~~~~~~~~~~~~~~~~







2008年11月12日 星期三

情信 - 下集

情信 - 下集

黃德明望著面前這封情信,不能接受男同學暗戀自己這一回事。一時間「心理唔正常」、「死乸型」、「變態仔」的形容詞,投擲到潘家浩身上。驚惶之下把信紙撕毀,更將抽屜內潘家浩替他錄的張國榮唱帶,當染滿病菌一樣,一口氣掉落圾垃筒。

他整夜神不守舍望着功課薄發呆,有同學暗戀自己理應值得慶賀,但係如果係男同學就唔使喇唔該!一想起以往跟潘家浩一起去旺角去打桌球、買模型、買漫畫,黃德明就不其然全身毛管直豎。

當晚黃德明輾轉反側,眼光光望着碌架床的上格床板,聽到上格床哥哥的鼻鼾聲。翌日是星期五,黃德明起床時向媽媽說感到天旋地轉,全身發熱,應該是發燒吧。媽媽替他向學校請了一天病假,其實他害怕回到課室面對潘家浩。一想起潘家浩今天放學後,會到圖書館等待自己,不禁害怕起來。所以黃德明詐病逃學,逃避面對潘家浩。

但避得一時,又點可以避足一世?除非黃德明有足夠理由向父母提出轉校。過了周未,黃德明星期一回到學校,他在操場排隊,垂下頭來,不敢跟潘家浩有任何目光接觸。

黃德明進入班房後坐下,潘家浩走到他的坐位,手上拿着一盒卡式帶,是張國榮的《有誰共鳴》。黃德明當潘家浩患有痲瘋般,保持誇張的身體距離。
冷冷地說:「唔要啦!我都有!」
之後拎轉面,借故跟其他同學傾偈,避開潘家浩。

從這一天起,黃德明全方位疏遠潘家浩,兩人再無一起打波、錄歌、落旺角、買模型。你有你嘅生活、我有我嘅忙碌。黃德明跟另一群同學玩、食lunch打波睇漫畫,潘家浩亦無刻意去補救這段友誼。

* * * * * *

農曆新年假期過去,第一天開課。潘家浩跟班中另一名女同學:卓美鳳,傳出緋聞,兩人堂上眉來眼去,傳紙仔,前後腳去食lunch,跟著明目張膽,由低調地下情浮到高調地上情;是班中公認公開的一對。

黃德明見潘家浩結識了女朋友,對他的芥蒂開始輕輕消減,再開始和潘家浩作簡單的接觸和單字片語的對話。潘家浩見黃德明肯拆除防衛牆,當然積極回應;畢竟兩人曾經是好朋友。

* * * * * *

復活節假期前,學校舉辦烏溪沙大旅行,地點是十四鄉。潘家浩和黃德明的友誼在慢慢重生中;至少他們可以共處在同一個火爐燒烤。

當同學們一起燒烤時,卡式機正播放陳百強的《盼望的緣份》。其中一位女同學突然單刀直入問潘家浩和卓美鳳:「喂!不如講吓你哋點樣開始拍拖!」,附和者七嘴八舌:「唔好怕醜!講啦!」、「係囉!邊個追邊個先?」

潘家浩顯示出男性風度,由他充當發言人,卓美鳳在旁只含情脈脈地低下頭。潘家浩說上年冬天,寫了一封情信,趁小息時把情信放入卓美鳳書包內,約她放學後在圖書館見面,但卓美鳳沒有應約,被拒絕的潘家浩曾一度十分氣餒!

