~~~~~~~~~~~~~~~~







2011年8月15日 星期一

心中掛著甚麼行李


心中掛著甚麼行李
 
一間K房內,一班男女正替一名男子慶祝生日。11時55分,侍應生推出生日蛋糕。踏正十二點,大伙兒為30歲的壽星仔Tony高唱生日歌。Tony的女朋友Ann也在場,奉上Birthday Kiss。

眾人吃過生日蛋糕後,繼續唱歌。主角Tony已經飲醉酒,倒在沙發上睡著了。Ann讓他睡一睡,希望他散一散酒氣。Ann繼續忘形地唱容祖兒的快歌。

當Tony再次醒過來的時候,K房內仍然人聲鼎沸。Tony望一望手錶,凌晨三時,朋友們來到唱舊歌的環節,唱緊《寶麗金的天碟》和《滾石的真開心》的金曲。

Tony起身叫Ann,Ann陶醉地唱陳慧嫻的《千千闕歌》,沒有理會Tony。Tony叫其他朋友,沒人聽到他,彷彿甚至是見不到他;Tony像獨立存在房間內。

Tony第一個印象是:「你班友仔扮睇我唔到,想整蠱我呀?!無咁易!」Tony舉掌正想拍打其中一名朋友的背脊時,一把聲音在Tony背後大笑:哈~哈~哈~

Tony回頭一望,見到一名穿著黑色禮服的陌生中年瘦削男子坐在沙發上,乾澀的笑聲正是傳自他口中。
神秘男子說:「我係死神,黃明堯,你已經死咗,我嚟帶你走架。」

Tony聽後酒意全消!「乜…乜..我..死咗?!無可能!我喺生日嗰日死…」

死神說Tony有隱性心臟病,醉後病發,醉夢中無聲無色地死去。死狀安詳,無人發覺。命中早已注定他在今天行到人生盡頭,生忌和死忌在同一日。誰也不能阻止或改變。
死神向Tony說:「喺時候要走啦,跟我行啦。」一切來得太突然,Tony無法接受。活了三十個年頭,自己雙手賺回來的身家財產,也不能帶走。對Tony來說,最捨不得的,是女朋友阿Ann。

這刻喇叭傳來一句歌詞《誰會珍惜 當你還擁有 將要逝去 總想挽留》,過往跟Ann的溫馨場面,重現在Tony腦海中。

Tony帶不走甜蜜的記憶,可能Ann在她的餘生還會想起Tony,但一定只是一套舊戲,沒有新的戲份。Tony懷念第一次拖著Ann的手,那份體溫和質感,不能帶走。

死神說:差不多夠鐘要走啦。

Tony要求多逗留一分鐘,讓他好好再望一望身邊的好友。如電影情節一樣,人死之前有flashback,一分鐘內,Tony由出生到30歲生日那刻,如高速鏡頭搜畫般,fast forward所有畫面。

Tony後悔好多嘢無做到:例如對父母好啲、讀書進修、西藏旅行、結婚生仔…估唔到就突然要離開這世界。

Tony望著Ann,Ann仍然忘情地唱:《仍踏著前路走 青春走到白頭》,Tony慨嘆,估不到「白頭」這兩個字,他是遙不可及的。黎明到時,當大家發現自己在沙發上死去,他們會有怎樣的反應呢?

是時候走了,Tony要再見Ann的話,恐怕要等自己投胎後。到時Ann又可能已嫁給別人,忘記了曾有Tony這個人出現過。

隻身來到這世界,隻身離開這世界,什麼也帶不走,帶不走去下一世。雖然世上留下一塊寫上自己名字的墓碑,但不久之後,再無人記起這塊石碑。既然如此,心中的所有包袱都應該放低。Tony想像將要飲下消除今世記憶的「孟婆湯」,自己有如將要delete的RAM。

死神站起身,示意要離開。Tony垂下頭,緊隨其後。無聲的告別、告別家人、告別朋友、告別Ann、告別世界。

突然朋友高聲哈哈大笑,大力拍掌!拉開花炮!彩紙屑落滿在Tony身上。Tony明白自己被整蠱!死神只是一個請回來的臨時演員。

朋友笑說:「你呢個生日難忘呢!」Tony開心地苦笑,畢竟知道自己未死,是一個天大好消息。

Tony緊緊擁著Ann,沒有怪責他們,因為朋友們真的送了一份珍貴的禮物給自己。Tony從30歲的第一天開始,知道生命寶貴,活得有意義,不要讓自己再有後悔的機會。


二少爺說:「錢財身外物,愛恨身外情」,人既然始終都要一死,Nothing really matter。


身外情 - 黃耀明
作曲:梁基爵
填詞:林夕

帶走傷感 帶不走哭得轉紅了的燈
記憶隨身 延續欠你的戲份
帶走開心 卻帶不走拖手時的體溫
微暖質感 留在臉上還未吻
給一分鐘我靜靜回味
將一生一世翻天覆地
明日已被今天處死
淚存在原為反映天理
這一分鐘我站在何地
怎麼竟跟你活在一起
緣是鏡中花 留在鏡中死
原諒我不記得忘記
帶走身影 帶不走裝飾你曈孔的星
放手無聲 沉默也等於約定
帶走心境 卻帶不走分手時的風景
雲過天清 忘掉我們曾盡興
當這一雙腳慢慢離地
拈不走一瞬羨慕妒忌
誰又記得起 誰被我歡喜
延續到下一世的你
誰又帶得走 一塊紀念埤
心中掛著甚麼行李

43 則留言:

  1. Ms

    不過人嚇人
    會死人
    都係咪玩

    ++++

    Laulong

    生命不在長短
    在於精唔精彩

    回覆刪除
  2. Tony緊緊擁著Ann,心臟病發,原來Tony比彩炮嚇死左,玩出禍。。。完

    回覆刪除
  3. naruto

    呢個結局正喎

    其實那個演員臨時失場
    K房內那真是死神
    最後帶走所有人去地獄

    回覆刪除
  4. 哎呀,我竟然唔係第一個睇!謝謝呀!

