~~~~~~~~~~~~~~~~







2008年11月23日 星期日

偶像

偶像

阿強的中學時代正是香港80年代,
回憶中的80年代,什麼也美好,
無憂無慮,每天擔心的只是唔夠時間去玩。
當其他同學沉迷日本偶像或本地廣東pop之時,
阿強初中獨愛歐美流行曲,
他曾經懷疑:因為香港是英國殖民地之故,
所以當時樂壇流行的都是英國樂隊和歌手:
一堆英國新浪漫樂手,如Culture Club、David Bowie、Duran Duran、Queen、Spandau Ballet、Thompson Twins、Wham、U2等等,都是阿強日煲夜煲的。
而英倫電子,如Depeche Mode, Eurythmics、Pet Shop Boys更加是阿強的心頭好。
結果86年夏天,香港樂壇吹起「組Band風氣」,阿強某次在收音機聽到一隊新Band,
樂隊叫做「撻成一塊」。嘩!乜香港有隊前衛電子Band,能夠玩到Pet Shop Boys咁勁嘅水準!
從此阿強便成為他們的樂迷,而人稱「型哥」的長髮飄逸主音歌手,更是阿強成長中的偶像。
「撻成一塊」的產品都被阿強所蒐集。但阿強沒有幻想過跟偶像見面或接觸,因為「撻成一塊」玩的是後現代疏離冰冷電子,樂迷太熱情就「唔型」喇!

在1990年秋天,阿強一人去灣仔「新華戲院」看《無語問蒼天(Awakening)》,未拆卸的新華戲院和影藝戲院,專播cult片藝術片,「扮型扮cool」之輩如阿強,是這一帶的常客,這夜他在門口等待入場之際,見到有一個好高、穿trench coat、扎馬尾的型格男士行過,應該是「飄過」,原來是「型哥」駕到!

阿強強作鎮靜,瞄他兩眼便沒有再直望,阿強想「型哥」也不想歌迷太過熱情,不要打擾「型哥」,讓他保持著「飄逸淒美」的全天候招牌冷俊形象。
阿強就這樣「好無乜嘢」咁,跟「型哥」相距2尺,擦身而過。
入場後,阿強暗暗高興有幸跟「型哥」可以在同一個空間渡過兩小時。

幾年後,阿強誤打誤撞,加入實驗性藝術表演劇團,初踏台板,「型哥」來觀看,後台裡,算是跟「型哥」認識了。當然只是泛泛點頭之交。
阿強身處在前衛劇場內,大家都是以「型」字行先,所以阿強將這個經歷好低調咁處理,嘴角也沒有向上偷笑。

那麼,阿強有否跟「型哥」同台合作過呢?
有!兩次:
第一次是1997年回歸前,紅館的《人頭湧湧演唱會》、
第二次是2002年秋天,尖沙咀文化中心的《百蓮沽榭》舞台劇。

於2006年,香港舞台界喜劇形體泰斗:占睡人solo的舞台劇《慢勢糕王》,
因門票太貴,加上門票火速售罄,阿強無打算去睇,
某個星期六傍晚,阿強電話響起,原來是《慢勢糕王》那邊大會的友人,
「喂!阿強,今晚7:30多咗一張飛,睇唔睇?睇就7:15嚟演藝front desk攞飛吖!」
阿強喜極:「好呀!多謝哂!今晚準時到!」收線後,貪平宜的阿強笑逐顏開!
如夜,阿強一人準時到演藝學院取票,嘩!是500元貴飛!今次發達啦!
入座後坐低,尚有五分鐘便開show,全行坐滿人,
只是阿強右手邊的坐位,仍是一直空著。
劇院燈光開始dim暗之時,一名男士正攝入阿強右邊坐位,竟然是「型哥」!
「型哥」坐低下,向阿強say hi!

原來今夜「型哥」留了兩張飛,可惜他的友人臨時有事甩底,「型哥」call大會只需留一張門票便可,大會唔想浪費剩下那張票,call阿強問睇唔睇?
結果造就了阿強,好似娛樂雜誌搞那些「跟偶像BBQ聚會」一樣,讓歌迷跟偶像近距離全接觸,影相簽名食嘢玩遊戲。

阿強自1990年計起,於16年後,跟「型哥」在灣仔再重聚,
16年前新華戲院門外擦身而過,16年後演藝學院內排排坐看占睡人,仲一起坐足三小時添!