但有打不死精神的潘家浩屢敗屢戰,再作第二次嘗試。再寫另一封情信,把情信又放入卓美鳳書包內。今次卓美鳳,終於肯應約,並願意成為潘家浩的女朋友。此時,卓美鳳終於開腔,說她由始至終的半年內,收過潘家浩親手寫出的情信,僅一封而已。

坐在火爐旁的黃德明,心裡終於恍然大悟:
黃德明收到情信那天,情信夾在【好時代】雜誌內,黃德明於當天早上,曾借出該本雜誌給卓美鳳先一暏為快。她在當天放學時,才把雜誌歸還給黃德明。所以潘家浩把情書放入的卓美鳳書包內的【好時代】雜誌,最終又遊回黃德明手上。那封應該送去卓美鳳手上的情書,誤墜進【好時代】,結果給黃德明錯手撕毀。

黃德明知道自己當日錯怪潘家浩,想起當時自己嚇自己,都幾好笑!黃德明之後向潘家浩重新伸出友誼之手,兩人冰釋前嫌。之後,黃德明再約潘家浩一起到旺角,潘家浩雖然要陪卓美鳳,但都盡量配合。

* * * * * *

暑假又到,中三評核試成績公佈了,黃德明僥倖升上原校中四。卓美鳳可以直升原校,但潘家浩成績較差,要到區內其他中學讀中四。他們一班同學相識一場,在「農場餐廳」夾錢請潘家浩吃一個鐵板晚餐作餞別。

席間男男女女講吓初中時的「瘀嘢」和阿Sir 同Miss的變態嘢。嘩嘩啦啦!10時許,他們要結帳,始終要話別。

潘家浩在農場餐廳門口外跟各同學逐一道別,輪到黃德明時,他們先握手,這時,兩人握着的右手,潘家浩突然用右手中指在黃德明的手心裡撩一撩!潘家浩突然把自己的嘴巴俟到黃德明耳邊,細細聲說:「其實我鍾意你!」

黃德明嚇到整個人呆了!乜潘家浩幾時又鍾意返男仔呀!?潘家浩握完手後,立即向大家說聲再見,頭也不回,轉身便走,消失在黑夜裡。

原來半年前,當天臨放學前,潘家浩在最後一節小息時,趁無人見到,親手把情信攝入黃德明書包內的【好時代】雜誌中,目標是黃德明,絕對清清楚楚,沒有誤中副車。 潘家浩同時喜歡班中的黃德明和卓美鳳,只不過黃德明沒有回應才追求卓美鳳。

中三這一年,潘家浩替黃德明上了人生寶貴的一課,原來男仔鍾意女仔之外,男仔也可以鍾意男仔,更可以同時間,鍾意女仔之餘又鍾意男仔。

『情信』Alternative Ending:By 歪歪

黃德明嘗試想了很多理由來解釋這封信,在媽媽一聲『開飯啦!』,才將黃德明叫回現實中。

同枱吃飯的還有剛中學畢業的大家姐,和比黃德明大一歲的孖女二家姐、三家姐。由於黃爸爸是當夜班,每晚吃飯,三個家姐都會七嘴八舌的討論被男仔追求時,怎樣把他們當作觀音兵,如何將他們呼之則來,揮之則去。黃德明身為唯一一位男性,除了感到被侮辱之外,更連開口反駁都有心無力。

於是黃德明一邊吃飯一邊想,其實自己未拍過拖,一直覺得女性就是麻煩的根源。而William是自己最好的朋友,打贏籃球比賽後興奮相擁,即使大家一身臭汗,但一點都不嘔心;又或者大熱天時一枝汽水兩份飲,從來都不感到核突。既然大家都有共同的嗜好,平時都是雙劍合壁的好拍檔,於是黃德明覺得雖然怎都沒想過會和一位男性拍拖,但這一位並不是一般男同學,而是William,黃德明決定接受William的愛意,明天便會告訴他願意跟他一試。

黃德明從來沒想過一頓晚飯竟然能令自己茅塞頓開,突然感覺到世上很多事物,原來不過是因為一些俗世的眼光,而令人卻步。即使是同性戀,亦不過是屬於兩個人之間的愛情,只要自己想通了,便能放開成見勇敢接納。現在更明白為何最近William常常說很煩,但又不肯講是為甚麼,黃德明希望明天見面時能令William同樣地開竅。他甚至想到之後若然大家一起拍拖的話,往後彼此的默契自然會更好,在籃球場上必定戰無不勝,甚至下半生都有這一位可以分享所有共同嗜好的好伴侶。躺在床上想到入了神的黃德明,就連自己身為黃家唯一男丁,一直被父母命令要擔當傳宗接代的重任,通通都拋諸腦後,心中只想快些能跟William見面。

