~~~~~~~~~~~~~~~~







2012年9月28日 星期五

明日世界終結時

網上照片

明日世界終結時

傍晚時分,在酒吧中,一班男女同事們正在happy hour。啤酒、香煙、薯片和花生,縱橫交錯。

話題扯到:「如果你知道明天是世界末日,今晚應該做乜嘢好?」

同事們都紛紛發表他們的意見,有人說:「陪家人」、「陪愛人」、「玩盡佢」、「嘗試逃走」或「睇舊相舊信」等等。

其中一個血氣方剛的後生男同事阿Man,卻理直氣壯地回答:「如果明天是世界末日,今晚我會週街非禮啲靚女囉!」

嘩!好反社會啊!到了世界末日,大家都難逃一死,所有道德標準都崩潰!難怪阿Man會釋放他抑壓已久的獸性,做出反社會的粗暴行為。

在座的女同事都嗤之以鼻,對阿Man一齊聲討:「乜你咁變態架!」、「死變態佬!」、「因住未去 非禮 人先被人 非禮 你呀!」之後一遍笑聲,畢竟大家都知道只是圍埋吹水啫,唔使認真。

輪到另一對傳緋聞的男女同事發表意見了,男的叫Jones是「有婦之夫」、女的叫Kitty是「有夫之婦」。兩人在公司搞曖昧,仲係明目張膽那一種。大家都心知肚明。

JonesKitty都飲到醉醉地,面紅紅的Jones先開口:「如果明天是世界末日,今晚我會同Kitty搞番鑊!」橫豎大家都要死,無婚姻責任或枷鎖要背負,發任而為。

Kitty笑著回應了Jones:「好呀!而家約定咗啦!哈哈!」好明顯,兩人酒醉三分醒。旁人聽到他們當眾打情罵俏,睇唔過眼撥冷水:「鬼唔望你哋當晚走失,搞唔成!」、「想搞之際,突然大爆炸,搞唔成!」之後一遍笑聲,畢竟大家都知道只是圍埋吹水啫,唔使認真。

    * * * * *

半年後,另一個傍晚,一班同事又在酒吧中happy hour

因為瑪雅文明預言20121221是世界末日,話題又扯到「世界末日」。不過人面依舊,面目全非。

Man幾個月前認識一個天主教教徒女朋友,洗了受,個個星期日晨早陪女友返教會。Man說如果世界末日,他會利用最後所剩餘的時間,勸導更多人信天主教。當然他的「末日非禮 論」早已煙消雲散。

反觀JonesKittyJones已經離職。Kitty仍留在公司,她對於這話題,沒有心情發表,只是滿懷心事地抽煙。

幾個月前,JonesKitty未等到世界末日已經偷偷上了床。可惜東窗事發,Jones被太太發現,出了事。他被迫跟Kitty分手,更要離開公司,以免大家相對尷尬。

估不到事隔半年,一個潛在非禮罪犯變成天父的子民,末日之後得到永生。
一對男女守不到諾言便先出軌,未臨世界末日前,他們的感情卻先步至末日。


二少爺說:「如果你知道明天是世界末日,今晚應該做乜嘢好呢?」




末日 - 王菀之
作曲:王菀之
填詞:黃偉文

明晨 天將會塌下來吧
突然你我愛的一切 未曾愛夠已火化
傳聞 的審判馬上來吧
面前有數百種講法 難分真假

這末日理論 像提我 過得好嗎
日子 若果不多了 還想怎花

如果 禍與福都躲不過
就每天當沒明天 捉緊愛人過
將生活還給我 做每天必修功課
就算知歲月無多 無憾的生存過
在愛惜中離座 已經不錯

假設 悲觀放大了的話
蔓延世界氣氛只有 沉鬱孤寡
這末日理論 預言到 那麼可怕
無辜 或者講不上 無奈不假

如果 禍與福都躲不過
就每天當沒明天 捉緊愛人過
將生活還給我 做每天必修功課
就算知歲月無多 無憾的生存過
遇上這好時代 有這雙你我

如果 禍與福都躲不過
就每天當沒明天 捉緊愛人過
將生活還給我 就算知歲月無多 
平實的生存 每天好好過
很壞之中等最好 也許它計錯

24 則留言:

  1. 呵呵說話真係唔好以亂講
    講下講下會變真的

    回覆刪除
  2. 我都唔知自己幾時突然間會死鬼左…

    所以日日都末日feel,世界末日都會上黎睇下阿強同二少爺有咩偉論!

    回覆刪除
    回覆
    1. 偉論就無,可能食一餐勁貴霸王餐,做咗飽鬼

      刪除
  3. 卡臣:

    瑪雅人十五六世紀已被西班牙人殺清光,自己都預計唔到自己,仲話預料埋全人類世界沒日?信佢地都奇呀!

    回覆刪除
  4. 世界末日系个邦坏人故意恐吓世人,灌输恐惧入人的脑内边,越多恐惧,可以使到邪魔更加活跃。2012年系邪恶势力的末期,地球经历大修复,有好多转变,系转向好的一方面。尼个时期,有好多Light workers出黎,世人的意识都提升左好多,再无好似旧时甘傻,懵憋憋,俾D坏蛋邪恶分子讹左,害到鸡毛鸭血,仲当佢地系好人。

    回覆刪除
  5. 果然有道理,原來如此,咁我迎接2013囉

    回覆刪除
  6. 世界末日, 可能所有人死哂, 去咗另一個國度啫. 要相約搞嘢都唔駛等末日之前, 去到另一個國度一樣搞得!

    回覆刪除
  7. 中秋节快乐!

    看了你的文章,想起玛雅人的末日论,是12月21日吗?

    回覆刪除
    回覆
    1. 今天看報紙,說末日论不準確,12月22日仍然返工, 唉~

      刪除
  8. 我都希望12月22日有工返,我唔想世界末日住,仲有好多野想做~

    回覆刪除
  9. 卡臣:

    咁易世界末日,天下太平架喇!世界仲有紛爭咩?

    回覆刪除

LinkWithin

Blog Widget by LinkWithin