中場休息時,兩人沒有去洗手間留在原位,阿強問「型哥」關於新碟和電影的二三事,
下半場的臨完場前五分鐘,「型哥」細細聲同阿強告辭後,摸黑先走。
阿強明白做公眾人物,必有一套遲入早退的不成文規矩。

散場後,阿強一人步出演藝學院,獨自行去灣仔地鐵站,夜色茫茫,
回想起1986年那份遙遠,和剛才經歷的一份接近,
箇中已經年華逝水,萬轉千迴。

* * * * * * * * *

講開又講

講起新華戲院,阿強於1994年某個閒日下午2:30,一人走堂去新華戲院睇戲,
是楊德昌的《獨立時代》,購票後在門口等入場,遇上哥哥張國榮!
哥哥也是一人來看電影,身為國際級天皇巨星,出街不需助手們前呼後擁。
全戲院不足20個觀眾,沒有觀眾上前騷擾哥哥睇戲。

散場後,阿強經天橋行去灣仔地鐵站,發現哥哥的背影,在阿強十米之前闊步走,
沿途有路人對哥哥興奮地指指點點,哥哥有禮貌地點頭回應。
後來哥哥右轉入了海景酒店,阿強只望著哥哥瀟灑的背影,
消失在銀白色的雲石牆壁和琉璃瓦之間;
這個下午,成為阿強今生中只可一、不可再遇上的幸運經驗(驚艷)。

介紹吓「型哥」的新歌,這首《金粉世家》,表面寫一個平庸男子對一個千金小姐,一廂情願的思慕愛念,內寫張藝謀拍《英雄》、《滿城盡戴黃金甲》,電影只重浮誇的形式堆砌,忽略了內容,林夕填的詞,再叫人折服!
金粉世家 - 黃耀明

作曲:于逸堯
填詞:林夕

一張臉一雙眼晶亮如琉璃瓦
一道眉一雙唇雕琢如瘦金筆劃
撥弄著絲綢的頭髮
款擺著蘇繡的面紗
柔指拈出富泰如牡丹花

一回首一抬頭飛揚了浪淘沙
一舉手一投足鉤勒了金粉世家
絕代如漢唐的風華
貴氣如千金的步伐
走出以金箔寫成的字畫

好想抱你一下
偏隔著滿懷黃金甲
鑽石造的心腸
問我怎麼把你軟化
你的嗓門 太大
沙啞得像討價還價
怎能說出一句 有感情 的白話

不出門一出門就要騎彩陶馬
不裝扮一裝扮就比美江山如畫
在時代尖端的下巴
珍藏了古玩的象牙
呢喃著胭脂水粉的浪花

好想抱你一下
偏隔著滿懷黃金甲
鑽石造的心腸
問我怎麼把你軟化
你的嗓門 太大
沙啞得像討價還價
可我比你貧乏 沒黃金 甲天下

(鳴謝 泰知訂)

104 則留言:

  1. 人生好多野都估唔到呀?好似今晚,我以為自己會包尾,點知早左收工....

    卡卡,阿強是年少時的影子呀!
    偶像,是成長過程。
    曾經幻想,有一日會遇上哥哥,原來巳經很遙遠了....

    回覆刪除
  2. "原來今夜「型哥」留了兩張飛,可惜他的友人臨時有事甩底,「型哥」call大會只需留一張門票便可,大會唔想浪費剩下那張票,call阿強問睇唔睇?"

    佢嘅"友人"其實喺唔喺佢嘅.....?

    回覆刪除
  3. 巴黎

    我剛剛回家咋!

    妳好嘢上頭注香
    今次有禮物喎:
    12月故事一個
    請俾一個男主角名字給我
    post前會通知妳
    請笑納

    妳都想遇上哥哥呀?
    唯有講一句:
    「活在妳心內,分開也像共同渡過」

    +++++

    eric

    你都鐘意「撻成一塊」?
    太好啦!
    「燈光裡飛馳,失意的孩子..」

    亞軍都有獎
    12月故事有你一份!
    請笑納

    回覆刪除
  4. 小佚

    唔緊要
    妳曾經納咗幾次no.1囉喎!

    妳咁後生
    唔識「撻成一塊」呢?

    ++++++

    大文sir

    整矇張相<--絕對有必要!
    驚阿強個樣
    係夜深時分嚇大家一跳
    所以要整矇佢

    回覆刪除
  5. 卡少如果唔整到張相矇矇矓矓,驚俾人攞去派街坊.....

    嘩可以為卡小說提名男主角名字,簡直係我嘅光榮!

    會唔會係發生係超時空嘅愛情倫理大喜劇?
    抑或係三毫子小生回憶錄?

    回覆刪除
  6. "偉業獨自在美洲 很多新打算
    瑪莉現活在澳洲 天天溫暖"

    當年真喺好應景...

    唔好意思呀小佚。。下次俾番你囉。。。

    "亞軍都有獎
    12月故事有你一份!
