~~~~~~~~~~~~~~~~







2008年4月12日 星期六

捉心理

捉心理

如果我遇上新相識的朋友是讀心理學的話,
我會有點抗拒跟他說話,
怕他從對話中看穿我心裡在想什麼!
雖然我都唔清楚自己心裡真正在想什麼?
今天就講吓在日常生活中,
跟別人對話中而反映出的四個心理按例。
(本文全無科學根據,純粹靠估。)


案例一:「你估吓幾多錢吖?」
如果有朋友拿著一件商品走到你面前,
興高采烈地問:「你估吓幾多錢吖?」
我估這件商品的價格一定是驚人地:平宜。
朋友的意圖是想其他人知道他擁有精明眼,
買到筍嘢,價廉物美、物超所值!

如果該商品真是驚人地昂貴,
他不會用「你估吓幾多錢吖?」如此直接的方法發問,
而改用:「呢個袋徐子琪都有,吓!都幾襯我吖!你話係咪?!」

所以當朋友問:「你估吓幾多錢吖?」而你又想氹吓佢開心,
你不妨「有咁貴講咁貴!」
朋友聽到越貴就越開心!
並邊笑邊回答:「唔使10,000蚊咁貴!只係要200蚊咋!」

反如果你想他無癮,
你只需要回答:「我諗100蚊呱!」
他就會立即反駁:「100蚊?我俾1,000蚊你同我買10個返嚟呀?黐線!無senses!」
跟著不是味兒地走開。


第二案例「你估吓我幾多歲吖?」跟案例一有點相似,
發問者必定對自己的外表有一定信心才敢發問。

發問者相信自已的外表年齡比實際年齡輕,
當別人估完之後,從揭曉答案中獲得滿足感!
而發問者通常是長者:「吓?你估我60歲?我今年72歲啦!哈哈!」

如果想氹吓老人家,等佢地晚年過得開心點,
你就要「有咁年輕估咁年輕!」
讓他們覺得自已仲「有心有力」之餘,
你仲要O咀加送:「Unbelievable!Man give me five!」
平日多積點陰德,他朝君體也相同嘛!


案例三:「你行邊面?」
日常生活你總會遇到一些不相熟而你又無興趣去進一步加深認識的人,
甚至是徘徊在無好感和話不投機之間,更甚者是你討厭的人。

但命運偏偏安排你們遇上,例如你在公司加班後放工,
你跟你討厭的人碰巧在lift lobby 遇上;
兩人點吓頭,問候一吓,然後已經唔知講乜好?
入lift後,Dead air 充斥在升降機內。
當升降機門打開,
對方問:「我搭地鐵,你搭乜?」
注意:對方已經先開牌話搭地鐵,
如果你識趣的話,你就最好順勢回答:「你搭地鐵呀?我搭隧巴,拜拜!」
(雖然當日你可能真係想搭地鐵)
這樣做,對大家都輕鬆又好過。

最尷尬是兩人最後又係地鐵站遇上,
「咦?你又話搭隧巴嘅?」,
「呀!…係呀!…我行到半路醒起…今晚要嚟地鐵站攞份【招職】俾我細佬。」
注意:該份【招職】最好話攞俾家庭成員,否則明天公司裡會傳出你想跳糟。


案例四:「小巴空位」香港始終是中國人社會,「男女授受不親」的儒家傳統風氣仍存在,
所以在小巴或巴士的公共交通工具中,
如果有得選擇的話:男乘客會坐在男乘客身旁,
女乘客會坐在女乘客身旁。

所以當有很多座位供剛登車乘客選擇,
如果一名乘客無端端揀跟一名陌生異性同坐,
就會惹來該異性乘客產生:對方有不軋企圖的猜測。

所以如果一人獨自乘坐公共交通工具時,
先會揀跟同性別的乘客同坐,
如果無空座位剩,迫於無奈,就會揀一個較醜樣的異性乘客同坐;
總之越靚的異性,就越少人敢上前同坐,
(驚其他人話自己博懵博大霧,而入罪成功率,隨乘客的美艷程度一拼提高。)

舉例:如果小巴車廂內現在只剩下兩個單座位:
兩個單座位分別位於兩名男乘客的身旁,
此時一名年輕貌美的少女登上小巴,
她通常會揀跟較為無咁靚仔嗰位男乘客同坐,以免瓜田李下。
所以她揀和哪一位男乘客同坐:間接判斷了該名男乘客的樣子比較平庸醜樣!

