~~~~~~~~~~~~~~~~







2012年6月28日 星期四

Chok樣救地球(下集)


Chok樣救地球(下集)

Sori Sir抬頭一望,嘩!二十個外星人的手指頭,發射出紅色死光,方圓十米的解放軍全部中死光爆炸!特區新特首也不例外,變成火球!全球的觀眾瞳孔張大,同一時間用自己的母語說出一句:「今次死撚梗啦!」

軍隊和警隊立即找掩護。死光在頭上身邊「焦焦聲」射來射去,解放軍立即開火還擊,可惜子彈對外星人毫無殺傷力。強弱實在太過懸殊嘞!

上集講過Sori Sir有勇有謀,臨危不亂,他立即叫太太入廚房雪櫃取下那張「chok樣畫」入房,叫峰峰畫個「防護罩」俾老豆,再在Sori Sir眼中加啲死光,射死所有外星人。

關乎人類存亡,太太立即照辦。五分鐘後,太太說兒子已畫好了。Sori Sir希望呢個plan行得通,深呼吸後,好威猛咁撲咗出去。

如峰峰所畫,外星人的死光被Sori Sir身上的「防護罩」反彈,Sori Sir嘗試用眼晴發射死光還擊,可惜失敗,雙眼無嘢射得出。

Sori Sir悟性高,立即想通了!他馬上除下黑色面罩,露出真面目。然後如畫中一樣:眉頭深鎖,右手托著下爬,眼神憂鬱中帶點哀怨。總言之,是擺出一個「勁chok樣」。嘩!果然奏效!死光從Sori Sir眼中順利射出,外星人中死光爆炸,地球人反敗為勝!

電視台離遠拍到Sori Sir用好chok的眼神射出死光,成個X-men的「死光眼」咁型咁chok!將二十個外星人全部炸死哂,世人鼓掌!Sori Sir立即成為世界超級英雄,替港人增光!

UFO母艦再派出另一艘小UFO增援,新來的二十個外星人一樣俾Sori Sir的「殺死人眼神」搞掂!全球的觀眾拍爛手掌,同一時間用自己的母語說出一句:「佢好撚勁呀!」

Sori Sir站在小UFO上,擺出勝利pose,讓電視台拍攝下他的英偉雄姿。太太在電視機旁邊喝采!她入房叫峰峰出客廳看爸爸的威風架勢樣!怎料媽媽這樣一打擾,峰峰突然發脾氣,大吵大鬧!媽媽沒拿他辦法,唯有自己回客廳,繼續看電視。

電視台已報導緊Sori Sir這人類英雄的背境資料。鏡頭中好豪氣的Sori Sir,突然突然腰部被神秘力量扯成兩段,鮮血爆瀉滿地,Sori Sir當場一命嗚呼,太太在家中嚇到張口尖叫!然後因刺激過度,暈倒地上。估不到一個超級英雄由出場至玩完,只有短短20分鐘。

外星人雖然初敗,但仍有絕招施展,用「腰斬念力」對付Sori Sir。全球的觀眾目睹地球英雄犧牲了,心情急轉直下,同一時間用自己的母語說出一句:「有無搞撚錯呀?!」

UFO母艦見Sori Sir已死,肆無忌憚,立即再派出另一艘小UFO,二十個外星人步出,又再大開殺戒。死光瘋狂掃射!

Sori Sir其實不是被外星人殺死。剛才峰峰在房內發脾氣,把Sori Sir的畫像攔腰一撕,分成兩節,父親立即當場分屍。超級英雄犧牲了,地球人恐怕今次要滅族了!