    請笑納"

    係真先至好喎。

    "um... 你覺得駛唔駛整矇張相呢...???"

    驚比人哋見到呷醋掛。哈哈。

    回覆刪除
  7. 巴黎

    哈哈
    邊有人攞去派街坊?
    攞嚟落降扔飛鏢就會!

    送故事給妳是我的光榮
    點吖?叫乜名?
    無理由叫「lo yeah」啩?

    故事係乜?
    妳咁浪漫
    梗要襯番妳啦!

    ++++++

    eric

    回你一首:

    「來日也許重逢,誰又會跟著誰可永遠相聚?
    明白美景良辰 原是似煙像雲 終散去」

    送故事給你
    牙齒當金使

    >驚比人哋見到呷醋掛。
    哈哈
    阿強真係樣衰
    所以為免影響市容

    回覆刪除
  8. "金粉世家" 的歌詞的確"犀利", 也是"King of The Road" 內我最喜歡的一首歌!

    小弟也曾在HMV 及 中環翠華碰上過明哥, 明哥都算係勁人一名 !

    回覆刪除
  9. 同偶像一齊坐足3個鐘, 仲可以名偶像傾計...羨慕中~

    p.s. 張相蒙o左~ o徒晒!

    回覆刪除
  10. 有几首明哥的歌, 我都中意...

    "这么近, 那么远"是其中之一.

    回覆刪除
  11. 陳大文:
    你覺得駛唔駛整矇張相呢...???

    其实卡臣种靓仔过明哥好多, 真系无必要整矇張相.

    回覆刪除
  12. 渣估sir

    好耐唔見你啦~~~

    明哥對上一張碟
    我喜歡「阿姆斯特丹」
    好ur呀!


    ++++++

    自由

    > 張相蒙o左~ o徒晒!
    ==>唔嘥~
    妳見過真人咪得囉!

    下一篇故事送給妳
    26/11 wed 晚上

    回覆刪除
  13. 小瓶子

    > 「这么近, 那么远」
    是明哥和哥哥合唱喎
    正呀!

    >其实卡臣种靓仔过明哥好多,
    嘩!
    妳咁講,首先會引起明哥fans極力聲討
    對妳生命構成威脅
    阿強而家怒髮衝冠
    連我聽到都驚自己會折福
    明哥~~
    萬歲!!!(膜拜中)


    多謝妳教我insert youtube呀!

    回覆刪除
  14. 嘩, 我又要講我和明哥的邂逅

    90年電影節, 我2星期內睇左30場, 每一日要在新華---文化中心---大會堂趕幾場, 竟然試過同一日撞上明哥幾次, 仲要同門哥一齊搭天星小輪, 由灣仔趕去文化中心..

    係, 同明哥一齊搭天星ar, 恨死好多人。

    達明拆你伙後, 1994年(?)佢在中大演出, 頸上掛住一條pinky毛毛fur扮diva。

    仲有達明復合, 因為舊同事加入pmps, 攞到第四掛座位, 果晚俾娛記影到半邊面, 上左東方同生果, (我半隻腳入左娛樂圈ar), 之後在LD內, 竟然發現有我幾秒SHOT !!! YEAH

    都仲未計87年石頭記在中大演出.....

    回覆刪除
  15. >下一篇故事送給妳
    26/11 wed 晚上

    嘩! 我好似打左人尖喎? 多謝晒~

    回覆刪除
  16. 篤篤

    講開電影節
    我見親明哥
    大家都有點頭微笑
    見到佢喺信封到抽出一吋厚的電影戲票
    他才有資格叫「影痴」

    90年達明拆夥
    明哥出「信望愛」
    到各大大專唱live
    我在紅磡poly看他和jason choi

    石頭記
    我在荃灣大會堂睇
    1987年囉~

    我的達明首選:忘記她是他

    我愛你演唱會,睇足三場

    回覆刪除
  17. 自由

    唔使客氣
    係妳啦~diana

    唔係愛情故事
    係啲小品
    希望妳鐘意

    回覆刪除
  18. I had similar experiences as you, I used to be a frequent HKIFF/ Arts Ctr movie goers and I met Ming Gor many times in different venues.

    As a super loyal Ming fans, I don't want to spoil his private moments, so I had never tried to talk to him or say hello.

    The only one chance I talked with him is asking for his autograph at a bookshop at Wanchai, he was helding a talk with Shu Kei there.

    回覆刪除
  19. nost

    對呀!
    唔係騷擾偶像嘛
    保持距離觀賞

    問明哥攞簽名?