我在小巴中也經歷過這種形式的比試。
結果剛登車的美少女揀與我同坐,
道理上:有美少女陪坐我身邊,應該感到心花怒放才對;
但她揀我亦即暗示我貌不如另一男乘客!
當中複雜矛盾的感覺非旁人所能了解。
所以有時我會專登扮出一個惡形惡相的表情,
趕走登車的美少女去另一名男士身旁的座位,
來替我贏取保留小巴車廂中最後一個空位的冠軍寶座。

81 則留言:

  1. 這題目與我的職業有很大關係!特別有興趣留言.

    案例二「你估吓我幾多歲吖?」 -

    我通常:"阿佰叫阿叔,阿叔叫阿哥,阿哥叫阿 dee." 如似類推叫婆/嬸/姨/姐/妹.

    案例四:「小巴空位」她通常會揀跟較為無咁靚仔嗰位男乘客同坐 -

    唔怪得之無靚女肯同我坐 ...下次唔會嬲!

    回覆刪除
  2. Very funny!

    Carson, if your theory is right, you do not have to make a face to scare people off on the mini-bus, because you are so good looking!

    回覆刪除
  3. 真係好鬼死鍾意有人講呢 d 野。



    案例二想補充,尤其香港型號女仔,不知是否看得 [ 港產電視劇 + 平價女性雜誌 + 愛情心理 one two three ]多得滯,問人估自己幾歲,你講了,佢話唔中,叫人估幾十估,全部會話唔中,然後人地費事再估,問佢幾歲,佢會話: 哼,年齡係女人秘密架嘛,嘿嘿嘿。


    ( 之所以大陸女仔能快速成功攻陷香港女,其中一主要原因,就是不太賣無謂關子。)


    *************

    案例四也想補充:


    你說得極中。


    而我就是通常不會有香港女仔來坐隔離的人。 我自問不是奇醜,但我 5呎 10吋,屬大份型,而且短髮,不會瓜子尖面及有動漫 Final Fantasy 男角的淚晶晶眼神,因此香港女仔甚至中女也少有坐我隔離,但弔詭是,南亞女士則無問題,樂意之致;並且南亞女,也不代表不美,反而比死白勁瘦咀 Miu Miu 的香港女為佳。


    不要奇怪,香港就算中女,不少都只是港女的完熟版,一樣是這德性;我樣貌可能直覺上不能令中女認為是斯文美白寫手樓 Feel好女婿,所以不能加分。


    而弔詭的是,美女也通常只會選中女同坐,不會選樣貌好的同齡女性,在生活中,也把選美角逐混為一談。

    回覆刪除
  4. Vincent
    你幾時至肯揭開你的職業之謎?
    容忍係有限度架!
    哼!

    回覆刪除
  5. whywhy
    "because you are so good looking!"
    原本睇完開心咗5秒,
    但係睇你返個名whywhy就知你講緊反話!
    點解呀?點解呀??

    回覆刪除
  6. 大文兄,
    有人話留言好睇過原文,
    你給我們做了一次示範!

    照你描述, 你都算五官端正, 又高大果隻!
    都跟我同一命運.唉~~

    人其實learn by experiences
    我試過一次(無得選擇下)坐在靚女旁,
    她立即縮埋一邊,擠出討厭眼神,
    驚人揩油咁,自此次經驗後,
    我咪揀唔靚既坐.
    咁樣就形成我日後坐車揀位的習慣.
    (可能香港真係有啲靚女係親切,但我都被教育到不敢上前,)
    原來杯弓蛇影係咁解!

    有一點真弔詭, "美女不會選樣貌好的同齡女性同坐,"
    這一點令我想起中學時代
    靚女同學跟醜女同學一起玩,
    存在"小姐丫環"的心理關係.
    醜女護駕, 擋狂風浪蝶!
