~~~~~~~~~~~~~~~~







2008年11月7日 星期五

Let's go to highway

Let's go to highway

(為了傳神關係,本文內含粗言穢語,敬請留意)

夜色茫茫的高速公路上,一輛時速一百公里的小巴衝過一盞紅色的交通燈,刺耳的滑軚聲音劃破了寧靜的黑夜。

出力踏着油門的,是一個二十出頭的金毛小巴司機, 他握著軚盤的右手,戴着一揪金屬手鏈,左臂則紋上一隻雪狼的鐵青色紋身。他的反叛性格從他的駕駛技術中流露出來,他天生喜歡挑戰香港的交通法例:於禁區內落客搶客、Cut雙白線、超載、衝紅燈、逆線行車!

雖然小巴乘客明白乘搭「亡命小巴」是一件十分危險的事情,無奈能夠以最平宜、最短時間到達目的地的方法:小巴是唯一的選擇。有些乘客未能負擔得起在市區置業,
每天都需要乘搭小巴往返巿中心和偏遠的地區;他們相信自己可能終有一天會命喪於高速公路上, 當然這個念頭從未在這位小巴司機的腦海中出現過。

* * * * * * * * * *

這天中午,在攝氏35度的高溫下,引擎的轉動聲音也變得乾澀;他如常地疾馳於他的競技場跑道上。雖然他昨夜因為要睇波,而通宵未睡,但只要他一坐在司機位上,他的腎上腺和脾質醇便會自動升高!
老虎都打得死幾隻!

他往返這條路線已經有三年之久,閉上眼也能入彎cut線,揮灑自如!乘搭這條路線的乘客,通常到達某商業中心時,都有乘客叫落車,
這天司機如常地望著倒後鏡問:「達成中心有無落?」
車廂內一位小巴乘客大聲地答:「有呀!

小巴用六十五度的切入角度,高速飄移到達成中心的門口,一分一毫沒有偏移,司機露出一個滿足的微笑!「砰」一聲打開車門,左手向後一攤,準備收錢,怎料沒有乘客起身落車,
火爆的司機回頭問:「邊撚個叫咗落又唔橪落?」
車廂內沒有一個乘客回答他,
司機咕嚕一句:「俾我知道邊條仆街喺度玩嘢,佢就死撚梗!」便悻悻然繼續開車。

小巴繼續飛馳,一名婆婆在茶樓前正想遞手截小巴,司機加速爬過前面左線的一架小巴,成功搶客! 他從倒後鏡回望後面心深不忿的小巴司機,發出不屑的笑聲。

婆婆上車後,為司機的日薪增添多幾蚊雞。婆婆眼曚曚睇唔清楚車費牌寫幾多錢,
便開口問司機:「司機,幾多錢啊?」
司機大聲答:「七蚊!」
車廂內有一位乘客立即大聲回應:「七蚊咁貴?五蚊得啦!
司機揸咗咁多年小巴,都係第一次聽到有乘客搭車講價!
司機火從心上燒大嗌:「邊撚個玩嘢呀?無錢學人搭乜撚嘢車吖?!」
該乘客沒有因此退縮,更理直氣壯地回答:「嘩!咁樣做生意都得?!

司機平生都未試過咁樣俾人頂撞,怒火中燒!把小巴剎停在公路上的避車處,撥開假扮扣上的安全帶,離座轉身對着車廂內的八位乘客,
扯大喉嚨問:「屌你鹵味!邊撚個呀?落車隻揪!」
車廂內的乘客被司機突如其來的舉動嚇到目瞪口呆!鴉雀無聲......

五秒鐘沉默拉鋸後,一位中年師奶,先打破僵局,指着後排一個乘客:「係呢個四眼仔!」呢個四眼仔而家先如夢初醒,發出疑惑的目光。

原來四眼仔搭緊車途中,就快駛到「達成中心」時,他的手提電話突然響起,因為車廂內太嘈,四眼仔用右手緊蓋着右耳朵, 左手把手提電話緊貼到左耳朵,大聲對話。
電話旁客人問:「喂!阿Joe,我想問你公司,RG-6電線有冇貨?」
四眼仔大聲答:「有呀!
客人問:「咁幾多錢一米?」
四眼仔答:「等我check check先!轉頭覆你!」
當婆婆上車後,四眼仔覆電話給客人:「喂黃生,我check咗喇,五蚊一米。」
客人說:「吓?五蚊咁平?另外一間公司開價七蚊一米,」
四眼仔答:「七蚊咁貴?五蚊得啦!」
客人說:「仲有,佢哋講明貨期唔做30日!」
四眼仔答:「嘩!咁樣做生意都得?!
講到這裏,小巴便急停在公路上的避車處。

一位50歲男子幫口:「司機大佬,佢講電話啫,唔係同你講呀!」司機怒氣消了一半,見有落台階便說:「講電話?屌你!唔早響?」這時,司機見到遠處有架鐵馬嚟緊,他趕快跳回司機位開車走人!

