~~~~~~~~~~~~~~~~







2008年9月17日 星期三

娛樂新聞台

娛樂新聞台

香港收費電視有24小時新聞台,
方便觀眾隨時候都可以睇新聞,掌握最新資訊。
同樣地,香港也有24小時娛樂新聞台,
全天候滿足香港觀眾對娛樂圈的求知欲。
娛樂新聞的主持通常講乜嘅呢?

第十位:「可唔可以向觀眾透露一吓?」
記者拿着有台徽的咪高鋒,跟追逐藝人做訪問,
當藝人表示唔想回答某些感敏問題時,
記者當然鍥而不捨:「可唔可以向觀眾透露一吓?」
如果藝人再拒絕的話,記者就跟藝人討價還價:「咁透露少少吖?」
當藝人如「細路哥」般氹氹吓,務求完成記者的任務。

第九位:「廣告返嚟之後…」
電視台是商營機構,靠廣告支持,
節目當然要嚟一個commercial break,
最驚就係觀眾轉台,要留着觀眾的收視,
就要用一些吸引預告hook著觀眾。
「廣告返嚟之後,我哋披露邵爵士嘅養生之道,原來竟然係靠…」
「廣告返嚟之後,我哋請咗John Lennon上嚟接受訪問。」
總之開了一張期票先,觀眾有了期待就願意去等。
至於兌現與否?都係「留俾觀眾自己去判斷…」

第八位:「開唔開心呀?!」
當藝人獲國際獎項、封帝封后、銷量破紀錄、喜慶大事、
記者問藝人:「開唔開心呀?!」
都是一些阿媽係咪女人的無聊問題。
唔通藝人答你好痛苦咩?
同樣地,當藝人完成演唱會後或者拍完煞科戲後,
記者問藝人:「辛唔辛苦呀?!」
都有異曲同工之妙。

第七位:「我哋真係熱切期待…」
藝人有新戲新唱片新個唱新project做宣傳,
主播報導最後嗰一句:「我哋真係熱切期待佢嘅新唱片!」
「我哋真係熱切期待佢嘅新戲上演!」
係咪真係咁熱切先?無電影贈卷無CD送,都肯自行掏腰包?

第六位:「同電視機旁邊嘅觀眾講…」
每逢佳節,記者都要求藝人向觀眾講幾句恭賀說話,
「今日大年初一喎!同電視機旁邊嘅觀眾講幾句恭賀說話吖?」
或者拉近藝人跟觀眾的距離,製造藝人與觀眾直接對話感覺,
「恭喜你得獎!同電視機旁邊嘅觀眾講吓而家嘅感受吖?」
「嘩!妳煮啲嘢好好味呀!同電視機旁邊嘅觀眾分享妳嘅心德吖?」
「妳丈夫有外遇,佢都無同妳離婚!同電視機旁邊嘅觀眾分享妳嘅方法吖?」

第五位:「留俾觀眾自己去判斷…」
如果遇上藝人們互相駡戰,各執一詞,針鋒相對,
公說公有理、婆說婆有理。
主播就持平講句:「留俾觀眾自己去判斷。」
好似啲「鬼古節目」咁,
播完鬼古後,主持好陰寒咁講一句:「呢啲嘢:信則有不信則無!」

第四位:「將時間交俾我哋海外特派記者…」
電視台投放資源,派記者遠赴海外採訪:康城、威尼斯、Oscar、金馬獎,
自己拍新聞,唔係用大會提供嘅二手片段,
主播喺節目中時不時都強調:「將時間交俾我哋海外特派記者進行直擊報導…」
經過越洋網絡數碼傳送,留意鏡頭有口型和聲帶的time delay,先至係真貨!

第三位:「我哋台前幕後工作人員都祝你…」
記者和藝人保持至少表面上的正常關係。
所以當藝人生日、生仔、結婚、攞獎,
主播都會話:「我哋台前幕後工作人員都祝你新婚愉快!」
「我哋台前幕後工作人員都祝你生日快樂!」
「我哋台前幕後工作人員都祝你嘅BB快高長大!」
如果藝人患病入院,就講:「我哋祝你早日康復!」
亦曾經聽過有主播講:「我代表電視旁邊嘅觀眾祝福你…」
吓?佢都未得我同意授權委託就講出口?!

第二位:「關心佢嘅觀眾唔好錯過啦!」
當電視台有獨家專訪,勁料要披露,梗要打鑼打鼓話俾觀眾知!
