~~~~~~~~~~~~~~~~







2012年6月27日 星期三

Chok飛虎(上集)


Chok飛虎(上集)

Sori是一名飛虎隊頭目,孔武有力,有勇有謀,嗰樣有少少似王敏德。他已婚,育有一名兒子。

Sori Sir的五歲兒子叫峰峰,充滿繪畫藝術天份,屢獲繪畫比賽冠軍。年僅五歲已能畫得栩栩如生。但藝術天才就有藝術脾氣,峰峰十分情緒化,可以在呢一秒鐘大吵大鬧,下一秒鐘便哈哈大笑,無緣無故的。峰峰不愛看電視,只愛關自己在房內睇書及畫畫。

* * * * * *

某天,峰峰放學回家,他對爸爸說自己在學校門口拾獲一盒來歷不明木顏色筆。身為警員的Sori Sir,立即教訓兒子要「路不拾遺」,下不為例。

峰峰要氹父親開心,用新畫筆替Sori Sir畫了一幅人像。晝中的Sori Sir眉頭深鎖,右手托著下爬,眼神憂鬱中帶點哀怨。總言之,是一個「勁chok樣」。Sori Sir見到立即開心番,把畫貼在雪櫃門上。自此,Sori Sir經常貪得意,對鏡做出以上chok樣自娛。

星期天早上,Sori Sir吃過早餐後要上班,回上水警校進行regular training。臨出門口前,峰峰把一幅畫遞給父親看,畫中有一隻大UFOUFO走出一名綠色大頭大眼外星人,手中作出「和平手勢」,好像是星際和平大使。Sori Sir大讚賞兒子想像力豐富。

Sori Sir在上水警校中進行體能鍛鍊時,突然收到命令:香港進入非常時期,是「紅級.Red Code」,非常嚴峻的級數。所有飛虎隊都需要火速趕去尖沙咀增援。

Sori Sir在車內檢查軍火裝備,戴上黑色面罩。上頭作簡單briefing:原來一隻直徑如政府大球場咁大的圓形UFO,突然出現及盤旋在維港上空。政府大為緊張,解放軍已經到場戒備。電視台派出採訪隊,作衛星直播至全球各地。全球的電視台都在同一時間直播著這項Breaking news,全球觀眾凝視鏡頭內的發光UFO

Sori Sir知道後,好緊張!好史堤分史匹堡呀!外星人好揀唔揀,竟然揀香港為登陸地!十五分鐘後,Sori Sir率領他的飛虎小隊,在文化中心外的空地stand by

Sori Sir終於見到那隻UFO。咦?!隻UFO咁熟面口嘅?Sori Sir想起了:那隻UFO正是峰峰今早圖畫中那隻UFO,外形設計顏色一模一樣!嘩!唔通峰峰擁有預知超能力?如果今晚有命返屋企的話,一定問峰峰攞六個號碼先!

特區新特首到了現場,在「臨時指揮總部」內了解事態最新發展。半小時後,如圖畫所描述,UFO腹部打開艙門,飛出一架小UFO,緩緩降落在文化中心對外空地上。全球都好緊張,外星人是敵是友?下一步將會發生什麼事情呢?

UFO的艙門打開,走出一名綠色大頭大眼外星人,手中作出「和平手勢」,好像是星際和平大使,完全如峰峰所繪的一模一樣。政府派出一名科學家上前,表示友好。外星人也作出善意的回應。全世界都鬆了一口氣。大約二十名外星人也相繼步出UFO外,向人類揮手示好。

特區新特首見有水抽,立即從臨時總部撲出來,唔理身邊官員勸阻,上前代表mankind和外星人握個手,一定威過同國家領袖握手多多聲啦!新特首正慢慢步向UFO。外星人張開雙手,作出一個準備擁抱的姿勢。

Sori Sir見狀,突然有不詳預兆,立即打電話返屋企搵老婆。太太在客廳好緊張睇電視直播,峰峰則關自己在房內畫畫,寸步不離。

Sori Sir叫太太立即入房,睇吓峰峰畫緊乜?並立即報告。

另一邊廂,特區新特首已站在外星人面前,兩人中間隔著五尺距離左右,在這人類歷史性一刻,新特首本應感到好興奮至啱,但他見到大頭巨眼的綠色太空生物,特首始終有啲驚同猶豫。

太太在電話大叫:「峰峰畫咗外星人用死光射死地球人!!」

Sori Sir聽後大驚,來不及做任何反應之際,耳機已傳來「焦焦聲」和「慘叫聲」,今次大鑊啦!外星人是來宣戰的……

待續

二少爺說:我中學時代的集體回憶。

20 則留言:

  1. 哎呀,殺左邊個高官呀,好開心,呀唔係好緊張至啱

    ps:殺多幾件廢嘅好喎

    回覆刪除
    回覆
    1. 係呀!無誠信啲長官大爆炸!血肉橫飛
      5屍14焗都伴碟上呀! 太開心啦!
      呀! 唔係好傷心至啱...

      刪除
    2. 爆埋保皇黨某幾件啦,側頭啦,沙聲啦,鼠王等等

      刪除
    3. 仲有招婚,肥平,耀鐘,角謙...

      刪除
  2. 一路睇, 一路幻想緊Sori Sir係鄧竟成...有時又會變咗做許紹雄

    回覆刪除
  3. 卡臣:

    Sorry Sir個仔是先知?可以預測未來?嘻嘻!

    回覆刪除
  4. 最好攪掂埋長毛同光頭佬!

    自由

    回覆刪除
  5. 咁立會主席真係要多謝佢地!

    自由

    回覆刪除

LinkWithin

Blog Widget by LinkWithin