~~~~~~~~~~~~~~~~







2008年9月11日 星期四

電話短訊

電話短訊

Rex在書房中密密按出手電短訊,
發出SMS後,隔了一會,手電震動,收到另一面回覆的一條短訊,
Rex看畢短訊後,便甜絲絲笑了出來,
坐在廳中的太太Angie,還懵然不知。

* * * * * * * * *

Rex和Angie婚後,每夜晚飯後,男的入書房上網,女的在廳中看DVD。
Angie是戲劇導師,Rex開燈飾零售店。
近日Rex搭上一名少女Patricia,Rex背着太太搞婚外情。
Patricia也知道Rex是有婦之夫,現代男女已不介意能否天長地久。

Rex躲在書房裡send SMS給Patricia,Patricia又回訊,打情駡俏。
Rex怕太太Angie會發覺,把Patricia的電話號碼存入自己的手電時,用上「Patrick」這個男士名字。
萬一太太翻查自己手電的通話紀錄時,只會見到Patrick這名「男士」經常出現;
Rex可以解釋Patrick是店舖經理,需要定時用SMS報告店舖的營業數目。
Rex更將每段send出及收到的SMS,看完後立即delete,一條也不留下半點痕跡。

但太太Angie有女性的第六感,點會唔知呢排春風滿面的Rex有古怪吖?
有一晚趁Rex去洗澡時,Angie入書房,偷偷地攞Rex的電話翻看通話紀錄,
見到最後撥出的電話屬於Patrick。
不過這些三腳貓的門面功夫,又怎可瞞得過當戲劇導師的Angie?
閱歷豐富的Angie,沒有半點情緒的波動,
返出客廳繼續看Woody Allen的1975年舊作《Love and Death》DVD,但心裡有數。

第二天晚上,Angie偷望到丈夫又在房中玩SMS,心裡盤算著。
趁Rex去洗澡時,將Rex手電「通訊錄」中Patrick一欄的電話號碼按「編輯」鍵,
Delete了原本的號碼,更改為9875 5612後,按「編輯完成」。
9875 5612正是Angie的電話號碼。
Angie將自己的手提電話調校致震機後,坐在廳中等待好戲上演。
她知道丈夫對數字不敏感,他根本記不起Patricia或Angie的號碼。
Rex call朋友時,100%倚靠手電的通訊錄。

Rex洗澡後,回到書房又靜靜地sent SMS。
Angie在廳中收到丈夫的短訊,是「想念妳」之類的肉麻情話。
Angie用SMS覆Rex:「我們性格不合,還是分手吧!我是認真的!」
Rex大為緊張!不消30秒,Rex覆SMS挽留Patricia,
Angie熄了電話,並立即走入書房,向丈夫說自己身體不適,需要早睡。
被太太殺個措手不及,嚇得打緊SMS的Rex手忙腳亂!電話都跌埋落地下。
因Angie熄了電話,Rex的SMS全部石沉大海,杳無音訊。

這夜,Rex思緒凌亂、輾轉難眠,睡在旁邊的太太當然從心裡笑出來。

第二天早上,Rex早上十時,上班離家後,落到街上第一時間打俾Patricia,
Angie見Rex來電,立即cut線,讓Rex的電話轉駁到「留言信箱」,
「你已經被接駁到9875 5612嘅留言信箱」,
Rex未察覺號碼已改變,在「留言信箱」留下一噸肉麻骨痺的情話,
Angie聽罷後,覺得十分滑稽,好笑多過好嬲!

早上11時,當Patricia主動打電話給Rex,
Rex接聽後,聽到是Patricia的聲音時,
開心到叫了出來:「妳終於肯覆我啦!我哋唔好分手啦!」Patricia莫名其妙?

Rex突然醒起Patricia剛才的「來電顯示」不是「Patrick」,
到這一刻才知道東窗事發!終於出了事!