    我都有
    不過唔係自己攞
    朋友喺機場遇到他問佢攞
    再轉送給我

    聽講你如果屋企火燭
    除了攞身分證
    第二樣攞走的
    就是明哥的收藏品
    :)

    回覆刪除
  20. 型哥我就冇乜感覺,佢有啲歌都幾好聽。

    哥哥呢就好喜歡,是一個不折不扣的好藝人。我又黎話說...

    話說我十九歲嗰年,入中大前識左個女仔,無好深入發展嗰種,佢浸會畢業後做過哥哥嘅助理,也曾向我說過哥哥的一些東西。

    現在人已斷了聯絡多年,哥哥亦已撒手,真是白雲蒼狗呀!

    回覆刪除
  21. >無好深入發展嗰種
    校長你好鬼"此地無銀"~
    你驚我地又幫你對號入座呀??

    回覆刪除
  22. 校长:

    深入发展人人的定义不一样哦.....不如你讲下你的定义先啦.

    卡臣:

    You are welcome.

    回覆刪除
  23. 嗱,即咁,卡 zen 同明哥係屬於兩種全完唔同魅力嘅人。

    卡 zen係屬於「實的的」嘅『強桿 Heavy Duty 多功能型』,唔好問我咩多功能,OK?!

    而明哥就屬於柔情浪漫嘅「溫柔思考藝術型」,好唔同㗎!!!

    係兩種 feel 嚟㗎 ~~~



    醫生:陳生,唔好理人地咩 feel ,我俾你食嘅新藥,你有咩 feel 呢又...?

    回覆刪除
  24. 如果再有BEYOND演唱会的话, 我会立刻回香港去听.

    回覆刪除
  25. 今次阿強遇到偶像都無失禮人,我諗佢只係對住女仔先會撞板。我最羨慕嘅係阿強仲試過有兩次同佢偶像同台合作嘅機會,呢樣真係好珍貴。

    有一個問題,『「型哥」坐低下,向阿強say hi!』,「型哥」响暗燈下都同阿強say hi,係咪因為佢仲認得之前合作過嘅阿強呢?

    最後,我都覺得版頭張相幾驚嚇,我明白阿強係演技派,唔想走偶像路線,怕俾啲觀眾見到個靚樣,會變咗做妹妹仔同師奶嘅殺手,但係本來個樣就好地地㗎嘛,做乜攪成咁啫!

    回覆刪除
  26. BEYOND 演唱會...正! 我咁死孤寒都肯睇最貴就知呀!

    回覆刪除
  27. 小瓶子:

    深入發展即係成為你又知,佢又知,全世界都知嘅戀人。

    我同個女仔拖過手咋,係咁多,時間也不長,所以唔算深入!

    回覆刪除
  28. 校長

    她做哥哥助理?
    這份工恨死好多女士啊!


    請click吓「金粉世家」首歌
    相信你會有共鳴
    嘿嘿~~

    校長
    12月送個故事俾你

    +++++++

    自由

    校長的「深入發展」
    應該是physically speaking

    ++++++

    小瓶子

    校長鐘意Hackin Lee'首 深深深
    deep deep deep

    回覆刪除
  29. 校長

    她做哥哥助理?
    這份工恨死好多女士啊!


    請click吓「金粉世家」首歌
    相信你會有共鳴
    嘿嘿~~

    校長
    12月送個故事俾你

    +++++++

    自由

    校長的「深入發展」
    應該是physically speaking

    ++++++

    小瓶子

    校長鐘意Hackin Lee'首 深深深
    deep deep deep

    回覆刪除
  30. 大文sir


    往我瞼上貼金
    禮尚往來
    12月送故事給你

    如果沒有sunday blog
    我根本沒可能認識各方好友
    所以我聊表心意
    請笑納

    ++++++
    desertfox

    12月有你份
    請笑納

    ++++++

    自由

    妳愛beyond
    我都likey!
    5人-->4人-->3人
    唉~~
    感觸

    回覆刪除
  31. 校長

    校長只同個女仔拖過手咋,係咁多

    時代唔同啦
    而家初相識已經咩咗啦
    校長
    我們生不逢時~~

    回覆刪除
  32. 歪歪

    >「型哥」响暗燈下都同阿強say hi,

    因為阿強已經係這前衛劇團的甘草演員
    而「型哥」逢show必捧場
    (除非不在港)

    所以他們有交談,唔係白撞架!

    >但係本來個樣就好地地嘛,做乜攪成咁啫!
    ==>
    阿強缺乏自信
    唔靚嘅相攞嚟獻世咩?
    所以同做人一樣
    濛濛查查最好

    回覆刪除
  33. Sunday 好閒嗟,一件小事,就快2009 喇,Sunday blog 已經係 2007 年尾嘅事,過左去喇。

    你送個故事俾我?咁正?好,你送俾我我又整個俾你!

