~~~~~~~~~~~~~~~~







2012年12月18日 星期二

有故事的人

有故事的人

今年十月,我有幸認識到一位新朋友,事源和背景的幾曲折,只可以用一個「緣」字去解釋當中過程呢位朋友叫「世純」

世純也有寫Blog,他以寫短篇小說及微型小說為主,故事多元化。我已成為他的讀者粉絲。

拜讀過他的《眼睛系列() - 眼睛不能沒眼淚》,結局估佢唔到。

現在,世純為《眼睛系列》寫續集,一連六篇,今天起連載,於1231日除夕夜大結局。有故事睇,當然要跟大家分享,喜歡看故事的朋友,可以去世純那邊看看。


二少爺說:揀呢隻歌,只因食字,跟世純的口味無關。

有故事的人 - 鄭欣宜
作曲:黃安弘
填詞:張美賢

如痛心 你都盡力控制
讓結疤後的一些傷勢 永久藏心底
談笑間 痛哭是一百個浪費
若我喧鬧中暗地呆滯 請體諒如此失禮

誰又純淨如白紙 始終有些探險不敢試
若是妄想瘋多一次 可算是無知

想與你開始 從頭開始 彼此的痛 遙遠但相似
狂熱夢想的一串日子 勾起熱淚成詩

想與你開始 仍難開始 誰亦充滿著故事
想交上真心 兩步又停止 如擦痛我掌心倒刺

想與你開始 從頭開始 彼此的痛遙遠但相似
尋覓幸福觸摸愛情直至 勾起寂寞和失意
想與你開始 仍難開始 曾受傷過便會知
想交上真心 兩步又停止 如何與你相擁半次

24 則留言:

  1. 卡哥,呢個「緣」字真係講得好好呀。

    不過,我只係一個學習緊寫故事嘅人咋,你咁寫實在太抬舉小弟喇。

    另外,你好似調轉咗,我先係你嘅讀者粉絲喎。 :)

    聽日18:00會出Eunice下篇,到時你就知道係咪玩「陰陽路」喇 :p

    回覆刪除
    回覆
    1. 唔係擦鞋喎,你故事題材和寫法都引人入勝。柒公民可見駕馭功力。

      最怕唔識貨,一於等睇你的作品。

      P.S.咁曲折都識到,上天安排咯。

      刪除
    2. 柒公民成條橋都係抄12 angry men嘅,其實我自己覺得係虎頭蛇尾之作。

      個頭開得唔錯,但係我冇能力將個重點放喺7個juror嘅激辯度 :o


      刪除
    3. 我寫的故事仍然是小品式,多過五六個人物,我就失去平衡,所以大格局的我就唔敢碰,希望我遲啲試吓寫

      刪除
    4. 試吓寫喇,話時話,你邊度諗到咁多題材呀?我就嚟冇貨喇。

      刪除
    5. 我的靈感....有些故事是我的親身經歷再改篇
      有些是因為聽了一首歌或MTV而改成
      有些是娛樂新聞改成
      有些是同事朋友吹水的故事
      有些是夢境

      刪除
  2. 卡臣:

    我剛在世純那兒看了三篇「眼睛」,情節不錯,要追到結局才講。

    誰是「柒公民」?諗唔到,可否講清楚一點?

    回覆刪除
    回覆
    1. 「柒公民」靈感取至外國50年代電影「12 ANGRY MEN」
      講黑人被控謀殺的法庭戲,你上網找找

      而「柒公民」中的柒,是廣東話「笨柒」的諧音。

      刪除
  3. 卡臣:

    「柒公民」,中文名改得貼切過英文名12 Angry Men。

    我病到九采,乜柒野都寫唔出,變了柒頭呀!

    回覆刪除
    回覆
    1. 咁你保重啦,快啲好返,唔好變柒頭呀!

      刪除
  4. 佛爺、卡臣:

    「柒公民」中的柒,其實有兩個意思嘅。第一層意思,卡臣喺上文已經講得十分清楚喇:)

    另一個意思呢,就係陪審團係由7位香港公民出任嘅,而"7"字嘅中國正寫喺「柒」字。

    我改呢個名嘅原因,其實係包含晒呢兩個意思嘅,因為,某一些公民,的確係好......... :P

    PS: 中國正寫嘅1至10 --> 壹貳參肆伍陸柒捌玖拾

    回覆刪除
    回覆
    1. 我想問:陪審團最少至最多,由幾多人組成?

      刪除
    2. 7個或者係9個囉,冇多冇少呀。

      刪除
  5. 雖然好多人都淡出blog,不過都重有好多人寫緊

    回覆刪除
  6. 乜戈个系郑欣宜咩?点样刮晒D肥脂肥膏架?睇怕连腮骨都要磨左D,好犀利窝!
    不过尼个郑欣宜,有D似女鬼甘架?

    回覆刪除
    回覆
    1. 她呢個樣兩三年前,成功減哂肥,而家反彈了:(

      刪除

LinkWithin

Blog Widget by LinkWithin