    我一路睇,以為 Tony 真係死咗添呀!

    回覆刪除
  5. SKII

    「以為 Tony 真係死咗添呀!」<--連寫嗰個都以為係呀!


    Ann + Tony = Anthony 黃耀明

    回覆刪除
  6. 雖然我唔止卅歲
    不過如果呢一刻要我死
    我都好唔甘心
    好多野未做好多地方未去好多人未愛~

    回覆刪除
  7. 原來真係可以用歌叫卡臣寫故事架!

    回覆刪除
  8. largeheadboy

    我年紀大過你
    我都未捨得死住

    都係太多未完成心願

    +++

    coffee

    係呀
    妳都賞面點首歌呀

    ++

    Tee

    Tony未死呀
    仲生勾勾!
    啋~~

    回覆刪除
  9. 咁好呀!謝謝你!
    咁我要好好諗一首歌:)

    回覆刪除
  10. coffee

    乜說話
    等妳


    大家各位想點歌就出聲
    唔好怕醜呀

    回覆刪除
  11. 頭先有嘢掩眼添睇唔到結尾, 都話唔好講鬼故 :P

    回覆刪除
  12. Tee

    可能死神路過掩你眼
    無事吖嘛?

    回覆刪除
  13. 卡臣,你啲故仔的主角命名好有意思呀,呢個故事都好有意思啫。

    我最近成日翻聽 The Cars 的 Drive,如果你都鍾意呢首,又寫吓吖。

    回覆刪除
  14. 唉, 我睇完之後, 反而有D唔開心. 呢個世界, 乜嘢都可以攞嚟開玩笑, 但生命同感情用嚟開玩笑就...

    若我係Tony, 我會嬲爆.

    回覆刪除
  15. 大吉利是,生日玩啲咁嘅嘢。Ann今晚要好好氹番Tony啦。。。。

    回覆刪除
  16. 大吉利是 x 2

    又一次你的故事让我沉思. 也正因为如此我特别喜欢睡觉前看你的Blog.

    回覆刪除
  17. SKII

    Drive 我都好喜歡
    一於諗諗佢

    ++++

    30something

    我都會嬲
    不過冷靜後會多謝呢個難忘生曰

    回覆刪除
  18. Eric

    當睌ann和Tony 發生什麼事?
    要找人寫下集了

    ++++

    Desertfox

    我的blog 催眠
    失眠者恩物

    回覆刪除
  19. 卡臣:

    哈哈!好搞笑!等我想下有無靈感寫四仔下集,但我唔想太常規!我要睇一套日本AV本片取靈感!希望可以鹹鬼上身!嘻嘻!

    回覆刪除
  20. 有无搞错?人地生日扮鬼黎整蛊人?仲话个寿星仔死左添?都玩到好尽喔!

    回覆刪除
  21. Hellonine

    諗真又係喎
    生曰流流搞呢啲衰意頭嘢
    真係小說先可以發生

    回覆刪除
  22. 在場成班朋友忍到笑,扮睇唔到,演技一流。

    呢篇如果早幾日出,會睇得仲驚。

    回覆刪除
  23. 歪歪

    似乎朋友們才是影帝影后

    等halloween 再寫過

    回覆刪除
  24. 如果真係有死神,我寧願佢立即帶我走喇,多留一會,只會更加捨不得!我覺得仲痛苦!

    回覆刪除
  25. 我為卡臣這篇帖子寫了另類四仔結局, 《天使攻破處男關》!有興趣可到本佛廟堂參觀!

    敬告:此一另類結局有成人性愛描寫,道德居士、落伍師奶、有愛無性論者,請勿進《天使攻破處男關》(十八禁)。

    回覆刪除
  26. 佛爺

    多謝續寫
    你篇真是X級
    衛道之士一定反對

    回覆刪除
  27. 卡臣:

    若果你聽過D鬼仔鬼妹講起避孕套與教義的見解,你就知道我係講得好輕度!他們的反響大過我很多呀!

    回覆刪除
  28. 歪歪:

    我係希望一炮勁過一炮架!嘻嘻!

    回覆刪除
  29. 佛爺

    可借我無緣目睹鬼妺討論之情境

    回覆刪除
  30. 卡臣:

    鬼妹鬧教會對避孕套的立場,狠過鬼仔好多。鬼仔通常以開玩笑的態度講,鬼妹就黑起塊面,好嚴肅!

    回覆刪除
  31. 佛爺

    教會不主張用套
    又幾引起爭議嘅

    回覆刪除
  32. 卡臣:

    你篇真是X級

    即係一級,三級都未到!嘻嘻!

    回覆刪除
  33. 卡臣:

    衛道之士一定反對

    給衛道之士罵得最狠的是佛洛伊德,有排都未輪到我喇!嘻嘻!

    心理學門派的巨頭,多數被衛道之士痛斥。行為心理學大師,B. F. Skinner,大學時主修英文,碩士和博士才讀心理學。他被教會罵成魔鬼,原本想當作家的他,寫小說反擊,轟動學術界。

    回覆刪除

LinkWithin

Blog Widget by LinkWithin