~~~~~~~~~~~~~~~~







2008年9月21日 星期日

階級鬥爭論

階級鬥爭論

從前有一間公司,
一個早上,有兩個部門主管在走廊上相遇,
他們沒有牙齒印,兩人都算「有計傾」一類。
A部門主管先嘆一口氣,
B部門主管問佢因乜事咁煩惱?
B主管請A主管到自己房間,慢慢傾。

A主管入房後坐低,唉聲嘆氣!
投訴自己部門有個staff豬咁蠢!
無哩醒目、踼一踢、郁一郁。
激到自己啤一聲!

B主管感到A主管「同是天涯淪落人」,
B主管亦透露自己部門有個staff好鬼蠢!
毫無sense、成日發夢、遊魂咁!
被佢激死好多腦細胞。

A主管同B主管傾傾吓,想比較一吓哪個staff最蠢?
A主管先打內線電話,叫Astaff入房,
Astaff入房後,A主管吩咐Astaff:「你同我去人民入境事務處check吓,有冇人會老過自己阿媽?」
Astaff點頭:「OK,我而家就去!」
Astaff踏出房後,AB兩主管互望大笑:「嘩!真係傻得交關」!

輪到B主管打內線電話,叫Bstaff入房,
B主管吩咐Bstaff:「你同我返去我屋企,睇吓我喺唔喺屋企吖?」 
Bstaff點頭:「好!我馬上就去!」
Bstaff踏出房後,AB兩主管相望狂笑:「嘩!講開傻佬,真係低處未見低」!

Astaff和Bstaff乘電梯到地下,在大堂遇上,
Bstaff:「咦?阿A,做乜唉聲嘆氣呀?」
Astaff:「唉~我老細黐孖根架!佢叫我去人民入境事務處check吓有冇人會老過自己老母?」
Bstaff:「唉~我老細仲癲啦!佢叫我去佢屋企,check吓我老細喺唔喺屋企喎?」
Astaff:「唉~!都黐Q線!九唔搭八!」
Bstaff:「咁你而家打算去邊?」
Astaff:「咁我去網吧泡到5點幾,返嚟覆老細話check過,冇人老過自己老母!」
Bstaff:「我先返屋企瞓到5點幾,再返嚟覆老細話佢屋企無人囉!」
Astaff:「唉~收得公司份人工,就要陪老細一齊傻架啦!」

喂!有車,走喇!


103 則留言:

  1. 呢個故事教訓我地,唔好認叻、自以為是,
    一於扮猪食老虎。
    好寓意!

    回覆刪除
  2. 巴黎

    扮猪食老虎?
    好似妳咁!
    有咁勁嘅意大利經歷都低調沉潛..

    回覆刪除
  3. who are the most clever person in this story?

    good thinkings.

    回覆刪除
  4. Nost

    誰人最聰明?

    唔同人有唔同睇法
    我的選擇:Bstaff

    AB兩主管濫用公司資源,叫ABstaff做無謂嘢

    Astaff開小差去網吧,對眼睛唔好之餘
    可能給人撞見他偷懶

    而Bstaff用蛇王的時間返屋企瞓
    一來省錢
    二來對身體好
    三來唔會俾人撞見

    回覆刪除
  5. 呢篇寓言都可以話係生活嘅寫照。

    主管嫌staff唔醒目,可以話係定律;而鍾意叫啲staff做無謂嘢,亦係好常見嘅。只係今次濫用公司資源就罪加一等啫。

    但係確實有啲staff,以為扮蠢啲就可以做少啲,咁嘅心態就真係搵自己笨,因為主管有日頂唔順抄魷,吃虧嘅咪又係自己。

    所以四個都唔抵讚!

    回覆刪除
  6. 卡臣:

    總結:以為自己聰明的,一定係死蠢,哈!

    Daniel.

    回覆刪除
  7. haha, 笑死我!

    卡卡,你同我去人民入境事務處check吓,有冇寫 blog 嘅人會老過我嘅...

    嗱,咪吞卜呀,話比你老婆聽話你想要 companion ticket 架!

    回覆刪除
  8. 卡臣:

    呢篇好鬼寫實既o者..