Rex估計一定是被老婆拆穿,立即sent SMS到9875 5612:「我回太太身邊,我們分手吧!再會!是再也不再會面!」
希望老婆看完短訊後會息怒。
Angie見到Rex的短訊後,咀角輕輕微笑,事情正如她心中預計般發展。
Angie也覆了一個短訊給Rex:「你乖乖回太太身邊吧!我們永別了!」

* * * * * * * * *

傍晚Rex戰戰兢兢回到家中,Angie正在看一套法庭電影DVD,
Rex扮到若無其事,問Angie正在看什麼電影?
Angie答電影內容講一位出名資深女律師跟一名初出茅廬的男律師,
為一個充滿疑點的case對辯,在法庭上各出奇謀,鬥得難分難解!

Rex問:「咁最後邊個律師打贏呀?」
Angie:「套戲我睇到一半啫,女律師贏咗個case。」
Rex:「唔使問,一般電影橋段,男律師一定會再上訴,最後仲反敗為勝!」
Angie:「哈哈!你對男主角咁有信心?!我就覺得個結局都係女主角贏喎!」
Rex:「嘻嘻!好呀!咁我坐低陪妳一齊睇,睇吓最後邊個贏吖!」
Angie:「嗯!個男邊度夠個女鬥吖?」
Rex:「哼!未到最後一分鐘,都未知道結局!」

Rex 和Angie雙雙坐在沙發上,兩人雖然面向電視螢光幕,
但兩人用眼尾互相偷望對方,心裡盤算很多很多電影畫面以外的事情,
室內被電視屏幕照得忽光忽暗。



53 則留言:

  1. 我諗好多「EQ 高」的太太, 在發現老公有婚外情的時候, 必然難受, 但都不會即時發癲, 而係好似 Angie 咁, 冷靜對奕。

    又, 相信過半數婚外情, 都係靠一部手機露出馬腳。

    馮小剛的《手機》、葉念琛《獨家試愛》, 都是經典之作。

    回覆刪除
  2. 个女人是否真的爱她的丈夫? 就算EQ高的女人处理事情的时候很冷静, 但内心应该会是悲哀吧.

    回覆刪除
  3. 咁鬼啱架,我以前都有叫 Patricia 同 Angie 嘅女友,她們甚至在同一時段出現!

    卡卡,你寫 d 嘢同我經歷咁鬼暗合嘅!

    回覆刪除
  4. >Angie熄了電話,並立即走入書房,向丈夫說自己身體不適,需要早睡。

    書房訓覺?

    回覆刪除
  5. 渣估(陳豪)

    >相信過半數婚外情, 都係靠一部手機露出馬腳。
    ==>係呀! 我改咗用飛鴿傳書啦....
    .....點知誤點仲多!!


    馮小剛的《手機》、葉念琛《獨家試愛》之外, 還有陳木勝的 《保持聯絡》,
    吓?!
    套戲同婚姻無關?
    又係喎, sorry!

    +++++++++

    小瓶子

    所以我選了angie的職業是戲劇導師
    情緒控制,心理揣摩
    閱人無數,舞台悲歡離合
    令她看透,冷靜情緒,再謀對策

    因為....我都「掹車邊」做過吓戲嘛~~

    回覆刪除
  6. laulong

    其實我暗中幫你寫緊回憶錄


    >Patricia 同 Angie 嘅女友,她們甚至在同一時段出現!

    ===>嘩!嘩!嘩!
    我羡慕到不得了
    (口水在流中)

    +++++++++

    hana

    >書房訓覺?

    只是angie入書房通知老公一聲,她回睡房瞓

    無非安排angie入書房嚇一嚇rex唧!

    回覆刪除
  7. 卡臣:

    你似幫我舊同事寫多d, 佢又係整個男人名俾亞2..不過亞嫂無angie 咁醒同冷靜, 顛晒咁. 仲話想帶埋個女死..
    日日劇情都有高潮, 我地就好似睇台慶劇咁,但唔敢搭訕呀!

    回覆刪除
  8. 自由

    >:顛晒咁. 仲話想帶埋個女死..

    嘩! 唔好拖埋個女吖!