但其實,無論真係關心嗰位藝人嘅觀眾又好,
定係關心嗰位藝人幾時仆街拆墮嘅觀眾又好,
總之主播關心的:只是收視率和廣告商的order!

第一位:「而家就帶大家去現場睇吓!」
睇新聞講究「即時性」、「同步性」,
所以「現場直播」、「live」是娛樂新聞最值錢的地方。
主播「未出發先興奮」,急不及待說:「而家就帶大家去現場睇吓!」
喺異地的現場記者接棒說:「各位!喺我身後面就係…」
「嘩!現場衣香鬢影!」「嘩!呢度好多fans!今朝6點已經聚集!」
「嘩!大會保安高度嚴密!不過我哋都入到嚟!」
務求將現場氣氛帶到電視機螢光幕前。
現場記者報導完畢後,最後一句交波:「好!而家將時間交番俾錄影廠先!」


其他:

「今日頭條係…」、「呢一日,啊邊個嚟到呢度做咩…」
「幾時結婚呀?」、「你隻狗好cute呀!」、「傷勢嚴唔嚴重?」、
「我哋永遠都唔會忘記妳…」、「你幾時復出呀?」、「幾時進軍荷里活?」、
「大聲啲!聽唔到!」、「望一望呢面吖!唔該!」、「祝你旅途愉快!」、
「有冇邊件事令你印象最深刻?」、「導演惡唔惡呀?」、
「唔阻你啦!多謝你接受訪問!」。

1996年7月

93 則留言:

  1. >「妳丈夫有外遇,佢都無同妳離婚!同電視機旁邊嘅觀眾分享妳嘅方法吖?」

    「返工成日炒股, 老細都未炒你!同電視機旁邊嘅觀眾分享妳嘅方法吖?」

    「96年既你同而家既你, 都無乜大變, 可唔可以向blog友透露一吓你既養生之道?」

    回覆刪除
  2. 自由

    96年同而家?

    1 胸部下垂
    2 記憶衰退
    3 滿面皺紋
    4 寒背腳軟
    5 不舉無神

    唉~~~~~

    回覆刪除
  3. 咦~有隱約見到卡臣胸部的曲線哦~~~有料之人啊~~~

    回覆刪除
  4. Carmen

    我專情去法蘭西買個magic bra 嚟自用
    托一托
    舒根活絡~~

    回覆刪除
  5. 原來真係你呀?我揾你揾得好苦呀!(睇到鐵塔前既留影....)

    回覆刪除
  6. -咦上星期同你一齊係花都出現嘅靚女係唔係你新女朋友呀?

    -嘩你同 阿邊個 係咪假戲真造呀?怕唔怕太太誤會呀!

    被訪者: 真係無聊、幼稚、兼白痴問題,我係唔會回應嘅!

    回覆刪除
  7. 今日頭條係...博客卡臣,驚為天人

    有線及無線娛樂新聞台嘅高層,同樣對一篇由一名博客所寫嘅文章大感興趣,覺得呢位博客卡臣未經任何訓練已經完全掌握到娛樂新聞嘅精粹,可謂天生食呢行飯,所以呢位博客被兩台爭相重金禮聘,希望簽約成為旗下嘅主播。

    今日稍後博客卡臣將會現真身舉行記者招待會公佈最新動向,到底花落誰家我哋真係熱切期待,屆時我哋嘅特派記者將會帶大家去現場進行直擊報導。

    為咗同電視機旁邊嘅觀眾率先揭開博客卡臣神秘面紗,廣告返嚟,我哋將會鈁問博客卡臣嘅好朋友,舊同事,以及前度女友,大爆博客卡臣過去嘅一啲秘聞。

    關心博客卡臣嘅觀眾千祈唔好錯過啦!

    回覆刪除
  8. 卡臣:

    個BRA又真系幾magic下哦。唔知方唔方便透露下個牌子俾一衆女blogger知呢?

    又:歪歪好勁啊~活學活用~~~

    回覆刪除
  9. 當年在巴黎與我偶遇的法國少婦:

    原來真係妳呀?我揾妳揾得好苦呀!

    妳已為少婦?
    唔好唏噓呀
    我都已為仁孚
    sorry! 人夫!

    (突然想起Before Sun rise....)