    我公司都好多扮傻、扮天真、扮唔識...既人
    你o個d冰山一角o者....

    回覆刪除
  9. 歪歪

    老細以為自己高高在上
    測試下屬的工作承受力
    下屬挑戰上司的容忍度
    咁樣矛盾鬥爭一定發生

    唔使摷,以上文字沒有hidden word

    +++++++

    daniel

    聰明反被聰明誤?
    好彩我最蠢

    回覆刪除
  10. jessie

    妳身在new york喎
    玩得開心啲

    題外話
    Brett Anderson 的 Wilderness
    2008年必買item
    十個「正」字!
    唔知妳擁有咗未? (or download 咗未?)

    ++++++++

    laulong

    我已經同你去人民入境事務處check咗,有一個寫 blog 嘅人老過你啦
    佢叫卡臣
    喺推翻滿清政府,革命成功果日出世
    而家都快成百歲啦!

    我老婆唔睇我個blog架
    俾佢知道我寫「紀漢酵」故事?
    我一早摺blog啦

    另, 如果有一日我真係摺blog的話
    相信就是我老婆睇我blog之日

    ++++++

    自由

    我公司都好多扮傻、扮天真、扮唔識...既人
    扮傻、扮天真?
    facebook有冇呢個group?
    勁想join呀!

    回覆刪除
  11. 呢樣嘢令我唸起,好多寫字樓日日「所謂 OT」,職員要呆到晚上 8- 9 點才可收工,因為老闆認為「要共渡時艱、要勤勤力力」云云....

    事實上,根本公司係無咁多嘢做,只係職員拖長時間來「 lun 時間」,結果呢,工作效率奇低、電費又用左左,公司反而無賺多,仲衰過之前。

    同事咁長時間,做乜好呢?

    msn、寫下 blog 、網上拍賣、睇下網、之類。

    其中網上拍賣,我曾有段時間是大賣家,不約而同地,bid 我東西的人,都是在辦公時間落 bid 的,而且小弟的生意(興趣而已)也非常地好。

    回覆刪除
  12. 呢篇文章,引申出來的寓言可以很多,道理就是:

    當笑人 On-9 之同時,究竟是別人真的 On-9 ,還是根本是因為自己On-9,所以誤以為其他人都一樣 On-9 。

    On-9 的人,通常都不知(或不認為)自己是 On-9 ,反而認為其他人是 On-9 。

    ( sorry ,形容詞俗左少少,但我始終覺得 on-9 是較抵死的形容)

    回覆刪除
  13. 精神病患者總是說自己正常,
    聰明人倒是總說自己最蠢。

    咁究竟係聰明定蠢呢?haha

    回覆刪除
  14. 卡臣兄:

    我驚阿嫂係摺咗你個人噃~~~~~~:P

    P.S.大文兄果隻不霸?學唔到.

    Daniel.

    回覆刪除
  15. 卡卡:

    鬥老呀哇?

    有幾種方法:

    1. 對身份證。不過哩個都可以作假。

    2. 剝隻大牙嚟驗,睇損蝕程度,不過我一早無晒,冇到驗。

    3. 驗精,睇啲虫虫嘅活躍程度,聽講最準。

    喂,幾時去!

    回覆刪除
  16. 卡臣:
    哈哈!很有趣,別人笑我太瘋癲,我笑他太愚笨啊!

    人看人,就是這樣!

    如果是我A/b staff ,已經衝口而去頂撞:P...我真是教而不善

    回覆刪除
  17. 卡臣:
    係八號風球下,你所俾既選擇,我樣樣都有d咁點揀好啊?

    回覆刪除
  18. 驗精? 傳聞一生人得2公升, 你地都咁大年紀,仲有得驗? 哈哈哈

    回覆刪除
  19. 匿名=自由行

    手快快按錯掣

    回覆刪除
  20. diamond

    >好多寫字樓日日「所謂 OT」, 其實msn、寫下 blog 、網上拍賣、睇下網、之類。
    哈哈!好中!

    我約人8點, 喺公司磨到7:30
    表面OT, 實則寫blog

    好係我呀!

