~~~~~~~~~~~~~~~~







2008年9月4日 星期四

朋友話…

朋友話…

朋友可以當作:水泡、擋箭牌、玩伴、老師、敵人、
免費工人、貸款公司、反面教材、心理醫生、等等,
朋友之間經常會講啲乜嘢呢?


第十位:「如果阿邊個去,我就去!」
朋友搞聚會,搞手打電話去約人,
朋友唔係一口答應,好無菱兩可咁回覆:「如果阿邊個去,我就去!」
擺明他心中只想見某一位朋友而已,
如果這一位朋友唔到,自己不出席也罷!

第九位:「講笑啫!」
朋友之間吹水,有時得意忘形講咗啲唔應該講嘅過份說話,
例如:他人秘密、攻擊性說話、會傷害人的心底真話,
呢個時候,就要補一句:「講笑啫!」嚟化解。
將已講出口的說話,來過軟性否定,叫聽者不要當真,
但撥出的水,又如何能收回?

第八位:「咪扮嘢啦!」
朋友有秘密,點知俾另一位朋友當眾揭穿,就會講:「咪扮嘢啦!」
例句1:「我知你升咗職,咪扮嘢啦!」
又或者朋友怕醜、口是心非,
例句2:「我知你鐘意食,食多啲啦!咪扮嘢啦!」

第七位:「我撐你呀!」
如果朋友的行動或決定,連帶為你帶來好處、合乎你的利益,
你就會對朋友的決定,堅定不移咁說:「我撐你呀!」
表面上給予朋友精神上的支持,實質多謝他帶給自己的好處!
甚至加強語氣:「今次我撐硬你呀!」

第六位:「見係你咋!」
朋友之間肝膽相照,
所以當給予朋友一些甜頭、方便、幫助之後,強調是為對方。
例如你定下的原則,特別為對方破例一次,你就強調:「見係你咋!」
以表示你對該位朋友的特別關照對待。
而對方就會回答:「果然夠friend!」

第五位:「Friend還friend」
朋友之間都有底線,不能過界!
如果朋友間相處出現火藥味,或者利益受到傷害,
某一方就會說:「Friend還friend,都唔可以咁過份吖?!」
「Friend還friend」的另一個意思就是:「數還數、路還路」
朋友借錢唔還,債主追問:「喂!Friend還friend,你幾時肯還錢呀?!」 

第四位:「唔使講咁多!」
朋友之間心靈相通,不用明言而盡在不言中!
例句1:朋友去酒吧遲到,正想解釋,朋友已說:「唔使講咁多!你自隊一杯先!」
或者朋友有誤會發生,
例句2:朋友:「唔使講咁多!唔使解釋!我估唔到你係咁嘅人!」
或者朋友需要幫忙,
例句3:「唔使講咁多!你快啲攞啲錢去深圳公安度,救返妳老公先啦!」

第三位:「電聯!」
朋友們相約去街,但時間地點仍未確定,
只好一句:「到時電聯!」
或者聚會完畢後,朋友們結集在Karaoke門口或酒樓門口前,
互相講:「第日再玩過,電聯!」
你電聯前,我電聯後,朋友們久久亦未能散去。
日後有冇電聯?就不得而知。

第二位:「你唔係咁同我講嘢吖?」
朋友之間互相對對方有寄望,
如果某一方說了一些令人失望或者火光的說話,
對方就回應說:「我無得罪你喎!你唔係咁同我講嘢吖?」
相反地,如果對方太過客氣太客套!客套到有點見外,
朋友就說:「多咩謝吖!我哋咁熟?你唔係咁同我講嘢吖?」

第一位:「係咪friend先?」
政府防止濫藥宣傳短片名句:「係咪friend先?」
向朋友提出請求或要求時,需要打出的人情牌,
「係咪friend先?係就借二十萬俾我!」
「係咪friend先?係就介紹啲Model俾我識!」
「係咪friend先?係就揸車順路兜我返屋企!」
「係咪friend先?係就同我一齊去劈友!」
「係咪friend先?係就唔好柴我台啦!」
咁,大家識做喇,唔好噓我吖!

53 則留言:

  1. 如果同好熟既fds 呢d句子一定出現
    如果唔熟既fd我會對佢地好客氣,但其實熟左我仲衰@@...