    唉~唉~

    回覆刪除
  9. 卡卡:

    仲抵死嘅係,Rex 又係我家用緊嘅手機牌子!

    有冇攪錯!咁翹都有?

    回覆刪除
  10. 卡臣:

    >唔好拖埋個女吖!
    爭d又多一宗滅門慘案

    師傳:
    仲抵死嘅係,Rex 又係我家用緊嘅手機牌子!
    呢個唔抵死,最抵死係你又咁o岩叫亞Rex!

    回覆刪除
  11. 精采 !

    我prefer 呢d 多過分幾篇好長個d 小說

    回覆刪除
  12. 流乜鬼口水吖,諗落都 18年前咯,嗰陣時煩到死,齊人,我冇資格做,再比我都唔制!

    不過唔同嘅係,主客互換, P 係正,A 係介入者。

    回覆刪除
  13. 小行:

    Rex 嘅角色唔好做,虛榮、歡愉不能抵上煩惱、吵鬧、傷害!

    回覆刪除
  14. 自由 / laulong

    >呢個唔抵死,最抵死係你又咁o岩叫亞Rex!

    吓!!!
    乜laulong個英文名又叫rex咩????

    又會咁蹺??!!
    真定假?

    ++++++++

    數奇門

    你鐘意「巴士椅背」?
    多謝先
    不過....我已寫了一些中篇(3集)

    回覆刪除
  15. Laulong

    嘩!18年前你的正印叫Patricia呀?
    好美的名字,(至少我認為係)

    > Rex 嘅角色唔好做,虛榮、歡愉不能抵上煩惱、吵鬧、傷害!

    ==>睇吓能否抵抗引誘啦!
    人都有意志薄弱的時候

    回覆刪除
  16. 過得今晚啫,呢兩夫妻以後又可以點呢!唉!

    回覆刪除
  17. 佢兩公婆份工太得閒,又唔進修,有時間攪呢攪路.

    男人得閒就好攪吓事業,有錢可以大條道攪女人:女仔自動飄來的啊!

    回覆刪除
  18. 卡臣:
    哈哈!很特別^^
    angie很理智呢...時代女性的表現!

    回覆刪除
  19. 歪歪

    >呢兩夫妻以後又可以點呢!唉!
    ==>呢兩夫妻咪繼續鬥智鬥力

    其實成個故事我最鐘意最後一段睇DVD
    語帶相關果段

    現實夫妻的對話都係單打有骨!

    +++++

    小妮
    >有錢可以大條道攪女人
    係咪真架?!
    成為我揾錢原動力!

    +++++


    佚名

    angie喜歡玩貓捉老鼠的遊戲

    回覆刪除
  20. 『其實成個故事我最鐘意最後一段睇DVD語帶相關果段

    現實夫妻的對話都係單打有骨!』

    可能你寫得太好,我就係覺得嗰段對話好得人驚。

    與其用咁嘅方式嚟表示大家心知肚明,不如攤開嚟講清楚,咁樣你可以大方原諒對方當無事,唔係嘅咪「省」佢一餐都好呀。

    單打有骨嘅說話唔可以講得幾耐㗎咋。

    回覆刪除
  21. 歪歪

    angie的心態是「你唔好以為我唔知,但我又唔當面踢爆,盞大家無癮,總之你好自為知啦」

    我覺得咁樣相處
    夫妻一定長久
    好過失控自殺吵大鑊吖

    回覆刪除
  22. 點解今期投票係男性專利既??

    回覆刪除
  23. 卡臣:
    angie喜歡玩貓捉老鼠的遊戲
    -->wa~angie既耐力好強,仲識邊捉老鼠邊奸笑!掂啊!夠冷靜!!

    回覆刪除
  24. 卡叔叔, 你的確係婚外情專家!

    回覆刪除
  25. Siliesala

    只要妳將「你」改成「妳」
    妳便可以照投票

    爭取投票權利啊! 民主萬歲!

