~~~~~~~~~~~~~~~~







2012年1月18日 星期三

世界上沒有無緣無故的恨


世界上沒有無緣無故的恨

毛澤東說:「世界上沒有無緣無故的愛,也沒有緣無故的恨。」

星期日下午的銅鑼灣,人車熙來攘往。一對情侶正拖手過馬路。

男的叫Henry,女的叫Shirley,他們是一對平凡的普通情侶。ShirleyOLHenry做地產經紀。兩人已儲夠首期買樓,計劃明年結婚。

Henry選擇Shirley做未來太太,因為Shirley無公主病,具有中國傳統女人堅忍的性格優點。就算遇到什麼不快事情,Shirley只會放在心裡擺出個嬲樣來。Henry見狀就會自動氹她開心,Shirley便會再展笑臉,這就是他們的相處之道。

鏡頭轉回他們在百德新街,人潮如鯽。Henry的電話突然響起,他call了整天的大客,終於有空回電。Henry成功約到大客肯睇樓,Henry要失陪一小時。

Shirley明白事理,工作要緊嘛。Shirley打算利用這一小時去髮廊洗頭,之後再跟Henry在銅鑼灣會合。Henry臨跳上的士前,轉頭向Shirley說:「妳洗完頭call我」,之後的士便駛走。

* * * * * *

結果那個大客到寶馬山那單位望一望,表示無興趣後走人,20分鐘內已搞掂。Henry立即致電Shirley,告知一切,立即搭車回銅鑼灣,跟Shirley會合。

銅鑼灣落車時,Henry剛好見到餅店有新鮮造好的「芝士cup cake」。哈哈!Shirley最喜歡吃芝士cup cake,一於買件蛋糕逗她開心吧!

兩人終於會面,Henry以為Shirley見到那個芝士cup cake會開心,怎料Shirley個嬲爆樣,冷言冷語,即是她正在發怒。Henry明白,立即氹返女友。

Henry一邊逗Shirley,一邊不明白她嬲什麼?自己已在35分鐘內回到銅鑼灣,又沒有遲大到,難道她已不喜歡吃芝士cup cake?還是她洗頭時遇到什麼激氣事情?無理由Shirley會無端端嬲起來。不過近來Shirley的確有點性格反覆,間中無端端發脾氣。

最後Shirley終於講出嬲他的原因:原來35分鐘前Henry登上的士時說:「妳洗完頭call我」,由於人聲車聲太嘈,Shirley聽錯Henry講:「妳死人頭call我」。哦!誤會就是這樣產生。Henry立即忙加解釋,Shirley才無咁嬲。

真相大白,一天光哂!Henry笑瞇瞇再拖著Shirley的手向前行。Shirley表面好似無事,其實她仍有點不快,心中仍有一條刺。

原來Shirley一直不喜歡Henry做地產經紀,以Henry的性格,做地產經紀根本就是自殺。Shirley曾經多次勸Henry轉工,但Henry都無心機再搵工,兩人因此爭拗過。Shirley對婚姻有點恐懼,所以近來她心情有點反覆無常。

他們下年結婚,Shirley擔心Henry的長遠收入。剛才Henry致電Shirley說那個大客睇一眼無興趣便走了,白行一趟。Shirley怒從心起,浪費時間嘥車費,不如早些轉工罷啦!

Shirley不想就轉工一事又跟Henry吵過,但又難掩臉上不悅之色,Shirley隨便說因為聽錯「死人頭」敷衍Henry,其實她聽得很清楚Henry是說「洗完頭」。

兩人手拖手向前行,但兩人心裡想法不一樣。Shirley心中這顆計時炸彈,就算今天不爆發,明天不爆發,始終有一天會爆炸。

毛澤東曾經說過:「世界上沒有無緣無故的愛,也沒有緣無故的恨。」


二少爺說:唔好恨人啦,恨人亦要花自己氣力。




愛你變成恨你 - 吳雨霏
作曲:劉祖德
填詞:林夕


不 你太好 想你更糟 我仍未接受到
被 被你突然就算宣佈 分手更好
當你待我好 該難忘程度
心頭如像被插刀 好到大概沒有好報
似是個圈套 令難捱度更加高

不能懷念愛惜 不如懷恨更激
恨人亦要花氣力
例如恨你 為人自私也任性
我憎你不停來為我添加大量情敵
將 咸甜回憶
記恨你才能令愛著你也沒價值
直到令我的強烈愛意 平息

想你太傷 不會設想 再懷念變孽賬
就 絕到亂誣捏你醜樣 毀壞形像
因你受了傷 憎你會有獎
想到缺點便拍掌 不要讓我面對真相
掛念似搔癢 恨才能令我輕傷

我愛你麼 我怕你麼
厭惡你方能夠不難過
憎你那過錯 憎你放棄

30 則留言:

  1. 哈,抢到沙发咯!难得!:)

    今天听到一位准新娘发牢骚,说准新郎的不是。
    唉,唔ngam倾到ngam,不然怎么过一世啊?

    回覆刪除
  2. cindy

    多謝妳第一個留言

    就算結了婚也有不滿地方的事情,盡量遷就和體諒啦!