    靚女有醜女襯托更美艷!
    不如大文兄,你係你blog度講吓'香港小姐丫環"
    等小弟學吓嘢!

    回覆刪除
  7. 卡~:

    都係因為你呢篇文真係好一插見血,所以在下被文章挑起了腦裡神經;正如痔瘡...都係唔好用呢個比喻,驚令人感到不安...



    老實講,以客觀標準,卡兄可謂面容非常姣好,而且手瓜起晒展,有 Matrix + Terminator 既風采,照計,應該受廣大美女青徠。


    你情況是好過我好多的。


    有時候,可能不少美女本身是親切的,但環境中的其他人士等等,尤其周邊八婆臭四之流,像 G4 特工保護她們,可能潛意識不想美女太容易得到男人,很矛盾。


    另,一些周邊男士,即指港式男子等等,也忙於營造曲線幻象,對美女像第三世界見到紅十字會送糧食一樣,飢餓非常,令美女不得不高傲一點。


    香港地,追女仔係較為特別,不是要【好仔】,而是要夠古惑。你要懂得因應時勢,例如符合某時期電視劇男角特色、有靚電話晒下碼頭、要才俊 Feel,懂吹一下金融財經,時尚 Fashion、樣貌看來醒目但又要有幾分天真無牙、有少少串但又要扮下低能,因為港式女仔,威過佢係唔得既;但平傭佢又唔吼你。


    香港地,唔駛男追女,只要女既 K.O ,咁就乜都得喇。話之女仔幫手供樓、對外患臭但對你總是傻小貓,香港追女如玩股票,捉到路你發喇。


    其實,好多男士,個款都唔係咁 William Hung ;都算睇得下,之但係呢,除非追求既係醜女,否則,女的樣貌姣好,你要追求成功,不是說說便成。還未計日後未來外母大人 + 女方姐妹 + 一眾親戚。


    因此,發展至今時今日,很多港男上大陸娶妻,已不是 90 年代以前的中老廢男,而是精壯有正常職業有層樓有多少錢的有志青年。



    無他,港式女仔,已超越一般常人所能應付。唔娶大陸女,乜仲有得揀咩?


    唔係無得追,但壓力大嗟。而且今時今日,所謂大陸女其實好 fashion,已經無乜村姑了。


    最串果種港式女,不是真正美女,而是樣貌 OOKK 、有少少學歷但又唔算高、有份寫字樓 OL 黑絲 look 、睇雜誌 ball 場版、睇書店 $ 100 三本愛情小品、專攻韓劇 ( 睇日劇果班好 d )、買唔起 SK II 但會買沙沙代替品、去米蘭站買二手 L.V,成日節食但日日零食物語果種....呢類最串。亦多攪事。


    現在頗多新一代大學女畢業生,不少是港女正宗,見她們出手成文,讀過書,但港女膠論多多,懂得辯罵,而那些女副學士,也不要少覷,相當潑辣古惑精叻。

    回覆刪除
  8. usually the mini bus driver will "order" you to sit the place he wants you to be, when you have occupied the single seat of a 2 seats row.

    回覆刪除
  9. "容忍係有限度架!哼!" - 真係火都嚟!

    好,話俾你知!我曾經做 ...私家偵探個助手.所以睇嘢複雜d.

    回覆刪除
  10. "不會瓜子尖面及有動漫 Final Fantasy 男角的淚晶晶眼神,因此香港女仔甚至中女也少有坐我隔離,但弔詭是,南亞女士則無問題"


    大文兄說出了很多男士的苦處.

    卡臣哥說的小巴坐位事件,相信好多男子都遇過,有苦自己知.

    回覆刪除
  11. 卡臣:

    我不是同你玩捉心理,我是認真的;那麼你應該不止開心得5秒吧!

    回覆刪除
  12. 心思果然細緻;但係之不過,每次搭車都咁諗咪好辛苦?
    我仲傻更更以為我有朕徐所以冇人肯坐我隔離添。
    雖則同性通常冇問題,但係碰到疑似顏XX之流,反手一野咁揩過黎,都有可能架。

    回覆刪除
  13. 大文兄,
    你對港女港男的處境分析,
    獨到之處係殿堂級水準!