    知佢地鐘意d咩盡諒就佢地,
    食飯時好似男朋友咁問佢地想食咩?
    佢地一路食野一路望實佢地...
    然後佢地會問我"我塊面烏蹧左啊?好多時咁岩真係烏蹧左:P"
    佢地d野重得制幫佢地拎埋,唔想一個人返屋企,送佢地到屋企樓下...^^0
    去街唔識路,如果我識會去接佢地^^0
    發覺自己真係有點.....

    回覆刪除
  2. 佚名

    妳的性格都幾男仔
    又細心喎
    女身男心

    回覆刪除
  3. 卡臣:

    我地一定撐硬你場(blog)呀! 放心~

    回覆刪除
  4. 自由

    果然夠friend
    多謝妳肯撐場

    其實....我去小便都需要一手撐牆...

    回覆刪除
  5. 有些人幾十年朋友先搵你笨.搵完你笨又話"我地咁多年朋友,o個少少錢...".

    我專cup呢D人線.

    回覆刪除
  6. 小妮

    >搵完你笨又話"我地咁多年朋友,o個少少錢...".
    ==>唉~因財失義

    另,妳都幾經常CUT人電話噃!

    回覆刪除
  7. 話明係朋友,又點會當作敵人呀 @@"?

    仲有:

    「唔好係呢度講!打俾我!」

    「唔好理佢,唔係 friend 嚟架!」

    「嗱嗱嗱!係咪唔講得先?」

    「唉!果條女呢.....唉!大家 friend 費事講喇!」

    ......

    回覆刪除
  8. 卡臣:

    >其去小便都需要一手撐牆...
    推牆? 據聞係男人大忌喎...
    係咪fd 先? 係就要聽我講, 病向淺中醫!
    哈哈哈

    回覆刪除
  9. 有d人專向十幾年朋友埋手, 我就試過呀!
    好在...電視都有教: 向朋友say no, 先逃過一劫!!

    回覆刪除
  10. 真正嘅朋友:
    唔會同你計較
    唔會有異性無人性
    唔會剩係飲飲食食
    唔會有事鍾無艷
    唔係背後講壞話....

    深厚友情非一朝一夕,
    但多年好友可以成為陌路,
    相識短暫卻投缘交心。

    回覆刪除
  11. 巴黎旅客:

    >真正嘅朋友:
    唔會同你計較
    唔會有異性無人性
    唔會剩係飲飲食食
    唔會有事鍾無艷
    唔係背後講壞話....

    深厚友情非一朝一夕,
    但多年好友可以成為陌路,
    相識短暫卻投缘交心。

    以上所提既每樣野(反面), 同我相識十幾年既一個朋友全部犯晒....仲試過想搵我笨添! 雖然我同佢唔會絕交, 但心知佢變左, 其實心裡都覺可惜.
    其實做朋友同做情侶都係一樣,都要雙向o麻..
    只不過有d野唔係一個人就可以改變到!

    回覆刪除
  12. 世上大把平時唔搵人,冇錢(包括做左傳銷,保險,攪生活冇本,結婚挖人情)突然出現的人. 我好想問吓呢d人,冇錢你講咁多大計比我知把鬼?

    回覆刪除
  13. 大文

    >「嗱嗱嗱!係咪唔講得先?」
    ==>呢句..我常講呀!

    +++++

    自由

    >病向淺中醫!
    ==>就快切鬼咗佢

    >向朋友say no, 先逃過一劫!!
    ==>寶寶龍教妳講俾值得信任嘅人知道

    回覆刪除
  14. 巴黎

    >其實做朋友同做情侶都係一樣,都要雙向o麻..只不過有d野唔係一個人就可以改變到!
    ==>妳呢兩句
    要中我死穴
    眼淚都流下
    嗚~~嗚~~

    ++++++

    hana

    吓?
    妳識咁多朋友?!
    咁忙!
    咪扮嘢吖!

    回覆刪除
  15. 於兄:

    >要中我死穴
    眼淚都流下
    嗚~~嗚~~

    咪扮野呀! 邊有咁易中你死穴?

    回覆刪除
  16. 自由

    真架!
