友?你先學好日文啦。佢哋啲英文唔叻架。」就將Calvin的問題,避重就輕地完全帶過。Calvin只好陪笑。

* * * * * *

11:15分,Kathy說夜了,快點取回MD機後,便要歸家。兩人結帳後步行回酒店。經過酒店大堂,步入升降機,按14字,電梯門徐徐關上。Calvin心跳加速。Kathy的表情亦有一點緊張,畢竟跟一名男子單獨回酒店房間。

電梯門打開,穿過走廊,到達1412號房間。Calvin用鎖匙咭打開房門後,兩人踏進一個200呎的私人空間。房門關上後,兩人便進入一個私人空間裡。這時Calvin想起粵語長片中,麥基污辱林鳳的場景。

剛才在喝酒時,Calvin已暗中計劃好怎樣做:他看過很多電視劇,男主角唔小心仆親,推跌女主角倒在地上,四目交投,然後接吻。雖然老土,但勝在夠Work。一想到這裡,Calvin陰陰嘴笑。

Calvin在行李找出MD機,萬事俱備,靜候機會扮仆親。Calvin知道這個舉動是代表正式背叛Betty,只要行前這一步,便回不了頭。CalvinKathy的純友誼關係即告變質,亦可說是昇華。但若果Kathy真的比Betty更適合自己的話,Calvin這刻的退縮,可能會令自己後悔一生。

Kathy借用完洗手間後步出來,站在床邊。兩人獨處一室,身體相距只有幾呎,Calvin下定決心做這個可能改變一生的決定。Calvin深呼吸一口氣,手拿禮物,心裡數5聲之後,就要行動。
OK5…4…3…

待續

二少爺說:粵語長片中,麥基踩地上玫瑰花的鏡頭。


富士山下 - 陳奕迅
作曲:Christopher Chak
填詞:林夕

攔路雨偏似雪花 飲泣的你凍嗎
這風褸我給你磨到有襟花
連調了職也不怕 怎麼始終牽掛
苦心選中今天想車你回家
原諒我不再送花 傷口應要結疤
花瓣鋪滿心裡墳場才害怕
如若你非我不嫁 彼此終必火化
一生一世等一天需要代價
誰都只得那雙手
靠擁抱亦難任你擁有
要擁有必先懂失去怎接受
曾沿著雪路浪遊 為何為好事淚流
誰能憑愛意要富士山私有
何不把悲哀感覺 假設是來自你虛構
試管裡找不到它染污眼眸
前塵硬化像石頭 隨緣地拋下便逃走
我絕不罕有 往街裡繞過一周
我便化烏有
情人節不要說穿 只敢撫你髮端
這種姿態可會令你更心酸
留在汽車裡取暖 應該怎麼規勸
怎麼可以將手腕忍痛劃損
人活到幾歲算短 失戀只有更短
歸家需要幾里路誰能預算
忘掉我跟你恩怨 櫻花開了幾轉
東京之旅一早比一世遙遠
(你還嫌不夠 我把這陳年風褸送贈你解咒)

29 則留言:

  1. 嘩, Calvin嘅尾巴終於露晒出嚟喇,原來佢一早就想一親香澤。上集先假傳聖旨,跟住又出清酒,又諗定扮仆親,原來佢係早有預謀嘅,真係估佢唔到咁大膽喎。

    不過Calvin信錯咗D電視劇喇。咁樣扮「仆」親錫埋去,現實世界中往往係畀女主角隨手攞件嘢「扑」埋去呀。到時扮「仆」親變咗真「扑」親呀。 :p

    好緊張呀,究竟Kathy喺洗手間出嚟之後發生咩事呢? :o

    卡臣,我發覺你呢一篇好適合攞嚟玩填字遊戲,只要少許改動,就可以令Calvin心中嘅魔鬼現型,等我為你出幾條題目喇。 :p

    1. Calvin問Kathy:「妳家姐叫妳今晚跟我返酒店XX喎,好唔好呀?」Kathy眼睛一轉,說:「好吖!」Calvin出乎意料,Kathy竟然這麼爽快地一口答應。

    2. Calvin看日劇時,看到男女主角入夜後幫趁XXXX,他想自己親自光顧一次,感受一下,模仿日劇中的男主角。

    3. 酒後兩人的話題扯到日本年輕情侶如何消磨時間和東京XX勝地。其實Calvin想藉這個拍拖話題,去了解Kathy跟她的前度男友,如何在東京XX和消閒?

    4. Calvin在行李喼找出XXX,萬事俱備,靜候機會扮仆親。Calvin知道這個舉動是代表正式背叛Betty,只要行前這一步,便回不了頭。

    回覆刪除
    回覆
    1. 咁樣扮「仆」親錫埋去,現實世界中往往係畀女主角隨手攞件嘢「扑」埋去呀 <----我未試過存心仆去,但我試過無心被click親仆埋去,猛講sorry, 好彩無被人當色狼咋

