~~~~~~~~~~~~~~~~







2008年9月7日 星期日

情人話…

情人話…

情侶之間情話綿綿,
肉麻、讚美、安慰、承諾、挑逗、調情、認錯......
時下香港人拍拖都幾公式化,幾電視劇feel,
以下十句情侶之間最經常講嘅說話:

第十位:「你有冇理吓我感受?」
如果男女其中一方是比較「自我中心、我行我素」
只想對方遷就自己,自己想點就要人哋點做!
沉默一方終於佛都有火!忍無可忍!
爆炸大反攻:「吓吓要我就哂妳!妳有冇理吓我感受?!」

第九位:「咁你即係唔信我啫?!」
男女情侶之間建立的信任,終於要面臨考驗,
如果一方的誠信遭到挑戰,有冤無路訴,
老羞成怒!或者「惡人先告狀」,
惡言相向:「咁你即係唔信我啫?!」
希望把對方嚇倒,繼而收口,息事寧人。

第八位:「你仲想呃我?!」
一方知道另一方在欺騙自己,
不即刻拆穿對方西洋鏡,還出言試探,
如果對方露出馬腳後,仲想死頂死撐,
結果換來怒火一句:「你仲想呃我?!」
或者:「你仲想呃到我幾時?!」

第七位:「當係為咗我!」
情侶相處要學習如何「為對方犧牲」,
例如:男友討厭shopping,女友堅持一起去購物,女方說:「去啦!當係為咗我!」
女友討厭男友吸煙,勸男友戎煙,女方就會說:「戎煙啦!當係為咗我!」
女友親熱時,想男友用安全套,女方就會說:「用套啦!當係為咗我!」
女方想分手,向男方說:「跟你都無幸福,分開啦!當係為咗我!」

第六位:「你記唔記得…?」
情侶之間有很多數字和共同經歷,
其中一方會突擊考對方的記憶力,從而評估對方對自己的重視程度!
「你記唔記得今日係乜日子?」
「你記唔記得我哋五年前點樣慶祝情人節?」
「你記唔記得我之前個電話號碼係乜?」
「你記唔記得我同你喺364日前下午3點講過乜嘢呀?」

第五位:「鐘唔鐘意呀?」
男女喜歡製造驚喜俾對方,逗對方開心!
親手做禮物、親手落廚、摺幾百朵紙玫瑰花、搞surprise party、
自己付出一番苦心後,然後問對方:「鐘唔鐘意呀?」
期望獲得對方正面的回應,「妳開心,我就開心!」。

第四位:「你鍾意點講就點講!」
當一方講了一些負面、指控性的誨氣說話,
另一方採取消極的回應態度,「無你咁好氣」地表示不同意!
男:「妳咁講,即係話我小器啫!」,女:「你鍾意點講就點講!」
女:「你咁講,即係話我自我中心啫!」,男:「妳鍾意點講就點講!」

第三位:「去邊度好?」
男女經常見面去街消閒,
考慮去邊度消費,但又唔想揸主意,
便先問對方:「今日去邊度好?」
通常得到的答案:「你話啦!」
「不如去農莊?」「不如去探孤兒院?」「不如去赤柱?」
問完傾完一輪之後,結果咪又係去返最常去嘅地方!

第二位:「你喺邊呀?」
男女雙方無時無刻,都想知道對方的行蹤,或有事相求,
電話一接通,便問:「你喺邊?」
例句:男問:「我企喺地鐵站度,等咗妳成粒鐘!妳喺邊呀!?」
女問:「點解我聽到你身後面有女人聲嘅?!你喺邊呀!?」
男問:「妳喺邊呀?…哦!咁就啱啦!妳同我買半打啤酒上嚟!」
女問:「你喺邊呀?…哦!咁就啱啦!你而家過嚟我公司,接我放工!」

第一位:「如果有人咩就好啦!」
向對方提出要求的婉轉說法,無咁直接之餘,而另一方又會領悟到意思。
男問:「唉!好攰!如果有人同我揼吓骨就好啦!」
女答:「唉!今日Annie話佢男友請佢去日本旅行呀!如果有人請我去遊埠就好啦!」
男答:「唉!我無錢呀!如果我有錢請人去遊埠、我不如攞筆錢去揼邪骨仲好啦!」

40 則留言:

  1. 卡兄~~

    第一位的"咩"好似另外一個意思喎~~~
    或者是我太多心啦,哈哈)))))))))

    回覆刪除
  2. "你識我個陣都知我係咁咖喇!"