第二天早上,一如以往黃德明和William都會先到住處附近的公園會合,才一同前往學校。黃德明預感今天將會是人生中一個重要日子,因為終於可一嘗戀愛嘅滋味,於是他比平時更早到達公園。由於難掩心底的興奮他更是坐立不安,只懂徘徊踱步期待William的出現。終於,黃德明發現William正從遠處過來,忍不住揮手大叫:「William!」

William一見到黃德明便加快本來慢條斯理的步伐,匆匆的走過來,連早晨都未講便開口說:「黃德明,我有啲嘢想同你講…」
黃德明一聽見便搶先截住William:「你唔駛講喇!我已經完全明白點解你最近成日嗌煩,我亦都決定咗去支持你!」

William聽後喜出望外仿如遇見救星一樣,便話:「真嘅?」
「換轉係第二個我都唔洗諗就已經拒絕,但係見你係我最好嘅朋友,我會接受同你拍拖,仲好有信心我哋會係天生一對。」黃德明一邊說一邊伸手從校褸袋中取出那封情信。William被黃德明的說話和舉動嚇了一跳,只懂望着那封已打開了的情信,口震着回答:「嗰封信唔係寫俾你架!」

聽後便輪到黃德明被嚇呆,心想花了一整晚說服自己去接受和一位男性拍拖,怎也估不到原來是表錯情,於是滿面通紅的黃德明老羞成怒喝道:「你唔係寫俾我,咁封信係寫俾邊個呀?」William垂低頭說:「係俾你家姐架!」

黃德明聽後更覺侮辱便大聲指責William:「你有同性戀唔搞,搞忘年姐弟戀!」
William雖然覺得黃德明無理取鬧,但都不敢反駁,只有說:「唔係你大家姐,係大孖同細孖呀。」

黃德明越聽越生氣,繼續喝罵:「你咁貪心,想一箭雙鵰!」
這時William覺得自己越描越黑,一定要將整件事交代清楚,便說:「其實我成日响學校見到大、細孖,對佢哋產生好感,但係兩個都一模一樣,都唔知揀邊個至好。有時想從你口中打聽下,點知你一味彈佢哋,連我借啲意話上去你屋企,你都話唔想我俾你啲家姐煩,我又點敢叫你幫手喎!於是我咪諗咗個方法,就係將封信偷偷地攝入你本【好時代】度,等你帶咗返屋企,我就打電話叫你將本雜誌放响廳,由個天決定會係大孖定細孖睇到封信先,所以我咪無寫上款囉。點知尋晚你個電話打極都唔通,上天仲要安排咗你去睇封信𠻹,令到你誤會真係唔好意思!」

黃德明聽了William的解釋,才明白到愛情的魔力之大,除了能令自己一夜變攣外,竟然可以令到一向醒目聰明的William,做出這般愚蠢的示愛方式,而且明知黃德明的三位家姐經常都霸着電話來用,他又怎能輕易打得通呢!黃德明覺得William的安排和策劃都是非常失敗,忍不住問:「咁…你有冇諗過如果係我阿媽打開封信會點?」

William被這樣一問才突然醒覺到自己有多笨,終於抬起頭望着黃德明,兩人四目交投,然後大家忍不住一同放聲大笑起來,隨著此起彼落的笑聲,一封產生大誤會的情信都已不放在心上,兩人知道彼此間珍貴的友誼才最重要。

William很辛苦終於能停住笑聲,喘着氣說:「要我同伯母?咁…我寧願揀你囉,Honey!」

黃德明也不放過William說:「係就俾我錫啖先啦,靚仔!」然後在公園裏追着William獻吻,兩人你追我逐互相嗌對方「Darling!」「傻豬!」「BB!」…朝着學校方向走去。


------------------------------
今日我將自己嘅第一次獻咗俾卡臣,希望各位唔好柴台,因為個台係屬於卡臣嘅!
真係好感謝卡臣寫咗一篇咁有趣嘅上集,令我有靈感寫呢篇Alternative Ending,亦因為卡臣一直嘅鼓勵,我先至能夠寫得完,仲要借用你呢度嚟發表。
更加無想過「小瓶子」為我呢篇Alternative Ending寫多個Alternative Ending!

