~~~~~~~~~~~~~~~~







2008年11月20日 星期四

完全自殺網誌

完全自殺網誌

阿傑考完會考後,正在放暑假,等待8月會考放榜,
他跟拍拖2兩年的女朋友慧芬剛剛分手,
因為慧芬移情別戀,她跟劍擊學會主席、一名F.7學生開始拍拖。
慧芬是阿傑的初戀,阿傑唔識處理感情的問題,
接受唔到呢個晴天霹靂的壞消息,
首遭愛情重創的阿傑,生無可戀,
決定要以自殺作為自我解脫、和向女友的報復。

阿傑在他的網誌公佈在三日後,踏正深夜12點,
將會以跳樓來結束自己短暫的生命。
自殺網誌公佈後,引起兩種極端的回應:
有些網友勸止他這愚蠢行為:
「世界咁大咁多女,做乜咁蠢!?因為條女去死?」、
「唔好呀!你諗吓你父母會幾咁傷心呀?」、
「與其有勇氣去死,不如拿出勇氣搶她回來吧!」......

有些網友則在旁煽風點火:
「用自己的鮮血,親手把自己祭祀給愛情的葬禮!」、
「呢個世界咁恐怖、絕望!早走早著,安心上路啦!」、
「愛情充滿毀滅性,得唔到就自我了斷,女方才會銘記你一生!」......

兩種聲音,正負參半,旗鼓相當,
最後,阿傑決定用自己的死亡,來換取慧芬和她新男友的畢生內疚。
他立下尋死的主意,沒有埋會網上的阻止聲音。

阿傑打算在餘下三天,做盡他想做而又未做的事情,
把銀行戶口內的三千元,一口氣花光。
阿傑吃喝玩樂了整整一天後,晚上收到一個神秘e-mail,
一名署名「爆粗失婚漢」寫了一封電郵給阿傑,
電郵中表明來意:「爆粗失婚漢」的太太嫌自己窮、無用,太太跟有錢上司私奔走了,
留下一個11個月大的男嬰,和一大筆附屬卡的卡數給「爆粗失婚漢」。

爆粗失婚漢知道阿傑橫豎要死,不如臨死前做吓好心,幫手殺死太太上司,
一來有機會讓太太回心轉意,嬰兒實在需要媽媽照顧、
二來可以一洩心頭之恨,向情敵報仇!
三來,就算刺殺行動失敗,也算給這對「野鴛鴦」一點顏色。
如果阿傑同意的話,爆粗失婚漢就會將太太上司的照片、地址和行蹤e-mail給阿傑。
爆粗失婚漢說:因為貧窮,所以沒有酬勞,
但大家都係男人,應該明白男人被女人欺壓之痛苦心情,
阿傑臨死前的舉手之勞,可替一名苦命男士出一口怒氣!
爆粗失婚漢叫阿傑考慮一天,相約他明晚8時,用電郵回覆。

阿傑徹夜失眠,想到要親手殺死另一個活生生的人,
是一件十分恐怖殘忍的事情!
開始了解到生命是何等寶貴!不應該剝奪他人或自己的生命。
自己無膽殺人,更無膽去殺死自己。
為失戀而死,更加是一件十分十分愚蠢之事情。

第二天傍晚8時,阿傑回電郵給「爆粗失婚漢」,直接拒絕了他的要求。
「爆粗失婚漢」看到阿傑回覆後,馬上回電郵:「算罷啦!我再找另一個企圖自殺的人去幫手!無論如何,多謝你曾經考慮過!」

阿傑在網誌上告訴大家:「他決定要活下去!」
之前「支持活下去的網友」立即留言回應:
「你終於想通啦!人生美麗與否,在乎自己點睇!」、
「支持!四川好多人想生存都唔能夠,你要重新振作啊!」、
「替你父母舒一口氣!我撐你!」......

而死亡派的網友則留言煽動:
「妖!話咗死又唔夠膽去死!你呢種人唔死都無用!」、
「唔死?請你三思!死後世界是一片淨土樂土,」、
「臨陣退縮?你沾污了死亡的高貴名字!廢物!」......
阿傑堅持「活下去」的決定,沒有埋會網上的死亡派聲音。

在電腦屏幕前,「爆粗失婚漢」sent完e-mail給阿傑後,logout account。
這時,一名中年女士叩房門:「喂!慧芬!好出嚟食晚飯啦!」
慧芬:「哦!知道啦!我而家出嚟喇!」

這夜,慧芬欣慰地吃著這一頓份外好味的家常晚飯。

(本故事應小瓶子之邀而寫,故事送給小瓶子)

61 則留言:

  1. 爆粗失婚漢知道阿傑橫豎要死,不如臨死前做吓好心,幫手殺死太太上司<-----应该队林嗰对奸夫淫妇先对嘛, 点会只杀情夫架?

