~~~~~~~~~~~~~~~~







2012年1月9日 星期一

意料之外


意料之外

一架七座位的保母車內,坐了兩男一女:一個男司機、一個男保母和一位女明星。保母車向香港國際機場駛去。女明星要到台灣出席電影宣傳活動。女明星叫Kandy,清純甜美,風靡萬千影迷。

其實天生麗質的Kandy在讀大學二年級已經成為同學們的焦點。Kandy的一位女同學想參加模特兒比賽,晉身娛樂圈。但女同學無膽,叫Kandy陪她去報名,壯一吓膽。

一如某位香港小姐冠軍的經歷,評審委員見到Kandy,眼睛發光,上前遊說Kandy參加比賽。最後Kandy就成功當上冠軍。一心想讀完大學課程的Kandy,擱下最後一年課程,意外地進入娛樂圈。

意外踏上星途,真是意料之外。

Kandy贏了模特兒比賽後,艷光四射,立即被片商發掘拍電影。電影票房報捷,旋即受萬千宅男影迷愛戴,成了影壇的搶手貨。

Kandy在大學二年級時,有一個讀電腦資訊的男朋友,名叫Alex。兩人感情要好,Kandy認定Alex是她的未來結婚對象。兩人曾經認真地討論過結婚時間表,生育時間表。甚至連仔女的名字也改好:兒子叫John、女兒叫Maggie。一幅美滿人生路線圖,呈現在兩人腦中。

Kandy進入娛樂圈,身處的環境和相處的人,都跟校園截然不同。KandyAlex活在兩個世界,步伐愈走愈遠。銀色旅途太吸引了,Kandy選擇分手,不能扭轉的結局。

Kandy在片場日夜趕戲、出席品牌活動、學唱歌跳舞,行程編到喘不過氣來。Kandy偶爾會想念Alex,不知他現在生活如何?過往的組織家庭藍圖,Kandy現在想起也覺幼稚,Puppy love係咁傻架啦。

Kandy在樓盤宣傳活動中,認識了某位地產富商的富二代,他叫Arthur。一如香港娛樂新聞,富商愛名模,Kandy搬進Arthur的淺水灣大宅,為當上「富商少奶奶」舖路。

又如香港娛樂新聞,富商一定花心,滾紅滾緣。38歲的Arthur,被狗仔隊影到溝女相片。但Kandy可以做到乜呢?她為了富泰生活而「隻眼開隻眼閉」。每當Kandy在雜誌見到Arthur左擁右抱的照片,Kandy更會想念忠厚老實的Alex。如果真的畢業後跟Alex結婚,現在應該在廚房煮飯,等Alex下班回家。

* * * * *

Kandy在保母車內,頭倚著玻璃窗,想起這麼多。她目前最煩惱的事,就是她感覺到Arthur正暗溝另一靚模,猜測Arthur會在短期內下令Kandy搬離大宅,讓新歡進駐。Kandy那時候便人財兩空。

而情況更加複雜化,就是Kandy意外地懷孕。Arthur一定會付錢叫她打掉算數,但Kandy怎捨得自己的骨肉。

意外懷孕,真是意料之外。

車外的公路盡頭,離遠見到機場。Kandy飛去台灣工作,不知回來的時候,Arthur會否向她攤牌?

突然「砰」一聲,保母車高速撞向石壆,Kandy失去知覺。

意外,發生了一宗交通意外。

* * * * *

Kandy在醫院甦醒,醫生報告她不僅小產,還撞傷脊椎神經線,留下永久性傷害:Kandy的右邊面會間中不受控制地抽搐兩吓。嘩!堂堂一名靚女,突然抽搐兩吓,點見人呀!

Kandy哭了出來:銀色旅途玩完了!BB走了!Arthur將會離棄她。

此時Arthur走進病房,對Kandy無微不至。悉心照料,仲好過以前,點解咁架?