盼望的緣份 - 陳百強
作曲:陳百強
填詞:鄭國江

若說愛永遠像枷鎖
願意套上十分傻
願豁出生命 莫笑我癡情
但我永遠也是一個
日子孤單的經過
在這一生中 快樂也一個

緣分永遠要避開我
今天我實在願講合
自己孤單還要天天唱著情歌
寧願我去發現真錯
但也想親身經過
願豁出生命願擔起枷鎖

願意獻上這份真愛
任這世界罵我癡傻
願豁出生命 莫笑我癡情
但我永遠也是一個
問這一生怎麼過
是這麼孤單快樂也一個
是這麼孤單 愛情避開我

80 則留言:

  1. 咿,竟然罷咗頭位。

    迂迴曲折好好睇吖!

    回覆刪除
  2. i love the first photo on the beach. isn't the ending a bit dramatic?

    回覆刪除
  3. 哈, 几好吖.

    「農場餐廳」中学时真系有去过, 不过好似系高中帮人补习赚到钱先食得起.

    回覆刪除
  4. desertfox:
    哈哈,desertfox,下次再加油!!

    卡臣:
    鐘意女仔時,又鐘意男仔。
    鐘意男仔時,又鐘意女仔。
    唔出奇啊!嘜唔得ga??
    xd...咁樣講你驚唔驚呢

    回覆刪除
  5. 呢個ENDING好AR, 不過潘家浩好老練下WOR, 唔似新手。

    仲有, 十四鄉, 即係E+邊度呢, 成日搭車經過都搵唔到間古廟, 地圖都搵唔到

    回覆刪除
  6. 又話2345?原來已經咁多人排隊!

    嘩原來寫雙性戀者,真係耐人尋味、轉彎抹角、錯綜複雜、冇諗過會係咁。

    泳褲少年堆沙戲水,有意思。
    相中人....

    回覆刪除
  7. 我以為結局係潘原來係故意去追另一女同學,等黃以為是誤會,掩飾自己的性向...

    回覆刪除
  8. Hana

    估唔到妳是「冧巴溫」!
    祝妳心想事成!

    +++++++

    nost

    我愛「手指在手心裡撩一撩」一節
    本人都領教過
    又是被朋友整蠱我

    +++++++

    小瓶子

    我個故事結局邊有妳構思的好?
    妳勁啲

    回覆刪除
  9. desertfox

    多謝哂
    第四位都係五甲之內


    ++++++++++

    佚佚

    >雙性戀當然唔出奇啦!
    我身邊都識唔少

    +++++++++

    篤篤

    >潘家浩好老練
    係呀!今次主要講黃德明這青頭仔
    中三初遇bisexual的人生第一課

    十四鄉....好似係馬鞍山
    有待四方朋友指正

    +++++++

    回覆刪除
  10. 巴黎

    原本2345
    我都按捺不住,提早出閘

    法國人咁浪漫,應該唔少bi啩?

    喂!上機啦?
    祝妳去非洲一路順風!

    +++++++


    泰知訂

    歡迎你先!
    好多攣人扮直(以前)
    但潘就忠於自己
    愛上女生不是掩飾


    你對電影音樂的知識
    你跟nost一樣 叫我佩服!

    回覆刪除
  11. 卡臣:
    雙性戀當然唔出奇啦!
    我身邊都識唔少
    -->係啦!但其實係咪真係愛來既呢?定係佔有慾強,想兩者居有呢?

    回覆刪除
  12. 笑聽

    朋友係facebook影低
    我問淮借用
    ps 我非相中人

    ++++++

    佚佚

    我估是真愛啩!
    因為異性戀/同性戀也可以有很強的佔有慾!

    回覆刪除
  13. Bonjour卡卡!
    我又改變主意喇(再次証明女人之善變),
    今次唔去非洲,
    去....
    等我返嚟再探你地。
    Ciao!

    「手指在手心裡撩一撩」
    係法國都遇過,係棕髮綠眼睛。

    回覆刪除
  14. 巴黎

    吓? 妳見去北極航班有位
    上咗機呀?
    我電視見陳智能好多裝備
    咁妳小心啲啦

    >「手指在手心裡撩一撩」
    係法國都遇過,係棕髮綠眼睛。
    嘩!