    雕!

    ( 註:即係 Deal !咁解,唔該。)

    回覆刪除
  34. 哇,Anthony,都可以算是我从小到大的偶像了,《金粉世家》喜歡先前MOOV LIVE的版本多點

    @-@我愛你演唱會,睇足三場,,
    好羡慕~~~

    回覆刪除
  35. 卡臣係屬於「實的的」嘅『強桿 Heavy Duty 多功能型』,唔好問我咩多功能,OK?!

    不如叫卡臣嫂出来解释吓啦.

    回覆刪除
  36. 卡臣兄:

    >>>我們生不逢時~~

    0米扮野哦, 你同校长嗰年代, 都有一段距离哦.

    回覆刪除
  37. 卡臣:
    唔緊要
    妳曾經納咗幾次no.1囉喎!
    -->一次咁大把><!仲要被一眾人敵視><!

    妳咁後生
    唔識「撻成一塊」呢?
    -->識啊,電視有講ga ma!

    小瓶子:
    其实卡臣种靓仔过明哥好多, 真系无必要整矇張相.
    -->卡臣驚鋒芒太露啊!
    太靚仔,容勿易一眾fans跑去追卡臣
    所以最後卡臣選擇低調些,若穩若現迷倒一眾fans

    回覆刪除
  38. 浮誇的黄金鑽石,卻得到許多人追求奉承。
    第一次聽這歌,詞填得令人讚嘆!

    卡卡,不如單字「飛」,
    是追求。

    回覆刪除
  39. >卡臣係屬於「實的的」嘅『強桿 Heavy Duty 多功能型』,不如叫卡臣嫂出来解释吓啦.

    家事法庭???? 我地係客席陪審團????

    回覆刪除
  40. BEYOND,
    我又有得講,
    1985年, BEYOND在明愛開了第一場CONCERT, 同埋自資出了"再見理想"之後, 我地買極都買唔到, 唯有在校園搭上搭搵到個MEDIC學生, 用雙CASSETTE機DUB左落黎。

    剛巧FIANL YEAR通識要做一張thes4is, 講明唔準做本科既題目, 幾條友決定做rock and roll, 於是搭路訪問beyond, 仲跟佢地落bar睇佢地演出, 地點係中間道,(e+應該變左機舖)

    訪問前, 冇人見過beyond係乜樣, 中間人俾提示, 見到有個長毛既就係, 我地又真係憑此相認...(訪問地點在太子道一間餐廳, e+已經一間花店了)

    訪問時, 真係家駒講曬, 當時家強仲係長髮, 最型既係齋坐費事出聲既阿paul !!!!

    回覆刪除
  41. 啊...點解你地個個都有咁筍既偶像經歷?
    我...我羨慕中~

    回覆刪除
  42. 大文sir

    雕!

    sunday....突然想起我們的共同話題:水族用品

    我post故事之前,會去你果度通知你!

    ++++++++

    desertfox

    it is my pleasure
    不過個故事得啖笑
    唔好認真啊!

    +++++++
    viva

    king of the road 內
    我還喜歡:《親愛的瑪嘉烈》

    我愛你演唱會<--1990年
    妳未出世?

    回覆刪除
  43. 小瓶子

    >不如叫卡臣嫂出来解释吓啦.
    ==>她無話我「實的的」
    話我「墮」咋!

    我同校長
    他baby face
    我未老先衰
    所以似同年紀

    ++++++

    佚名
    >太靚仔,容勿易一眾fans跑去追卡臣
    嘩!妳咁講法
    人地仲以為我俾錢妳做媒
    仲以為妳講緊鬼故添
    人嚇鬼都走

    回覆刪除
  44. 巴黎

    多謝妳睇型哥的金粉世家

    「卡卡飛」,
    是什麼意思
    是法文「追求」的意思?

    「卡卡飛」?
    定係妳打錯政治狂人「卡特菲」?

    +++++

    自由

    本席宣布:
    疑點利益歸於被告
    被告當庭釋放

    ++++==

    回覆刪除
  45. 篤兄

    beyond
    都勁
    我第一次睇演唱會
    是伊館「Beyond 真的見証演唱會」

    一講家駒
    首推「海闊天空」!
    但3子之後
    少聽
    最喜歡5人時期
    eg 巨人, 誰是勇敢,myth...

    但「華麗電子」是my cup of tea
    eg「愈來愈美麗」,「若水」



    ++++

    自由

    妳無偶像?
