~~~~~~~~~~~~~~~~







2010年5月19日 星期三

娛樂圈少年

【寫於2010年5月19日】
【翻叮原因:補番一篇溫情的舊生聚集故事】


娛樂圈少年

阿偉身穿G2000黑色西裝,手拿著公事包,晚上7:30步入旺角某酒樓的某包廳,門外豎起一個告示牌,寫著「東華三院莊嘉城紀念小學舊生晚宴」。阿偉是1996年小六畢業生,今晚應邀出席舊生紀念晚宴。

* * * * * *

阿偉很興奮,因為今晚可以見到十四年前讀小六時,最friend的五位同學:阿德、阿輝、阿麗、阿昌、阿萍,加埋阿偉自己六個人,是一班死黨。每逢老師罰學生留堂,這六人總是有份。因為大家成績都係咁差。成班考試排尾嗰十位,必有他們六人份。而且六人都住在同一個公共屋邨。六個「屋邨幫」同聲同氣。

十四年前某一夜,六人夜晚坐在屋邨球場的看台上,圍坐傾偈。一打樽裝可樂,一輪明月。各人成績強差人意,不能直升中學原校,六人暑假後會各散東西,大家一起估吓將來做什麼工作。

阿德:最叻「撻嘢」,偷錢偷模型偷零食,神不知鬼不覺,從未失過手;

阿輝:最鍾意玩遊戲:紅綠燈、猜皇帝、糖黐豆,小息一到就玩到癲,仲識改良遊戲規則,提高好玩程度;

阿麗:身材高大的肥妹,靚女同學身旁必有一位惡死肥妹,一有男生想借機接近,撐雞阿麗便挺身而出,鬧走狂蜂浪蝶;

阿昌:考試一定抄隔離,抄功課最拿手,抄得最有技巧,從未被老師發覺到任何抄襲的蛛絲馬跡;

阿萍:最愛講同學是非、男女同學被編坐埋一齊,就叫佢哋結婚。最清楚邊個暗戀邊個、邊個討厭邊個;

阿偉:最靚仔最姿整最有戲劇細胞,曾經連續三年在學校舞台劇扮演白馬王子,很多女同學都一直暗戀他。

十二歲的阿德、阿輝、阿麗、阿昌、阿萍,對未來都沒有什麼抱負,估自己應該做些基層工作吧!五人猜測自己將來的工作,應該會幹著跟父母相同的工作:護衛、物流、清潔、廚房、售貨員等等。
唯獨擁有camera face的阿偉,希望自己將來可以闖入娛樂圈,做個小明星。旁人聽後,沒有撥冷水,因為他們打從心底裡,真的相信阿偉會憑這張俊臉,可以為他帶來名與利。

五人高舉起手中的可樂,衷心祝阿偉在娛樂圈闖出名堂!齊聲大嗌:「入娛樂圈!入娛樂圈!入娛樂圈!……」他朝如果阿偉成名的話,不要忘記這六個「屋邨幫」呀!一輪明月做證,阿偉笑著應承。

* * * * * *

結果呢?阿偉中五畢業後,先經模特兒公司介紹,接過一些雜誌的「硬照工作」,後勁不繼,參加電影試鏡、舞台劇試鏡、電視先生、藝員訓練班,都不能被選中或入圍。在零入收之下,阿偉只好放棄入娛樂圈的夢想,踏實地做保險經紀。一做就做了八年,但成績未見突出,仍是營營役役。

六人升到不同的中學後,當中有幾位搬離該屋邨,沒有再聯絡,各散東西,十四年後,多得小六男班長經facebook聯絡上咁多位舊同學,在酒樓搞聚舊飯局。

阿偉身穿西裝,手拿著公事包,晚上7:30步入酒樓包廳,門外豎起一個告示牌,寫著「東華三院莊嘉城紀念小學舊生晚宴」。阿偉急不及待想跟六個「屋邨幫」死黨重聚。阿德、阿輝、阿麗、阿昌、阿萍五人早已在一張圓枱,傾得興高釆烈。他們見到阿偉,立即熱烈地揮手,互相握手和擁抱,大家雖然添了風霜,但五官輪廓仍可認出。

六人14年後再聚首,交換彼此近況。大家尚未結婚。談到工作方面,阿偉搲一搲頭,羞怯地說自己當不成娛樂圈明星,夢想達不到,只成了保險經紀,輕輕嘆了一口氣。阿偉問他們是否真的當了護衛、物流、清潔、廚房、售貨員?他們逐一透露:

阿德:最叻「偷嘢、撻嘢」,如今當了電視台編劇,多套受歡迎的電視劇都是出自他手筆。他最叻偷橋,把「美劇」改成「港劇」:《24》改成《爭分奪秒》、《ER》改成《妙手仁心》、《CSI》改成《鑑證實錄》,電視台內稱阿德做「偷橋王」;

阿輝:最鍾意玩集體遊戲,如今當了電視台遊戲節目的監製,藝人扔Cream食washabi跌落水坐爆汽球的虐待式遊戲節目,都是他的idea,一直保持高企的收視率;

阿麗:保護靚女同學的惡死肥妹,如今當了女明星的經理人,照顧藝人大小事務,擋駕記者的尖銳問題,打發無謂的應酬和問價,成為八面玲瓏的經理人;

阿昌:最叻「抄功課」,如今當了作曲人,很多自憐自殘的K歌,都是他的作品,他抄得有技巧,K歌的起承轉合已有一定模式,阿昌東抄西抄、改少少便出產大量K歌,阿昌用了藝名,所以眾人不知那位幕後作曲人就是阿昌;

阿萍:最愛講同學是非,如今當了八卦雜誌的編輯,以前見男女同學坐埋一齊就話佢哋結婚,如今見男女藝人行近一啲,便寫他們「有路」;以前邊個同學得罪自己便玩杯葛,如今邊個藝人得罪自己就筆伐抹黑,玩法一樣。

阿偉聽完,搖頭苦笑,十六年前大家以為阿偉最有機會入娛樂圈,結果最後,除了自己外,其餘五人都入哂娛樂圈,從事show business。

五人安慰阿偉說在娛樂圈要「靠關係」,大家會留意一吓有冇機會適合阿偉。他們都是義氣仔女,非常識做,異口同聲說:咁啱想買多份保險。阿偉席間即時開了五份保單,感激之情,盡在不言中。

酒宴完結之後,各人手中拿著車匙,去停車場攞車,阿偉連車牌也沒有,雖然阿德已經搬去香港島那邊,但阿德問家住屯門的阿偉:「不如順路車你返屋企?」阿偉點頭多謝。房車駛到阿偉住的公共屋邨,經過那個球場,屋邨恍惚什麼也沒有改變過。

阿偉落車後,看着阿德的汽車駛遠後,抬頭望見一輪明月和一支泛黃的街燈,仿似十四年那個晚上,腦海裡迴旋著五把小孩叫聲:「入娛樂圈!入娛樂圈!入娛樂圈!」,阿偉深深嘆出一口噓唏。


我中學時是「軟硬」的fans,《廣播道fans殺人事件》大碟更是廣東rap歌先驅。如果我要揀陪葬品,這張大碟必在當中。

廣播道fans殺人事件 - 軟硬天師
我歌神瘋魔幾百萬人 呼風喚雨叱吒風雲
領導樂壇靠哂你地 無左你地我地會死
疑幻疑真既英文字 ABCDEFG
你的名字叫做Fans Fans Fans我支持你

黎張劉郭佢都鍾意 上勁歌金曲去EYT
吹親BB就係FANS 逢SHOW必到有早無遲
亂打拍子表示支持 萬人大合唱世界KEY
黑色Banner襯反光字 永遠愛你我支持你
螢光漆筆傻瓜機 簽名要簽正係大脾
撞到secu即刻做戲 偽造証件冒充娛記
話呢話路晌後台哩 見到偶像成個彈起
軟硬天師我支持你 三個Fans一齊黎

嘩! 陸家俊 我地支持你
阿! 鄭梓浩 我地支持你
喂! 蔡興倫 我地支持你
ABCD繼續支持
喂! 梁雁翎 我地支持你
黎明詩 我地支持你
阿! 何婉盈 我地支持你
真係奇 我諗 我係Fans

各位Fans楂住BB 佔領紅館鎮壓IP
守住門口廿四小時 啲密通道佢無所不知
勤力過PR非常準時 晨早六點棟係唱片公司
牆上刻字地下寫詩 有起事黎會震碎玻璃
見偶像架車轉出路口 佢就跑出馬路做長跑好手
跳高拍手仲擘大口 灘係路中心扭兩扭
由清水灣追到隧道口 披頭散髮又成身汗臭
面青口唇白都唔識得嘔 嗌夠睇夠咪返屋企抖

賴碧芬 我地支持你
關藹恩 我地支持你
Cheung Wai Ming 我地支持你
各位Fans請你支持
黎婉雯 我地支持你
Mo Mo Ko 我地支持你
冼金鳳 我地支持你
求下你 嗌我

上台獻花你娶左我啦 強行索吻都幾好架
摷到我電話知我Call機冧把 半夜三更講聲你好嘛