    俾男定俾女先?
    我估我地東方人在法國有一定市場
    都係果句
    去法國機票最平幾多錢?
    速去!

    回覆刪除
  15. 家誠同學

    都26年,為什麼你向我揭露真相?

    回覆刪除
  16. 單野係24年既話
    個男仔D思想都好前衛下喎

    回覆刪除
  17. 結局係萬能插蘇? 真係估你唔到! 不過個結局都好精彩!

    你都領教過? 對你黎講, 碎料o者...

    回覆刪除
  18. 卓美鳳同學

    不知妳是否仍然跟潘家浩一起呢?
    我相信他是真心愛妳的,
    雖然他背著妳搲人掌心.
    是是非非,對對錯錯
    都是上世紀的依稀往事
    算了吧...

    +++++

    keith

    係呀
    當年攣扮直
    而家興直扮攣
    呀衰鬼~yeah~

    ++++++++

    自由

    雖然我年事已大
    但領教過後,對我黎講,
    心靈始終受到衝擊
    如遭電擊
    窒一窒

    回覆刪除
  19. >被朋友整蠱
    扮晒野向你示愛呀?
    都話你迷倒萬千少男少女架呀!
    真係替卡師奶汗顏呀!

    回覆刪除
  20. 自由
    >迷倒萬千少男少女?
    靠害咩?
    發放假消息
    卡師奶手拿利剪啦!


    +++++

    天使爸打

    多謝你嚟睇
    賞面啊!

    ++++++

    數奇門

    真係好嘢?!
    咪氹我

    回覆刪除
  21. 卡臣:
    我估是真愛啩!
    因為異性戀/同性戀也可以有很強的佔有慾!
    -->咁又係,記得n年前一齣戲名,愛你愛到殺死你,呢d就係超佔有慾啦!!

    卓美鳳
    -->哦0.0!卡卡既召喚力真係強啦!!

    回覆刪除
  22. 車..如果係李美鳳或者周美鳳, 我諗亞卡會開心d! 可惜係卓美鳳呢!

    回覆刪除
  23. 佚伕
    >愛你愛到殺死你?
    香港版的「body guard」
    黎明保護歌星鄭秀文
    fans殺明星

    卓小姐,
    我想唱首「無心害妳」俾妳聽

    ++++++++

    自由

    李美鳳,周美鳳或者王小鳳
    最好都係:一X一鳳

    回覆刪除
  24. 卡臣:

    我睇完勁驚,可唔可以爆句粗:DLAN......

    Daniel.

    回覆刪除
  25. 好!不過潘家浩見黃德明之前起晒槓,應該收到喇,後來又老作「把情信放入卓美鳳書包內」明顯係有兜既成份,所以唔應該會有後來既撩手指行為...

    嗯....又不過有可能佢唔憤氣,唸住以後冇乜機會見,所以係都要親口講一次比黃德明知咁先會有「握完手後,立即向大家說聲再見,頭也不回,轉身便走,消失在黑夜裡。」

    嘿嘿~乜都比我講晒 :p

    回覆刪除
  26. 卡臣:
    愛你愛到殺死你?
    香港版的「body guard」
    黎明保護歌星鄭秀文
    fans殺明星
    -->我無睇過呢齣,剩係記得個名咋

    Daniel:
    我睇完勁驚,可唔可以爆句粗:DLAN......
    -->哦?卡臣幻想自己係主角中??
    咩係dlan??

    回覆刪除
  27. daniel

    >爆句粗:DLAN......
    你睇完爆粗band友呀?
    咁恐同?

    +++++++++



    你講得好啱
    既然知道一別
    豁出去
    總算忠於自己一次
    講完即逃

    ++++++++

    佚佚

    咩係dlan??
    小朋友
    dlan是damiel英文名簡寫啫

    回覆刪除
  28. 卡臣:
    咩係dlan??
    小朋友
    dlan是damiel英文名簡寫啫
    -->嘜唔係daniel咩??
    簡寫來ga??你唔好呃我wow!我真係信ga!

    回覆刪除
  29. 佚名妹妹,
    When you grow up you will understand that.

