~~~~~~~~~~~~~~~~







2012年1月13日 星期五

明晨有什麼


明晨有什麼
 
中午一時許,某些白領帶外賣便當到香港公園,坐在長櫈上吃飯盒。樹蔭下某張長櫈上,坐著一名西裝salesman和老伯。兩人互不相識。

西裝友望著那盒飯,吃下兩啖,又嘆一口氣,跟著又發「牛哣」,係人都知道佢煩惱緊。阿伯主動略坐近西裝友,用帶有大陸口音的廣東話問:「後生仔,煩乜嘢呀?」

西裝友見有人問自己,絕對不反感,(西裝友得一個人吃飯就知道佢無乜朋友可以訴苦),難得有人肯關心吓自己。加上阿伯是個陌生人,可以無後顧之憂地盡情訴苦。

西裝友如缺堤般講出他心底的壓力和鬱結:老細苛刻、生意淡薄、同事奚落、朋友出賣、一事無成、無錢無樓、女友厭棄、髮絲後移、氣虛血弱、中年危機…

阿伯聽後,大聲地笑了起來!笑說:「哈哈…你就係為咗呢啲嘢煩惱?哈哈…呢啲嘢就算點衰,都唔使死人架!」

阿伯解釋說:他患有睡覺窒息症,醫生話無得醫,每晚上床瞓覺,第二朝都有可能醒不過來,阿伯說每次早晨醒來,能夠張開雙眼,知道自己未死,便是賺多了一天。西裝友的所謂煩惱,又算是什麼?

一講到生命喎,西裝友點接呀?他的所謂煩惱通通都要行埋一邊。

西裝友似乎頓悟了,自己四肢健全,沒有絕症,已經值得慶賀。西裝友立即彈起身,如充了電般,向阿伯講了聲多謝後,步履輕快地跑走了返公司。

阿伯見西裝友跑離視線範圍後,才偷偷地拾起西裝友留下的飯盒,望左望右後,繼續食「二手飯」。
原來呢個阿伯並沒有患什麼絕症,只是幾年前從大陸來港,攞綜援不夠用,他要到公園找目標,向目標sell一個「希望」,十個有九個都會留下個剩半的飯盒後,昂首闊步地走了,阿伯就可以解決了當天的午餐。

一個西裝友,失去「希望」,苦海茫茫地殘喘生存下去。
一個窮阿伯,向失意者兜售「希望」,想盡辦法生存下去。




佛爺的新作《冰封熾熱心》,以加拿大歷史來探討香港前景的愛情故事。這故事全無鹽花:以火車從多倫多出發,去到滿地可,終點是魁北克城,完結在香港。以加拿大英法裔的衝突,聯想至香港在中國南方的未來。

聽佛爺講,呢篇是他的新嘗試:由愛情、歷史和地理,引申至一個沒有答案的疑問。大家有興趣就click去欣賞吓。

* * * * * *

二少爺說:嘗試在生命中發掘一些小樂趣,去苦留甜。那管簡單如一份報紙,一塊麵包,一場球賽或一件襯衫。


明天請早 - 許志安
作曲:伍仲衡
填詞:黃偉文

明晨有甚麼鳥在唱 明晨有甚麼擺信箱
明晨有甚麼配麵包 多士最香
明晨有件衫我未試 明晨有份早報未看
平凡但是有個小小的理想
要是我今天生活應有沒有缺乏成就
要是我珍惜的人有事難逗留
我就會想想生命中有甚麼先算幸福
原來在每一朝會醒就夠
如能活得過夜裡沒援助
明晨日出總不肯撇下我
還是有些小禮物 還未拆開 正在等著我
無論夜深我又冷又捱餓
仍然值得盡全力來度過
等到日出 先知道明日會 會怎麼獎勵我

如能活得過夜裡沒援助
明晨日出總不肯撇下我
還是有些少快樂 期待已久 卻未享受過
無論夜深我又冷又捱餓
仍然值得盡全力來度過
總有未捨得一首老歌 總有未看籃球直播
繼續呼喚我
無論夜深我又冷又捱餓
仍然未可讓疑慮蠶食我
數算幸福 數得到明日有 
算不得虧待我

42 則留言:

  1. 阿伯日日食人地的口水尾,越食越长命?

    回覆刪除
    回覆
    1. helloninie

      香港有窮人吃這些二手飯,才保住條命

      刪除
  2. 到我有一天像那西装友般垂头丧气的时候,我不用去公园啦,我想起你这篇文章就可以啦.