原來Arthur的富商父親正考慮退休,把地產生意交捧給Arthur兩兄弟其中一位。父親是傳統重情誼之上一輩。現在全香港都知道Kandy受了傷,如果Arthur跟她分手,一定會被全人類話他冷酷無情。相反,Arthur正好利用這機會搞「形象工程」,等父親覺得Arthur有情有誼,奪取老豆副身家的成數便增加。Kandy因此意外地保著「正印」地位。

意外有得留低,真是意料之外。

Kandy以為出院後,可以返回淺水灣大宅。怎料Arthur沒有再來醫院探望她。原來Arthur父親突然心臟病發作逝世,遺囑寫好把全部財產成立慈善基金,由Arthur母親一人打理。Arthur見財化水,打回原形,叫司機把Kandy的私人物品送回她屋邨娘家,兩人關係一刀兩斷。Arthur溝新女去了。

意外逝世,真是意料之外。

Kandy做不成明星,打算回大學完成最後一年課程。有一個學位起馬可以找份文職工作,養活自己。

Kandy回到校園,承受其他同學的眼光和指指點點。Kandy在校園走廊遇上Alex。他畢業後繼續讀碩士課程,如今在大學做助理tutorKandy意外遇上Alex,很開心,暗示冥冥之中上天自有安排,兜了幾個圈,又回到起點。

意外重遇,真是意料之外。

噢!Kandy突然留意到Alex左手無名指上的白金戒指。原來Alex剛剛結了婚,時間不會等人。Kandy以為會有一個破鏡重圓的happy ending,結果事與願違。

意外中的意外,真是意料之外。
其實Alex見到塊臉間中抽搐的Kandy,嚇Alex到立即把中指的戒指改戴到無名指上,扮結婚。好讓Kandy知難而退。唉~男人都係咁架啦!
如果你/妳看到這個結局,也是一種意外。


* * * * * *

c man 續寫的另一個結局,謝謝!


意外逝世,真是意料之外。

kandy 原以為右邊面抽搐一事會令銀色旅途完結, 而剛開拍既影片亦一度叫停.

點知因為kandy 發生意外之事令全港市民動容, 八卦雜誌亦爆出Arthur 因為kandy 發生意外後面部抽搐而飛起一事而更覺得kandy可憐, arthur亦被冠'新一代賤男' 成為全港雜誌封面, 加上新溝0靚模被踢爆外表, 身材整形樣樣齊, kandy 楚楚可憐既形象更為受落.

導演見大眾對kandy 既評價正面, 即時聯絡kandy 是否可以復工, kandy 見機不可失, 即時答應.

編導見過kandy 之後, 認為Kandy 抽搐時既表情似笑非笑, 可將角色的人物性格改造再加以配合.

而Kandy 亦見未婚大肚一事雖然得到大眾接受, 但之前既玉女形象勢必粉碎, 對編導改造角色由正派變成反派亦無意見, 反正都係放手一搏.

影片一推出, 觀眾對一向現花瓶角色既kandy 另眼相看, 認為kandy 演技比之前成熟, 而抽搐所出現的似笑非笑既表情亦覺得別有一番味道.

其實kandy 心知如果呢套劇唔得既話, 就真係完全玩完, 而且食慣用慣都係貴野, 點會番到轉頭. 加埋供緊既豪宅, 無左大水喉支持就要食自己.

因此kandy 比以前更用心去演呢套戲, 態度比之前謙遜, 幕後人員都對呢位落難天后加以照顧, 負責剪接既人員同導演將kandy面部抽搐既大特寫剪走, 只留底一部份比較有美感既鏡頭留底.

kandy 對台前幕後所做既一切都看在眼內, 而影片一出, 更將佢既事業推上另一高峰.

意外中既意外, 真係意料之外.

由於kandy 所發生既事太傳奇, 所以佢既母校邀請佢番去演講, 希望將一d正面既信息帶比d學生.

kandy 收到邀請後, 心裡面好忐忑, 因為佢不時諗番起以前同alex既一切, 而且知道alex 而家仲係學校做助理tutor, 今次番去, alex 唔會唔知, 心諗仲有無機會同alex 再續前緣呢?

最後kandy 答應母校既邀請, 亦一方面亦準備當日一早番去搵alex, 聚下舊.

當日kandy 一心想番到去搵alex, 點知搵佢唔到. 非常失望既kandy 四圍行, 盲中中一轉身就撞左埋一個人度.

kandy 一抬頭見到一個頭痛花白既男人望住佢塊面, 原來佢塊面又不自覺咁抽搐緊.

正當kandy 想走既一刻, 呢個男人比左張卡片佢, 佢話佢一直留意緊kandy 發生此意外面部抽搐既事, 而佢係一個中醫師, 認為針灸係可以幫到佢既.

kandy 大喜, 心諗, 今次真係意外中既意外!

原來當日alex 發生意外, 無番工, 間接令kandy重燃希望, 呢個仲唔係天大既意外?!

* * * * * *

人生滿希望, 前路由我創呀.

