~~~~~~~~~~~~~~~~







2011年2月14日 星期一

想與妳開始

想與妳開始

阿權和Carmen是情侶關係,也是同事關係,更是在同一間公司同一個部門同一組,即是電視劇或電影中常被人指指點點、承受壓力的一對。他們剛剛完成「曖昧期」,進入開始拍拖的「磨合期」。兩人面對一段新關係,一切都是新鮮和刺激。

基於受到辦公室的無形壓力,兩人同意把戀情定調為「地下情」,在這階段不公開戀情,兩人在公司內如同普通同事。亦無人察覺得到。

基於facebook和微博之普及,他們除了同事外,亦不打算告訴任何身邊朋友。驚「天網恢恢」,始終有一天會由朋友傳返同事的人際網絡裡。

* * * * * *

一月的某個晚上,天文台已經連續五天發出「寒冷警告」。室外氣溫只有七度。Carmen約了她的朋友吃晚飯,阿權則留在家中。Carmen晚飯後,朋友們意猶未盡,拉Carmen去了飲酒,一飲就飲到深夜12時。

「♪ 想與你開始 仍難開始 ♫」Carmen的電話響了,電話鈴聲是《有故事的人》。

阿權致電給Carmen,知道她仍在飲酒中。阿權見天寒地涷,提議不如到中環酒吧附近,等Carmen飲完酒後,送她回家。在七度的晚上,有人送回家應該可驅去點寒意吧。Carmen感謝好意,阿權立即換衫,出發往中環去。

半小時後,阿權通知Carmen他已經到達了酒吧附近,當Carmen向朋友告辭,朋友傾得興起,又點會讓Carmen離開呢?Carmen屈服於群眾壓力,發短訊給阿權,叫他多等15分鐘。

如政府的「反醉駕宣傳短片」,飲酒點會講道理?朋友點會守信放她走呢?15分鐘後,Carmen仍然未能脫身。她想起在冰冷街上等自己的阿權,應該就快變冰條。Carmen向朋友藉詞說:「有嘢要跟個朋友交收,咁啱佢路經此地,不如叫佢上埋嚟啦?」朋友已經飲到情緒高漲,加多個人助興,當然唔反對啦。

Carmen落街去接阿權上酒吧,阿權嚇了一跳:「上去酒吧見妳嘅朋友?有無問題架?」Carmen說已經編了一個合理的藉口,阿權照去可也。一進酒吧,五六個男女正飲得歡暢。招呼阿權坐下,替阿權酙上一杯啤酒。

眾人細心打量阿權一番,如果阿權是「肥佬老坑核突佬」就無嘢好睇,因為跟年輕貌美的Carmen沒有任何發展可能性。但衰在阿權有啲台型,跟Carmen登對合襯,咁就多了想像空間。像娛樂記者看見一張偷拍照,發揮著無限的創意和想像力。

坐在Carmen對面的朋友,用眼神問Carmen:「你哋無嘢?搵鬼信咩!」
Carmen用眼神回答對面的朋友:「無就無啦,呃你做乜先!」
同時間,其他朋友也用眼神向Carmen發出同樣的問題,Carmen逐一回覆和否認。

阿權也不是傻的,感覺到他們的無聲對話,但自己不便表態,唯有垂下頭飲酒。

傾吓傾吓,酒來酒往,熱烈氣氛令阿權開始鬆懈了,加上酒精薰陶,阿權膽子壯了起來,不知何處突然而來的勇氣,阿權決定反客為主,要在眾人前表態。

趁眾人笑得嘻嘻哈哈之際,阿權好不經意咁,扮作自己睇錯,拿起Carmen的啤酒杯,朝杯邊有紅色唇膏的位置飲下去。嘩!咪即係在眾人面前間接kiss?阿權飲完一啖後,立即把酒杯放回原處,繼續扮作若無其事。

Carmen看在眼裡,當然明白阿權的用意,禮上往來,Carmen很自然地拿起面前的酒杯,也朝剛才阿權飲過的位置飲下去,作為回吻。兩人用眼尾偷望對方,嘴角掛上一個鬼馬的微笑。

這一幕,有明眼人看到,也有朋友錯過。但有幾多人睇並到不重要,最重要是他們肯拿出勇氣來肯定對方。

深夜2時,眾人結帳離開,室外氣溫跌得更低。街頭雖然是寒風剌骨,但兩人卻感到溫暖。



願祝天下有情人:情人節快樂!