    都是一件好事
    慳返買cd,相片
    唔使嘥錢

    回覆刪除
  46. 1990年在讀小學
    我都希望還未出世,那麽現在還能裝少女@.@。。。
    不過今年都有聽過一些當年我愛你演唱會的電臺錄音

    我還喜歡:《親愛的瑪嘉烈》
    在我心裏這類慘綠少年回望篇的歌算起來還是好不過《忽爾今夏》。。
    我喜歡《平安鐘》,大概老了。。

    另外,是愈夜愈美麗
    这个可以算心水

    回覆刪除
  47. "送故事給你
    牙齒當金使"

    咁就真喺多謝晒!!
    會喺乜題材呢?

    回覆刪除
  48. 卡臣:
    嘩!妳咁講法
    人地仲以為我俾錢妳做媒
    仲以為妳講緊鬼故添
    人嚇鬼都走
    -->我收左你d錢,我識做既hee
    驚到卡臣即刻fing水髮kakaka

    wa~卡臣12月咪有10篇文送出~

    回覆刪除
  49. 哎吔,睇漏咗小行嗰句,無回應到,睇黎今次芒果布甸無得食咯! :(

    回覆刪除
  50. 多謝呀,卡卡!

    期待你寫紿我的故事!

    回覆刪除
  51. 『因為阿強已經係這前衛劇團的甘草演員
    而「型哥」逢show必捧場
    所以他們有交談,唔係白撞架!』

    係喎,我都响阿強有份演嘅劇場見過「型哥」,連偶像都認得你,你都算威囉!

    『阿強缺乏自信
    唔靚嘅相攞嚟獻世咩?
    所以同做人一樣
    濛濛查查最好』

    人哋用photoshop執靚個樣我就見得多,好似你咁攪喎晒㗎呢,都可以話係第一次見,我諗阿強嘅目的梗係想俾人讚:「你真人靚仔過上鏡好多!」

    回覆刪除
  52. 小瓶子講得啱呀,卡卡同我梗係唔同年代,時時話自己 51, 係都要大過我!

    卡卡,我又真係好鍾意深、深、深喎,不過嗰年代,我淨係聽到唔好、唔好、唔好!

    跟住仲要好大聲話:妖,都話唔好咯!

    當堂,謝晒!

    回覆刪除
  53. 校長:

    唔會..點會無得食呀! 你解答左呀! 淨你拖手呀麻! 哈哈~

    回覆刪除
  54. Viva


    妳都係型哥fans乎?
    《忽爾今夏》。。我感覺無妳咁強烈
    型哥在「音樂工廠」時期
    我首推《不夜情》《天生一對》

    而「達明」首首歌我都識背
    反而明哥啲歌
    有啲聽過都唔記得

    ++++++

    eric

    故事乜題材?
    發生在香港非英國
    非愛情
    少少幽默咁囉
    希望你鐘意啦
    post 之前我會預早通知你

    ++++++

    小佚

    可怒也!!
    收咗我錢仲爆響口?

    12月有9篇故事吧
    有一篇2008總結/致謝~

    回覆刪除
  55. 校長

    12月故事
    知道你是玩得之人
    設計了一個「勞動角色」俾你
    唔好嬲呀!
    post之前有預告

    >我淨係聽到唔好、唔好、唔好!
    寶寶龍出場!

    你唱深.深.深.
    我唱錢.錢.錢.


    ++++++

    歪歪

    阿強誤打誤撞/無心插柳先識到偶像
    有心栽花可能反而唔成

    我都見過人用photoshop打格仔

    >「你真人靚仔過上鏡好多!」
    咦!又係喎
    除非真人個樣blur哂啫

    回覆刪除
  56. 巨人, 誰是勇敢,myth...
    >>>>果陣都唔知算唔算5人時期,按牌面, 應該係4人, 不過如果你計埋陳時安, 就應該係5人。

    順便一提, 當日訪問, 同場仲有浮世繪既遠仔同GILBERT....KAka

    我愛你演唱會.....當時我resign左去歐洲旅行, 番黎就散左了, 佢地。

    回覆刪除


  57. 你又心水清喎
    陳時安<--鍵琴手,客串性質

    嘩!
    浮世繪
    可惜...兩碟玩完
    不過.愛花的少年這概念大碟
    歷久常新
    而家聽返都ok!

    達明第一次重組
    隻碟麻麻
    本人心頭好是:晚節不保
    第二次重組好啲
    不過超越唔到「神經」的成績

    回覆刪除
  58. honestly speaking, i'm quite disappoint about the 2 re-union projects of Tat Ming, i still cannot appreciate their "happy party mood" throughout the album cover, concerts and songs.