    On-9 的人話其他人On-9
    我諗係....先發制人
    驚俾人話自己On-9
    所以鬥快講咗先,
    從此天下一家
    都是On-9人

    ++++++++

    hana
    >咁究竟係聰明定蠢呢?
    我諗...老土講句:
    唔同時候有唔同需要囖
    有時要扮蠢有時要扮醒
    因時際會

    回覆刪除
  21. daniel

    你驚阿嫂摺咗我?

    如果我有24小時冇回應留言
    幫我call定黑傷車都得
    唔該先~~

    +++++

    laulong

    >驗精?

    唉~~無嘢刺激到佢出嚟喎
    女護士會唔會拔刀相助架?
    我要順產
    唔開刀取精架!

    回覆刪除
  22. eric

    笑中....都有淚架!

    +++++++

    佚名

    >別人笑我太瘋癲,我笑他人看不穿...周星馳說.

    >如果是我A/b staff ,我高興萬分
    即閃!
    唔信妳問吓長毛同范太
    長毛嗌兩嘢第一時間閃

    另,民調可以選多一個或以上

    其實...民調係裝飾品,唔使咁認真

    回覆刪除
  23. 自由

    >傳聞一生人得2公升, 你地都咁大年紀,仲有得驗?

    =>係呀,得2公升
    so far我只用了500ml
    (我只有機會用500ml)
    所以有大把貨剩
    陰公

    回覆刪除
  24. 咦咁快轉左話題!
    聽調查話香港男人唔係咁鐘意咩咩喎,係太忙太累吖,抑或無興趣?

    回覆刪除
  25. 巴黎

    相比法國人
    香港男人唔係咁鐘意咩咩喎,
    不過訪問對象是夫妻

    丈夫對自己太太梗係唔想喇
    但係對出面啲小姐就唔同啦
    食指大動呀

    唔信妳可以問吓校長呀!

    回覆刪除
  26. 隔離飯香,人需要新鮮感、新剌激,所以點解d 法國女人鍾意研究內衣。

    回覆刪除
  27. 校長好似無上線,聽日係星期一,好多人都唔鍾意嘅日子。所以法國好多店鋪、餐館都會星期一休息!

    回覆刪除
  28. 巴黎

    >法國女人鍾意研究內衣。
    到不及換妻般刺激!
    都係果句:
    法國機票最平how much?

    星期一休息?
    嘩!法國人咪好多long weekend
    short trip
    下世投胎做法國人!

    回覆刪除
  29. 上,上,上到黐線。

    首先小行,你咪聽黄霑噏呀,一生人點只兩公升呀,一年都唔只喇。哩啲嘢,長做長有呀!

    卡卡,啲精會自己貢個頭出嚟透氣架,駛セ開刀呀!

    吓,食指大動?冇呀,我出親街都用膠布包住隻食指架,醜死鬼嘛,有冇留意?

    唉,香港人太搏喇,邊有精力呀,我都話下世要做法國人咯,叫巴黎過定兩招先!

    回覆刪除
  30. >>卡臣

    哈!卡臣,你會唔會出書啫?

    唔駛下世做法國人,你去搵返法國工算喇。等下世太耐喇,可能法國會變做「做瓜你」時代!

    >>巴黎旅客

    >校長好似無上線,聽日係星期一,好多人都唔鍾意嘅日子。所以法國好多店鋪、餐館都會星期一休息!

    係中國人先做到咁辛苦,係咪?。。。我公司啲歐洲佬同美國佬同中國人都係咁,歐洲佬加班滴你入房小,中國佬唔加班滴你入房小,美國佬就係你加唔加都由你。


    法國佬,好!

    回覆刪除
  31. 聽校長一席話
    勝讀十年書!

    驗精單嘢....我更年期到
    用鼻涕頂住先

    法國...浪漫之都....正!
    how much the air ticket???

    回覆刪除
  32. 巴黎

    我想做杜魯福

    ++++

    lo哥
    >哈!卡臣,你會唔會出書啫?
    =>會呀!博益傾緊
    快啦!

    我都想幫美國人打工
    自由啲
    可惜英文不靈光

    回覆刪除
  33. 流浪完返嚟啦!