    话时话,这里的公园现在都铺满了雪,椅子也不例外,没有人坐 :(

    回覆刪除
    回覆
    1. Desertfox

      你點使食二手飯呀專業人士?!

      舖滿雪?很冷啊!

      刪除
  3. 阿伯都有低落時,唔知佢點安慰自已呢?

    回覆刪除
    回覆
    1. Eben

      阿伯最低落就是當天找不到二手飯吃,吃飯就是唯一生存的目標。

      刪除
  4. coffee

    乜平時啲故事好「行貨」咩?

    回覆刪除
  5. 希望不用吃二手饭啦,但我确实因为经济问题而挨饿过。我的意思是不用去公园,这样就不会让人有机会吃我的二手饭。

    铺满雪:你自己也说了,有太阳的话其实不太冷。

    回覆刪除
  6. desertfoc

    我也挨過餓,有次去露營,朋友們買不夠食物,在山上挨餓。知道什麼味道

    咁凍?留在家中開暖氣

    回覆刪除
  7. 卡臣:

    阿伯慘過西裝友,反而可以安慰西裝友,何解?

    其實是對環境和遭遇的「演繹」問題。即係有人失戀會自盡,有人被女友撇會去叫雞,尋找慰藉一樣。!嘻嘻!

    所以,雞,係活既!冰鮮雞,係 ..... 我都係唔方便講,嘻嘻!

    回覆刪除
  8. 卡臣:

    謝謝你為我的新帖推荐!萬分感激!無以為報,唯有以 ..... !你自己填充可以了!嘻嘻!

    回覆刪除
  9. 佛爺

    文中的阿伯是大陸人,大陸人的生存欲望和意志好強,吃飯就是基本欲望

    阿伯用「安慰」作為工具/手段去呃二手飯盒。況且阿伯沒有絕症,只是大話去呃人
    可以說:是為了飯盒而講的台詞。

    幫你介紹吓,好嘢當然要推介吓
    報答方面:AV片壓縮後email俾我,唔該

    回覆刪除
  10. 卡臣:

    滿地可D法國妹,正過日本AV女,真架!兼而主動同你搭訕!法國妹喜穿比自己身材細一個碼既衫,係真正既「玲瓏浮凸呀!嘻嘻!

    回覆刪除
  11. 佛爺

    滿地可啲法國妹咁正?
    可惜我沒機會碰到
    唉~~~得個恨字

    回覆刪除
  12. 卡臣:

    法國妹冬天穿皮草,唔著羽絨!摟住佢地,同濫住隻貂鼠差唔多!嘻嘻!

    滿地可北部的地方,好似香港的沙田或大埔咁,入去麥當勞快餐店,全魁省都無哂英文,唯有看圖叫野食。講英文,班法裔當我地透明既。有無搞錯?我地黃皮膚,黑頭髮,又唔係英裔歧視過佢地,點解做到咁絕?

    後來我同一個德國人講起,個德國人話,你係唔係都要講一兩句法文,表示你有誠意學法文,跟住佢地見你講唔惦法文,就會同你講英文,你一開聲就講英文,佢地緊係唔啋你喇!

    原來佢地係唔順英文,唔係唔順英裔!
    @#!$︿&*&︿$#@

    回覆刪除
  13. 佛爺

    原來如此,咁我一定學講merci merci~

    入鄉隨俗,識french kiss一定唔會被歧視

    回覆刪除
  14. 哈哈!平時的是卡臣故事,哩篇感覺有點不同。

    回覆刪除
  15. coffee

    這篇是從歌詞出発,想到軽生的人和掙扎圖存的人的分別。

    回覆刪除
  16. 卡臣:

    唔係搞笑,我都未見過北美洲的城市好似滿地可咁,通街咁多男女摟住「法式接吻」。若果有草地,就訓埋落去,當係床上咁,嘴到,入心,入肺呀!

    天主教會在魁北克省有好大勢力,尤其是出了大城市,教堂等於半個政府機構,神父有如政府公務員,幾乎好似中世紀歐洲咁,但去到D小鎮,果D男女一樣咁開放,著住條三角底褲踏單車,簡直睇到我地眼核都凸埋出黎。天主教的嚴謹道德,原來就係法式接吻喎!嘻嘻!

    今日多倫多陽光普照呀!嘻嘻!凍到零下十五度。冬天,見到大陽,你就想要法國妹,果件皮草架喇!