    +++++++

    巴黎

    法國娛樂圈點架?
    我都知有狗仔隊
    但有冇香港咁猖獗?

    回覆刪除
  10. 歪歪

    睇完之後
    我只能講一句:「十盞燈!」
    即係最勁!

    你盡得精髓!佩服!

    呢排你得閒返啲
    可以睇你的精彩留言
    真高興!

    ++++++

    carmen

    呢隻bra犀利囉
    名字叫做「阿里爸爸」
    alibrabra.com有得online訂購
    快啲買
    咪執輸

    回覆刪除
  11. 法國d Paparazzi,簡直有過之而無不及!
    唔係,d人點會睇到前總统Chirac既裸照、
    現任總統夫人既風流帳、
    米特朗個私生女....

    八卦心理綜合症,到處一樣。

    回覆刪除
  12. 多謝Carmen同Carson嘅讚賞,我只係將原著循環再用啫,所以一於再借用多句:掌聲係歸於博客卡臣嘅。

    咦,唔好講咁多,最新消息,我哋嘅特派記者報告博客卡臣舉行嘅記者招待會現場有突破性嘅宣報,即刻去睇睇。

    博客卡臣响過百記者面前宣報,佢決定唔會做娛樂新聞台嘅主播,而係加入冇線做電視藝員!出席嘅電視台高層陳至暈笑到四萬咁口仲捉實博客卡臣隻手唔放,而另一高層落小姐就話睇到博客卡臣十年前張相已經覺得佢好上鏡,同胸懷大志,加上知道佢有豐富嘅舞台經驗就游說佢加入冇線呢個大家庭,相信佢能夠成為新一代嘅師奶殺手,更預言博客卡臣好有機會成為未來嘅視帝!

    博客卡臣嘅記者招待會報度到此為止,交返俾錄影廠嘅同事。

    回覆刪除
  13. 卡卡,我分唔到身呀,今晚再睇你嘅!

    喂,嘍巴黎去飲嘢呀!

    回覆刪除
  14. >>卡臣, 歪歪

    服咗兩位既對答 =.=;

    卡臣,不如寫返篇關於恐嚇人既 top ten? 「出入平安呀!」「過馬路小心啲呀!」咁呢?

    >>巴黎旅客

    你係咪真係長期旅遊架?

    回覆刪除
  15. 卡臣:
    -->睇完你地既對話,笑死左!!^^

    我專情去法蘭西買個magic bra 嚟自用
    托一托
    -->0.0...咁神奇!有冇一d magic bra...係可以冇變到有ga!!:P

    回覆刪除
  16. 巴黎

    >法國狗仔隊,簡直有過之而無不及!
    ==>仲以為法國會藝術/文化啲咁八卦添~~~

    ++++++++

    歪歪

    有線電視高層吹少明話重金請你做娛樂台主播
    先派你去康城
    再去威尼斯
    順風喇!

    ++++++

    laulong

    >喂,嘍巴黎去飲嘢呀!
    唉~~
    巴黎強調「自己已作人婦」
    給我們男士一個訊號
    大家識做啦!
    否則我地命仔危危乎~~

    回覆刪除
  17. lo哥

    >寫返篇關於恐嚇人既 top ten?
    收到喇
    不日上映.


    我代巴黎旅客答

    巴黎真係長期旅遊
    飛嚟飛去
    廣州,法國,三藩市,月球,火星...

    ++++++

    佚名

    >有冇一d magic bra...係可以冇變到有ga!
    有!馬路上面啲紅白色雪糕筒
    尖畢甩~~

    回覆刪除
  18. laulong : 我話電俾咗好約(密碼,請重組)。

    Kaka :乜已作人婦就唔可以去飲野?坐監咩?

    lo哥 :係真架,我三日唔埋兩日就會去旅行。都話係旅客囉。

    回覆刪除
  19. 等緊 Richard Branson 推出太空旅行。

    回覆刪除
  20. 「好開心囉,我真係好開心囉,係呀,真係好開心,我好開心呀,係囉,...」


    以上通常係果班「叫做歌星但個個款幾乎一樣又唔識唱歌」既可愛 kitty 青春女偶像成日會講既嘢。

    回覆刪除
  21. 卡臣:
    有!馬路上面啲紅白色雪糕筒
    尖畢甩~~
    -->="=...你戴開呢個ga...你都係留返自己用啦^^
    你用開,我唔好意思拎啊!