    回覆刪除
  59. 『阿強缺乏自信
    唔靚嘅相攞嚟獻世咩?』

    諗落,當年你咁勇影咗張唔單止見樣,仲只係圍住條毛巾露兩點嘅海報,兼且貼均港九新界十九區𠻹。你依家先至琵琶半遮面,好似遲咗啲啫,你當年嘅自信心去哂邊呀?

    回覆刪除
  60. nost

    係呀
    第二次重組
    仲加演達叔拍枱不和
    這都是樂迷不想見到的

    回覆刪除
  61. 歪歪

    >仲只係圍住條毛巾露兩點嘅海報,

    唉~
    好似啲三線性感女演員
    拍完性感鏡頭
    日後話好後悔當初做咗個咁嘅決定
    咁囉~~

    回覆刪除
  62. 『唉~
    好似啲三線性感女演員
    拍完性感鏡頭
    日後話好後悔當初做咗個咁嘅決定
    咁囉~~』

    可能嗰時淫審處無依家咁多攪作,你將海報都過到骨。

    唉~可惜啦,你依家從良,真係觀眾嘅損失。不過,你都學埋「娜姐」咁,由肉彈轉型變成才子啦!

    回覆刪除
  63. 唔好意思上面應該係「張」唔係「將」。

    回覆刪除
  64. 關於重組, 我又唔失望wor,
    我又冇預佢地會有任何革命性既突破
    只不過係多年不見既老朋友聚會
    當日, 我在紅館遇上好多老友,
    甚至用電話問多年不見既朋友坐邊度

    係開心ka, 那一刻, 甚至有d感激達明, 多謝佢地曾經給我們有過美好新世界。

    浮世繪,
    我最愛的是他們的"憂傷都市"
    不過要舊版, 曾經在84年一張雜錦出現過
    近年, 在"組.band歲月"再現..

    回覆刪除
  65. 不過超越唔到「神經」的成績
    >>>在音樂層面, "麻木"其實已經過左; 但在視野和概念上, "神經"的確係顛峰

    回覆刪除
  66. 卡臣:
    可怒也!!
    收咗我錢仲爆響口?
    -->哎呀!因為你仲有野我未爆,依家要出d多"暗口費"
    跟住卡臣嚇到咬手指中,我有好多野唔見得「光」個wow...
    究竟係咩呢?好啦,就斷件計啦,收你平d打個99.99999999%.......唔係out ar,係in ar

    12月有9篇故事吧
    有一篇2008總結/致謝~
    -->哦,好有計劃,我就無啦

    回覆刪除
  67. 乜野呀!我改嘅男主角名字呀!
    叫 - 阿飛

    阿卡:
    歪歪話當年「圍住條毛巾露兩點嘅海報」
    我又要睇呀!

    回覆刪除
  68. 歪歪

    比著而家,淫審處一定ban張poster
    太邪惡喇

    >由肉彈轉型變成才子啦!
    ==>十劃無一點

    ++++++

    篤篤

    又係嘅
    成班達明fans聚首一堂
    (不過老咗)

    浮世繪,(好似是5人,有一女成員)
    我有"憂傷都市"的EP(同學幫我錄的卡數帶)
    我都鐘意「舞姬」!

    回覆刪除
  69. 小佚

    同妳的故事
    度橋構思中

    ++++++

    巴黎

    妳想驚嚇?
    好!
    成全妳:

    嚇一跳

    ++++++

    星期三晚故事
    送給自由行

    回覆刪除
  70. >星期三晚故事
    送給自由行

    多謝卡兄! 故事攪唔攪笑架? 我可以走吳君如架喎~

    回覆刪除
  71. 自由

    吳君如唔啱妳
    故事似鄧麗欣多啲

    今晚
    Enjoy it!

    回覆刪除
  72. 鄧~走~音~???? 哈哈哈哈哈.......

    回覆刪除
  73. 自由

    妳將化名「大眼娜」~Diana
    輕喜劇
    啱哂妳

    回覆刪除
  74. 『比著而家,淫審處一定ban張poster
    太邪惡喇』

    太邪惡?你係話你個樣响張海報度又淫邪又惡死吓嘛,係你咁好演技先至可以將兩種唔同嘅情緒一齊表達出嚟咋。

    『>由肉彈轉型變成才子啦!
    ==>十劃無一點』

    乜嘢呀,點會一點都無呀,你明明無遮無掩露兩點!

    回覆刪除
  75. 哈哈原來係呢張海報,我記得呀!(我forward左俾住係法國既男姓朋友,個個都話好得喎,問我坐係度個young guy有冇facebook?)。

    「...死亡筆記」明日隆重上演,
    祝鍾先生爆肚演出成功!