    回覆刪除
  30. desertfox:
    關grow up咩事??點解要大個先知啊!我都唔係好細者,係比你地細個者!!

    回覆刪除
  31. 佚佚 & desertfox

    小佚成年架啦!
    我uncle car唔擔心妳
    我知妳明架!

    回覆刪除
  32. 卡臣:
    但我真係唔明^^0
    咁我係咪者係倒退

    回覆刪除
  33. 小佚

    唔使驚
    倒退變番細佬女
    大把人恨都恨唔到
    (包括我)

    回覆刪除
  34. hi, 尋日話你"寫好多字"呢, 原來係小說, 以小說黎計又唔算好多字 ^_^he

    回覆刪除
  35. 多謝你先.
    哇, 你覆得咁快.
    你係blogspot 好受歡迎喎 ^_^

    回覆刪除
  36. 小丁

    唔係呀
    大家投緣傾吓偈咋
    談唔上「歡迎」兩字

    妳的blog
    design + 文字 + 相片
    俱佳!
    正!

    回覆刪除
  37. 你個卓同學真係一陣風咁..走o左!
    除左篇小說吸引之外, 仲有你同卓小姐既"重逢", 我想好多人會好關心你地既情況(起碼我想知呀!)
    突然醒起呢首歌, 好岩你同卓同學聽

    相思風雨中 - 張學友/湯寶如
    曲︰徐日勤
    詞︰簡寧
    編︰徐日勤

    男:難解百般愁 相知愛意濃
    女:情海變蒼茫 痴心遇冷風
    男:分飛各天涯 他朝可會相逢
    女:瀟瀟風聲凄泣暴雨中

    *男:人海裡飄浮 輾轉卻是夢
    女:情深永相傳 飄於萬世空
    男:當霜雪飄時
    合:但願花亦艷紅 未懼路上湮雨濛

    #男:啊 寄相思風雨中
    女:啊 寄痴心風雨中
    男:抱月去化春風雲外追蹤鴛侶夢
    合:恨滿胸愁紅塵多作弄

    +男:難解百般愁 相知愛意濃
    女:情海變蒼茫 痴心遇冷風
    男:分飛各天涯
    女:但願他日重逢
    合:夜漫漫路上珍重

    重唱 *,#,+

    男:寒夜裡霜雪飄時
    合:但願花亦艷紅 別後路上珍重

    回覆刪除
  38. 自由

    我都想送番首歌俾卓小姐同潘先生:

    夢醒時分 - 陳淑樺

    曲:李宗盛 | 詞:李宗盛 |
    你說你愛了不該愛的人
    你的心中滿是傷痕
    你說你犯了不該犯的錯
    心中滿是悔恨
    你說你 盡了生活的苦
    找不到可以相信的人
    你說你感到萬分沮喪
    甚至開始懷疑人生

    早知道傷心總是難免的
    你又何苦一往情深
    因為愛情總是難捨難分
    何必在意那一點點溫存
    要知道傷心總是難免的
    在每一個夢醒時分
    有些事情你現在不必問
    有些人你永遠不必等

    今晚我唔去sogo啦
    多謝大家關心先

    回覆刪除
  39. 個結局好蹊蹺,無諗過William會係Bi;但係黃德明嘅反應就同我寫嘅Alternative Ending完全相反,有興趣睇嘅可以去返情信 - 上集睇下我嘅故事係點發展。(唔係搶客,只係當做宣傳!)

    回覆刪除
  40. 潘家浩太細胆la, 喜歡黃德明應該全力爭取,駛乜理別人的目光呢。嘿

    又,看到農場餐廳,笑咗出嚟。好耐無聽人提起啦。嗰畸佢啲套餐餐湯,除紅白湯外,仲有好好味嘅蕃茄薯仔湯,係去親必叫嘅賣飛佛。

    回覆刪除
  41. 卡臣:
    唔使驚
    倒退變番細佬女
    大把人恨都恨唔到
    (包括我)
    -->哦?卡臣一d都唔老啊!個樣好後生,一d都唔似真實年齡啊!

    回覆刪除
  42. 卡臣其实嗰样似三十头之bor.....我都好surprise 现在D男仔会甘早结婚.