    回覆刪除
  22. 巴黎

    劉校長
    你發達啦!
    巴黎話:「約好咗俾電話我」
    嘩!嘩!嘩!

    我以為...已作人婦係可以去飲野
    不過同劉sir去飲嘢.就要提防他的魅力
    謙謙君子

    巴黎去太空旅行
    勁呀!
    我都有去過太空...............館

    ++++++

    大文

    特別係當啲新人得新人獎:
    「好開心囉,我真係唔知講乜好呀,係呀,我要多謝好多人,但真我而家腦一片空白.呀!多謝我經理人,同埋你地呀!我...鳴...鳴..」

    回覆刪除
  23. 佚名

    >我戴開呢個大雪糕筒...

    通常放喺褲浪中央
    .
    .
    .
    .
    .
    扮蜜蜂

    回覆刪除
  24. 卡卡你都冇解嘅,話左係密碼你仲大大隻字寫晒出嚟!話晒都係阿Sir吖嘛,比d學生知道就唔好啦!

    嘩個筒咁尖放喺褲浪...咪成日吉穿褲?
    扮蜜蜂....採花?

    回覆刪除
  25. 巴黎

    放心啦!校長啲學生
    一早就知道校長乃性情中人
    啲學生都通哂天

    個筒咁尖放喺褲浪...
    係就係扮蜜蜂
    不過唔係採花
    係........偷花/摧花
    哈哈~~~

    回覆刪除
  26. 歪歪:

    麻煩你去探訪未來視帝亞卡時, 幫我law個簽名呀..唔該!!

    卡兄:
    你用開o個隻大雪糕筒...搭唔到地鐵喎!
    有無d亞洲人size?

    回覆刪除
  27. 我記得呀!
    Before Sunrise:維也納之夜,是缘。
    Before Sunset:巴黎重遇,感覺依然,後悔當年沒交換過電話地址。

    我地幾時相約鐵塔,繼續下集呀?
    A bientôt....

    回覆刪除
  28. 卡臣:
    我戴開呢個大雪糕筒...
    通常放喺褲浪中央
    扮蜜蜂
    -->="=...蝦

    回覆刪除
  29. >>卡臣

    無敵期待!!!!!! hahaha~~ 等我響上海做一個廣東話傳教士。

    >>巴黎旅客

    omgomg!~~ 點解ge?? 盛行呀?! 我好想知多d! feed你feed你!

    回覆刪除
  30. >>巴黎旅客

    你個feedlink 我唔work ge... 你可以post出來比我ma? 我長煲rss feeds ga~

    回覆刪除
  31. 自由

    就返亞洲人size
    我改用7-11賣到軟雪糕個clone
    項龍2吋多啲

    ++++++

    法國少婦

    照返Before Sunset劇情
    我喺書店發佈新書
    妳做環保份子
    兩人已婚
    唏噓~~~~

    ++++++

    佚名

    哈!
    唔講邊度有得笑
    咦?呢句好香港feel喎~

    回覆刪除
  32. lo哥,你係上海呀?係咪比人block左雅虎?
    http://hk.myblog.yahoo.com/jetaime-toujours

    回覆刪除
  33. lo哥

    果然識貨
    巴黎..好嘢嚟架
    仲好猛料
    yahoo版面曾經介紹過架!

    睇睇:
    http://hk.myblog.yahoo.com/jetaime-toujours/article?mid=18004

    嘩! 勁唔勁先?!
    大家叫聲「巴黎姐」先!

    回覆刪除
  34. lo哥 / paris

    呀! 似啦似啦!
    yahoo俾大陸block咗

    唉~~lo哥
    整定你唔好彩
    睇唔到paris啲文章

    lo哥
    立即飛返香港喇
    為咗睇paris個blog
    區區一張機票,都物有所值呀!

    回覆刪除
  35. 哎吔卡卡唔好讚我啦,個幾日上左雅虎之後d人走嚟個blog度賣d 無厘頭廣告:

    - 想唔想重振雄風(唔係呀我係女生喎!)
    - 網上靚明星下載(我邊度咁幼稚!)
    - 自由行package(我有更平機票!)
    - 信耶穌得永生(我係無神論架!)

    ....,升得高跌得惨!