 
 

二少爺說 : 故事靈感來自以下一首歌:



如無意外 何韻詩
作曲:hocc@goomusic
作詞:黃偉文

航程尚有幾多千百里 
雲層上平靜得出奇 無聊令人回想起
其時其實我 不想失去了你 
然而當時 我未能甘於 只擁有你

若是沒有這意外也許經已快樂地
重回平淡家中等你 
計劃明年的婚禮 照舊或延期
其實本應這套戲
能幸福的演到尾 但我好奇
想試試企頒獎台 被讚美

原來就算 終於打了勝仗 
無人在前面的機場 迎來閘門來分享
明明能共你 熱戀中收場
然而當時 有別人專機 催促我上

搭上了客機 竟然從未降落
高空裏 無辦法可以 回去了
你似是風景 縮到最細 消失了
無奈在這刻 你才重要

若是沒有這意外也許經已快樂地
重回平淡家中等你
聽著懷中的心跳 讚造物神奇
其實本應這套戲 能幸福的演到尾
但我好奇 想到處看到處飛

若是沒有這意外也許經已快樂地 
重回平淡家中等你
決定孩子應該叫約翰或瑪姬
還是當初揀了你
如沒意外到分手結尾 
我退出才合理

29 則留言:

  1. 哈哈,真係“意料之外”,竟然比我睇到!原來男人係咁嘅咩?個女仔唔再靚就唔再鐘意?

    回覆刪除
  2. SKII

    好嘢!妳看到了!

    男人十個有九個都係咁衰(包括我)

    回覆刪除
  3. 阿强,点解超越时空下集睇唔到架?
    尼篇最后个段系故意整朦左?不过仲可以读到。

    回覆刪除
  4. 好曲折呀 kandy 嘅遭遇
    如無意外佢可以選擇平平淡淡嘅生活

    hocc 呢首歌超鐘意呀~

    回覆刪除
  5. helloninie

    「超越时空下集」已經超越时空去了一月尾才看到‧

    最後一段給有緣人才看到,例如妳‧

    ///

    largeheadboy

    條路點行,有時主動,有時被動

    呢首歌我都鐘意,所以才揀它

    回覆刪除
  6. 一日未蓋頂,意外又繼續。
    意外,世事無常至真。

    回覆刪除
  7. 超越時空(下)我睇咗呀,好睇!

    意料之外女主角的選擇都正常吖,可惜她有運但冇命去享,生得簿,冇謁!

    回覆刪除
  8. Tee

    鄭裕玲都話:旅遊多意外。

    ////

    coffee

    嘩!那篇超越時空我誤放五分鐘,妳都睇到?!
    真是意料之外!

    女主角都光輝過,留下回憶

    回覆刪除
  9. 发人深省的故事,又让我想起以前,无数个如果...

    回覆刪除
  10. 不是呀,我昨晚才看,在 reader 看的。

    回覆刪除
  11. Desertfox

    有時決定碰上意外,便身不由己,可能更好可能更差。

    ////

    coffee

    原來在reader看,昨天我預放post, 怎料走火出閘

    回覆刪除
  12. 卡臣:

    意外重遇,真是意料之外。

    噢!Kandy突然留意到Alex左手無名指上的白金戒指。原來Alex剛剛結了婚,時間不會等人。Kandy以為會有一個破鏡重圓的happy ending,結果事與願違。

    意外中的意外,真是意料之外。


    這個不是意外,是意內。世上有蠢男人,但沒有遲鈍到前女友黐上富二代,還會等她的。阿彌陀佛!貧僧真係未見過,兼而聞所未聞!嘻嘻!

    回覆刪除
  13. 佛爺

    似乎你沒有看到故事的最後結局,請用mouse click 下「完」以上的空白位置。

    回覆刪除
  14. 卡臣:

    哈哈!笑死我喇!原來Alex係正常男人,IQ 150,大智若愚者也!嘻嘻!

    回覆刪除
  15. 佛爺

    恭喜你看到結局,男人見到唔靚女都會速逃,哈哈

    回覆刪除
  16. 陰公囉,我講kandy個女同學,寫得一句就無左囉

    回覆刪除
  17. naruto

    女同學出一出就無,也是一個意外

    回覆刪除
  18. 卡臣左一个意外,右一个意外,真的是意外连连,不到最后一分钟都不知道结局。叻!:)

    回覆刪除
  19. 还以为是什么精彩的嬲故事!哈!原来如此平平淡淡罢了……

    嘎嘎嘎嘎嘎~~~~~

    回覆刪除
  20. 嘿嘿

    原來是一個平淡故事,也是一個意外

    回覆刪除
  21. 篤篤

    點係呀!睇埋啲舊相,我八十年代的記憶湧回來,80's萬歲!