    我都覺得唔只咁少,
    每次小蝌蚪產量有2至5億條喎!

    回覆刪除
  34. 巴黎

    唉!2至5億條係正常男士
    如果太多運動e.g.健身愛好者
    就只得1000條度啦
    好「希」~~~

    回覆刪除
  35. 卡卡:
    杜鲁福正呀!你拍番套800擊!

    lo哥:
    法國佬懶散,但自由自在!

    我覺得法國人既精髓,係受個人主義影響深厚,不需理會別人的看法、批評,我行我素,活在當下。

    回覆刪除
  36. 巴黎

    我要學杜鲁福重拍「情淚種情花」&「偷試隔牆花」

    我瞓啦
    明天返工~~

    回覆刪除
  37. lo哥

    博益單野講笑咋!
    博益出版社執咗笠架啦!

    回覆刪除
  38. 卡臣:
    >如果是我A/b staff ,我高興萬分
    即閃!
    唔信妳問吓長毛同范太
    長毛嗌兩嘢第一時間閃
    -->0.0...咁我咪好蠢!有得閃唔閃><

    另,民調可以選多一個或以上
    -->係wow...我又唔記得左啦haha

    其實...民調係裝飾品,唔使咁認真
    -->玩下ma...幫親卡臣老細檔口

    回覆刪除
  39. 佚名
    咁我咪好蠢!有得閃唔閃><
    ==唔好咁講
    各自取向, 業隨身!

    係囉!
    幫親吓我個民調~~
    無聊中帶點低能

    回覆刪除
  40. >一生人點只兩公升呀,一年都唔只喇。哩啲嘢,長做長有呀!
    咁校長你真係好忙喎~!

    >啲精會自己貢個頭出嚟透氣架
    咁犀利? 會唔會自己去開風扇架?

    回覆刪除
  41. >如果有一日我真係摺blog的話
    相信就是我老婆睇我blog之日

    哈哈!
    早知「果日」何必開blog呢
    比佢知道你有野收埋唔比佢知
    哼哼~結果同包二奶冇乜分別架咋
    橫又死惦又死
    不如........
    ;)

    回覆刪除
  42. 自由

    校長啲新陳代謝好快!
    唔似我呢啲更年期老嘢

    >啲精會自己貢個頭出嚟透氣架
    ==>係咪叫夢遺?

    ++++++



    橫又死惦又死
    不如自動獻身?

    唉~~~很快要跟大家告別:(

    回覆刪除
  43. 『唔使摷,以上文字沒有hidden word』

    你係真係無hidden word,定「此地無銀三百兩」㗎?我嘗試從中揾出你寫呢篇寓言嘅原因,但係睇幾次都睇唔出喎。

    不過最唔明都係你嗰句『下屬挑戰上司的容忍度』,如果上司嘅容忍度係10,而下屬迫到佢去9.9,咁係咪就叫做「成功」,定抑或叫做「搏炒」呢?

    『我老婆唔睇我個blog架
    俾佢知道我寫「紀漢酵」故事?』

    你唔係真係咁天真咁傻呀嘛?佢睇咗再化名留埋言你都唔知啦。可疑人物有......

    回覆刪除
  44. 「情淚種情花」
    我查番先知道係Adjani個套l'Histoire d'Adèle,當年得獎無數。佢到而家都係咁靚!

    「偷試隔牆花」係咪講舊情人搬左嚟隔離屋個套?英文係セ?我查唔到。

    回覆刪除
  45. 卡卡你鍾意d戲都有個花字嘅?

    莫非採花、偷花漢...

    有冇睇過37°2 le Matin?好似譯做巴黎野玫瑰?

    回覆刪除
  46. 卡臣:
    ==唔好咁講
    各自取向, 業隨身!
    -->都係掛^^0

    係囉!
    幫親吓我個民調~~
    無聊中帶點低能
    -->又唔係低能,當消閒活動啦~~

    回覆刪除
  47. >卡卡你鍾意d戲都有個花字嘅?

    亞卡直情想親自上陣做男主角呀!!

    回覆刪除
  48. 嘩,你地好鬼聰明呀!