僕係我樓下攤係我花架 落雨不怕落雪也不怕
對住我同我嘻嘻哈哈 擰轉背拆蟹雕大花

Fans係我地既食糧 買我隻碟又買我幅相
柱躉式中鋒次次捧場 來來去去得果幾個樣
陳李黃何歐陽林葛張 歡樂今霄請鼓掌
真真假假氣氛幻象 Fans偶像齊齊大合唱

Leon學友 我地支持你
Aaron華仔 我地支持你
憶蓮Sally 我地支持你
Beyond草蜢 我地支持你
王菲Shirley 我地支持你
Jimmy Dicky 我地支持你
各位Fans 我地支持你

軟硬天師......噓
 

45 則留言:

  1. 卡臣:

    娛樂圈幕後那班人多得你唔少,比你咁樣諷刺!嘻嘻!

    回覆刪除
  2. 同意"廣播道軟硬殺人事件"係正野~

    你會唔會都係老人院fans?

    回覆刪除
  3. 真係十年人事幾番新,好唏噓!

    成班義氣仔女,連住港島都「順路」車佢返屯門,所以話中學時代識於微時的友情,最真!

    回覆刪除
  4. 佛爺

    娛樂圈幕後那班人百毒不侵
    呢啲算什麼?

    +++

    美麗瑩

    老人院fans
    我係呀!
    電話整蠱
    百聽不厭

    回覆刪除
  5. Coffee

    童年友情最珍貴
    雙肩插刀
    赴湯蹈火都得!

    ++++

    iminor

    「事與願違」四個字
    教世人折腰
    唉~~

    回覆刪除
  6. naruto

    非也非也
    我中學時興Beatles 同 Rolling Stones

    無奈我讀書差
    低班三年先升一級
    以senior student身份畢業呀
    陰公

    回覆刪除
  7. 我讀完大學做左幾年"廣播道軟硬殺人事件"才出版, 快d叫叔叔 !!!

    回覆刪除
  8. 篤篤

    我到社會謀生個年
    越南船民剛乘匯豐號到港

    快d叫我卡叔!

    回覆刪除
  9. 『莊嘉城』?不如化名叫「莊家勝」啦!

    你仲話係「軟硬」fans,歌名都寫錯!

    「軟硬」呢隻碟借咗你嘅上身嚟做封面。

    回覆刪除
  10. 歪歪

    嘻嘻
    sorry
    打錯「廣大道」添
    已改

    「莊家勝」好嘢喎
    不如叫「莊家勝」麻雀學校!

    「軟硬」隻碟
    封面果兩位筋肉人
    我都想係我呀

    回覆刪除
  11. 匯豐號都識 ? wow....果年我好似初中咋~~

    回覆刪除
  12. 卡臣,你又『嘻嘻』,我以為係佛爺嘅專利𠻹,嘻嘻!

    回覆刪除
  13. 歪歪

    嘻嘻
    係喎
    你講起先覺呀

    ++++

    篤篤

    咪係囉
    馬場大火我都記得呀

    回覆刪除
  14. 米老鼠

    娛樂圈也叫做「銀色旅途」
    花花碌碌的水銀燈生活

    回覆刪除
  15. 卡臣:

    係喎!入得娛樂圈,怎會怕人講幾句?

    歪歪都幾細心,睇到嘻嘻是我的嘜頭!嘻嘻!

    回覆刪除
  16. 佛爺

    歪歪又真係心細如塵架!


    星期五係佛誕喎
    預祝你生日快樂先

    回覆刪除
  17. 最近去左屯門, 重返自己讀既幼稚園同第一個家, 再讀你呢篇, 真係唏噓到呢.