茫茫然的四眼仔不知道自己聚精會神咁講緊個電話,竟然可以將整部小巴急停咗喺公路上。




紅色跑車 - 太極樂隊
作曲/填詞:因葵

紅色的跑車像是帶著神秘
零星的街燈充滿樂與悲
銀色的煙盒儘是愛是遊戲
拿起香煙你便會筋竭力疲

紅色的跑車是誘惑遊戲
唇膏的色彩性感帶著痛悲
桃色的肌膚是誘惑原是你
拿起香煙這段插曲更迷離

香檳酒樽碎片遍地
身邊的她亦昏醉

Let's go to highway 閃出眼淚
像鑽石茫茫然抹去擾慮
Let's go to highway baby
留下這打火機在車裡

60 則留言:

  1. 我曾經都好很想過做小巴司機

    每朝爆住部hi fi 播Jazz/ R n B/Hip Hop..接d OL/妙齡女學生上上落落..好過家陣我每朝上個架西VAN甘..日日播d 上山送殯音樂...

    回覆刪除
  2. 數奇門

    少何喎...咁夜到訪
    (微笑中)

    我曾經好想做「跟車送貨」
    一來當做運動
    二來可以遊車河
    兩者都是我所愛的活動

    而家我搭van,司機通常聽CR1

    回覆刪除
  3. 卡卡,這短篇的寫實、佈局、描述,真係要拍手掌!絲絲入扣,好似帶我地坐咗一程小巴。
    其實,
    小巴乘客好無奈:
    - 要被迫聽粗口、粵曲、Rap、司機對講機噪音、 某某傾手提、meter超速響聲....四面八方夾攻!

    - 要打起十二分精神,司機隨時dum車、急轉加油、賽車表演...令人冒汗!心稔,坐上亡命小巴,有一日可能出事。

    - 矛盾。點解重要撘這些鬼小巴,身陷險境!

    如果唔趕時間,真係可免得免。

    回覆刪除
  4. 巴黎

    >這短篇的寫實、佈局、描述,真係要拍手掌!絲絲入扣
    =>嘩!我面紅架...

    妳咁文化浪漫貴氣
    唔啱搭亡命van架!

    我對小巴又愛又恨
    平過的士
    快過巴士
    去地鐵去唔到嘅地方

    不過就真係有幾單小巴嚴重交通意外
    touch wood!


    小巴聲音

    回覆刪除
  5. 我最鍾意搭小巴,以前返學日日搭,又快夏天又有冷氣(以前冇乜冷氣巴士㗎)。又唔使點等就有。

    有次同外婆搭,要分開坐,我坐喺後面,佢都照樣喺前面中氣十足咁想同我傾偈(親戚嘅是非),結果俾司機叫「收X聲」。整到我外婆一路鬧司機鬧到落車為止,仲要無啦啦煽動到其他乘客都鬧埋司機一份。哈哈。

    回覆刪除
  6. eric

    哈哈
    你同外婆的遭遇好戲劇性喎!
    最好笑係大家群起反擊司機!

    香港人好冷漠
    各家自掃
    肯聲援你外婆
    幾難得呀

    回覆刪除
  7. 哩篇好啜核啊!

    原來坐小巴咁刺激,搵日要試下

    回覆刪除
  8. 司機唔好玩呀! 我趕時間呀! 快d開車呀! 你開埋呢轉先隻揪呀..唔該! (喵咀喵舌中)

    回覆刪除
  9. 你寫情又得, 玩寫實亦得...都話無記唔請你係一大損失!
    唉..頭先架小巴好chop, 想嘔添..司機唔該有無膠袋呀??

    回覆刪除
  10. 小c

    妙?
    真係?

    +++++++

    hana

    吓? hana姐 妳閣下搭小巴?
    真係相影低
    咁珍貴的圖片!

    回覆刪除
  11. 自由

    司機話隻揪
    贏咗先肯開車

    結果,乘客一定會被打輸

    仲有
    於車廂嘔吐
    要俾$300清潔費
    (我見過這通告)

    回覆刪除
  12. 我好奇問, 果位中年師奶, 有咩下場呢 ?

    回覆刪除
  13. 仲有呢, 我想話hk既小巴司機, 尤其是夜更果d,
    佢地數學概念好叻,
    個個都知道兩點間以直線距離最短
    所有之字路, 佢地都唔扭太,直線駛過 !!!