    回覆刪除
  3. laulong

    不過做得発果㧗得2%
    另外果98%都吊盬水

    回覆刪除
  4. Henry個女友死人頭,會唔會嬲過頭擰甩Henry個死人頭呢?

    回覆刪除
  5. 此故事令我想起, 世界上不會有無緣無故的愛同恨, 但必定有女性無緣無故的發脾氣:P

    回覆刪除
  6. 睇落尼个雪莉同亨利,迟早会日本大油船“池早丸”啦嘛!

    回覆刪除
  7. 我今日“服侍”完一個鬧人地係港女,其實自己先係港女中嘅港女客,好攰呀:(

    回覆刪除
  8. Eben

    Shirley洗完頭用拳頭擰甩Henry個死人頭

    ///

    30 something

    女性無緣無故的發脾氣...可能集中在月頭或月尾

    ////

    helloninie

    無怨不成夫婦嘛

    回覆刪除
  9. naruto

    嘩!激氣喎
    唔好嬲啦!當見識過啦

    回覆刪除
  10. 我發現自己好似冇恨呢種感情,唉,有缺失。

    回覆刪除
  11. coffee

    妳又點會恨有呢種感情呢
    那來缺失?

    回覆刪除
  12. 卡臣:

    唔好意思,我無諗過毛澤東會講D咁既野,所以一直懷疑係你作文章。

    根據一些性學研究,衝突係維持兩性關係的重要元素,所以,無緣無故的恨,係無緣無故的愛所需要的。

    回覆刪除
  13. 佛爺,我仲以為維持兩性關係的重要元素係性!:p

    回覆刪除
  14. 佛爺

    毛澤東會講D咁既野<--毛所講的無緣無故的恨和無緣無故的愛指中國跟蘇聯的外交冷熱變化

    成日有衝突才可維繫? 唔怪得香港日日都有衝突

    ////

    Mac

    哈哈! 同意呀! 「性」和「錢」才是答案!

    回覆刪除
  15. 卡臣 & Mac:

    哦!原來毛澤東又係講D咁既野!中南美洲有不少人,仲係當佢神咁拜!

    性,令到兩人二合為一,產生「身份危機」,形成更大衝突。

    哈哈!唔好駁我,咁,叫雞呢?叫完雞就走人,無親朋會將嫖客和妓女看成是一對的。除非雞竇火燭,一齊抬出黎,咁,就可能會例外,嘻嘻!

    回覆刪除
  16. 佛爺

    性,會產生「身份危機」咩?
    只令我產生「中年危機」噃

    雞竇火燭? 嘩! 好一個故事題材喎

    回覆刪除
  17. 卡臣:

    最近加拿大有一位教授被女助教告「言詞性騷擾」。

    上到法庭,法官問教授,你教乜野架?

    教授答:性學。

    當庭無罪釋放。

    那位女助教簡直黐線既,我讀性學果陣,講D野,鹹過我個部落格多多聲呀!上堂果陣,何止落鹽花,成舊鹽磚掟出黎呀!

    睇AV片,九招十二式都有呀!

    回覆刪除
  18. 佛爺

    等於男人望女仔,便構成強姦的嫌疑
    吹漲!

    回覆刪除
  19. 卡臣:

    五百年前係無「中年危機」架!「中年危機」係工業革命之後至有,因人開始要用知識和技術換取生存所需。

    回覆刪除
  20. 卡臣:

    我宜家諗到個鹹故,衰過叫雞火燭,不過驚驚地,諗下點樣收歛D!嘻嘻!

    發明「身份危機」果個心理學家,係一個私生子,佢好大個至知道佢老豆唔係佢生父。

    回覆刪除
  21. 卡臣:

    忘記答你,男性陽具進入女性陰道,形成一體。而在社群中,也把兩夫妻看成是一個單元:乜生和乜太,二人也就形成「身份危機」喇!

    回覆刪除
  22. 佛爺

    五百年前沒有中年危機,因為醫學落後,人活到中年便死了。

    你的故事有睇頭喎,火雞逃生

    回覆刪除
  23. 佛爺

    明白了,唔怪得我感到成為我太太的丈夫是一種危機囉

    回覆刪除
  24. 好耐無上0黎, 我發左單世紀大騙案, 唔敢亂睇d要思考既故事怕自己諗埋一邊呀. 等我新年追番d故事睇番先~
    shirley 未結婚已經咁多不滿收埋係心, 結左婚仲更加睇唔過眼wow.
    其實會唔會henry 更醒目, 知道shirley唔會鬧爆佢, 貪佢就算嬲爆都只係放係心, 唔會指出佢不滿既野, 求其氹番就完事, 咁老婆係對過世架嘛, 下下要取天上面既月亮先原諒你就死得喇,

    回覆刪除
  25. c man

    你遇上世紀大騙案呀?希望你保得住。

    夫妻呢家嘢,你呃下我,我呃下妳咪一世囉!隻眼開隻眼閉,知少啲好心啲

    回覆刪除

LinkWithin

Blog Widget by LinkWithin