    由6000多人次跌番落百幾,正常d好。

    回覆刪除
  36. 巴黎

    個blog度賣d 無厘頭廣告?

    妳剩係forward「想唔想重振雄風」呢個廣告俾我, 唔該!

    高峰過..都好過未高峰過(指我呀!)

    回覆刪除
  37. 卡臣:
    唔講邊度有得笑
    咦?呢句好香港feel喎~
    -->嗯
    你來緊可以寫篇有香港文化特色語言啊!

    回覆刪除
  38. 唓,我夠知巴黎已作人婦喇,飲嘢咋嘛,又唔係做乜嘢。

    就係咁我先至冇避忌,快的復我喇,一陣巴黎屈尾拾走咗去北極玩,大佬,你揾佢喇,我最鬼怕凍!

    回覆刪除
  39. 我最鐘意冰天雪地嘅感覺,空氣中零細菌(凍僵左),我都好想去兩極逛吓,流浪一言驚醒夢裡人,等我計劃吓行程。

    香港嘅秋天,究竟點解仲唔嚟?
    巴黎d friend話,而家个度已經好似冬天,滿地枯葉鬼咁浪漫,卡卡你仲唔快d 訂機票?

    回覆刪除
  40. 『麻煩你去探訪未來視帝亞卡時, 幫我law個簽名呀..唔該!!』

    自由行,我都想攞未來視帝個簽名呀,但係博客卡臣响記者招待會度一宣佈完,陳至暈就同博客卡臣講話要做男主角就先要同佢去喫「至暈飯局」兼做獨家訪問,博客卡臣孔武有力都反抗唔到夾硬被拉咗去,我同其他人都埋唔到佢身。咦諗落,餐廳明明就响隔離,點解帶咗佢去搭𨋢嘅......

    『有線電視高層吹少明話重金請你做娛樂台主播』


    我決定加入「娛樂新聞眼」同細龜做拍擋,貪佢短小精桿嘛,哦,我係話個節目只得五分鐘,唔駛好似娛樂台廿四小時咁辛苦,所以多謝博客卡臣嘅好意,「吹少明」都係留返俾你啦!

    回覆刪除
  41. 歪歪:

    啊...去「至暈飯局」! 至怕佢要上遊艇游船河~~

    唉..無親筆簽名,唯有將視帝張相用電腦合成整張合照頂頂癮!

    回覆刪除
  42. 看了的嗰BLOG一段日子, 除了知道你会做舞台剧(?) 之外, 一路都不知道你的正职, 事实上, 你做乜架?

    回覆刪除
  43. 小瓶子,
    一睇就知道他是健身教练啦. 再唔係就一定是打拳的.

    回覆刪除
  44. 哈哈,睇番先至知咁過癮!

    第一,我仲顛過啲學生,佢地知架。不過我唔顛個陣,佢地就驚到傻!

    第二,如果巴黎未嫁,我反而有啲顧忌,驚自己情難自控。依家係識吓啲人中龍鳳,學吓嘢!

    卡卡,你驚俾人劈呀?我同你坐埋一齊,雙佬合璧,對方冇四五個都唔敢埋身噃!唉,我最多戴埋個黑超扮吓野嘞!

    回覆刪除
  45. 上面講晒呀! 亞卡簽左陳至暈o麻...
    佢可能將會接拍下年台慶劇"糖身風雲"亞卡麻

    健身教練? 通常係配怨婦架喎~

    回覆刪除
  46. 校長:

    >你最多戴埋個黑超扮吓野嘞!

    你拎埋個2胡去求其拉2野..d老外俾錢好爽手架! 分分鐘搵夠找數錢..哈哈

    回覆刪除
  47. eric

    憐憫嘅大話,我識分辨架!

    ++++++++

    佚名

    >你來緊可以寫篇有香港文化特色語言啊!
    其實....HKT10正是我紀錄緊香港文化特色語言啊!
    (莫非我記錯哂?)

    +++++++

    laulong

    哦!又係喎!

    巴黎可能跟車上神州七號
    嫦娥登月

    回覆刪除
  48. 小妮

    講起歐洲
    我點夠妳留學歐洲吖?
    e.g.
    vienna/france.....

    ++++++++

    巴黎

    妳plan去北極?
    desertfox住喺norway架!
    可以隨便探吓佢

    訂機票去鐵塔?