    我真係無嘢好回應..除咗三個字:
    絕!準!真!
    大家多啲到陳大文部落,開卷有益呀!

    回覆刪除
  14. NOST
    係呀!司機話:”哥仔讓個孖位出嚟,快啲開車!”
    果個時候,我做扮出一個迫於無奈的表情,
    名正言順坐在靚女身旁,
    (但通常都係同中熟女或肥妹..唉!天意!)

    回覆刪除
  15. vincent,
    嘩!...私家偵探個助手.
    唔怪得張相係16樓都睇得出啦!
    將你啲特別經歷寫出嚟分享吓好喎!

    回覆刪除
  16. 歪歪
    咁多謝呀!
    好!開心多5秒啦!
    你多啲嚟坐,
    唔使賣口乖架!

    回覆刪除
  17. eric
    係呀!
    你小心啲!唔好以為喺地球北面無事呀!

    你講開又講, 有次我坐在一名中女旁,
    由元朗出佐敦,
    途中我睡着, 不慎把頭挨過去.
    唉~立即俾佢既"唼唼聲" /加她的鬆肘弄醒.
    我立即say sorry!
    餘下路程, 她把身貼近窗口,
    驚坐埋啲會有bb咁!

    唉~~~我又唔係有心專登!

    回覆刪除
  18. Carson:

    你真鬼馬。我就冇你諗咁多,坐就坐,一屁股 dun 落去,唔鍾意咪起身走咯!

    回覆刪除
  19. 劉兄,
    你知我係"無果樣,諗果樣"的人.
    如果唔係,邊有嘢同大家講呀?

    回覆刪除
  20. 大文兄,
    對於你對我的描繪,
    我想補充一吓:

    你說:
    "而且手瓜起晒展,有 Matrix + Terminator 既風采"
    係呀!我中學時代係史泰龍.
    課餘時候狂做掌上壓.
    後來直情去健身.

    不過女士見到大隻佬坐埋嚟
    立即響起警報, 因為面對大隻佬
    如果侵犯, 自己的反抗能力便降低.

    題外話:
    見史泰龍60歲仲拍rambo4
    真係不忍目睹!
    仲破壞咗我回憶中的史泰龍.
    永不言休都有drawbacks架!

    回覆刪除
  21. 如我坐小巴時要與異性同坐, 我會選個"企理"少少的! 潛意識告訴我這些人會比較注重個人衛生, 衣服clean d 少些體味, 又或因他們會介意別人白眼而講電話時會收細音量(hopefully)....我見過一個中年男人一上小巴便從袋中取支玉冰燒出來飲, 他旁邊的男人只好縮到只坐半個位~~

    所以如有女士選擇同你坐, 該是你感覺讓她放心才對, 而不一定是"案例四:「小巴空位」她通常會揀跟較為無咁靚仔嗰位男乘客同坐"

    回覆刪除
  22. VICKY
    妳用女性角度睇事件, 一定有說服力!
    我完全明白了!
    咁樣講:
    即係女性選企理男性旁坐,乾淨斯文啲.
    男性選較醜女性旁坐,唔使驚俾人話佢搏乜!
    anyway, 我都話靠估!

    回覆刪除
  23. 只是一程車, 又何需太計較坐在身邊的是什麼人? 除非那個人令我覺得有危險性/威脅性,well,即成個賊樣...

    案例二引申, 咁成日話自己老/年紀大又是什麼心態呢?