    回覆刪除
  14. 真人真事,發生過幾次,呢位司機响小巴度大大聲播歌都算喇,佢仲要大大聲跟住唱,唱到陶醉到合埋雙眼,好難聽、好難頂兼好危險。真係貼錢買難受,仲分分鐘賠埋條命。

    回覆刪除
  15. 卡臣
    我外婆主要喺鬧司機喺小朋友面前(ie我)講粗口(唔只X,仲有XXXX),有一大半乘客都喺家長湊仔女放學,所以就群起而攻喇。
    不過外婆好鍾意撩交嗌嘅,有時都幾離譜,真喺想搵窿捐。

    回覆刪除
  16. when the digital meter starts to "beep beep", the van driver usually has no intention to slow down till the next traffic light turns red.

    回覆刪除
  17. 篤篤篤撐

    >所有之字路, 佢地都唔扭太,直線駛過 !!!
    ==>哈哈
    又真係喎!
    仲有
    高速扔彎
    成架車傾側45度但唔翻車
    司機係數學力學教授啊!

    ++++++

    歪歪

    >合埋雙眼開車
    咁顛?!
    好彩你無事唧

    我試過司機大唱「愛情陷阱」
    ~~唉~~偏我遇上~~

    回覆刪除
  18. eric

    講粗口(仲有XXXX)
    咁就可怒也!
    始終係客嘛(乘客)

    你外婆都好堅唧
    巾幗不讓蘇眉
    小巴司機倒楣啊!

    +++++

    nost

    係呀
    meter去到101,102...
    好勁呀!

    為沉悶生活添上漣漪呀

    回覆刪除
  19. I have taken the van a few times this summer when I was in HK. I am amazed at how the driver can drive the van like a sports car. I am also amazed at how the car feels so fast but the speedometer never shows that he is speeding. Interesting.....

    回覆刪除
  20. desertfox

    係呀
    亡命小巴是香港特色之一
    深夜小巴仲激呀!
    北歐人不適宜乘搭!

    回覆刪除
  21. 卡臣:

    我想改名:篇文唔好叫小巴司機,叫末世風情畫好噃~~~~~~:P

    Daniel.

    回覆刪除
  22. 『合埋雙眼開車咁顛?!』
    真係幾顛㗎,我同我爹哋都曾經每朝坐呢條小巴線返工,遇過呢位司機好幾次,我哋幫佢起咗個名叫:「歌神」,係神經病個「神」!當年四大天王嘅hit歌,都係佢嘅飲歌。有時「歌神」唱得好投入,但係突然有人嗌「有落」,佢真係好專業,停車,收錢,跟住佢可以即刻繼續大聲唱。

    其實除咗專線小巴,其他小巴司機多數都係打自己工,佢哋態度唔好,唔顧安全等等嘅問題,乘客可謂係投訴無門。

    回覆刪除
  23. True, except that I don't quite qualify as "North european".

    I shouldn't ride in one, I should drive one :)

    Drove my parents back to their place while it is snowing yesterday. The car is half gliding on the road and it is at night. Not much difference from 亡命小巴

    回覆刪除
  24. Daniel

    末世風情畫?
    上世紀啱啱過咗8年咋!
    咁快又末世紀啦?
    光陰似箭

    ++++++

    歪歪

    小巴歌神?
    你給我靈感
    寫番篇故事先
    多謝你

    +++++

    desertfox

    嘩!黑夜漂移?
    咁堅?!
    好彩無事唧!

    回覆刪除
  25. 我以前做暑期工都做過「跟車送貨」
    一D都唔好玩
    你諗下就算數喇

    仲有我試過搭亡命Van番屋企
    點知司機入錯路出番九龍
    最後成車人一齊屌佢老母屌足全程

    回覆刪除
  26. Keith


    最後成車人一齊屌佢老母屌足全程
    ....嘩!
    咁壯觀?
    盪氣迴腸喎!

    回覆刪除
  27. 『小巴歌神?
    你給我靈感
    寫番篇故事先』

    期待新一篇嘅「小巴」椅背。

    最近你係咪忙緊排戲?希望一切順利,演出成功!

    回覆刪除
  28. 歪歪

    >「小巴」椅背

    玩食字?
    好嘢!我揾到對手啦!

    你真有我心
    係呀
    排緊戲

    如果可以的話...
    你唔好嚟睇呀<--*不是反話*
    只會令我緊張失準
    (雖然一向都失準)

    回覆刪除
  29. 『你唔好嚟睇呀
    只會令我緊張失準
    (雖然一向都失準)』

    即使我唔嚟睇,都仲有大把人嚟睇啫。你有咁多年經驗,點會緊張失準呀?你做得唔好人哋都唔會揾你做咁多次啦!俾心機!

    回覆刪除
  30. 歪歪

    >俾心機!
    ==>我熱淚盈匡感動中

    我應承你
    一於錯少啲

    +++++

    笑兄

    公路上面隻揪.....我估會引起其他車慢駛觀看, 做成連環相撞!

