~~~~~~~~~~~~~~~~







2011年3月2日 星期三

阿強在東京街

阿強在東京街

長沙灣的東京街,我阿強曾經常常出現在這裡。當年讀中五時,我有一個男同學住在東京街,他家裡有一台唱機和大量黑膠碟;放學後我跟他一齊回家錄歌,從黑膠碟錄落TDK錄音帶。

他的收藏甚多:英國、美國、日本、粵語碟都有,我如站在buffet枱前,見到什麼喜歡的歌便錄下來。錄了很多盒錄音帶。如果要找租碟公司幾蚊雞錄一隻歌的話,我省下的那筆巨款,足夠我到海外留學啦!…….我意思指到離島睇書啫!

男同學的家人未返,家裡下午只得我、他和唱機。但我們都十分之「直」,請不要作無謂之聯想,或自行加插脫離現實的情節。

會考之後,我升上原校中六。他去了另一間中學重讀中五,友情便沖淡,告別了我到東京街的歲月。(但那些TDK錄音帶仍放在我娘家,可惜我已沒有卡式機了 )。

遊了一陣花園,喺時候講返正題。今次回憶我首次去東京。1990年8月,我到東京旅行。圖中的我身在原宿的明冶神宮,站在有幾層樓高的「鳥居」前。我穿oversize白色T-shirt、腳踏藍色帆船鞋但唔著襪,T-Shirt攝入褲、十分之80年代(即係娘啦!)

神宮內很多烏鴉,牠們「呱呱」聲咁叫,這是我生平第一次接觸到live的烏鴉叫聲。好「希冶閣」的《Birds》呀!幸好無中雀屎。可能我誠心去拜神,所以有神庇佑啦。腳踏碎石路,行了20分鐘,終於見到「明冶神宮」啦。嘩!好宏偉呀!對於只見過「黃大仙廟」的我,頓時讚嘆不已!(鄉下仔出省係咁架啦)。

寫到這裡,我要擱筆了。我要它成為一篇「前言」比例長過「正文」的遊記。呵呵呵~(傻笑中...)!哈哈哈!(沾沾自喜中…)





TOKIO - 沢田研二
作詞:糸井重里
作曲:加瀬邦彦

空を飛ぶ 街が飛ぶ
雲を突きぬけ星になる
火を吹いて 闇を裂き
スーパーシティが舞いあがる

TOKIO TOKIO が二人を抱いたまま
TOKIO TOKIO が空を飛ぶ

海に浮かんだ 光の泡だと おまえは言ってたね
見つめてると 死にそうだと
くわえ煙草で涙おとした

TOKIO やさしい女が眠る街
TOKIO TOKIO は夜に飛ぶ

欲しいなら何もかも
その手にできるよ A TO Z
夢を飼う恋人に 奇跡をうみだすスーパーシティー

TOKIO 哀しい男が吠える街
TOKIO TOKIO が星になる

霧にけむった 不思議な街に
あやしい胸さわぎ
やすらぎ 知らない遊園地が
スイッチひとつで まっ赤に燃えあがる

TOKIO やさしい女が眠る街
TOKIO TOKIO が空を飛ぶ
TOKIO TOKIO が二人を抱いたまま
TOKIO TOKIO が空を飛ぶ
TOKIO TOKIO が星になる

50 則留言:

  1. 追夢者

    同意
    簡舍有感情和質感

    +++

    佛爺

    我以為泰國先有真人表演添
    乜日本都有咩?

    回覆刪除
  2. 阿強:

    點知呀!你自己可以上埋台做主角添呀!

    回覆刪除
  3. 佛爺

    大戰東瀛魔女?
    這是你向來的心願喎

    祝早日達成

    回覆刪除
  4. 阿強:

    有男人在台上,雖然對住東瀛魔女,但台下成班人睇住,男人既細佬,會唔生性架!

    回覆刪除
  5. 佛爺

    明白嘅

    我有時在公廁
    我站在尿兜解手
    後面企住個人
    我都唔暢快啦
    何況是幹那回事

    回覆刪除
  6. 我站在尿兜解手,後面企住個人,我都唔暢快啦!

    阿強:

    遲D跟你講,這是一個著名心理學實驗。我知道後,企係尿兜到,一定向上望,睇下有無鏡頭!

    回覆刪除
  7. 佛爺

    我通常向前望喎
    (即試前面沒有電視機)

    這又是什麼心理暗示呢?

    回覆刪除
  8. 老人院時間:我地細個响葵涌金花商場租碟返屋企dub casette嫁!TDK帶都分好多級數嫁,記得鋼帶同白金帶嗎?一間好細的鋪包纙當時最興既日、西、同本地野。淨睇日本的細碟封面已經好吸引。中森明菜的《眼淚不是裝飾品》的soft lens 同佢個pose的手指擺法真的超靚。

    小泉

    回覆刪除
  9. 小泉

    好嘢!有人同我想當年啦!