    笑儍觀眾!

    回覆刪除
  76. 卡臣:
    同妳的故事
    度橋構思中
    -->wa~咁快度橋咪好快有~~

    今年等行姐故仔,Diana啊!

    回覆刪除
  77. 剛剛回家咋!

    歪歪

    poster中,我真係只有一點咋!


    +++++

    巴黎

    >問我坐係度個young guy有冇facebook?
    妳轉告他們一聲
    我連開電腦也不懂

    「...死亡筆記」明日隆重上演,
    多謝妳的窩心祝賀
    妳真有我心!!

    ++++++

    佚+desertfox

    相信你兩位已經睇咗!

    +++++

    自由

    多謝妳的祝福
    我一定會出力做!

    回覆刪除
  78. 『poster中,我真係只有一點咋!』

    睇翻張海報,你對手揸住嗰本書响你身上嘅投影,响個影嘅三角尖旁邊嗰點,咪就係你揾唔到嘅第二點囉!你唔好話俾我知其實嗰粒係俾蚊咬嚟呀。

    回覆刪除
  79. 『果粒係書籤的sticker嚟架!』

    吓,唔係呀嘛,十幾年後你先至同我講?如果係真嘅,就離奇過你寫嘅文張。

    講翻你當日能夠同「型哥」一齊睇騷,自然係件好高興嘅事,但係如果嗰陣俾記者偷影咗相,然後仲起你嘅底,再整篇『型哥邀大隻男背妻結伴睇騷 新歡劇場演員激凸露點扮基』俾你歎嘅話,咁你又會點處理呢?

    回覆刪除
  80. 歪歪

    都話你起題文筆好!
    咁難嘅題目都俾你起到

    點處理?
    一於剪報保存!
    一生難得呀!

    回覆刪除
  81. 你講得好無所謂咁喎,到你有一日真係俾人屈完再起埋底,你就未必會答得咁爽。

    其實本來最多只算係美麗的誤會,都可以被寫成醜惡嘅幽會,都係多得依家傳媒嘅荼毒,耳濡目染。純粹反面教材,唔抵讚㗎。

    你昨晚演出順利,希望你哋越戰越勇,叫好又叫座!

    回覆刪除
  82. 歪歪

    剛剛回家

    >你昨晚演出順利,希望你哋越戰越勇,叫好又叫座!

    多謝你呀
    承你貴言!
    你真有我心呀!

    回覆刪除
  83. 從 1986 至今,摯愛中的摯愛「惑星」!

    新華戲院,我最記得「Johnny Suede」(唔肯定個戲名,但肯定係冇幾多人知係 Brat Pitt 做的戲!)

    回覆刪除
  84. SKII

    google咗「Johnny Suede」
    真係零印象
    知道有nick cave 份咋

    達明的「惑星」,正呀
    我愛達明的「迷戀」

    回覆刪除
  85. Johnny Suede,唔知唔出奇,我啲朋友全部訓着晒!

    喜愛達明的,實在太多數唔晒,第二摯愛是「無風的季節」和 Kiss me Goodbye!

    回覆刪除
  86. SKII

    妳都喜歡達明的早期作品
    我喜歡「神經」大碟,最成熟

    回覆刪除
  87. 卡兄

    我也钟意达明一派,打从《石头记》开始,其他的歌都忘了名字,总记得《石头记》皆因常在K厛唱,还有一首是什么溜冰?滚轴?呵呵~~ 真好听,又都很特别与众不同,享受!

    或许我比您幸福,我真的摸过哥哥的手!他在新加坡骚时,我买了最前座的第二排(中间位),唱到中场,他下台來和观众亲和,还伸手过来和我握手,太兴奋了,但是我强忍收压内心的激动,怕给人看穿,基行暴露(嘿嘿嘿~),但是,哥哥却会心一笑,还假装把手摔了摔,好可爱! 呵呵~~ 甜在心里, 好幸福啊!

    回覆刪除
    回覆
    1. 呵呵~

      那首叫「溜冰滾軸」

      可能明哥出櫃都是因為你當初那一觸。

      刪除
  88. 回覆
    1. 対不起,因為石頭記,影響我的思維,

      哥哥?太羡慕你了!千金難買。

      刪除
  89. Wonderful goods from you, man. I've understand your stuff previous to and you are just extremely great. I really like what you have acquired here, certainly like what you're saying and the
    way in which you say it. You make it enjoyable and you still take care of to keep it sensible.

    I can't wait to read far more from you. This is really a terrific web site.

    Look at my page: lowes garden center
    My web site :: garden center coupons

    回覆刪除

LinkWithin

Blog Widget by LinkWithin