    回覆刪除
  43. 歪歪

    哈哈!寫得好
    立即post做bonus track
    黃德明的兩個反應都寫埋
    有趣~~

    你唔好客氣
    盡情寫
    我一定捨卜你!

    ++++++

    c+

    >喜歡黃德明應該全力爭取,駛乜理別人的目光呢
    ==>26年前喎
    搞基=愛滋 (偏見)

    農場餐廳<---我吃雜扖
    貪心嘛

    回覆刪除
  44. 小佚
    >個樣好後生
    ==>以53歲嚟講
    都可以叫後生嘅

    ++++++

    小瓶子

    哈哈
    承惠哂!
    >我都好surprise 现在D男仔会甘早结婚.
    ==>我自己都好surprise
    可否時光倒流
    俾我揀多次?

    回覆刪除
  45. 我從來無諗過你竟然會將我寫嘅結局擺上你個Blog度,能夠同你嘅原作放埋一齊,我真係好開心。你令到我呢次嘅創作經驗,一世都唔會忘記。

    唔好嫌我噚氣,我點都要講多次,多謝你一直嘅支持同鼓勵。

    回覆刪除
  46. 歪歪

    客乜鬼氣
    it is my pleasure!
    下次睇啱邊集
    咪續寫囉
    一定幫你post!

    其他朋友
    都一律歡迎
    (但無稿費,sorry!)

    回覆刪除
  47. 『下次睇啱邊集
    咪續寫囉
    一定幫你post!』

    喂,仲有下次?你睇下我篇嘢俾你擺咗出嚟,即刻嚇走哂你啲熟客,好少人留言,你呢個旺場俾我攪到靜哂就唔好啦!

    回覆刪除
  48. 卡臣:
    以53歲嚟講
    都可以叫後生嘅
    -->但你個樣真係係三十幾,最多四十幾,但唔似53啊!
    所以好smart ar!

    回覆刪除
  49. 歪歪:
    喂,仲有下次?你睇下我篇嘢俾你擺咗出嚟,即刻嚇走哂你啲熟客,好少人留言,你呢個旺場俾我攪到靜哂就唔好啦!
    -->邊度有嚇走晒啊??返緊工啊!放工見到你篇文就回啦!!

    回覆刪除
  50. 歪歪

    >好少人留言,你呢個旺場俾我攪到靜哂就唔好啦!
    絕對唔係咁
    等我解釋一吓
    星期六/日係少人睇
    因為平時喺office悶先上網
    如今sat sun
    仲唔出街咩?
    所以少人嚟囉

    ++++++

    小佚

    我似30?
    多謝哂

    回覆刪除
  51. 卡臣 & 歪歪:

    你點會攪靜個場呀? 遲d上黎o者.
    你個結局都好ok, 好好呀! 算係一個happy ending...因為大家仍然係好朋友.
    更加要多謝卡臣大方地借出地方俾歪歪, 唔得你, 我地點識呢位新小說作家.

    2個結局, 2種感覺, 各有所好! ^^

    回覆刪除
  52. >星期六/日係少人睇
    係...因為去街, 所以d人係無咁早上黎

    >因為平時喺office悶先上網
    錯! 唔係悶先上, 係每日必上. 幾忙都要上!

    回覆刪除
  53. 卡臣:
    我似30?
    多謝哂
    -->有幾字hee
    不過你真係好後生,唔知關唔關做運動時,因為帶氧運動,皮膚靚d,個樣都後生d

    行姐:
    更加要多謝卡臣大方地借出地方俾歪歪, 唔得你, 我地點識呢位新小說作家.
    -->係啊!我地齊鼓掌!!
    希望卡卡再培訓多d新作家啦!

    錯! 唔係悶先上, 係每日必上. 幾忙都要上!
    -->哦!你忙都上來!!曳曳啊!

    回覆刪除
  54. 自由

    >更加要多謝卡臣大方地借出地方俾歪歪,
    哈哈
    個網屬於大家
    如果妳寫俾我
    我都會榮幸地post出嚟架!

    >係每日必上. 幾忙都要上!