    我心傷無人知唧

    見人歡笑背人愁

    回覆刪除
  17. 卡卡:

    仲有一句:算把喇...

    開解朋友又得,窒人又得,幾好用架!

    回覆刪除
  18. 小行:

    >>推牆? 據聞係男人大忌喎...

    唔係架,慳力咋!

    喂喂喂,卡卡,咪切呀,你...你冇病架!

    回覆刪除
  19. Laulong

    >算把喇...
    ==>好用呀!
    唔開心嘢就forget it!

    >咪切呀,你...你冇病架!
    ==> 橫豎少用, 無所謂

    回覆刪除
  20. 我都好同意自由小姐既雙向哲理。

    無論友情、愛情,單方面付出真係無意思,大家心裡有數,知道邊d係情人 知已、邊d係可有可無 泛泛之交。

    烏旅客,你「見人歡笑背人愁」,我明白啦,原來你真係有兼職架...

    回覆刪除
  21. 卡臣:
    妳的性格都幾男仔
    又細心喎
    女身男心

    -->哈哈,我試過小學個時有個女仔fd「日日」要求我送佢返屋企,
    但唔係樓下,係「屋企門口」,
    仲要煲電話粥...="=...
    最後有一次佢迫我同佢去街,但我已經同佢講左唔得閒啦,但佢就係度發脾氣,仲佢扮聽唔到之餘,仲要cut我電話="=...
    我好無奈...但我的的確確唔得閒,所以最後我都無去到...
    但佢嬲左我足足一個月先同我講返野="=開口時仲要話我="=

    巴黎旅客:
    真正嘅朋友
    唔會同你計較
    唔會有異性無人性
    唔會剩係飲飲食食
    唔會有事鍾無艷
    唔係背後講壞話....

    深厚友情非一朝一夕,
    但多年好友可以成為陌路,
    相識短暫卻投缘交心。

    -->我認為真正既好朋友,就算唔見幾廿年都係好朋友!
    朋友ma...無計啦^^~除非你唔當我朋友者~~

    行姐:
    以上所提既每樣野(反面), 同我相識十幾年既一個朋友全部犯晒....仲試過想搵我笨添! 雖然我同佢唔會絕交, 但心知佢變左, 其實心裡都覺可惜.
    其實做朋友同做情侶都係一樣,都要雙向o麻..
    只不過有d野唔係一個人就可以改變到!

    -->雙向這個當然啦!一隻手拍不響ma~
    無論朋友、情侶、家人...等等關係也是如此。

    回覆刪除
  22. 巴黎

    >,你「見人歡笑背人愁」,我明白啦,原來你真係有兼職架...
    ==>半點朱唇任君嘗?
    啋!我有鬼資格做duck duck咩?!

    烏旅客上

    +++++++

    佚名

    >我試過小學個時有個女仔fd「日日」要求我送佢返屋企,係「屋企門口」,
    仲要煲電話粥...="=...
    ==>表面証供:
    妳好似係TB喎!
    係咪呀?
    妳係咪剪短頭髮架?
    妳係咪扎胸架?

    回覆刪除
  23. 卡臣:
    >我試過小學個時有個女仔fd「日日」要求我送佢返屋企,係「屋企門口」,
    仲要煲電話粥...="=...
    ==>表面証供:
    妳好似係TB喎!
    係咪呀?
    妳係咪剪短頭髮架?
    妳係咪扎胸架?
    -->我一路都係長頭髮的,唔駛扎胸~嗚~根本無野~><~
    我唔係TB...嗚~不過都可以ga~
    你睇我幾愛行姐同歌手就知啦~~hoho
    無得羨慕ga la~~

    回覆刪除
  24. 佚名

    >我唔係TB...嗚~不過都可以ga~
    你睇我幾愛行姐同歌手就知啦~~hoho
    無得羨慕ga la~~

    ==>我只好..含淚忍痛祝福妳啦

    回覆刪除
  25. 哈 講笑啫!
    你又要做舞臺劇又要健身又要返工,重邊度有時間兼職。
    話時話,你正職係唔係寫劇本?

    係咪friend先?
    幾時有新劇上演?

    回覆刪除
  26. 卡臣:
    ==>我只好..含淚忍痛祝福妳啦
    -->蝦...嘜咁客氣啊...