    係呀,卡卡,發夢嗰時叫夢遺,清醒嗰時叫滑精。至於你啲鼻涕有傷風菌個喎,會唔會搞到人地嗰度都傷風埋架!


    小行,會唔會自己去開風扇?

    開風扇我就唔知,捐山窿呀,爬水渠就一定會!

    回覆刪除
  49. 各位:

    明天又打風呀!
    亞卡...呢題投票用得著呀! 但係我同佚名一樣, 樣樣有d (除左床上運動) , 咁點攪呢? 可唔可以選多個一項..?

    http://hk.news.yahoo.com/article/080922/4/8cen.html

    回覆刪除
  50. 多謝校長詳盡解釋!
    今日我又學多個詞語.."滑精"..多謝!

    捐山窿呀,爬水渠呀..呢d動詞黎架喎..等我今晚去飲問下新郎哥先! 哈哈哈

    回覆刪除
  51. >卡卡你鍾意d戲都有個花字嘅?莫非採花、偷花漢...

    o拿o拿o拿!今次我冇玩踢爆喇!

    嘻嘻~ >_^

    回覆刪除
  52. 哈佬uncle卡!!
    知唔知我係邊個wakakaka
    哈哈哈.仲未睇哂A staaf & B staff--''

    回覆刪除
  53. >>巴黎旅客

    有好有唔好喇,不過中國人捱到死,都未必有世界歎,唉!你就好,我會慢慢起你個扑。

    咁你係咪「無業」?

    你個扑,唉,我無acct留言喎。

    >>卡臣

    你好野,差啲比你害死同人講。Send咗我打暈你~

    回覆刪除
  54. lo哥:

    同「無業」差唔多啦,我懶嘛,有鍾意既freelance先接囉。

    多謝你嚟探我!其實你可以開個account架。

    回覆刪除
  55. 去完同事結婚飲宴,剛剛回家

    歪歪

    『下屬挑戰上司的容忍度』
    是在「老細炒你」同「蛇王」之間取得平衡點

    佢睇咗再化名留埋言你都唔知啦。
    可疑人物有......
    莫非...你就係..我老婆?
    啋!

    ++++++

    巴黎

    「情淚種情花」
    我查番先知道係Adjani個套l'Histoire d'Adèle,
    ==>講victor hugo個女的痴情故事
    我被套戲名引咗入戲院

    「偷試隔牆花」英文係セ我醒唔起。
    我所有「婚外情小說」的奶水來自杜魯福
    e.g.杜魯福的「婚姻三步曲」


    有冇睇過37°2 le Matin?好似譯做巴黎野玫瑰?

    =>巴黎野玫瑰, 對呀! 英文譯「Betty Blue」
    講海邊一對男女破壞性的瘋戀
    女主角仲盲埋~~~

    回覆刪除
  56. 佚名

    有朋友問我:其實個民調有乜用?
    我答:好多嘢都存在,但無用
    (like me)

    ++++

    自由

    亞卡直情想親自上陣摧花採花偷花

    ++++
    laulong

    我今晚去咗捐....血
    (千真萬確)

    回覆刪除
  57. 自由

    聽講星期三八號
    可以選多個一項架 !
    床上運動...咪心邪啦!包括睡眠架

    滑精?
    滑蛋蒸雞?


    ++++++



    今次你冇玩踢爆唧,
    弊在你煽風點火吖!

    回覆刪除
  58. 粉b

    我知妳係邊個:

    妳住喺英國
    妳打羽毛球好叻

    我無估錯呢!right?

    ++++++

    lo哥

    巴黎是女子
    請用「妳」字
    巴黎個blog 好正架!

    哈哈
    香港朋友都知博益結業
    以為自己講爛gag
    突然醒起lo哥你身在上海
    立即更正
    好彩未sent

    另:多謝你介紹我俾你的朋友

    回覆刪除
  59. 巴黎

    妳接freelance,仲多錢過我做正職。

    +++++++

    sava

    正?
    係咪講正妳老細?

    回覆刪除
  60. 卡卡,我邊度有咁高人工呀!你一個月有成200K喎!