    回覆刪除
  24. 想補充番一樣o野:


    其實,無錯,只是坐一程車,應該無須計較有否女士肯坐隔離,但說話說是這樣,但也有某些象徵意義。


    正如街上,警察個個都唔搜身份證,但偏偏問自己,自己會覺得樣衰,道理一樣。


    而且,車上,女士不是不坐隔離這麼簡單,而是: 望下周圍人,又望下你,又望下有無其他位置,再用那種港式 ( 咀 Miu下、斜斜眼黑黑面 )去其他位置坐下。


    即是俾你強烈感覺到,【 你樣衰,咪攪喇,搵路走 ~】,咁既動靜。


    港女最叻就係那種咀 Miu Miu 衰衰格格小小家家、板起面眼厲厲的小動作,大陸女、外籍女士都不會有,唯獨香港女有。


    就算不是坐車,在快餐店也如是,明明坐爆晒人,例如自己身邊有空位,但港式女仔( 唔一定靚女與否 ),都有類似動靜,好似慘過揀老公咁。


    *********

    關於體型大隻男士,港式女不喜歡同坐,並不全因為怕被侵犯危險性。而是大隻男人沒有那種 【 官仔骨骨 + 西裝金融 Look + 似寫字樓斯文人 】既 feeling ,即是電視劇常見的官仔小白白哥仔哥仔那種。


    **********

    vicky :

    如果妳是女性,妳當然唔覺咩一回事,因為妳是女性。

    妳提到的麻甩拿枝玉冰燒飲,果 d 極品例子嗟。


    問題係,女性選擇與什麼男性同坐,以港式女來說,是會偏向她認為較好樣的,其實我覺得呢個無問題,真係無問題。


    即正如男人喜歡看靚女一樣,這也是無問題,人之常情。


    問題重點係,在選擇過程中,那種港式眼厲厲咀 miu miu 的動作,才是戲肉。

    回覆刪除
  25. 工一份,攞料,扮嘢,查案,跟蹤.有d似杜琪峰d戲: 大事件,跟蹤,神探,私+偵探,甚至tvb早期的刑事偵緝檔案.

    "唔怪得張相係16樓都睇得出啦!" - 碎料:)

    "將你啲特別經歷寫出嚟分享吓好喎!" - 我俾料你寫?

    另,搭小巴問題同搭lift問題幾似:

    2人入lift, 分企兩面;
    3人入lift, 左右中各企1人;
    4人入lift, 四角企1人.

    試看看男女企位選擇,那人按鈕等.

    回覆刪除
  26. 都係果句,港式女任妳點玩瘦身、美白、豐胸、Fashion 、又乜又七、又學歷、乜都無用,只係幫助搵份較好既工在市場競爭而已。


    淨係小動作,一舉手投足已經令周圍人感到不安,幾時尚都無用。


    大陸女,無人話佢地一定係好人,但最大分別係,大陸女唔會令人感到無比壓力,呢樣已經贏晒,而且好多大陸女的 DNA ,人地真係唔駛攪咁多豐胸美白。


    PS : 香港女仲以為 [ 大陸妹又窮又古惑所以易搵男人 ] ,其實已經唔係呢個 Stage ,大陸今時今日,唔係講到咁窮,而香港都唔係講到咁能有米。

    回覆刪除
  27. sava,

    "案例二引申, 咁成日話自己老/年紀大又是什麼心態呢?"
    等我補充一吓:
    如果我今年已經40歲, 但係仍然keep得好,
    仍然似30歲到, 我就叫人估吓.
    人哋答32呱, 我就哈哈大笑答:其實我40歲啦!
    更極端啲例子,
    有朋友40幾歲, 呃人(泛泛之交)話自己已經50歲
    人哋吃驚:嘩!你keep得咁好嘅?!
    從中找到樂趣.

    回覆刪除
  28. vincent
    你個搭lift例子好真實呀!
    每人都要充足的個人空間
    "企咁埋,博乜呀?"
    如果人多果陣,
    大家逼埋一齊,
    擠出討厭的表情,
    望著"樓層跳字", 希望快啲到達.

    回覆刪除
  29. 大文兄,
    你筆興一到, 真係欲罷不能!
    講起港女, 你就有一團火喎!

    我諗女士的招牌"咀 Miu Miu"表情是一種’防禦基制”
    好似鎗戰決鬥咁,在對方咀 Miu Miu前,
    自己比對方先咀 Miu Miu,
    雖然對方未必想咀 Miu Miu.
    但自己”有咀錯,無放過”
    久而久之,變成習慣.

    回覆刪除
  30. 陳大文先生:

    關於體型大隻男士,我不喜歡同坐,因為通常他們都會佔多於一個位,我就只剩半個位坐,半邊坐無影櫈....