    回覆刪除
  18. 卡臣:

    謝謝你的祝賀!星期五我會在廟宇內,有十二名日本AV女善信跟我慶祝佛誕。嘻嘻!

    回覆刪除
  19. c+

    唔使唏噓
    至少妳擁有自己的事業

    我就真係唏噓到爆炸

    回覆刪除
  20. 佛爺

    十二名日本AV女善信?

    咁我送定張輪椅俾你
    擔保你十日唔行得

    回覆刪除
  21. 『歪歪都幾細心,睇到嘻嘻是我的嘜頭!嘻嘻!』

    『歪歪又真係心細如塵架!』

    你哋兩位讚我細心,其實我係一個粗心大意嘅人嚟㗎,又再證明咗互聯網上嘅人係好識得掩飾身份。

    ****************************

    佛爺,莫非你有七手八臂,唔係點應付得嚟?

    回覆刪除
  22. 歪歪

    唔好咁謙喎
    太謙就變成虛偽架啦

    佛爺無七手八臂
    不過佢食唔哂會益吓朋友/網友啩

    回覆刪除
  23. 『太謙就變成虛偽架啦』

    弊喇,連我為人虛偽都俾你睇得出𠻹!

    『不過佢食唔哂會益吓朋友/網友啩』

    𠯋,可惜我無福消受呢。

    回覆刪除
  24. 卡臣:

    坐上輪椅仲好呀!搵一位AV女觀音坐蓮,另外兩位AV女推住我張輪椅在自轉!外圍圓圈點住十二支蠟燭!其餘九位AV女就在跳艷舞!嘩!感覺好似升仙咁呀!

    回覆刪除
  25. 卡臣,歪歪:

    艷福無門,為人自招。只要你們誠心向艷,香艷自然滾滾而來!嘻嘻!

    回覆刪除
  26. 佛爺

    咁震撼的場面
    得你先設計到


    佛都有火呀
    (慾火)

    回覆刪除
  27. 卡臣:

    睇完D舊留言,都覺好笑,點解我會寫佐D咁既野?

    回覆刪除
  28. 佛爺

    差不多相隔一年
    你的佛誕慶祝活動可有實現?

    勁過未央生!

    回覆刪除
  29. 卡臣:

    有咁多AV女慶祝佛誕,我圓寂佐喇!嘻嘻!

    回覆刪除
  30. 有時參加舊同事揾既飯局,真係好怕去, 幾年都唔見一次, 個個都老晒, 想唔記得自己都一把年紀都唔得.

    有D个帶一家大細黎, 有D人既仔女去邊度邊度留學咁...

    唉! 孤家寡人既我, 無言以對 !

    哈哈~~~

    回覆刪除
  31. 佛爺


    咁樣圓寂,一定可以投胎轉世做AV男優


    +++

    Kateyip

    我的同學都有仔有女
    不過就當父母面就鬧父母啫

    回覆刪除
  32. "我的同學都有仔有女
    不過就當父母面就鬧父母啫"

    咪即係鬧你的同學? 咁相見爭如不見囉~~~

    係呢~ "reboot自己" 果篇留唔到言既 ??

    回覆刪除
  33. kateyip

    直情示範「港童」風範
    同學都無面

    reboot自己
    我試過留言. ok喎
    blogspot 間中short short地

    回覆刪除
  34. naruto

    要軟硬碟陪葬,唔錯呀我覺得

    回覆刪除
  35. 今日我都路經我讀過兩年嘅中學,周圍環境變晒,人面全非啊~

    回覆刪除
  36. largeheadboy

    我間中學就起多一座樓
    (即是擴建)
    外牆換上了油黃色

    回覆刪除
  37. 卡臣,你不做编剧真是‘杀羊’(sayang马来语,可惜之意。)!!!

    回覆刪除
  38. cindy

    sayang呀?
    多謝呀
    我過馬來西亞當編劇吧

    回覆刪除
  39. 我記得這一篇...
    每個人的際遇唔同, 有些事又是註定的啊...

    回覆刪除
  40. phyllis

    命裡有時終須有
    命裡無時莫強求

    回覆刪除

LinkWithin

Blog Widget by LinkWithin