    咦仲未瞓?乜婚宴無令你酒酣耳熱?

    回覆刪除
  61. 卡臣:
    有朋友問我:其實個民調有乜用?
    我答:好多嘢都存在,但無用
    (like me)
    -->^^,你可以答供你們消閒,或者來個統計,難道你不想知其他人的想法??:P

    回覆刪除
  62. 巴黎

    我一個月有成200K?
    韓國紙可能得

    妳譯一譯,成部車都買到
    又飛來飛去

    婚宴我通常飲橙汁
    酒令我身發熱
    天氣又咁熱
    都係唔飲酒

    ++++++

    佚名

    我答:好多嘢都存在,但無用
    (like me) <--純粹爛gag
    唔使咁認真:)

    回覆刪除
  63. 卡臣:

    你尋晚去飲?? 喂..我都係喎, 唔通大家都識既? 你o係邊區飲先? 我都係全晚飲橙汁, 但最終要出到門口, 要破戒, 俾新朗新娘各隊一杯芝記~

    回覆刪除
  64. 自由

    我尋晚去旺角新世紀飲
    我都係全晚飲橙汁,
    但最終要出到門口,
    俾新朗新娘問我做咗人情未

    回覆刪除
  65. 卡臣:

    我在銅鑼灣香港富豪酒店..
    人情? 一早俾左呀! 唔係實出唔到門口呀!

    喂...3號風球呀!~

    回覆刪除
  66. 『匿名 提到...唓,歪歪囉!仲駛估!』

    「匿名」你咁樣聲東擊西,好有可能你就係嚟化名留言嘅卡臣嫂,其實做卡臣嫂又唔係唔見得光嘅事,係就唔怕認喎。

    不過,既然到目前為止都無人肯認係卡臣嫂,而卡臣又成日咁有信心卡臣嫂唔會睇佢寫啲嘢,其實卡臣會唔會仲係一名未婚處男,而阿嫂只係一個虛構嘅人物呢?作用係令卡臣可以滿足佢攪婚外情嘅幻想,兼令寫嘅故事更有說服力。

    而憑呢句『莫非...你就係..我老婆?啋!』個『啋!』字,又有可能洩露咗卡臣嘅天「基」!原來佢一直都係純粹靠演技扮直掩飾,而今次功虧一簣露出咗馬腳。

    回覆刪除
  67. 自由

    婚宴檯上的禮物是一樽蜜糖
    妳呢?

    黑格比....你遲啲先好到, please!

    +++++++

    歪歪

    哈哈
    你的假設仲奇情過我的小說
    好嘢!
    一早都叫你寫嘢架啦!

    唉~我都希望自己仲係獨身

    至於我係咪gay?
    你送個靚女俾我
    我証明俾你睇

    回覆刪除
  68. 未必証明到嗰喎!
    有好多人Bisexual架。
    唉吔,你個健身look 如果去到法國,我怕d猛男又追你,d 俏女又追你....

    回覆刪除
  69. 卡卡:

    你去咗捐血....我去捐x!

    但, 乜乜會都唔收,話我超齡喎!

    回覆刪除
  70. 蜜糖? 砂糖都無包呀..陰公! 唔得,打過電話俾老襯反映下先!!

    萬能插蘇? 我第一個萬能插蘇朋友..放心我唔會岐視你架!

    回覆刪除
  71. 巴黎

    敗色素(bisexual)
    呢家嘢....我就毫無疑問
    一定係:直到爆!

    妳唔好再誤導大家
    我有鬼人追咩?
    (除非我搶嘢)

    回覆刪除
  72. 咁大年紀仲去捐精?
    為o左300車馬費?
    你好等錢駛喎??

    回覆刪除
  73. LAulong

    捐精好喎
    係咪有$300車馬費?
    幫補吓?

    吓!唔要你啲精華?
    佢地唔識貨啫!

    +++++++

    自由

    萬能插蘇?
    高興妳唔會岐視「敗色素」
    不過我喜歡插人多過被插喎

    回覆刪除
  74. 自由

    校長想周街啲小朋友似自己個樣

    回覆刪除
  75. >校長想周街啲小朋友似自己個樣

    Nokia 廣告...華人版??