    +++++++++

    佚名

    妳都幾似angie.....我估

    +++++{+{

    nost

    嘿嘿

    婚外情專家?
    我只得把口囉~~
    唉~~~~~~~~

    回覆刪除
  26. 我想,人總是贪新厭舊,如果遇到一個比妻子/丈夫更温柔體貼的第三者,很難抗拒吧!


    其實,大多婚後的夫婦,感情會隨着日子漸漸轉淡(拍拖也一樣),欠缺當初的甜言蜜語。這時候,突然有人以浪漫的文字短訊傳情,豈不心動呢。

    似乎,人都在追求失去的東西....

    卡少,這篇描寫主角心裡狀態很冷靜,鬥智。

    回覆刪除
  27. 卡臣:
    妳都幾似angie.....我估
    -->0.0哦~何以見得呢??

    回覆刪除
  28. 臣哥:
    返到香港,聽左朋友既故事,再睇返你既小說,只覺得:
    1. 你實在寫得太好!
    2. 響香港睇同響三藩市睇,感覺好唔一樣
    3. 我跟香港脫節了 @_@

    回覆刪除
  29. 巴黎

    welcome back to hk!

    剛從舊金山回來,便上來
    多謝!

    >這篇描寫主角心裡狀態很冷靜,鬥智。
    ==>其實男女關係唔使咁緊繃
    relax啲, 好似對冤家鬥智鬥力
    千祈唔要家庭暴力
    或自殺

    整蠱吓對方咪幾過癮~

    ++++++++

    佚名

    直覺啫~
    因為妳咁後生但又講嘢咁老積
    唔係衝動派
    咁這有條件成為angie一類....我猜

    ++++++++

    笑聽

    welcome back to hk!

    咁蹺你們兩位都從舊金山回來,真可寫成故事啊!

    1. 你實在寫得太好!
    =>嘩!當係你手信啦!承惠哂!

    2. 響香港睇同響三藩市睇,感覺好唔一樣
    =>我啲故事好地道
    你喺節奏慢,密度低,地方廣闊的三藩市睇
    共嗚少啲啦

    3. 我跟香港脫節了 @_@
    =咁你回港探親啫,唔係長住吖?!

    回覆刪除
  30. 咁又係,唔好當老婆蠢至得~ 最怕當人蠢,雖然我自己比人當蠢多 =.=;

    回覆刪除
  31. 卡臣:
    直覺啫~
    因為妳咁後生但又講嘢咁老積
    -->先讚後踩="=

    唔係衝動派
    咁這有條件成為angie一類....我猜
    -->我應該笑好定喊好啊??

    回覆刪除
  32. lo哥

    哈哈
    難得糊塗嘛!

    我都被人當蠢架
    是但啦!

    +++++++

    佚名

    -->我應該笑好定喊好啊??
    妳梗係要笑啦!!

    做人嘅嘢, 嘻嘻哈哈咪又一日
    係咪?!

    回覆刪除
  33. 卡臣
    妳梗係要笑啦!!
    做人嘅嘢, 嘻嘻哈哈咪又一日
    係咪?!

    -->哦~但我依家隻手又痛...大笑唔出...微笑啦^^

    回覆刪除
  34. 自由

    果然有家教
    有禮貌
    過時過節,同長輩問候一聲

    人間有情呀~~

    老人院啲姑娘送飯嚟啦
    咦!今日做節
    多隻鹹蛋.
    正呀

    回覆刪除
  35. 很有趣的古仔!
    硬係覺得佢地似係兵捉賊,多過兩公婆。
    如果真係愛對方,都係坦承D好。鬱埋係心個度唔係咁健康架。
    順祝中秋快樂!