    回覆刪除
  31. 我曾經見過,有個小巴佬(應該是西X或者是香港X綫),把小巴停在廣華條轉角位度,下車拿著鉄棒追著三個黑衣少年打,但追不到,因少年跑得太快,厲害。

    回覆刪除
  32. 蘇記

    嘩!
    暴走司機?!
    嗰三個黑衣少年
    一定做了一些很過份的事情
    (恕我偏激)

    +++++++

    小佚

    我53歲
    那乘客不是我啊

    回覆刪除
  33. 對啊。車上的乘客也不知如何是好。。。

    回覆刪除
  34. 蘇記

    車上的乘客唯有。。。當睇戲


    繼續打psp,

    拍低放上youtube,

    回覆刪除
  35. 卡臣:
    我53歲
    那乘客不是我啊
    -->可能三年前既你呢!xd

    回覆刪除
  36. 你令我記起我平生第一次最認真祈禱嘅經歷,係在半夜坐喺一架玩啄尾飄移嘅高速亡命小巴上。

    回覆刪除
  37. 做乜偶然重播咇野出嚟?

    超速加無品嘅司機,大大聲講電話嘅生意佬,差緊兩個隔住一行都大聲傾計嘅C奶,咁一架車嘅基本乘客編排就齊哂啦

    回覆刪除
  38. 最好睇嘅係,好似身歷奇境一樣.
    我小時好鍾意搭小巴,但而家唔係好敢搭,尤其是唔敢做最後落車果個!

    回覆刪除
  39. Ebenezer

    因為我讀天生教小學
    我第一次祈禱呢...為了希望考試合格

    唔怪得你咁虔誠啦

    ++++

    JC

    久唔久不如重溫吓舊故事囉
    多謝妳都咁支持

    ++++

    naruto

    無新嘢咪翻炒舊嘢囉
    體諒一吓

    乘客仲欠菲傭 + 少主
    妙齡潮女
    撚雀阿伯及
    和一名毒男

    ++++

    phyllis

    無新嘢
    唯有溫故知新

    ++++

    SKII

    我竟然無懼搭小巴喎
    快!狠!準!

    回覆刪除
  40. 甘小文曾經在玉郎漫畫寫: 紅色的膠笠,是帶著神秘.....

    時為1987

    回覆刪除
  41. 篤篤

    我相信一定有呢句:
    「留下你打飛機,在車裡」

    回覆刪除
  42. 有趣有趣!
    早幾晚先聽過紅色小巴咋喎~

    回覆刪除
  43. 點解今日重貼呢篇呢?有咩特別意思架?

    我極少搭小巴,其中一原因係怕講「有落」。:p

    回覆刪除
  44. ((((((哇!)))))

    我係咪發夢?卡臣兄有新文!

    我同小巴都係有不解之緣,做女時由元朗出旺角那九曲十三彎的青山公路亡命極速小巴,果段日子教曉我認車牌(避小強)及認司機(手車好先上,有部份癲過周董以為自己舒蜜瓜上身的被我 black list 咗!),所以一路睇你呢編文一路發出會心冷笑!

    期待你的下一個驚喜!

    回覆刪除
  45. 08年睇同今時今日睇, 都令人睇得好投入!!

    回覆刪除
  46. 突然見到你有文出...

    個故事正到暈!笑死,好彩唔係係公司睇,唔係又俾人追問我睇咩野咸濕野...

    回覆刪除
  47. largeheadboy

    你聽過紅色小巴?!

    我要向你講聲多謝支持!
    所以呢排成日哼著:let's go to highway


    ++++

    coffee

    點解重貼?
    等個blog郁吓咁囉

    我細個都驚嗌落'
    等其他人嗌先落到車

    +++

    the8

    原來搭van仔都咁多學問
    我搭的士都揀司機
    有啲司機70歲咁款
    驚佢心臟病發而唔搭

    +++

    自由行

    下篇重溫妳果篇

    +++

    I.minor

    好笑就係咸濕嘢?
    唉~我都被人誤會好多次

    回覆刪除
  48. 証明我係公司成日睇咸濕野睇到笑,又俾人發現咗,係病態來的...

    回覆刪除
  49. 你家陣坐小巴係咪仲係冇人敢坐你隔離呀?

    『無新嘢
    唯有溫故知新』

    既然係咁,就唔好要我哋等咁耐先有新嘢睇喇!

    回覆刪除
  50. I.minor

    係呀
    邊個返工喺公司唔會上網吖?

    +++

    歪歪

    係嘅,快啲度吓先

    回覆刪除
  51. miss c

    傳神呢....因為有粗口嘛...我估

    回覆刪除

LinkWithin

Blog Widget by LinkWithin