    回覆刪除
  76. >不過我喜歡插人多過被插喎

    是但呀! 有互動性麻...唔死板..最緊要你地開心, 我地又唔岐視你o者...

    回覆刪除
  77. 自由行

    個廣告係就係歐洲電話
    不過唔係nokia
    唔知有冇人記起?

    我開心就得...又係喎

    回覆刪除
  78. 『你的假設仲奇情過我的小說
    至於我係咪gay?
    我開心就得...』

    你嘅作品奇情好多!我只係大膽假設,小心求証啫。不過,似乎越講越似係真。你今次都係水洗到唔清囉!

    回覆刪除
  79. 歪歪

    究竟我的性取向是什麼
    大家都唔歧視我
    這一點
    已很足夠!
    啊衰鬼~~

    回覆刪除
  80. 卡臣:
    純粹爛gag
    唔使咁認真:)
    -->我講野成日太認真^^0...不過當我認真時,你繼續講笑,我就會無咁認真ga la:P
    我個樣很冷的說

    行姐:
    依家掛八號風球都無用啦!!!
    我依家都要去返工,無陰公~><~

    回覆刪除
  81. 佚名:

    返工小心呀! 打風呀!

    回覆刪除
  82. hahhaahha...really interesting story!
    go to work at signal no. 8!!
    Be careful ar!

    回覆刪除
  83. michelle

    人間有情呀!
    大家對一名返工少女之關懷
    溢於紙上~~~
    (滴淚之聲)

    回覆刪除
  84. 唔係架! 我地關心無分年紀, 如果你8號風球要返工, 我一樣會叫你小心!

    回覆刪除
  85. 人間有情呀
    我老懷安慰
    嗚~嗚~

    查實...我怕迫人迫車
    雖然8號
    我仍留在office寫吓blog先

    回覆刪除
  86. 嘩8号風波仲唔走!一陣無車返歸喎!
    小心俾d風吹走你d衫褲!上A1!

    另,超市d貨俾人掃清啦,剩番d奶類製成品...

    回覆刪除
  87. 卡臣:
    返工啦
    保重隻手啦
    -->隻腳都要^^0

    返工小心呀! 打風呀!
    -->放心,好安全^^

    回覆刪除
  88. 巴黎

    今夜8時才離開office
    大風無雨
    乘港鐵回家去

    妳家刮大風吧!

    ++++++

    佚名

    咁多人關心妳
    感動嗎?

    回覆刪除
  89. 我尋日都係坐多半個鐘先閃, 好在搭車唔太多人! 唔似得有次下午2點半掛8號, 我成2hrs 先返到屋企!

    回覆刪除
  90. 卡臣:
    咁多人關心妳
    感動嗎?
    -->嗚~好感動!~><~借件衫來"申鼻涕"wakaka

    回覆刪除
  91. 唓,尋日掛八號波前走去打咗八圈,輸鬼咗!

    唉,又要去哎吓有冇得捐X, 希望可以幫補下。

    回覆刪除
  92. 自由

    係呀!
    雖然早放但逼車
    得不償失呀

    我地都咁精明!
    (自吹自擂, 吹呀!)

    +++++++

    佚名

    叔叔抱抱
    唔好喊

    +++++

    校長
    輸麻雀?
    睇怕係三娘教子格局
    捐x 十次都唔夠輸呀

    回覆刪除
  93. 卡臣:
    叔叔抱抱
    唔好喊
    -->s.....s.....
    um...「申完鼻涕」啦...用完你啦..好啦byebye...wakakaka

    回覆刪除
  94. >輸麻雀?
    >睇怕係三娘教子格局

    擺明天仙局、美人計...
    以校長既道行, 點會輸到捐x...

    >>捐x 十次都唔夠輸呀
    佢捐唔捐到十次都成問題...我估

    回覆刪除
  95. 自由

    短時間之內捐十次梗係成問題.
    如果攤分十年慢慢捐,應該應付到

    我係103隧巴
    去竹園

    回覆刪除

LinkWithin

Blog Widget by LinkWithin