    回覆刪除
  17. 佛爺

    咁神父有無狎玩兒童呀?

    有太陽但零下15度! 不能想象呀

    回覆刪除
  18. 卡臣:

    神父玩狎兒童,其實係好多,不過一直都蓋住。近十年,爆佐好多料出黎,有D追溯至1930年代,而且連北美原住民的小孩都玩狎埋,男女通吃。

    上任教宗若望保祿二世,將玩狎兒童的神父調去另一教區,無炒佢地魷魚。這任教宗,本薦十六世,一樣咁做。

    我聽一個英國人講,你睇傳媒講,以為唔係咁多神父玩狎兒童,實際數字大好多,蓋得住,都唔會講出黎。

    回覆刪除
  19. 卡臣:

    漏了講,第一批移民北美位於加拿大的歐洲人,一過冬天,凍死了六成。佢地無諗過加拿大的冬天係咁凍既。後來佢地從原住民學到禦寒方法。

    回覆刪除
  20. 佛爺

    香港也有教師狎玩同學

    凍死六成人,好驚人呀!未有天蠶衣啊

    回覆刪除
  21. 西裝友如缺堤般講出他心底的壓力和鬱結:老細苛刻、生意淡薄、同事奚落、朋友出賣、一事無成、無錢無樓、女友厭棄、髮絲後移、氣虛血弱、中年危機…

    阿伯:哈哈…呢啲嘢就算點衰,我屙尿乏力㖭呀

    西裝友點接呀?他的所謂煩惱通通都要行埋一邊。

    回覆刪除
  22. 阿伯有飯食,西裝友開心,兩全其美吖。

    回覆刪除
  23. 卡臣:

    凍死了六成人,死的速度,快過埋葬的速度,結果要火化。因為一下子凍死大量人。

    滿地可今晚凍到零下24度,勁過多倫多的零下15度。

    法國人是有跟原住民女性通婚的,今天留有二萬多混血的後裔,但英裔就沒有和原住民留有後裔。

    十九世紀末,一位法裔和原住民的後裔,在中部加拿大發起分離主義運動,結果英裔將他問吊處死。雖然他只有一半是法裔血統,但今天魁北克的法裔對此事仍然感同身受,心心不忿。

    在兩次大戰時期,法裔也反對參戰。第二次世界大戰時,滿地可法裔市長公開反對徵兵令,結果被判入獄,戰後才被釋放出來。

    前兩年聯邦政府想在魁北克市搞重演英兵250年前攻克魁城的戰役,以吸引遊客去魁北克市。但此事引起法裔很大回響,認為侮辱他們的先祖,結果放棄了這項記念活動。

    早年開發加拿大最艱辛的日子,是法國人,他們的民族感情在一定程度上是可以理解的,但今天似乎就走到過了火!

    回覆刪除
  24. eric

    社會中的供與求原則,令社會運作正常

    ////

    佛爺

    多謝補充╴看到香港人和大陸移民的矛盾

    回覆刪除
  25. 估唔到重點係盒飯度,阿伯睇中咗佢盒飯先同佢傾偈.

    回覆刪除
  26. naruto

    西裝友如缺堤般講出他心底的壓力和鬱結:老細苛刻、生意淡薄、同事奚落、朋友出賣、一事無成、無錢無樓、女友厭棄、髮絲後移、氣虛血弱、中年危機…

    阿伯:哈哈…呢啲嘢就算點衰,我不舉呀

    西裝友點接呀?他的所謂煩惱通通都要行埋一邊。

    ////

    folium

    揀啱邊個飯盒乜嘢仗餸,阿伯先行埋去sell

    回覆刪除
  27. 卡臣:

    阿伯和西裝友的差異,其實是一門心理學的理論。西裝友已沒有溫飽的問題,而是更高層次,阿伯就停留在基本動物生存的層面,沒有踏上高一級。

    回覆刪除
  28. 佛爺

    果然讀過心理學,一針見血
    人和動物的分別

    回覆刪除
  29. 激励佳作也!
    等我低潮时,要想想你的【阿伯】,活得一天即多赚一天,感恩~~

    回覆刪除
  30. cindy

    妳的生活多采多姿,周遊列國,好難會低潮

    回覆刪除
  31. 阿伦校长唱道:明晨有梦也可情共永!

    回覆刪除
  32. 嘿嘿

    離別時笑笑 明晨剩我一個 瀟灑裡 也會記起當初

    回覆刪除

LinkWithin

Blog Widget by LinkWithin