    回覆刪除
  2. 慧芬雖移情別戀,卻仍然有情有性,不願看舊愛踏上自殺之途。
    一念之差,可以對生命有很不一樣的看法。
    好野呀卡卡,攪笑、懸疑、有教育性....
    生命誠可貴!

    回覆刪除
  3. I didn't know about the story until Paris' response.

    Good story.

    回覆刪除
  4. DENZEL

    剛剛回家

    嘩!
    頭注香者
    祝你夫妻恩愛
    你出門平安

    ++++++

    desertfox

    攞咗個籌先
    好嘢!
    我都會係咁

    回覆刪除
  5. 小瓶子

    >应该队林嗰对奸夫淫妇先对嘛,
    ==>
    文中提到:
    1) 一來有機會讓太太回心轉意,
    2) 嬰兒實在需要媽媽照顧、
    3) 想自己兒子有媽媽
    4) 就算有後母,驚後母不鍚自己兒子

    所以只殺奸夫

    +++++++

    巴黎

    妳真了解我
    成篇的中心思想被妳一語道破!
    好嘢!
    不愧為巴黎

    法國人多自殺事件嗎?

    回覆刪除
  6. desertfox

    梗係啦!
    巴黎的導讀
    令大家更清楚

    不過...你無理由睇唔明架?
    係咪玩我呀?

    +++++++

    自由

    生命成可貴

    自由價更高

    妳睇妳,古語都讚妳呀!自由!
    話妳價更高!
    開心啦!

    回覆刪除
  7. but what if 阿傑 say yes to 爆粗失婚漢?

    回覆刪除
  8. 卡臣,
    祝我夫妻恩愛......感動>.~!
    謝謝!!

    回覆刪除
  9. 故事未睇,但要先讚高樓俯瞰張相,線條、色彩奇幻,一百個正、正、正!

    回覆刪除
  10. 很有意思的故事!

    篇章雖短但意義深長!

    回覆刪除
  11. Michelle

    >but what if 阿傑 say yes to 爆粗失婚漢?

    問得好!
    我諗慧芬會俾啲錯誤資料
    等阿傑揾極都揾唔到
    盡量拖延時間
    等他三日期限過後
    用匿名留言叫他既然唔死就不如留下來
    其他支持者幫口留言
    希望他回心轉意

    +++++++

    denzel

    那用謝
    代問候你隻貓~~

    ++++

    校長

    多謝先

    但係我影完
    有跳下去的衝動
    唔通...我都睇唔開?

    回覆刪除
  12. 校長

    係呀!
    有自殺衝動時
    停一停, 諗一諗
    就唔會咁傻喇

    回覆刪除
  13. using a negative way to do sth positive, good pt.

    回覆刪除
  14. nost

    其實中國人好犀利
    幾千年前已經有:
    「以進為退」
    「以退為進」
    的心理戰術

    商場是,愛情也是

    回覆刪除
  15. 卡臣:
    1) 一來有機會讓太太回心轉意,
    2) 嬰兒實在需要媽媽照顧、
    3) 想自己兒子有媽媽
    4) 就算有後母,驚後母不鍚自己兒子

    妇仁之仁....哈哈哈哈哈...
    既然要杀, 比着我会斩草除根, 一个不留.

    反正杀一个是谋杀, 不如杀够一双才划算.

    回覆刪除
  16. 不如写一个谋杀故事...与爱情无关.

    回覆刪除
  17. >反正杀一个是谋杀, 不如杀够一双才划算.

    小瓶子又岩喎~ 殺一個同殺二個都係要坐監, 費事見到佢地督眼督鼻....

    個仔...請個賓妹湊..哈哈

    回覆刪除
  18. 自由

    照咁睇
    咁妳食完一杯雪糕後
    橫掂食開,
    會唔會食多一杯?
    食夠兩杯先收手?

    回覆刪除
  19. >咁妳食完一杯雪糕後
    橫掂食開,
    會唔會食多一杯?
    食夠兩杯先收手?

    Bingo~ 我以前返下午班, 一放學就會掃街, 之後就去7-11 食軟雪糕, 真係要食2杯架. 食完都好似唔夠仲想食, 不過...d零用錢無晒, 所以無得食lu.