      真係電視劇害人,尢奇台劇,成日有「仆」親錫埋去鏡頭

      嘩!你代入了角色,見山不是山,見水不是水,
      呢啲xxx真係好難填喎,

      「妳家姐叫妳今晚跟我返酒店大堂喎,好唔好呀?」

      Calvin看日劇時,看到男女主角入夜後幫趁深宵食堂,

      刪除
    2. 我都試過喺office雙手攞住嘢,後面有個女仔,轉身時手踭handball,中到應晒,雖然其他人都知我無心,但係都即時連環道歉喇。 :o

      我嘅「II」級答案,哈哈 :p

      1. 聊天 (上房pillow talk傾心事傾通宵)
      2. 情趣商店 (買一D特別嘅手信畀同事)
      3. 分手 / 相識 (進一步了解Kathy,知己知彼,進可攻退可守嘛)
      4. 攝錄機 (準備拍下兩人仆親之後四目交投,然後接吻嘅過程,留番日後回味)

      刪除
    3. 你就正啦,office打手球,仲入波添呀。

      你的答案正喎,一於寫個平行時空版,用哂你的答案,
      同女仔去情趣商店,應該好好好熟

      我中學時代流行叫女仔回家聽唱片

      刪除
    4. 平行時空嘅結局正喎,等睇好戲。不如整多個投票畀讀者揀吓「最愛結局」吖。

      哎呀,如果我一早知你會用我嘅答案寫另一結局,我會提供以下答案,哈哈 :p

      按摩/時鐘酒店/爆房/安全套

      講開聽唱片就燥燥哋。中學時期,有條友仔扮好人,幫我當時嘅女友補習。仲叫我女友去佢屋企聽音樂同埋玩佢哋白兔仔。

      我估條友計劃玩完白兔仔之後,會攞個「白套仔」出嚟玩囉。

      刪除
    5. 平行時空結局交給你,我想不到如何處理

      可怒也!竟膽敢叫你女友玩兔仔!有無蝕底先!
      好彩你夠克制,否則有血案。

      話時話,而家是否叫女仔回家打機?

      刪除
    6. 睇埋結局之後睇吓有冇靈感先喇。 :)

      而家時代唔同喇,係女仔做主動,叫男人番屋企玩。前排咪有個未成年少女,叫咗兩個男同學番屋企大合奏囉。個女嘅阿爸早咗番屋企,見到三人赤條條喺床上面大玩三文治,一怒之下報警。

      最後,嗰兩名下體指揮腦袋嘅男孩,咪畀人告囉。

      刪除
    7. 睇完你提嗰段新聞,我大嘆一句:點解我中學果陣風氣咁保守呀! 無識人網站,無ONLINE鹹片

      不過咁...反而換嚟我唔使「衰十一」

      刪除
  2. 卡兄,
    麥基'污辱'林鳳喎...Calvin斯斯文文唔會掛...定係Kathy會'污辱'Calvin呢**!

    回覆刪除
  3. 噢...莫非Calvin真係郁手? 咁佢只都係「犯了全天下男人都會犯的錯」...根據淫蟲的理論.

    回覆刪除
    回覆
    1. 俾著我,我諗我都會計畫一吓「犯了全天下男人都會犯的錯」...

      刪除
  4. 卡臣:

    根據我推算你的思路,Calvin撲埋去,原來Kathy大姨媽到,所以他功虧一簣.嘻嘻!

    回覆刪除
    回覆
    1. 乾柴烈火,calvin明天回香港,那一刻應該去咗先,等唔到下次。

      刪除
    2. 卡臣:

      咁佢可能未拔槍,已經走火喇!嘻嘻!

      刪除
  5. 卡臣:

    啱啱開著收音機,吓!君臨天下又一單?不過我估計,女的被男的騙了錢,才會咁狠.

    回覆刪除
    回覆
    1. 卡臣:

      原來君臨天下單嘢複雜到咁離譜,我完全估錯哂.

      但要求復合不遂,無理由會咁狼㗎?唔通個富翁誘個女人同個鬼佬老公分居,個女人跟老公分居之後,以為一心一意可以返回前度身邊.點知個富商同個女人講:『唔好意思!我已經有女朋友喇!當年你都喺咁樣飛起我,同個鬼佬結婚.宜家我「禮尚往來」啫,大家各冇拖欠囉.』

      刪除
    2. 好似話插咗百幾刀呀,個女子冤氣都好深喎。

      之後跳咗落去泳池邊,其他業主真係多謝佢喇,我估泳池會永久關閉。

      而家香港真係唔知發生咩事,郁D就話要攞人條命,好彩香港禁槍啫,如果唔係咪子彈滿天飛,唉。

      刪除
    3. 早晨、晚安!兩位

      報紙說男死者大陸有二奶而招殺機。

      所以話:男人咪身痕,性格決定命運。

      刪除
    4. 哈哈,係性慾決定命運先啱呀。 :p

      刪除
    5. 卡臣:

      你這個見解是:性就是命呀!嘻嘻!

      刪除
    6. 今天報紙說八鄉那單,疑犯索K, 發在落手,唉...K仔害人。

      刪除
  6. 不知道歪歪懂不懂这一招? 好期待哦!

    回覆刪除
  7. 嘩~好緊張呀~

    不過Calvin應該失手嘅~

    回覆刪除
    回覆
    1. 哈哈!我都估失手,錫咗落枱角受傷,入院,呵呵~~~

      刪除
  8. 確係好緊張
    不過我都覺得 calvin 會臨崖勒馬
    唔係呢度就會變咗佛爺嘅趣味小品 :p

    回覆刪除

LinkWithin

Blog Widget by LinkWithin