不只是朋友 - 黃小琥
作曲︰伍思凱
填詞︰王中言

你身邊的女人總是美麗
你追逐的愛情總是遊戲
在你的眼裡 我是你可以對飲言歡的朋友
你從不吝嗇催促我分享你的快樂

你開心的時候總是揮霍
你失意的片刻總是沉默
在你的眼裡 
我是你可以依靠傾吐的朋友
你從不忘記提醒我分擔你的寂寞

你從不知道我想做的不只是朋友
還想有那麼一點點溫柔的嬌縱
你從不知道我想做的不只是朋友
還想有那麼一點點自私的佔有

想做你不變的戀人 想做你一世的牽掛
想做你不只是朋友 喔喔 喔

53 則留言:

  1. 哈哈,又搶到頭位^^

    互飲口水尾,核突的浪漫!

    回覆刪除
  2. eben

    飲人口水尾核突咩?
    對心愛嘅人咪唔核突囉!

    難道你從來唔kiss?
    只錫手背錫同額頭呀?

    回覆刪除
  3. 今日晏咗,我重以為你今年情人節唔出𠻹!

    好耐以前,我同過暗戀嘅人孖份飲一支汽水,我都當係同佢kiss咗㗎喇。

    回覆刪除
  4. 歪歪

    今日晏咗..證明我快乾塘,無文可貼。
    幸有你相助!

    其實你哋kiss咗架啦!
    大家揸過同一支汽水
    拖過手添呀

    回覆刪除
  5. 吓?下一步得拖手咋?我無諗過喎,我只係諗過…

    唔好心邪,我係想話諗過同佢一生一世啫!

    回覆刪除
  6. 歪歪

    哈哈
    原來如此

    咁我介紹首歌你聽吓:
    鄭欣宜的《有故事的人》
    請到youtube吧

    回覆刪除
  7. 睇標題,以為你以愛的宣言寫俾你的她!

    回覆刪除
  8. coffee

    哈哈
    原來是阿權想講:「想與妳開始」

    回覆刪除
  9. 我唔明白點解會有啲男人

    由愛你1314,變左只愛13141(一生141)

    :{

    回覆刪除
  10. 一生141?

    我凈係知有啲男人只愛9394!

    回覆刪除
  11. 歪歪

    我到係近來google一吓,先知道呢三個數字係咩嚟㗎咋!

    我最初仲以為係有㗎新隧巴叫141添。

    回覆刪除
  12. 141? 9394?
    咁多密碼?

    我淨係知道
    一個男人=169
    兩個男人=267

    回覆刪除
  13. 共飲一隻杯叫kiss

    同一間房共用空氣,A吸完B吸,咁B個肺有A D氣,又點計先?

    回覆刪除
  14. naruto

    問得好
    照咁推落去
    A同B應該「咩」咗啦!

    回覆刪除
  15. 阿权同卡门,尼个情人节永远都唔会忘记。

    回覆刪除
  16. helloninie

    阿权同卡门向妳說聲多謝!
    也祝妳情人節快樂!

    回覆刪除
  17. 相爱有错吗?
    应该拿出勇气把恋情转为地上情。

    祝你有个愉快的情人节。

    (正在进行烛光晚餐吧?^6^)

    回覆刪除
  18. 下一篇文會唔會叫「但願不只是朋友」?

    回覆刪除
  19. cindy

    沒有烛光晚餐,9時30分已經回家,
    今晚回家跟父母吃晚飯
    反消費主義!
    拒墮商家陷阱

    ++++

    mac

    下一篇...哈哈
    係千呼萬喚始出來呀

    回覆刪除
  20. 卡臣

    千呼萬喚始出來?

    講得好!講得好!

    回覆刪除
  21. 快樂人

    真架!
    唔係吹水
    真係千呼萬喚始出來

    勿切留意
    保証精彩!

    回覆刪除
  22. naruto

    係呀
    不過很多字
    要有心理準備

    回覆刪除
  23. 卡哥,哇乜我同我女友的小故事都可以比你寫到咁浪漫!祝你情人節快樂,同有情人 sweet sweet!

    回覆刪除
  24. 權哥

    哈哈!爆咗你單嘢俾大家知,
    有開心嘢咪同大家分享吓啦
    祝你同女朋友繼續開開心心
    天天是好日!