    回覆刪除
  20. 卡臣:
    人生如道路,于迴曲折。
    道路雖慢長,但回頭看看,路再難行,也行過了,是何奇艱難,也是何奇的簡單,只要你願意路就是這樣走!

    Enjoy you life~

    看卡臣的相,雨後會是晴,心存希望,明天會更好。

    是阿Q精神,還是甚麼也好,死是傻的行為!

    回覆刪除
  21. 世上更有美好的事等著我們,何需要了結自己的生命,除了意外,就好似前幾日的老師自殺事件,難道愛情大過天?
    或者客觀來說,凡事不要太投入,反而抽不到身會傷害自己.
    莫非真的當局者迷?

    回覆刪除
  22. 自由

    食兩杯仲未夠?

    要節制吓好喎
    糖份過高呀!

    ++++++++

    小佚


    好感性又好有道理
    真係好啱


    妳人仔細細
    唔簡單喎!

    ++++++

    逍遙小妹

    妳呢排忙讀書
    無時間想無謂嘢喇

    努力~

    回覆刪除
  23. 卡臣:

    好感性又好有道理
    真係好啱
    -->看你的相片寫出來的:P
    誇獎啦^^0
    于迴曲折只是你的相片帶領而所發


    妳人仔細細
    唔簡單喎!
    -->哈哈,大人人在比我更好,更有道理,更感勝^^

    回覆刪除
  24. 小佚

    >于迴曲折只是你的相片帶領而所發
    吓?
    我真係咁勁?
    唔講唔知呀!

    妳已經好過好多人架啦!

    回覆刪除
  25. 卡卡你都無解嘅又讚我,唔好意思架嘛!
    (偷笑中...)

    「法國人多自殺事件嗎?」

    唔好以為法國人優優閑閑食野唔做野剩係掛住去旅行同飲紅酒,
    其實一樣有人內心苦悶睇Sagan本"日安憂鬱"卡繆本"異鄉人"就知佢地有幾寂寞,
    法國每年有成一萬人死於自殺,尤其係天氣灰濛濛嘅冬天!

    回覆刪除
  26. 卡卡,見到「東宮西宮香港公務員死亡筆記」嘅海報(個名好長),我睇來睇去都唔知邊個係你嘅?你化左乜野妝?

    回覆刪除
  27. 巴黎

    妳真係抵讚嘛
    又詩意又理性

    呢兩日係咪忙freelance?
    定又short trip?
    見妳連妳自己的留言也沒有覆

    天氣灰濛濛嘅冬天
    又真係好灰!
    唔怪得咁易睇唔開?
    不過唔使驚
    香港而家無冬天架啦!

    「東宮西宮香港公務員死亡筆記」嘅海報
    入面隻死神咪係我囉!
    海報設計師話整細啲我個樣
    啲戲飛就會賣得好啲喎
    我完全同意!

    回覆刪除
  28. 我無野做呀!
    成日掛住飲飲食食!
    琴晚去左Beaujolais新酒試飲,
    覺得世界好美。
    我update左個blog啦,得閒過黎左飲杯茶飲件餅(我唔係幾鍾意食包)!

    回覆刪除
  29. 唉吔錯字百出!
    我自己改:
    得閒過黎飲杯茶食件餅!

    快D背台詞,
    有無爆肚?

    見到有人網上炒飛喎!

    回覆刪除
  30. 又係我呀!

    嘩卡卡個隻黑鬼雀仔係你扮架?全張海報最有型喎!不過我攞左老爺個望遠鏡先睇清楚你個樣,下次大張d好喎!

    回覆刪除
  31. 巴黎


    飲飲食食
    蔡蘭嘆世界乎?
    去Beaujolais使唔使搭飛機架?

    我背緊台詞架啦,
    年齡大, 難入腦
    有無爆肚?
    梗係有,狂爆添!

    網上炒「東宮西宮」飛?
    妳有冇睇錯?
    炒「寶珠姐」果套啩?

    下次張poster
    妳要攞個顯微鏡先睇清楚我個樣,
    無我個樣,有助票房嘛~~

    ps 老爺間公司加薪2%
    恭喜哂
    咁,祝妳繼續嘆世界!

    回覆刪除
  32. 慧芬化身為「爆粗失婚漢」救咗阿傑一命,可惜唔係每位想自殺嘅人,都能夠响最後關頭得到守護天使嘅幫忙。

    都係嗰句,好多謝卡臣再一次將「人間有情」嘅信息帶出。

    回覆刪除
  33. 卡臣:
    吓?
    我真係咁勁?
    唔講唔知呀!