    巴黎旅客:
    哈 講笑啫!
    你又要做舞臺劇又要健身又要返工,重邊度有時間兼職。
    -->舞台劇...眼睛發亮中...嘜卡臣做舞台劇ga~^^~我要睇舞台劇,有冇免費入場睇啊??

    回覆刪除
  27. 巴黎

    >你正職係唔係寫劇本?
    ==>唔係呀!
    朝九晚六恤衫西褲刻板白領寫字樓工
    幾悶架!


    >係咪friend先?
    幾時有新劇上演?
    ==>梗係friend啦!仲使講?!
    今年十一月度啦
    東宮西宮...到時通知妳
    不過唔好睇唔好怪我吖!


    +++++++

    佚名

    >嘜卡臣做舞台劇ga~^^~
    實不相瞞
    我喺劇入面扮吓花扮吓樹扮吓路人咁
    啲社區街坊劇場唧~
    詳情請看blog label的:「我的演出」

    >我要睇舞台劇,有冇免費入場睇啊??
    ==>免費入場?
    一係妳做後台crew
    一係妳做埋演員囉

    回覆刪除
  28. >算把喇
    呢句真係好好用,簡單易明,用途廣泛...

    >唔係架,慳力咋!
    啊...慳力? 你係用隻腳企, 關隻手咩乜事???

    >橫豎少用, 無所謂
    咁你到時就真係慳力, 唔駛企, 有得坐..哈哈

    >你睇我幾愛行姐同歌手就知啦~~hoho
    無得羨慕ga la~~
    嘩..而家d後生真係敢作敢言, 後生可畏!

    >社區街坊劇場
    咪扮野呀!

    回覆刪除
  29. 先有「老細話…」然後「打工仔話…」,咁「朋友話…」之後係咪有「仇人話…」呢?

    回覆刪除
  30. 自由

    >嘩..而家d後生真係敢作敢言, 後生可畏!
    ==>咁妳即係接唔接受啫?

    >社區街坊劇場 咪扮野呀!
    ==>唉!妳睇過就知
    (如果妳有多餘的時間同錢)

    +++++++

    歪歪

    下集唔係「仇人話…」
    而係「x人話…」
    x=......

    回覆刪除
  31. 『下集唔係「仇人話…」
    而係「x人話…」
    x=......』

    咪扮嘢啦!係咪friend先?你唔係咁同我講嘢吖?

    回覆刪除
  32. 歪歪

    哈哈
    活學活用!

    「講笑啫!」
    「見係你咋!」
    一於講俾你聽.........
    ..................
    ..................
    「唔使講咁多!大家心照!」

    回覆刪除
  33. 『講笑啫!
    見係你咋!
    一於講俾你聽.............................................
    唔使講咁多!大家心照!』

    Friend還friend,都唔可以咁耍我吖!不過既然你話係『講笑啫!』,咁你寫「x人話…」我都撐硬你呀!

    回覆刪除
  34. 卡臣:
    詳情請看blog label的:「我的演出」

    -->哦~睇睇先~~

    ==>免費入場?
    一係妳做後台crew
    一係妳做埋演員囉
    -->哦~後台~我ok ga...因為我做過校園電台工作人員,都識音響燈光,應該好快上手~~

    演員啊,唔該我要扮石頭,但我唔扮樹ga!因為要舉住隻手,好累ga:P

    回覆刪除
  35. 卡臣:
    我幾鐘意睇舞台劇,但貴><
    特別鐘意歌劇,歌舞劇,默劇,文藝劇^^0...我鐘意d野好悶:P...如果有藝術成分同有意思,就更加鐘意~~

    回覆刪除
  36. 歪歪

    你撐我, 我都會撐你!
    互撐呀!