    卡臣:
    咁如果其實年紀不大又成日話自己年紀大又點丫?

    回覆刪除
  31. 卡臣, 好多謝你答我留言呀! 小妹覺得你好好人, 又幽默, 恕小妹夢昧, 請問你有冇女朋友架? 歡唔歡迎我send email 你呢?

    回覆刪除
  32. 眾Carson fans 美女,

    照我看,他已名草有主,卡太定必如抽到支上上簽,卻有可能長期提心吊膽!因為當妳們擁有名貴鑽戒時也會驚有朝一日會失去它吧?!

    妳/我們可等卡兄離婚(大吉利是!),或他想搞婚外情,地下情,甚至轉口味時吧!

    卡兄,駛唔駛買定"插蘇頭"看門口?

    回覆刪除
  33. 陳大文 - "港女最叻就係那種咀 Miu Miu 衰衰格格小小家家、板起面眼厲厲的小動作"

    I totally agree with you.

    在歐洲大學見到陌生同學大家會笑吓, 講hello之後談談音樂,旅行等有趣事情.香港女人??!! 一見你就由頭"bear"到落腳,想知你家底.大姐,我同你做個朋友jar,唔係做人世!

    男人呢? 零hobby. 音樂?唔好(太高尚),閱讀?唔好(要用腦),back-pack旅行?唔好(太辛苦)...總知咩都唔好. 打機最好.

    大哥呀, 你咩都唔好點做朋友呀?

    回覆刪除
  34. 和朋友飲吓酒,跳吓舞...

    香港男人:「啊! 你唔係"人"來的,你扮鬼妹吓?好學唔學呀你,外國回來你扮晒野.」但又會討厭和他們一樣零hobby 的香港女朋友/老婆.

    總之咩都唔好...

    回覆刪除
  35. Vincent,
    我就估卡太不會提心吊膽,因為卡太質素超班,而卡臣又是愛妻如命的好老公.卡臣絕不會是見異思遷的壞男人!

    還有,都是不要fans club好啦,fans很多時都不太理智(卡臣fans,請不要誤會,我不是說你),大家都是愛讀卡臣的文章才在此相會,我想還是成立個卡臣讀者會好啦!

    回覆刪除
  36. 小妮:

    我本身亦係收藏古典唱片( 包括古典黑膠 ),玩下音響等。


    不過,係唔可以隨便同港式女性講自己會聽 Classic ,因為人地會認為扮o野;但又唔可以扮話自己聽 【哎粒 U Boy】,因為又會俾人話無品味,所以我明明有幾千隻唱片,但會話:[ 我好忙,我無乜聽音樂,唔識。]

    香港地,對港式女士,首先一定要識撈,唔可以講得太誠實。


    我都唔會同人講自己有睇新聞透視,因為會易被人話扮o野。


    亂講自己真正興趣,是會易被劃為【黑五類】的。好大鑊架。

    回覆刪除
  37. 卡臣你做乜仲唔回應我?

    回覆刪除
  38. 陳大文- "我都唔會同人講自己有睇新聞透視,因為會易被人話扮o野。"

    哈哈哈哈哈! 你係咪想笑死我?

    總之, 見人講人話, 見鬼講鬼話啦. 電影"戲劇之王"中都有話, 幾十歲人點都要有少少戲旁身.

    回覆刪除
  39. 抱歉!
    同老婆外出, 剛剛才返家.
    一邊睇金象獎, 一邊上網
    嘩!不得了!
    各位咁賞面上嚟坐.招呼唔到!

    sava
    妳真了解我, 我仲未打算搞婚外情
    一無時間二無金錢三無精力.

    fans club?
    你地唔好玩我啦!
    盞自討沒趣, 講出嚟貽笑大方
    得閒交流吓我已經好開心!

    hana
    我有睇妳的最近文章
    無奈我冒昧無知
    真係搭唔到爹

    卡臣fans
    對我咁buy?一定有古怪!
    我懷疑妳/你好可能係我識得嘅朋友
    想撚化我?