就在這時,成隻UFO母艦突然急速墮進維港中,直昇機上的攝製隊飛近close up,鳥瞰鏡頭中見到UFO母艦竟然變成一個足球場咁大有菠蘿有煙肉的大pizza。它正慢慢淹沒在海水中。全球觀眾同一時間用自己的母語說大嗌:「好嘢!抵撚死!」

鏡頭轉回文化中心外,射緊死光的廿個外星人,突然變成圓面大眼肥矮的Keroppi(青蛙卡通)。手指再射不出死光,得個傻樣,毫無殺傷力。解放軍立即開火還擊,掃低廿件 Keroppi,當場死亡。日本年輕觀眾見到Keroppi被中國軍人射死,忍不著哭了。雖說如此,人類戰勝外星人,好似《天煞》的endinghappy

點解會咁嘅?上集講過峰峰十分情緒化,可以呢一秒鐘發癲,下一秒鐘便哈哈大笑。峰峰發怒撕爛父親畫像後,又突然開心返,將UFO母艦改畫成自己最喜愛吃的pizza。而把綠色外星人改畫成毫無殺傷力的綠色Keroppi,任由解放軍亂槍掃射;人類才得以反敗為勝。外星人了解地球人唔容易欺負,決定放棄侵略地球,拉隊走人,改為攻打其他星球。

太太醒過來,發現自己身在醫院。剛才峰峰見媽媽暈倒,報警送院求助。Sori Sir成為世界英雄,殉職後,他的遺孀遺孤得到政府發放的巨款作為安家費,兩人呢世都衣食無憂。

外星人襲地球後,第二天早上,峰峰發現那盒神奇顏色筆不翼而飛。峰峰經過喪父的劇變後,性格突變,不再愛繪畫。改為喜歡砌模型睇漫畫和打機上網,十分之宅男。

雖然峰峰變得內向,但峰峰永遠也記得父親是如何英勇地殺敵和如何以Chok樣救地球

新特首被補選出來,特首的五歲孫兒在大宅花園的草地上,發現一盒來歷不明的顏色筆……



二少爺說:呢首歌更勝露雲娜那首。

18 則留言:

  1. 嘩上下集一次過睇,幻想力真係豐富,劇情變來變去睇到好緊張。。。
    未來突首有阿爺照住,誠信冇問題架!

    回覆刪除
    回覆
    1. 未來突首雖然誠信冇問題,可惜腦袋有問題

      刪除
  2. 我只想講: 「好撚正!」

    我再邀請全球讀者用自己的母語大嗌: 「我地好撚想補選特首!」

    回覆刪除
    回覆
    1. 哈哈哈哈! 多謝先! 真係咁撚正!?

      我再邀請全球讀者用自己的母語大嗌: 「我地好撚想一人一票選特首呀!」

      好爽!

      刪除
  3. 先旨聲明,從不講粗口,但都知道一些,我默唸覺得第一句粗口好似唔順口咁嘅。

    回覆刪除
    回覆
    1. 先旨聲明,我間中講粗口,

      第一句粗口好順口喎。
      應該係咁講啦

      刪除
  4. 我都間中講粗口
    都硬係覺得第一句粗口唔係咁順口
    通常喺呢個情況
    一係就冇撚,一係就冇梗~ ^^

    回覆刪除
    回覆
    1. 咦?奇怪啦,我經常講:「今次死撚梗!」同「今次死鳩梗!」
      十分之順口,合乎grammar .

      刪除
  5. 卡臣:

    Sorry Sir個仔,可能係耶穌,因耶穌三十歲前,只得一個故事。

    第一句粗口真係唔順口,應該講:今次瓜撚哂喇!

    回覆刪除
    回覆
    1. 耶穌的故事有專人記載。

      今次瓜撚哂好似唔太順口喎,

      今次死撚哂啱啲。

      刪除
  6. 嘩,你啲粗口用嚟鬧新/舊特首就最啱!

    盒顏色筆落係特首個孫嘅手上,可能比佢亞爺畫出更美好嘅香港。

    首「千年女王」揀呢個版本証明你係識貨!

    回覆刪除
    回覆
    1. 好嘢呀歪歪,看到真正結局。
      希望佢畫出好將來,我好少咁正面。

      唉,新特首登基啦,你珍惜那邊自由空氣。

      呢首千年女王有做流行曲的條件。

      刪除
  7. 有D坏蛋外星人,佢地嘅粮饷竟然系来自人类的恐惧同埋邪念,所以人类要聚集更大嘅正念,以此削弱邪恶力量--------

    回覆刪除
    回覆
    1. 講得好!恐懼侵食人心,自亂陣腳。都係要自強先。

      刪除

LinkWithin

Blog Widget by LinkWithin