    得!
    不過去深圳世界之窗的縮水鐵塔咋!

    回覆刪除
  49. 歪歪

    你支筆咁得!
    (真係指支筆)
    幾時寫blog?
    我一定捧場!

    另, 細龜無做有線好耐
    (我知你知, 驚其他人唔知唧!)

    ++++++++

    自由

    嘩「智能飯局」上遊艇搞?
    走無可走?
    妳都想得周到啦
    620小姐

    係咪用電腦整張擬似合成照先?
    我真心熱切期待中!

    ++++++

    小瓶子

    我?.....我是一名朝9晚6恤衫西褲迷途小白領office man

    回覆刪除
  50. 吓,小行你個死女包,專窒師傅嘅,真係揾日紥你棍吖嗱!

    回覆刪除
  51. Desertfox

    咦?我地見過面喎
    drink過coffee
    你記唔記得我嘅恤衫西褲look呀?

    ++++++

    流浪

    >如果巴黎未嫁,驚自己情難自控。
    =>係呀!啪定鎮定劑先好赴約呀!
    否則call定police

    >我同你坐埋一齊,雙佬合璧,對方冇四五個都唔敢埋身噃!唉,我最多戴埋個黑超扮吓野嘞!
    ==>我唔知巴黎佬有幾猛料喎?
    一陣間佢成隊兵我地咪死梗?
    問吓巴黎先

    回覆刪除
  52. 自由

    我已經應承接拍台慶劇"糖身風雲第三輯"
    「良辰美景平安夜」飾演亞辰

    >健身教練? 通常係配怨婦架喎~
    係呀!
    健身室見到啲教練對啲太太拖手搭膞頭
    都幾鴨店feel架
    唔怪得教練費500-600/小時啦!

    回覆刪除
  53. 喺喎,法國外籍兵團,好勁個喎!

    唔緊要喇,佢地飛過黎都十個八個鐘喇,我哋都歎完咖啡、紅酒 lu.

    回覆刪除
  54. "我唔知巴黎佬有幾猛料喎?
    一陣間佢成隊兵我地咪死梗?"

    唉我有幾次以為會有打交睇(未睇過嘛!),點知d巴黎佬每次喊打,都係得個講字:
    「你想挑戰我呀」「你信唔信我打你呀拿」(講既時候陰聲细氣,怕且三歲細佬都唔驚!

    俾佢地見到你兩個孔武有力既中國猛男,我諗嚇親d法國佬。而d法國女,會崇拜同幻想...

    回覆刪除
  55. 咦點解呢度d人,好似個個唔駛返工既?
    無時無刻都回應嚟回應去既?

    校長,F.2有班學生開片呀!

    教練,係咪咁樣踩呀(健身單車)?

    喂,幫我影印呢疊文件!

    回覆刪除
  56. Kaka, yes I still remember your OM look (as oppose to OL)

    I will let you know next time I come back so we will meet again and next time, bring Lau-long along to be 双佬合璧。

    回覆刪除
  57. 卡臣:
    其實....HKT10正是我紀錄緊香港文化特色語言啊!
    (莫非我記錯哂?)
    -->e~係wow...卡臣真係一言驚醒夢中人啦!kaka

    回覆刪除
  58. laulong

    巴黎俾咗暗示我哋
    應該係綠燈無障礙
    仲話我地中國猛男
    法國女會崇拜幻想
    咁下一步就約時間
    如果巴黎無心撚化

    ++++++

    巴黎

    點解我地隨時覆留言?
    因為friday afternoon
    holiday mood 泛濫
    開著一半視窗
    等放工

    回覆刪除
  59. desertfox

    yes, 我記得你穿黑色風褸短褲
    下次回來再聚啦
    仲叫埋成村人
    如果大家願意現身,出來聚一聚的話

    +++++

    佚名

    >e~係wow...卡臣真係一言驚醒夢中人啦!k
    =>呀!傷透了我的脆弱心靈
    我徒勞無功~~

    回覆刪除
  60. 卡臣:
    呀!傷透了我的脆弱心靈
    我徒勞無功~~
    -->嘜你唔知我又弱聽、又弱視,唔知會唔會弱能tim ar!
    所以你要體諒一下我啊><
    kaka

    回覆刪除
  61. F.2 有學生開片?無理由架,班友俾我睥到謝晒個咯噃!

    你收錯風喇,係 F.2 班老師開片呀,hahaha!