    叩~叩~叩~
    請受小弟
    三個叩頭
    (感動中)

    ++++++

    佚佚

    >希望卡卡再培訓多d新作家啦!
    嘩?!
    我邊有咁堅?
    邊有咁叻?
    我想「陪瞓」多過「培訓」

    回覆刪除
  55. 卡臣:

    >請受小弟, 三個叩頭
    我~仲~未~死~呀! 所以我服唔起呀! hehe~

    >如果妳寫俾我,我都會榮幸地post出嚟架!
    我邊有你咁多橋呀~

    回覆刪除
  56. 卡臣兄,舞妹妹:

    可以想像一下,一個十三歲的小伙子碰上如斯問題,是超乎想像的驚恐啊~~~~~~:O

    卡臣,DLAN=Daniel!?唔好呃細路女呀!

    Daniel.

    回覆刪除
  57. 突然想起,一些男人有同性戀恐懼症,驚比人插,又驚自己會去插人!前後都驚呀!

    回覆刪除
  58. 乜「農場餐廳」唔係90年代嘅產物咩?我有冇老人痴呆攪錯咗呢?86 年嘅中三生去食,都幾貴... :-P

    兩個結局都好睇,果個年代“同性”邊有人敢認吖,我有個男同學隔咗好耐,重要去埋英國至敢“公開”,果時我至愰然大悟明白點解佢以前對啲女同學好好,但好得來又怪怪地...

    回覆刪除
  59. 佛爺

    「恐同」可能基於自己係同性戀,又驚俾人知道自己係基,而先發制人,仇視同性戀

    ++++

    單無雙

    係咩?
    「農場餐廳」唔係80年代嘅產物?
    有待高人指正啦,我印象中有喎

    妳的朋友當妳係姊妹嘛
    手帕之誼

    回覆刪除
  60. 卡臣:

    哈哈!真係有道理。如果無同性戀傾向,怎會有「恐同」症?

    回覆刪除
  61. 卡臣、佛爺:

    外國有人做過實驗,訪問一班男士對同性戀嘅睇法,然後逐個進入放影室,將感應器裝响男士嘅重要部位嗰度,跟住就播放男同志色情影片,睇佢哋有乜反應。

    結果响訪問入面越係對同性戀覺得嘔心抗拒嘅,對影片越有反應,對同性戀抱開明接受嘅就越無反應。

    你估你哋敢唔敢試?

    回覆刪除
  62. 單無雙:

    我諗嗰個年代嘅同志,好多都係同你講嘅朋友一樣,依家呢一代真係勇敢好多!

    回覆刪除
  63. naruto

    個故仔扭嚟扭去<--貫徹本人一向之風格

    回覆刪除
  64. 兩個 ending 都好好睇呀 !!!
    我都學緊寫故仔, 希望多d題材..., 好想好似你地咁, 咁多橋!

    回覆刪除
  65. kateyip

    坐言起行
    妳有idea就動筆啦
    打鐵趁熱嘛

    回覆刪除
  66. 我寫左架啦~~ 唔知你睇唔睇到呢 ?? @_@

    http://www.facebook.com/note.php?saved&&note_id=180638795305048

    回覆刪除
  67. kateyip

    欣賞了
    感動!
    短短一篇已能打動人
    親情愛情一樣偉大
    好嘢

    可惜未能在妳那篇讚好
    只好在這裡給like!

    回覆刪除
  68. 真係好 ??? 定係情人節你慷慨的禮物吖??
    無論如何 祝你和你的家人情人節和日日都開開心心 !!

    真係好開心呀, 你讚我 ^^

    回覆刪除
  69. kateyip

    當然是由衷的讚賞
    你借斑馬線前一景已經足夠講出要點
    不像我要舖排前因後果,寫一大餐才能到point

    所以妳叻過我呀

    回覆刪除
  70. 我係寫交通燈吖~~~ :P
    不過, 我講左D 咩呢 ??
    其實我重點係想講, 除左男女之外,親人都係情人啫! ^^

    回覆刪除
  71. kateyip

    sorry
    我仍然混淆交通燈和斑馬線
    總之我想講過馬路那條路

    回覆刪除

LinkWithin

Blog Widget by LinkWithin