    +++++++++++
    佚名

    >但我唔扮樹ga!因為要舉住隻手,好累ga:P
    ==>唔使驚,而家香港啲樹光脫脫,或者生虫
    妳就咁企喺度就得

    >我鐘意d野好悶:P...如果有藝術成分同有意思,就更加鐘意~~
    ==>好呀!咁後生就搵到鐘意嘅興趣

    回覆刪除
  37. 卡臣:
    ==>唔使驚,而家香港啲樹光脫脫,或者生虫
    妳就咁企喺度就得
    -->="=...咁你自己扮飽佢啦
    我唔鐘意做「社會棟樑」:P

    ==>好呀!咁後生就搵到鐘意嘅興趣
    -->嗯嗯!係呢~咁幾時免費請我去睇你既舞台劇呢...hehe(奸笑中~)

    回覆刪除
  38. 朋友都有好多level,就算差點成為敵人,甚至升格為敵人,也可以稱為最唔close 的friend.

    所以"朋友話...",可必認真?

    Vincent

    回覆刪除
  39. 佚名

    >咁幾時免費請我去睇你既舞台劇呢...
    ==>嘿嘿~~研究一吓先

    +++++++++++

    vincent

    >所以"朋友話...",可必認真?
    ==>對呀
    做人都唔使太認真

    回覆刪除
  40. 卡臣:
    ==>嘿嘿~~研究一吓先
    -->好野~~

    回覆刪除
  41. >x人話
    正喎~ 幾時出呀?

    >唉!妳睇過就知
    (如果妳有多餘的時間同錢)

    如果我知道你幾時演出, 又有人有興趣一齊的話, 我實會黎撐你場~ 因為我想你係真心愛演話劇既人, 一定會用心去演.

    >唔使驚,而家香港啲樹光脫脫,或者生虫
    妳就咁企喺度就得.

    或者你企企下訓著跌落地都得, 呢期興"林"樹, 至緊要唔好責親卡兄就得.

    回覆刪除
  42. 哈哈, 仲有一句唔知算唔算, 就係...

    「拿, 呢度講, 呢度散...」

    回覆刪除
  43. 行姐:
    >x人話
    正喎~ 幾時出呀?
    -->係啦,幾時者

    (如果妳有多餘的時間同錢)
    我無蛇仔棟棟$.$

    如果我知道你幾時演出, 又有人有興趣一齊的話, 我實會黎撐你場~ 因為我想你係真心愛演話劇既人, 一定會用心去演.
    -->多謝行姐呢位觀眾,其實人生就是一個舞台,你也演著,我也演著~~

    妳就咁企喺度就得.
    -->="=(果然係社會棟樑......)

    或者你企企下訓著跌落地都得, 呢期興"林"樹, 至緊要唔好責親卡兄就得.
    -->我好輕咋...又矮又細粒="=

    回覆刪除
  44. 渣沽

    你呢期紅啦!
    晚晚930電視劇都見到你!
    渣沽~渣沽~

    +++++++++

    佚名, 自由

    下次有劇一定通知
    不過唔好睇就怪妳地自己時運低
    當睇盂難神功戲啦!

    回覆刪除
  45. 卡臣:
    下次有劇一定通知
    不過唔好睇就怪妳地自己時運低
    當睇盂難神功戲啦!
    -->我認為只要演者用心,看者一定能感受得到^^,我愛欣賞用心之作

    回覆刪除
  46. 佚名
    >我認為只要演者用心,看者一定能感受得到^^,我愛欣賞用心之作
    ==>咁就死啦!
    我做戲蝦碌多過食飯

    回覆刪除
  47. 卡臣:

    >我做戲蝦碌多過食飯
    咁..你準備接"蕃茄炒旦"...哈哈哈

    回覆刪除
  48. 卡臣:
    咁就死啦!
    我做戲蝦碌多過食飯
    -->咁要睇過先知啦!卡臣謙啦^^

    回覆刪除
  49. 自由 佚名

    爛蕃茄 + 臭旦?
    嘩! 都係唔通知妳地好啲

    er......我息影了

    回覆刪除
  50. 卡臣:
    爛蕃茄 + 臭旦?
    嘩! 都係唔通知妳地好啲
    -->嗚~唔係啊!我地話煮俾你食啊!番茄炒蛋啊!好食啊!
    ps:如果你夠膽放入口既話,應該幾多食ga...hehe

    er......我息影了
    -->息影??咩來架?

    回覆刪除
  51. 佚名

    息影??咩來架?

    =息影等於:唔再做戲/上台

    影星息影=影星不再拍電影

    回覆刪除

LinkWithin

Blog Widget by LinkWithin