    -->梗係啦!你係創造之神wow!你係唔講得小ga!

    妳已經好過好多人架啦!
    -->那我語無倫次你都聽得明@@
    你誇獎啦!

    回覆刪除
  34. 歪歪

    慧芬雖然跟阿傑分手
    都會盡情義成為阿傑的守護天使

    哈哈
    好一句:人間有情!

    你話呢排負能量多
    而家點呀?
    好啲嘛?

    ++++++

    小佚

    我係創造之神?
    「創傷之神」才對!

    +++++

    各位好友

    星期日晚(明晚)
    阿強再同大家見面!

    回覆刪除
  35. 卡臣:
    我係創造之神?
    「創傷之神」才對!
    -->做咩創傷啊?邊個傷卡臣啊?

    點解我無得睇海報ga!邊度有得睇啊??

    回覆刪除
  36. 佚妹:
    http://www.zuni.org.hk/zuni06/news.php?l=t

    有無望遠鏡、放大鏡?或者大人既老化眼鏡?

    回覆刪除
  37. 巴黎:
    陳浩峰、黃大徽、楊永德、鍾家誠、伍嘉雯、葉燕芳、孔奕佳、曾兆賢
    -->卡臣個姓氏,鐘家誠!!
    yeah!搵到佢個名

    但佢個頭頭真係好遠
    但係最型個位!!

    回覆刪除
  38. 小佚

    我的創傷在下半身:
    肚臍對下,
    腳對上
    .
    .
    .
    .
    .
    妳估啱啦!
    我的膝頭
    曾經仆傷
    陰公~~~

    ++++++

    多謝巴黎提供link

    小佚後生好眼
    唔使老花眼鏡
    不過用顯微鏡較好

    +++++++

    點呀?
    見到我全名!

    >但係最型個位
    ==>啍!
    賣口乖!

    回覆刪除
  39. 『你話呢排負能量多
    而家點呀?
    好啲嘛?

    星期日晚(明晚)
    阿強再同大家見面!』

    又有得見阿強,心情即刻好番哂!

    回覆刪除
  40. 歪歪

    難得你開心
    阿強再撞板都抵嘅!

    回覆刪除
  41. 佚妹仲細,我叫佢借大人既老花眼鏡啫(例如grandpa grandma)。

    今晚又要爭凳仔?不過我夜番喎。

    卡卡:
    你應該排緊戲,
    記住爆多d笑料,
    死神也瘋狂!

    回覆刪除
  42. 巴黎

    妳真細心
    我而家排緊戲
    今晚我都夜返

    我做戲搞笑
    妳唔使擔心

    回覆刪除
  43. 卡臣:
    我的創傷在下半身:
    肚臍對下,
    腳對上
    .
    妳估啱啦!
    我的膝頭
    曾經仆傷
    陰公~~~
    -->我都無估過,你自己講ga!xd

    ++++++

    多謝巴黎提供link
    -->係啊!如果唔係我都見唔到卡臣個型仔樣啊!

    小佚後生好眼
    唔使老花眼鏡
    不過用顯微鏡較好
    -->用老花仲唔夠,仲要顯微鏡><!
    +++++++

    點呀?
    見到我全名!
    -->有冇獎ga??

    >但係最型個位
    ==>啍!
    賣口乖!
    -->哎呀!被發現左點算><!

    回覆刪除
  44. 卡臣:
    等緊啊!要上頭注香啊!
    但我驚又被迫出啊><!

    回覆刪除
  45. 最近真係見到類似嘅新聞喎,不過真實個案結局殘酷啲。

    回覆刪除
  46. folium

    小說咪可以童話結局:)
    happy ending

    回覆刪除
  47. >>卡臣

    Ha! 好耐無來又係有好野睇... ... 嗯,有時有啲野真係衝動.

    回覆刪除
  48. lo哥

    你工作繁忙,無計啦!
    不過請你盡量抽空喇
    我都想見你蒲吓頭嘛

    回覆刪除
  49. 卡臣))))
    好鍾意個 ending 呀~~~~
    不過, 我聽過果句係 "生命誠可貴,愛情價更高" 喎~~~
    o薯 !!!! 唔好俾阿傑聽到呀 !!!
    嘻~~~~

    回覆刪除
  50. kateyip

    咦!
    我聽的版本是「自由價更高」喎
    唔同年代啩?

    回覆刪除
  51. 以我個推理....我地相差 10年左右啦~~
    你應該係64後 (6月4日)既版本...hahaaa

    回覆刪除

LinkWithin

Blog Widget by LinkWithin