    TDK帶分三種:
    最普通果隻叫磁帶,十幾蚊有交易
    中間果隻叫鉻帶,廿蚊雞
    最貴叫鐵帶,效果最好

    我試過搵舖頭錄歌
    REMIX又齊又多

    日本歌...首推安全地帶
    而家聽返都唔娘
    搵日選返隻玉置浩二先

    回覆刪除
  10. 卡臣
    係呀係呀 d帶應該係咁分的,等我仲扮勁添。謝謝你的指正。
    你上年有無去安全地帶的演唱會呀? 演唱會本身很正!另一感動位是觀眾。我的觀察是大部分都是年齡相約的一群(late 30’s and 40’s),冷靜但不冷漠,投入但不過份熱情,進場散場都安靜守幑秩序,非常愉快的經驗。

    回覆刪除
  11. 阿強,我唔識日文,你可唔可以繙譯首歌?

    我諗你唔會大膽到去睇真人表演,不過去買書同影帶應該係行程之內。返嚟行李有冇超重呀?

    回覆刪除
  12. 阿強哥,型就係型、俊就係俊,你著乜都掂架喇!

    回覆刪除
  13. 小泉

    安全地帶來港演唱...我無睇呀
    可惜! 殘念呀!

    +++

    歪歪

    立即為你譯一段:


    在空中飛 飛到落街
    雲層中突然見到星星
    吹熄啲火 裂開的聲音
    super city 都跳舞

    TOKIO TOKIO 二人抱住
    TOKIO TOKIO 在空中飛

    在海上浮 水泡發光
    我要講嘢
    睇住你 就快死
    邊抽煙邊流涙

    TOKIO 溫柔少女要瞓街
    TOKIO 飛到夜晚

    我無去買雜誌...便利店揭吓就有

    +++

    校長

    我張相...邊夠你蒙古含煙抑鬱朝偉look咁有型呀?!

    回覆刪除
  14. 阿強,你無買雜誌嘅原因有兩個解釋:

    1. 你淨係買錄影帶

    2. 你係同女朋友一齊,無機會去買

    多謝繙譯,即刻明哂!

    回覆刪除
  15. 歪歪

    你都好叻,好有邏輯

    不過我唔買書/帶的原因,得一個字:「窮」
    僅餘的錢買日本時裝衣履和手信
    成副身家無哂啦

    我的日文又進步了
    估估吓都估出個脈絡

    回覆刪除
  16. 嘩,原來你當年去日本置裝,潮人先驅!

    咁你唔爭在譯𠹺下半部份,唔駛我聽到搲哂頭!

    回覆刪除
  17. 我細個在東京街都留低過唔少腳毛,因為呢條街好特別,街頭同埋街尾都係公眾泳池,我細個就喺呢兩個泳池浸大架啦:)

    回覆刪除
  18. eben

    係呀
    李鄭屋泳池同深水埗泳池
    我都有幫趁呀

    但我反而記得某個暑假,救生員罷工唔清潔泳池,池中有屎呀!幾恐怖呀

    回覆刪除
  19. 歪歪

    果陣有啲日本牌子香港無架
    好似: Taka Q / Edwin /
    很多牌子名字都忘記了

    繼續翻譯:

    欲望是什麼呢?
    這雙手識寫A TO Z
    將夢當飯食的恋人啊
    super city 的奇跡

    TOKIO 悲哀男人在街上扮狗吠
    TOKIO TOKIO 變成星星

    吹起霧來 不思議的街呀
    你個胸咁大嘅
    唔知咁多 帶你遊花園
    赤紅烈火般燃燒

    TOKIO 溫柔少女要瞓街
    TOKIO 飛到夜晚

    TOKIO TOKIO 二人抱住
    TOKIO TOKIO 飛上天空
    TOKIO TOKIO 變成星星

    回覆刪除
  20. 阿强好有型窝!
    阿强同个男同学会搞野戈咩?嗰阵时概纯真年代,阿强同佢个同学仔都系好纯真架嘛!

    回覆刪除
  21. helloninie

    多謝妳的讚賞
    都21年前囉~~

    妳說得對
    我學生時代,不知幾咁純情
    真係可以用蒸餾水嚟形容

    回覆刪除
  22. 纯情阿强嘅前言真系长,带我地游花园,哈哈。。。

    我都没去过东京,又羡慕又妒忌!
    但是更加期待你嘅东京传奇故事~~

    你识日文吗?

    回覆刪除
  23. TDK 最平嗰隻錄音帶叫 D-60,當然 90 分鐘就叫 D-90,當年我都敗咗好多錢落去,鐵帶話會傷磁頭架~

    明治神宮係初去東京嘅人必去嘅影點,當年我都有喺度留倩影

    回覆刪除
  24. cindy

    我只識估日文

    日本故事?