    回覆刪除
  3. 個電話把女人聲係邊個?

    回覆刪除
  4. 逍遙小妹

    "咩"--->好似有「性行為」的暗示
    我.....都係咁諗喎!
    唔使尷尬呀

    +++++++++++

    nost
    >"你識我個陣都知我係咁咖喇!"
    ==>呢句簡直係「本pair」護身符
    無賴座右銘

    +++++++

    自由

    >個電話把女人聲係邊個?

    仲有:

    你話同佢真係無嘢?!你當我傻架!

    我喺你心目中值幾多分?

    唉!我同事amy, 細過我架, 今日宣佈結婚,
    唉~ 你明唔明呀?

    唔講啦!我地係兩個世界, 講極你都唔明

    回覆刪除
  5. 「.....無嘢喇!!!!」<--好多場合用得。

    「你......哼!」<---發老脾通常用得。

    「你愛唔愛我!?」<--問到爛、聽到想喊的爛句。

    「...咁...我呢!?」<--咩要求都用得的例牌發老脾爛句。

    「喂!我呀,呢....」<--一打電話第一句。

    回覆刪除
  6. 卡卡:

    雲照好靚!

    當我講:對你來說,我甚麽也不是!

    玩完咯,情人兩字,跌入黑洞,永不超生!

    回覆刪除
  7. "你咁大個人,唔好咁細路啦好唔好!"

    回覆刪除
  8. 大文

    回你兩句:
    「我地玩完啦!」

    「而家係我飛你,唔係你飛我呀!」

    ++++++++++

    eric
    >"我今晚頭好痛,下次先啦。"
    ==>今晚無mood呀, 行開啦

    就當你無識過我啦!

    我會改架啦

    回覆刪除
  9. Laulong

    >玩完咯,情人兩字,跌入黑洞,永不超生!

    =>乜咁灰呀!
    留得青山在,
    那怕無柴蕭?

    ++++++++

    hana

    妳無錯,
    呢幅相係黎明晨曦

    回覆刪除
  10. 但係你明明話我知係夕陽來喎!



















    哈哈...

    回覆刪除
  11. >「去邊度好?」
    >「如果有人咩就好啦!」

    真係成日講!

    回覆刪除
  12. 哦,原來係"情人話…"!打工仔可以升級做老細,咁朋友都可以升級做情人,明喇!

    不過你頭一句講嘅『情侶之間情話綿綿,肉麻、讚美、安慰、承諾、挑逗、調情、認錯......』,就一啲都無响十大裏面出現,都算可悲。

    唔要求好似老外咁開口埋口講『我愛你!』,但係氹人嘅說話就真係唔應該吝嗇。

    回覆刪除
  13. 'I miss you so much...'
    When I was living in Paris, and he, in HK.

    p.s. 05:46 San Francisco, haha jet-lag..

    回覆刪除
  14. 你今次個vote我很難選答案啦!我想選相信的一些option, 但我在二十年後還是非常年輕貌美...哪來的老人家? 那我只可以選是騙我或那人有精神病啦!哈哈...

    回覆刪除
  15. 佚名

    >眾觀之說,其實兩者都會有錯^^
    ==>所以男女永遠有矛盾同鬥爭

    ++++++

    海火火女

    一於改口:
    「我想去xx,陪我一齊去啊!」
    「不如我幫你咩呀!」

    回覆刪除
  16. 歪歪

    >咁朋友都可以升級做情人,明喇!
    ==>You really read my mind!
    知我心意!

    >但係氹人嘅說話就真係唔應該吝嗇。
    ==>情人大話可以獨立寫一篇!

    ++++++

    巴黎

    >'I miss you so much...'
    仲以為妳講法文添, 浪漫啲嘛~

    再次恭喜妳個blog俾yahoo點名介紹
    人氣滿瀉!!

    Golden Gate
    正呀
    工作定渡假呀?

    回覆刪除
  17. sava

    好耐無見喎

    係呀, 20年後科技進步
    應該永遠年青!
    防腐防老

    同妳一模一樣
    驚妳以為係clone man

    回覆刪除
  18. 那就不好了, 若我那時還未嫁得出咪多了一個競爭者? 哈哈!

    回覆刪除
  19. SAVA

    不用擔心
    男人喜歡姊妹花(孖妹)
    妳又多一個賣點!