    既然係咁, send email俾我
    等我踼穿妳/你的西洋鏡

    小妮 & 大文
    都係果句:
    有怎樣的水土氣候,就有怎樣的人.
    香港人都係勢利, 憎人富貴厭人窮.

    ps.我睇完藝術電影(不是色情果隻), 唔會話俾人知, 費時話我扮嘢.
    我諗歐洲人唔會咁囉!
    地方水土氣候問題!

    回覆刪除
  40. sava
    咁如果其實年紀不大又成日話自己年紀大又點丫?
    我諗可能性有3:
    1)扮老後搏人反駁:"唔係呀!你邊老啫?"
    2)扮老令自己說話有份量,說服力.
    3)成日唔記得嘢, 扮老搵藉口善忘

    回覆刪除
  41. vincent
    "妳/我們可等卡兄離婚(大吉利是!),或他想搞婚外情,地下情,甚至轉口味時吧!

    咁賞瞼呀?
    我老婆睇blog架!
    呀!佢叫我....死梗啦今次!!
    呀...哎....嗚...砰..

    回覆刪除
  42. 喂,好題外話...

    我睇中左部 $ 3199 IBM 款 Lanovo Slim Desktop.....

    $ 320G HDD + Intel 雕 Core + 2G DDR2...

    $3199....平過自己砌...

    唸住買左佢...用o黎 BT 同玩 Foxy.

    回覆刪除
  43. 大文兄,
    好嘢喎!
    有咗佢(desktop),你就如虎添翼!
    BT多啲!蓄多啲片.

    回覆刪除
  44. 我其實已有一部 Server 專行 DVI , 另一部 P4 行 Mac OS 10.0玩下. 全部自己砌.

    不過想買多件行下 Vista.

    而家真係行機平過自己砌.

    回覆刪除
  45. S美女:

    "卡太質素超班,而卡臣又是愛妻如命的好老公" - 好一對璧人!為何這裡從不見她芳容?

    卡猛男(matrix + terminator):

    你的fans留言似乎直追知名博客,呢期好紅!

    回覆刪除
  46. "...一見你就由頭"bear"到落腳,想知你家底..."

    我上次同D親戚食飯,就係俾人(男女都有!)由頭"bear"到落腳,仲夠膽問我每年賺幾多錢!有冇攪錯!

    回覆刪除
  47. 真係...一到香港機場行慢小小就聽倒"唼唼聲"。但係當其時十年冇聽過,突然感覺親切。亦都唔太介意比人"miu"/"bear",因為D人咀miumiu/眼bearbear個樣好滑稽! 我會忍唔住大笑,兇惡bearbear人:"笑笑笑,有乜好笑!"

    回覆刪除
  48. Aiya 陳大文, 動漫 Final Fantasy 勇士的吸引力是他手中握著大劍,面上有fighting scar,面臨大敵揮刀有力。不是淚晶晶的眼神。mmm... 如果只係眼神勁, 係小白臉playboy, 唔係勇者。

    回覆刪除
  49. vincent
    無老婆張相..減少個人色系,
    如果唔係, 個blog就講我:今日肥咗一磅, 同事整蠱我, 買咗件乜衫, 少少感親...架啦

    回覆刪除
  50. snowysoso,
    睇妳個blog
    妳似乎住在歐洲?
    見慣西人少見唐人
    都係一種福份!

    大文兄話妳係靚女,
    我絕對同意!

    回覆刪除
  51. 邊個想約相公,老娘要出來震壓一吓

    回覆刪除
  52. 老娘一出,誰與爭鋒?

    唔好扭耳仔就好。哈哈。

    "他鄉有冇歧視黃種人呀?"

    要看對方是誰。年輕一輩,通常沒有。大城市通常沒有(有些地方白人是少數!)。年齡大一點的(大約40歲以上),或多或少也有一點,只不過礙於法律(艱難大的反歧視法也算完善)及他人白眼,不敢亂來。本人經驗,同性西人歧視多過異性。不過也是少數。

    美國就好似比較多DD(個人經驗)。

    回覆刪除
  53. 我個仔梗係多人爭啦,優之良品麻!

    男又好,女又好,最緊要生番粒孫仔俾我伯爺婆抱吓!我同佢老豆哦咗好耐囉!