    有一個,不過很長
    妳有時間才看吧:

    http://carson-chung.blogspot.com/search/label/%E5%85%A9%E8%8A%B1%E7%94%9F

    ++++

    largeheadboy

    D60,D90之外還有D120
    還有AD
    SA就是鉻帶

    對初旅者,明冶神宮真係一個必去地方

    回覆刪除
  25. 1. TDK既帶質素唔得, sony好d, 仲要係鉻帶
    2. 1990年8月, 我冇去日本, 一個人去左歐洲療傷。同你既相唔同, 當時我所有相都冇笑過。

    點唱時間, 歐新明回歸了, 小島既歌 , pls !!!

    回覆刪除
  26. 點解東京街會喺tonkin street 嘅?就算唔喺tokyo都應該喺tung king之類?

    回覆刪除
  27. 篤篤

    你一個人去左歐洲療傷,成件事好浪漫,好文藝青年呀! 型!

    sony啲帶都靚,maxell帶就無用過

    我都一早都想選小島和凡風
    無奈youtube的小島和凡風的歌
    只有硬照,沒有MV
    如今有你和議
    立即點播

    回覆刪除
  28. ERIC

    你好!

    我估開埠之初,起街名那官員,英文唔係咁好,發錯音囉

    回覆刪除
  29. 『你個胸咁大嘅
    唔知咁多 帶你遊花園』

    好正呀!我都想帶個大胸去遊花園。

    咁你當年買咗咁多靚衫,肯定迷倒不少㗎妹啦!

    回覆刪除
  30. 歪歪

    大胸遊花園<--好食風架

    我著龍袍都唔似太子
    穿了日本時裝都係柒樣一個
    打後的遊記會見到我如何地柒

    回覆刪除
  31. 卡臣:

    果個在尿兜上裝上鏡頭的研究,是證明私人空間。

    男人隻雀仔突出褲子後,要幾耐才排尿呢?如果側邊無人,好好就出尿,人越多,就越要長時間才出尿。嘻嘻!

    回覆刪除
  32. 佛爺

    真係無講錯
    小便時有人在旁...直情痾唔出呀

    我向政府建議
    男公廁拆哂尿兜
    起哂廁格
    咁就prefect
    又男女平等喎

    回覆刪除
  33. I.minor

    好嘢!
    咁大家快啲入手
    買返對藍帆船鞋看吓門口啦
    2012大熱呀

    回覆刪除
  34. 大胸遊花園<--好驅風至真!

    嗱,阿強,你咪話自己著起龍袍唔似太子,明年個個就做翻版阿強跟你咁樣著!

    另外,公廁唔駛拆尿兜,你都可以去用廁格㗎啫。

    回覆刪除
  35. 歪歪

    好期望明年大家回歸80年代衣著
    一定日日都有得笑

    「公廁唔駛拆尿兜,你都可以去用廁格㗎啫」
    嘻嘻...其實好早我已經用開廁格

    回覆刪除
  36. 小便時有人在旁...直情痾唔出呀

    卡臣:

    這是個人空間的問題,不是什麼病。

    個人空間是社會心理學研究的範疇,因受群體直接影響。

    回覆刪除
  37. 佛爺

    從心理學角度,正經一問:
    男性在一個女仔面前勃起容易
    咁在一群女仔面前勃起會有困難嗎?

    回覆刪除
  38. 卡臣:

    站在尿兜小便,隔離有人,是他入侵了你所既定的個人空間。

    在一位女生前勃起,她已經是入侵了你的個人空間,因為做愛,心理和生理上,個人空間已經減到零距離。

    在一群女生前勃起,譬如說,玩nP,她們全都已經入了你的私人空間了,我認為,是一樣沒有困難勃起的。

    小便,是個人的事。做愛,是雙向溝通。

    自慰,玩吹氣公仔,是私人的事,雖然也會勃起,但不等於做愛,因沒有雙向溝通。

    回覆刪除
  39. 佛爺依德

    多謝呀
    解釋得好清楚
    我明白哂啦

    祝你早日與架妹群交
    替我中華民族增光

    回覆刪除
  40. 卡臣,依家知道以一敵眾都應該唔會怯場,咁你幾時出動呀?

    回覆刪除
  41. 歪歪

    我?
    我從來唔夠膽以寡敵眾
    所以隻揪就ok
    群揪免問

    回覆刪除
  42. Wow,80年代 look 又來了!你就好啦,90 年已經有機會去東京!

    回覆刪除
  43. 單無雙

    妳留學飛得更遠啦
    況且妳在日本旅居工作
    仲勁!

    回覆刪除
  44. 阿強,
    TDK, Maxell & Sony錄音帶係我中學年代的集體回憶...細個冇錢, 多數買TDK進行翻版事務...

    明治神宮真係歷久不衰, 咁多年都一樣!

    回覆刪除
  45. phyllis


    我有啲錄音帶發「毛」
    嗚..嗚...
    部分回憶失去了

    明治神宮勁過黃大仙廟十倍啊!

    回覆刪除

LinkWithin

Blog Widget by LinkWithin