    回覆刪除
  20. 你講緊孖妹個老闆呀?!不過年齡相差廿年,我看是似母女多啦,嘩!好亂龍(倫)呀......

    回覆刪除
  21. 卡臣:
    所以男女永遠有矛盾同鬥爭
    -->不只是男女之間常有矛盾,就只是你說自己也有矛盾。
    當你遇上問題的時候,自己就會產生矛盾,在情義之間兩難存,在取捨的決擇之間猶疑不決啊!

    回覆刪除
  22. sava

    娛樂圈
    出名亂龍(倫)呀......

    ++++

    佚名

    妳是否哲學系畢業?

    回覆刪除
  23. 『>咁朋友都可以升級做情人……
    但係氹人嘅說話就真係唔應該吝嗇。
    ==>情人大話可以獨立寫一篇!』

    喂,咪住先,响你寫『情人大話』之前,唔好忘記情人都可以升級做夫妻,咁係咪應該寫"老公話…"同"老婆話…"先呢?

    仲有吖,我係話『氹人嘅說話』,唔係『情人大話』喎!莫非你講過嘅『氹人嘅說話』都係『大話』?

    我勸你小心啲答,因為所講嘅嘢可以令夫妻降級到連朋友都無得做㗎!

    回覆刪除
  24. 'Tu me manques...'
    'Je t'aime...'

    Romantic words come from one's heart, whatever language he speaks.

    Will visit the Golden Gate today.
    Ciao!

    回覆刪除
  25. 歪歪

    >老公話…"同"老婆話…"先呢?
    ==>其實「老公話」只有一句:
    「得啦!得啦!得啦!得啦!」
    or
    「知啦!知啦!知啦!知啦!」

    >因為所講嘅嘢可以令夫妻降級到連朋友都無得做㗎!
    ==>對於我來說,這是好消息

    +++++++++++

    巴黎

    金門橋?
    希沿閣的「迷魂記」

    回覆刪除
  26. ---第三位:「去邊度好?」

    ---唔好問我。你諗唔到,就邊度都唔好去啦!

    回覆刪除
  27. CARMEN

    我朋友金句:
    a:不如去邊去邊吖?!
    b:咁有冇錢吖?
    a:冇!
    b:冇? 咁大家留返喺屋企冷靜吓!

    回覆刪除
  28. 『夫妻降級到連朋友都無得做㗎!
    ==>對於我來說,這是好消息』

    你之前賣樓搬屋,仲話唔戴結婚戒指,依家再加埋呢句,一定搞到啲女fans以為真係有『好消息』可以跳級做卡臣嫂。

    其實你識答:「得啦!得啦!」or「知啦!知啦!」就睇得出你對阿嫂又敬又畏。我諗你嗰啲想跳級嘅女fans會好失望喇!

    回覆刪除
  29. 歪歪

    你講笑啫!
    我邊有女fans呀?!

    係呀!卡臣嫂係河東獅嚟架!
    唉~七點前要趕返屋企簽到
    守行為,否則困入水飯房

    回覆刪除
  30. 你唔好唔認有女fans等你話劇散場呀!我有見過㗎!

    以你嘅條件加埋成日口花花咁,又難怪阿嫂睇緊啲嘅。至少你七點後返到屋企,佢仲肯煮水飯俾你。

    回覆刪除
  31. 歪歪
    >你唔好唔認有女fans等你話劇散場呀!我有見過㗎!

    ==>唉~你睇錯啦
    妹妹仔們等的是:陳浩峰(另一演員)而已!

    回覆刪除
  32. 『我邊有女fans呀?!
    妹妹仔們等的是:陳浩峰(另一演員)而已!』

    咁你嘅潛台詞係:
    (a)你只有男fans?
    (b)妹妹仔們唔係等你,咁走寶?

    算啦,都係當我睇錯喇,唔係再講落去阿嫂唔俾你再做戲仲困你入水飯房就弊。

    回覆刪除
  33. 歪歪

    哈哈

    等我的只有:追數佬,債主,仇家,

    算啦 唔夠你講啦!

    回覆刪除
  34. 卡臣:
    妳是否哲學系畢業?
    -->不是,但喜歡哲學...是眾多喜好之一,我甚麼也喜歡~~差不多:P

    回覆刪除
  35. 佚名

    妳質素高呀
    趁青春努力
    唔好學我老大徒傷悲!

    回覆刪除

LinkWithin

Blog Widget by LinkWithin