    卡仔阿媽

    回覆刪除
  54. 我遇過一名香港女大律師-Kong girl(約廿多三十歲),第一次見面就要同我地玩估年齡,笑人年紀比她大,好冇禮貌,玩到大家黑晒面.大律師,又香港大學又London U gar wor...咁低質素?

    如果你想知這位律師名字, 可以email我.

    回覆刪除
  55. 老婆 / 阿媽
    得妳兩位的教誨.
    我銘記於心.
    多口問句:
    咁熱鬧, 我老豆幾時出場?
    一家團聚?

    回覆刪除
  56. 小妮,唔使email喇,係唔係王X詩啊,哈哈。

    回覆刪除
  57. 小妮
    她想人知道自己年紀輕已成為律師,
    少年得志!
    心智仍然小朋友..
    咦?
    係王X詩啊?
    恕我孤陋寡聞

    回覆刪除
  58. 得我同卡娘修煉多年,才如此精製而成,你完全得我精髓,老懷安慰

    回覆刪除
  59. 卡臣哥:你老婆唔會check 你 email 架可?

    回覆刪除
  60. Carson - 我唔知佢中文名. 好似唔係姓王. 律師唔係要好世界女/仔的嗎? 佢得罪一個同檯的前輩(大律師又係), 笑佢50幾歲, 又得罪一個男banker...Wah! 我declare唔識呢個傻婆.

    回覆刪除
  61. 老豆
    全靠當年一本"老爺車"
    令你如出山老虎
    可惜"老爺車"已成絕響

    回覆刪除
  62. 小妮
    妳又教膮我乜野叫"自掘墳墓"啦
    有因必有果

    回覆刪除
  63. 小妮音樂日誌 提到...
    我遇過一名香港女大律師-Kong girl(約廿多三十歲),第一次見面就要同我地玩估年齡,笑人年紀比她大,好冇禮貌,玩到大家黑晒面.大律師,又香港大學又London U gar wor...咁低質素?

    如果你想知這位律師名字, 可以email我.

    唉,有爺生,無乸教,累街坊!

    Daniel.

    回覆刪除
  64. Carson -

    她玩完估年齡,還要對我說:「我玩吓你之嗎」

    她指著她的前輩說:「你52!」

    銀行佬知道她讀出各人年齡後,立即對她說佢唔玩.

    天啊! 傻婆啊! 大律師wor!

    回覆刪除
  65. 卡臣集團 Carson ( HK ) Co.Ltd2008年4月14日 星期一 下午4:56:00 [GMT+8]

    卡臣,你老豆最鍾意唔係睇老爺車,係 " 香港 97 " ....

    事關亞伯爺佢係長期訂戶,我就係出版人。



    Carson Group ( HK ) Co.Ltd

    回覆刪除
  66. 小妮:
    "天啊! 傻婆啊! 大律師wor!"
    唔使激氣喎!
    她自會吃虧.(得罪client / 法官)
    我地等睇戲啦!

    回覆刪除
  67. 卡臣集團
    係咩?
    我老豆改我叫carson
    因為睇完"老爺car"而生的son
    又唔見佢叫我"97son" "hkson"?

    回覆刪除
  68. Daisy Wong 我睇都係方卓如, 睇下輝哥幾時又認埋呢單佢...

    回覆刪除
  69. 75個留言,破紀錄!

    除了你一家人,"鍾氏宗親會"有無聯絡你,叫你衣錦還鄉?

    回覆刪除
  70. vincent,
    大家賞面啫!
    不過, 如果某文章有75留言,
    該文通常是封blog告別文
    大吉利是!

    回覆刪除
  71. E !有次坐巴士都俾個男子訓覺時,
    一野中埋我身喎~~, 我無"唼唼聲"添 !
    蝕章添~~~

    回覆刪除
  72. 派糖 ?? 佢坐得我隔離, 就知我唔係令女啦~
    hahaa...

    回覆刪除
  73. kateyip

    始終都係異性呀!可以一親香澤嘛

    回覆刪除

LinkWithin

Blog Widget by LinkWithin