    回覆刪除
  22. Kandy的一生, 其實一早已經命中註定, 世事邊有咁多意料之外 :P

    話時話, 我昨晚見到blog roll話你出"超越時空", 我click到入去無得睇, 真係意料之外!

    回覆刪除
  23. 30 something

    Kandy的一生, 其實是由我篇寫。

    「我click到入去無得睇"超越時空",真係意料之外!」<--哈哈!呢句真係意料我之外!

    回覆刪除
  24. 嘩...唔係睇埋d留言都唔知有呢個結局!!
    呢個故事講緊既我覺得係alex 而唔係kandy wow!
    kandy 只係跟一個預先排好左既故事去行, alex 主動地結左kandy故事既尾~ 
    真係...信佢一成, 雙目失明..

    回覆刪除
  25. c man

    哈哈,好戲在後頭,男人如Alex and arthur 也是典型衰人

    回覆刪除
  26. 唔介意的話,我又想改寫下kandy 既結局, 人地已經咁慘, 唔好失去bb, 失去靠山, 比條路佢行下喇...
    ****接

    意外逝世,真是意料之外。


    kandy 原以為右邊面抽搐一事會令銀色旅途完結, 而剛開拍既影片亦一度叫停.
    點知因為kandy 發生意外之事令全港市民動容, 八卦雜誌亦爆出Arthur 因為kandy 發生意外後面部抽搐而飛起一事而更覺得kandy可憐, arthur亦被冠'新一代賤男' 成為全港雜誌封面, 加上新溝0靚模被踢爆外表, 身材整形樣樣齊, kandy 楚楚可憐既形象更為受落.

    導演見大眾對kandy 既評價正面, 即時聯絡kandy 是否可以復工, kandy 見機不可失, 即時答應.
    編導見過kandy 之後, 認為Kandy 抽搐時既表情似笑非笑, 可將角色的人物性格改造再加以配合.
    而Kandy 亦見未婚大肚一事雖然得到大眾接受, 但之前既玉女形象勢必粉碎, 對編導改造角色由正派變成反派亦無意見, 反正都係放手一搏.

    影片一推出, 觀眾對一向現花瓶角色既kandy 另眼相看, 認為kandy 演技比之前成熟, 而抽搐所出現的似笑非笑既表情亦覺得別有一番味道.

    其實kandy 心知如果呢套劇唔得既話, 就真係完全玩完, 而且食慣用慣都係貴野, 點會番到轉頭. 加埋供緊既豪宅, 無左大水喉支持就要食自己.
    因此kandy 比以前更用心去演呢套戲, 態度比之前謙遜, 幕後人員都對呢位落難天后加以照顧, 負責剪接既人員同導演將kandy面部抽搐既大特寫剪走, 只留底一部份比較有美感既鏡頭留底.

    kandy 對台前幕後所做既一切都看在眼內, 而影片一出, 更將佢既事業推上另一高峰.

    意外中既意外, 真係意料之外.

    由於kandy 所發生既事太傳奇, 所以佢既母校邀請佢番去演講, 希望將一d正面既信息帶比d學生.

    kandy 收到邀請後, 心裡面好忐忑, 因為佢不時諗番起以前同alex既一切, 而且知道alex 而家仲係學校做助理tutor, 今次番去, alex 唔會唔知, 心諗仲有無機會同alex 再續前緣呢?

    最後kandy 答應母校既邀請, 亦一方面亦準備當日一早番去搵alex, 聚下舊.

    當日kandy 一心想番到去搵alex, 點知搵佢唔到. 非常失望既kandy 四圍行, 盲中中一轉身就撞左埋一個人度.

    kandy 一抬頭見到一個頭痛花白既男人望住佢塊面, 原來佢塊面又不自覺咁抽搐緊.

    正當kandy 想走既一刻, 呢個男人比左張卡片佢, 佢話佢一直留意緊kandy 發生此意外面部抽搐既事, 而佢係一個中醫師, 認為針灸係可以幫到佢既.

    kandy 大喜, 心諗, 今次真係意外中既意外!

    原來當日alex 發生意外, 無番工, 間接令kandy重燃希望, 呢個仲唔係天大既意外?!

    ****
    人生滿希望, 前路由我創呀.

    回覆刪除
  27. c man

    多謝你,寫得好正面,今晚把你的結局放上blog先

    回覆刪除

LinkWithin

Blog Widget by LinkWithin