    回覆刪除
  62. 佚名

    好啦!我接受妳牽強的解釋
    我無返哂事啦!

    +++++

    Laulong

    係 F.2 班老師開片呀!
    班老師要求加薪
    但遭校方拒絕
    吓?要打校長添?
    唔阻你地啦!

    回覆刪除
  63. 唔係唔駛返工, 亦都唔係 friday afternoon, holiday mood
    只係已成工作既一部份....悶中作樂 

    巴黎..你都係覆得好快, 唔通你都係唔駛撈??

    回覆刪除
  64. 原來卡臣都係資深背包客,多多指教**!

    回覆刪除
  65. 爺爺:
    F.2 有學生開片?無理由架,班友俾我睥到謝晒個咯噃!
    -->開片,前日先見到3名男子,在商場中突然開片...唉~睇佢地個樣都有廿幾歲啦!

    卡臣:
    好啦!我接受妳牽強的解釋
    我無返哂事啦!
    -->嗚~><~...我咁樣踩自己都係牽強咋!
    卡臣好殘忍啊!

    回覆刪除
  66. "..你都係覆得好快, 唔通你都係唔駛撈??"

    自由,你應該明白:
    不自由,毋寧死!

    我一面做野一面回應,咪唔覺得悶、唔覺得自己冇自由囉!freelancer嘛!

    卡卡呢度真係好玩呀,一日唔嚟就好似若有所失,都唔知佢係咪用咗.....迷魂畫面。

    回覆刪除
  67. 自由

    妳名叫「自由行」
    一定係自由黨

    悶悶不樂? 唯有悶中作樂啦

    ++++++++

    denzel

    嘻嘻
    12年前,我相信你已經周為遨遊
    我?...世界之窗,錦繡中華..就有我份

    回覆刪除
  68. 佚名

    妳咁樣踩自己...梗係牽強啦!
    妳咁叻,無人信係真架!

    +++++++

    巴黎

    嘩!妳比起做緊刻板工作的我
    妳已經很自由啦!

    嘩!一日唔嚟就好似若有所失,
    => 妳唔好逗我開心喎!
    妳開心所以我開心

    >都唔知佢係咪用咗.....迷魂畫面。
    =>我落咗降頭.....返睇降

    回覆刪除
  69. 巴黎:

    >我一面做野一面回應,咪唔覺得悶、唔覺得自己冇自由囉!

    查實我個位係坐開左,所以我可以上網!(咁梗係攪掂晒先上黎坐)
    巴黎..你個blogd 花花相好靚.

    我都有咁諗過, 唔通卡臣識落降? 學森美話齋"每日唔睇唔舒服"

    回覆刪除
  70. 唓,打校長咋嘛,關我鬼事。

    我最鍾意揸杯茶喺走廊睇風景架啦,哈哈,我都唔鍾意阻人架!

    回覆刪除
  71. 自由

    我邊識落降吖?
    不綉鋼就識
    sorry, 不瘦鋼至真

    妳睇得開心我就開心

    +++++++

    校長

    are you ready?

    let's go go go!

    回覆刪除
  72. >>卡臣

    無block 無block! 不過係 y! design 有問題.. =.=; 我巢到 :

    http://hk.myblog.yahoo.com/jetaime-toujours/rss

    我總有辦法睇到ge... 我連justin都可以睇到...嘿. [ wordpress blocked ]

    >>巴黎旅客

    你又入咗我ge rss feed. haha, 慢慢 feed.

    > 咦點解呢度d人,好似個個唔駛返工既?
    > 無時無刻都回應嚟回應去既?
    我返工ga! =.=;

    回覆刪除
  73. 『你支筆咁得!
    (真係指支筆)
    幾時寫blog?
    我一定捧場!』

    多謝你讚我支筆(我都真係指支筆)。你呢度收視率高,我走嚟攝位博上鏡增加知名度咁就得,叫我擔正寫blog?到時一定只得你一個捧場嘞!加上我又唔識落『返睇降』!

    喫完「至暈飯局」就可以擔正做主角拍「良辰美景平安夜」,果然成為咗新寵。為咗唔影響博客卡臣日後嘅視途,我特此聲明:以上言論一律與blog主無關,如有影射抹黑,純屬對號入座。

    回覆刪除
  74. 卡臣:
    妳咁樣踩自己...梗係牽強啦!