    回覆刪除
  36. 你話:『angie的心態是「你唔好以為我唔知,但我又唔當面踢爆,盞大家無癮,總之你好自為知啦」

    我覺得咁樣相處
    夫妻一定長久
    好過失控自殺吵大鑊吖』

    我諗你其實係話:如果你俾阿嫂發現你响出面攪攪震,就千祈唔好『失控自殺吵大鑊』,係咁咦講啲『單打有骨』嘅說話就夠,咁之後呢就可以『繼續鬥智鬥力』,你會更加小心唔會俾佢發覺。

    我講中嘛?

    回覆刪除
  37. eric

    >都係坦承D好。鬱埋係心個度唔係咁健康架。
    =>但係我覺得「貓捉老鼠」有它的樂趣
    佢地都互相坦白
    不過只是有間接方法溝通唧

    我都祝你喺英國中秋快樂!

    ++++++++

    佚名

    祝妳中秋快樂,隻手好番!

    ++++++++++

    歪歪

    >我講中嘛?
    .
    .
    .
    .
    .
    .
    中哂呀衰人!
    簡直係我肚裡條虫添呀!

    回覆刪除
  38. 『中哂呀衰人!
    簡直係我肚裡條虫添呀!』

    中咗無獎不得止,仲叫我衰人𠻹!

    做你肚裡條虫我就更加唔想,諗到條虫嘅唯一出路,我會作嘔。

    祝你中秋節人月兩團圓!

    回覆刪除
  39. 歪歪

    我講笑唧!
    你玩得過呵?!

    祝你中秋節快樂!

    回覆刪除
  40. 卡臣:
    祝妳中秋快樂,隻手好番!
    -->只要返呢份工,手痛再所難免啊!我手部觸角敏感,小小熱、小小凍都拎唔到><
    成日比阿媽話大小姐!!但d野我一掂到真係覺得「辣手」ma!!

    回覆刪除
  41. 佚名

    妳係咪做:
    a)餐飲業
    b)打鐵
    c)炒栗子
    d)吹玻璃
    e)成衣燙衫
    ?

    回覆刪除
  42. 卡臣:
    妳係咪做:
    a)餐飲業
    b)打鐵
    c)炒栗子
    d)吹玻璃
    e)成衣燙衫
    ?
    -->um...多項選擇中有一答案是對的,你猜你猜對的答案是那一個...:P

    回覆刪除
  43. 佚名

    梗係a啦!
    其他b-d 都係「陪跑」嘛

    回覆刪除
  44. 『我講笑唧!
    你玩得過呵?!』

    吓,『玩得過』?!你當我係「迪士尼」定「海洋公園」呀?你係咪想話:你玩得嗰呵?!

    唔玩得我就唔會繼續同你講笑落去啦!你估我真係分唔出你講真定講笑咩!唔駛下下出嚟澄清喎!

    回覆刪除
  45. 卡臣:
    梗係a啦!
    其他b-d 都係「陪跑」嘛
    -->掩嘴偷笑中...哈哈哈!!
    咁我係咪應該讚卡臣好叻啊!:P

    回覆刪除
  46. 歪歪

    哈哈
    我唔係澄清!

    不過你唔似「迪士尼」或「海洋公園」
    你同我都似「荔園」,是上一代的事情了

    +++++

    佚名

    我邊到叻吖?
    叻偷懶,叻蛇王唧!

    回覆刪除
  47. 卡臣:
    你同我都似「荔園」,是上一代的事情了
    -->e~荔園我都去過wow...係唯一次,亦都係最後一次...過左無耐就清刪
    0.0...咁我咪好老~><~

    我邊到叻吖?
    叻偷懶,叻蛇王唧!
    -->哈哈!識偷懶既人先叻!者係唔會一味死做爛做啊!!

    回覆刪除
  48. 佚名

    荔園好似喺1999年拆卸

    喺我面前, 妳邊老吖?!

    回覆刪除
  49. 『你同我都似「荔園」,是上一代的事情了 』

    係吔,比「荔園」仲早收擋嘅係「啟德」,去過一次。

    唉,噏得出就証明我哋幾老呢!

    回覆刪除

LinkWithin

Blog Widget by LinkWithin