~~~~~~~~~~~~~~~~







2012年8月15日 星期三

好手勢


好手勢

人講嘢時候,會加上手勢,來增加語氣。或者以手勢代替說話。而家數一數現代香港人,除了手語外,經常用什麼手勢?


第十位:拜拜
舉起手,掌心向外,左右搖擺,就是「拜拜」的意思。為何排在第十位?因為現代人好似越來越少會揮手講拜拜 (除了幼稚園學生之外),感覺好老土。所以只講「拜拜」而沒有加上手勢。


第九位:打電話
情侶約會完畢,總有分手的時候。情人伸出一隻手,豎起姆指,貼緊耳朵。豎起尾指,靠緊咀邊,扮電話聽筒。這便是「call你」,或者「電聯」的意思。見咗成晚都唔夠,又要再傾電話。

第八位:肅靜!
拳頭只豎起食指,垂直放到嘴唇前。造便是「殊!靜一靜」的意思。睇戲最怕觀眾嘈喧巴閉或者講電話。看不過眼的觀眾做出這個「肅靜」手勢,加一聲「殊」!不過,香港人最唔激得,變本加厲,繼續講,仲越講越大聲添。

第七位:停止!
把左手平放在胸前,左手手掌向下。右手手掌垂直向上頂,右手指尖直按左手掌心。這便是「stop!」的意思。球場或工程地盤都有見到。而飛虎隊則用「舉起拳頭」代表「停止」的意思(這是從電影中看到,但不知真偽。)

第六位:對唔住
右手手掌向上45度,指尖貼向右眼眼眉,這便是「Sorry!」的意思。電視劇中男朋友遲大到,向街上呆等的嬲爆爆女友,狂做「對唔住」手勢,口中猛講Sorry

第五位:NO
雙手在胸前打一個「交叉」,即是代表「No!」、「不對!」、「不正確!」的意思。印象中我第一次見到這種「交叉手」,是日本人做的。當外國旅客用英文向日本人問路時,日本人便會做「交叉手」手勢,表示自己不懂英語。

第四位:好!
豎起姆指,國際化手勢,表示「Good!」、「好嘢!」。我記得兒時有個電視廣告:「人人搬屋」,廣告中一個白鬚老伯,站在人人搬屋公司前,豎起手指公讚好!十分經典。

第三位:OK
把食指和姆指作「O字」,豎起其餘三隻手指,這便是「OK」手勢。似乎只有上一代人才會做這個手勢,年輕男女甚少做「OK手勢」。而我當然有做啦!

第二位:勝利
年輕男女喜歡做什麼手勢呢?就是拍照時豎起食指和中指的「V字勝利手勢」。來自日本電視劇「青春火花」,V字代表VictoryCute cute少女最喜歡拍照時做V字手勢。

第一位:粗口
只豎起中指,或把姆指夾在食字和中指之間,都是粗口手勢;象徵男性性器官。粗口手勢,不論男女都做。有時候望一眼,或者一個粗口手勢,都可換來一場流血衝突。


二少爺說:我做得最多的手勢,應該是第四位。




舉高隻手 - 農夫
作曲:DJ Tommy
填詞:農夫

我要 我要你
舉高隻手 駛乜怕醜

細細個有人教你有個美德
無論你有幾得 千祈咪講出嚟
最緊要謙卑 隻手咪舉起
所以你碰到愛嘅人 你冇問
你冇試下伸隻手去拖下佢
你細個發嘅夢 當發夢 你冇膽豁出去捉緊佢

晚晚話鬱鬱不得志 睇死自己乜都失意
條路斜條路窄能走過只有Kenny B

所以你翻緊嗰份工唔係你嘅興趣
身邊嗰個人唔係你最愛嘅伴侶
生到成竇仔女 先至識得後悔
午夜望回流下兩滴淚水
點解唔伸出去 我辦不到
點解唔舉高佢 從今以後的起心肝抬起頭仲有

舉高隻手 駛乜怕醜
你咪再顧慮咁多 邊位睇小過我
隻手舉高過 駛乜驚舉錯

有冇諗過白日夢都可以成真
有冇諗過鍾意嘅人等緊你成親
有冇諗過呢世係你最開心嘅人生
睇你敢唔敢 舉高隻手唔好再等
用呢隻手拎住結婚戒指 問你鍾意嘅女士 佢願唔願意
用呢隻手其中一隻手指 對住你嘅波士 叫佢咪咁多事
用呢隻手改變世界歷史 有人話你無知 起碼你肯嘗試
我要用呢隻手寫出我嘅歌詞 無論你鍾唔鍾意

一齊嚟伸出去 讓他知道
一齊嚟舉高佢 從今以後舉高隻手你哋唔駛怕醜

舉高隻手 駛乜怕醜
我兩個 繼續唱歌
邊位醜得過我
隻手舉高過 駛乜驚舉錯
全人類舉高手好嗎

20 則留言:

  1. 可愛教主的手勢
    女生貼上FB的V字手勢(橫放在眼側跟)

    回覆刪除
  2. 拜拜會見到拜拜肉,咪搞!

    「殊」我會想去厠所囉!

    回覆刪除
  3. 我好唔鐘意人地,尤其係中國人,做嗰種叫 air quotes 嘅手勢,即係用兩隻手嘅兩隻手指做個引號,好作狀~

    回覆刪除
    回覆
    1. 我知道那種手勢,手指扮開引號,都幾扮嘢。

      刪除
  4. 回覆
    1. 我都唔知點解,是否高擧的雙腿?

      刪除
    2. Google一下...

      「反V」是個不雅的動作,這源自於16世紀,因為當時認為「反V」是加豎手指一根,比高舉中指更具侮辱性。而且英國首相邱吉爾在二次大戰期間經常以V來表示必勝的決心,但在戰後的政治生涯中卻常以「反V」來侮辱政敵,所以「反V」代表著不雅之舉。

      刪除
    3. 多謝資料提供,又解開一個謎。


      突然想起漏了一個手勢,是Beyond fans唱Amanri時擧起的「和平手勢」。

      刪除
  5. 卡臣

    墨西哥豎起大姆指是講粗口。

    回覆刪除
    回覆
    1. 好彩你告訴我,否則我實闖禍,不過.....我幾何會遇上墨西哥人呀?

      刪除
  6. 阿强,都用过,除了第一种 -- 是男生专用吧?^^

    回覆刪除
    回覆
    1. 妳作為老師,當然不會運用粗口手勢啦

      刪除
  7. 我最唔明係仲有人會兩隻手伸出兩隻手指,曲兩曲,聽聞係括號喎

    回覆刪除
    回覆
    1. 我都有見過人用,表明所講的「說話」,另有別意︿

      刪除
  8. 哎呀我好老套我仲喺會揮手講拜拜㗎。
    中指撬食指我有時都會用。

    回覆刪除
  9. 重有截順風車的手勢
    手指公指著要去目的地既方向!

    回覆刪除
    回覆
    1. 香港治安太差,搭順風車的後果會否太冒險呢?不像外國。

      刪除

LinkWithin

Blog Widget by LinkWithin