    回覆刪除
  25. 快樂人,依家先知道做鹹濕伯父都要識上網,咁我要更正「我知有啲男人只愛去1419394」。

    卡臣,你答鳴門『同一間房共用空氣,A吸完B吸,咁B個肺有A D氣,又點計先?』『A同B應該「咩」咗啦!』

    吓?咁講即係同家人、同事之類都一齊咩咗?如果再加𠹺吸入咗從身後發出嘅氣味又點計先?

    重有呀,你咪隨口噏喎,下篇唔正,畀人喍台嗌回水,你頂得住至好!

    乜你爆大隻權啲真人真事出嚟?我以後同你講嘢要小心啲!

    回覆刪除
  26. 歪歪

    係噃,一班學生在課室呼吸
    咪變雜交?
    咪呀,我收返我的言論

    下篇正唔正?
    你驚朋友們期望過大?
    好啦,明白嘅
    大家隨心靜候啦

    我會唔會爆你啲嘢?
    哈哈!
    盡量唔會囉

    回覆刪除
  27. 卡臣:

    點解阿權和卡門無上床架?

    回覆刪除
  28. 佛爺

    基於之前的假設:

    阿權和卡門有上床......
    因為卡門坐過阿權坐過的凳

    回覆刪除
  29. 歪歪

    依家啲鹹濕伯父,點只識上網咁簡單呀!

    有時,我去上海街睇廚具或去電影中心睇戲,見到啲伯父,聊街邊啲女仔(同埋講價),個個亞伯個樣都唔知幾精靈呀!你都米話.

    回覆刪除
  30. 卡臣:

    咁阿權同卡門都係玩過老漢推車者也!

    回覆刪除
  31. 快樂人

    咁橋?!
    你去上海街睇廚具或去電影中心睇戲,
    我去上海街/廟街頭吃煲仔飯
    都見到問價講價情形
    (我無吖!)

    +++

    佛爺

    阿權同卡門真係玩過老漢推車....
    在超市中,他們推手推車shopping

    回覆刪除
  32. 卡臣

    都見到問價講價情形?

    我都係唔敢講咁多你聽,你可能其實真係...一個輔警嚟㗎,哈哈。

    回覆刪除
  33. 快樂人:

    卡臣係臥底去輯毒,不過佢就自己去佐掃黃!單槍入淫窟!

    回覆刪除
  34. 佛爺

    被你揭穿我是掃黃臥底
    你知道我的底細
    我懷疑你是馬佚
    仲係親身試車的馬佚

    回覆刪除
  35. 嘻嘻,我係想話"好睇呀",點知打咗"吻"!

    回覆刪除
  36. 單無雙

    我仲以為阿權和卡門的「間接吻」是「好睇吻」添呀

    回覆刪除
  37. 卡臣 & 佛爺

    經詳細分析過
    你哋過往所講
    嘅一切一切之後
    我有理由相信你哋都係
    "道德重整會"嘅臥底

    人嚟!
    快啲捉住呢兩個
    正淫君子

    回覆刪除
  38. 快樂人

    冤枉呀!

    我係臥底
    扮淫去滲入非法組織

    其實我敲經唸佛食素

    回覆刪除
  39. 街頭問價?我以為上網咁方便,就唔駛出去日曬雨淋𠻹。

    卡臣,你食素?咁快啲囉囉攣喇喎。

    回覆刪除
  40. 歪歪

    我估上網無real time報價講價對盤丫嘛!
    人哋鹹濕伯父每個月只得一千蚊生果甘咋。慳得就慳囉!

    回覆刪除
  41. 歪歪

    「你食素?咁快啲囉囉攣喇喎。」

    我食素雞素鵝素叉燒
    所以孿唔哂!

    回覆刪除
  42. 快樂人,咁又係嘅,我哋應該體諒貧苦老伯性。

    卡臣,我食素虎鞭。

    回覆刪除
  43. 歪歪

    你食「素虎鞭」?
    我食「訴苦便當」

    回覆刪除
  44. 哈哈!你食字都食飽啦!其實你無苦可訴,先至要食「訴苦便當」,好似嗰啲富豪扮貧窮三日咁。

    回覆刪除
  45. 歪歪

    咩呀?
    我勁多苦呀
    苦!苦!苦!苦!苦!
    要以毒攻毒

    回覆刪除
  46. 呵呵,印落去杯上紅紅的唇印,我都試過,但係偷偷地嘅,好鬼刺激!

    回覆刪除
  47. 校長

    嘩!咁刺激!
    你有無輕輕閉起雙眼先?
    仲正呀

    回覆刪除

LinkWithin

Blog Widget by LinkWithin