    妳咁叻,無人信係真架!
    -->我邊度叻啊?中六都讀唔到!做小小野都手痛啊!今日又手痛啦!!@@

    回覆刪除
  75. 晨早 go 咗喇,衣家番咗屋企喇!

    回覆刪除
  76. lo哥

    你feed到巴黎就好啦
    巴黎真係好嘢嚟架!

    有工返都要吹吓水嘛!
    吊頸都要take a break!

    ++++++

    歪歪

    我呢度收視率一啲都唔高,
    其實只得你哋一班老友嚟坐之嘛!

    「良辰美景平安夜」<-不日上映呀
    大家等吓....(空頭支票)

    回覆刪除
  77. 佚名

    隻手又痛?
    保重呀~~~

    +++++++

    校長
    8:53先返到屋企?
    嘩!
    5:30-8:53
    you really have good time!!

    回覆刪除
  78. 中間校長去左超市買餸、711買報紙、去洗衣店囉西裝、仲買多支Egoïste、接聽左十數個電話....

    回覆刪除
  79. 哦~~

    校長
    都做咗好多嘢喎!

    紅酒呀~紅酒呀~

    回覆刪除
  80. 卡卡:

    紅酒呀紅酒等埋你。我地仲要求巴黎請啲靚靚空姐朋友一齊,hea hea, 你唔會忘記嗰啲 Companion ticket 吖!


    巴黎:

    係呀,我攞住啲百佳袋,一抽二 lung 去咗尖東海旁,諗住碰吓運氣,睇吓識唔識到女喇。

    哇,見到有兩個長髮披肩嘅熱褲美少女,咪行埋去囉,點知佢地瞄咗我一眼,就話啱喇,阿伯,哩個汽水罐俾你,嗰邊地下仲有兩個...

    我死喇我死喇,我收咗個罐 (唉,佢啲指甲仲塗到鬼咁靚),直頭想跳海呀!

    嗚嗚,我都話我係阿伯架喇!

    回覆刪除
  81. laulong
    '
    靚靚空姐朋友?
    仲有Companion ticket ?
    嘩!
    搭的士仆到嚟都制!!


    +++++

    劉劉

    你就唔啱啦!

    去尖東唔揾我?!
    等我行乞,你拾汽水罐
    大家有個照應嗎?!

    你係阿伯?
    好多人反對架
    起碼我反對
    (你啲頭髮仲烏黑過我)

    回覆刪除
  82. 唉,我係曾江呀!

    逐漸變黑又得,立即變黑又得!

    回覆刪除
  83. 卡臣:
    隻手又痛?
    保重呀~~~
    -->今日一樣手痛、腰痛、腳痛...由6點幾返工到放工都無停過order@@

    回覆刪除
  84. >等我行乞,你拾汽水罐
    大家有個照應嗎?!

    大陸行乞集團入侵尖東海旁?

    回覆刪除
  85. laulong

    如果你係曾江,
    我就係石堅

    +++++

    佚名
    由6點幾返工到放工都無停過order呀?
    快啲休息吓
    隻手唔好打keybroad囉~
    真心架

    +++++

    自由

    大陸行乞集團入侵尖東海旁
    無錯!
    仲會扮和尚,祈福,地上寫粉筆字

    回覆刪除
  86. 卡臣:
    隻手唔好打keybroad囉~
    真心架
    -->hehe...我呢排懶打返九方,單手打:P
    無辦法啦!我唔同卡臣吹水唔舒服啊!kaka

    回覆刪除
  87. 佚名

    同樣地
    我唔同妳吹水都唔舒服啊!

    回覆刪除
  88. 卡臣:
    同樣地
    我唔同妳吹水都唔舒服啊!
    -->哈哈!你睇你blog留言率就快可以創幾個一百個留言啦~~

    回覆刪除
  89. 托賴

    果時連載「紀漢醇」
    真係留言過百架~

    回覆刪除
  90. 卡臣:
    托賴

    果時連載「紀漢醇」
    真係留言過百架~
    -->哈哈!你度呢仲唔變水區...kaka

    回覆刪除

LinkWithin

Blog Widget by LinkWithin